અચાનક હવામાનમાં ફેરફારને કારણે રાજ્ય ધોરીમાર્ગ પર વૃક્ષો પડી ગયા

વડીયા તાલુકામાં આવેલા સ્ટેટ હાઇવે પર અચાનક વાતાવરણમાં પલટો આવતાં વરસાદ શરૂ થયો હતો શરૂઆતના વરસાદ સાથે તેજ પવન ફૂંકાતા રસ્તા પર અંદાજે 10 જેટલા નાના-મોટા વૃક્ષો ધરાશાઈ થયા હોવાની ઘટના સામે આવી છે. આ બનાવ કુંકાવાવ ચોકીથી વડીયા તરફ જતા સ્ટેટ હાઇવે પર નો વૃક્ષો રસ્તા વચ્ચે પડી જતા હાઇવે પર ટ્રાફિક થોડા સમય માટે પ્રભાવિત થયો હતો. ઘટનાની જાણ થતાં જ વડીયા પોલીસ તાત્કાલિક ઘટના સ્થળે દોડી આવી હતી અને પરિસ્થિતિને નિયંત્રિત કરવા માટે તાત્કાલિક કામગીરી હાથ ધરવામાં આવી હતી. પીઆઈ પી.ડી. ગોહિલના માર્ગદર્શન હેઠળ પોલીસ સ્ટાફે પોતે જ મેદાનમાં ઉતરીને પડેલા વૃક્ષોને હટાવવાની કામગીરી શરૂ કરી હતી અને ટૂંકા સમયમાં જ રસ્તા પર પડેલા વૃક્ષોને દૂર કરી ટ્રાફિક ફરીથી શરૂ કરવામાં સફળતા મેળવી લીધી હતી.