અંડર-19 વર્લ્ડ કપની સેમિફાઇનલમાં અફઘાનિસ્તાન સામે ટકરાશે ભારત

અંડર-19 વર્લ્ડકપ 2026 હવે તેના સૌથી રોમાંચક તબક્કામાં પહોંચી ગયો છે.ટૂર્નામેન્ટનો બીજો સેમિફાઇનલ ભારત અને અફઘાનિસ્તાન વચ્ચે બુધવાર, 4 ફેબ્રુઆરીના રોજ રમાશે.આ હાઇ-વોલ્ટેજ મેચ ઝિમ્બાબ્વેના હરારેમાં હરારે સ્પોર્ટ્સ ક્લબ ખાતે રમાશે, જ્યાં બંને ટીમો ફાઇનલમાં સ્થાન મેળવવા માટે લક્ષ્ય રાખશે. ભારતીય અંડર-19 ટીમે અત્યાર સુધી આ ટુર્નામેન્ટમાં અસાધારણ રીતે સારું પ્રદર્શન કર્યું છે.ભારત ગ્રુપ સ્ટેજમાં તેની બધી મેચ જીતીને ગ્રુપ બીમાં ટોચ પર રહ્યું છે. ટીમે યુએસએ, બાંગ્લાદેશ અને ન્યુઝીલેન્ડને હરાવીને તેની મજબૂત તૈયારી દર્શાવી. સુપર સિક્સ સ્ટેજમાં પણ ભારતે પોતાનું વર્ચસ્વ ચાલુ રાખ્યું. પહેલી મેચમાં ભારતે ઝિમ્બાબ્વેને 204 રનના મોટા માર્જિનથી હરાવ્યું, જ્યારે પાકિસ્તાન સામેની નિર્ણાયક મેચમાં ટીમે જીતવા માટે સંયમિત અને આત્મવિશ્વાસપૂર્ણ પ્રદર્શન કર્યું.