ઈરાને અમેરિકી યુદ્ધ જહાજ પર મિસાઈલ હુમલાની જાણ કરતાં વૈશ્વિક બજારોમાં ઉછાળો

ન્યૂયોર્ક: વૈશ્વિક રાજકારણ અને આર્થિક જગત માટે આજે માઠા સમાચાર સામે આવ્યા છે. મધ્ય પૂર્વ (મિડલ ઈસ્ટ) માં વધતા જતા તણાવ વચ્ચે ઈરાન દ્વારા અમેરિકી યુદ્ધ જહાજ પર મિસાઈલ હુમલાના અહેવાલોએ આખા વિશ્વમાં ખળભળાટ મચાવી દીધો છે. આ સમાચારની સીધી અસર શેરબજાર અને કોમોડિટી માર્કેટ પર જોવા મળી છે. અમેરિકી સ્ટોક ફ્યુચર્સ તેની શરૂઆતી તેજી ગુમાવીને મોટા ઘટાડા સાથે લાલ નિશાનમાં ટ્રેડ થઈ રહ્યા છે, જ્યારે કાચા તેલના ભાવમાં ભડકો થયો છે.હોર્મુઝની સામુદ્રધુનીમાં મિસાઈલ એટેકનો દાવોઈરાનની ન્યૂઝ એજન્સી ફાર્સના અહેવાલ મુજબ, હોર્મુઝની સામુદ્રધુનીમાં અમેરિકી યુદ્ધ જહાજે ઈરાની સેનાની ચેતવણીને અવગણી હતી, જેના જવાબમાં તેના પર બે મિસાઈલ છોડવામાં આવી હતી. ઈરાની સૈન્યએ એવો પણ દાવો કર્યો છે કે તેમણે અમેરિકી જહાજોને આ મહત્વપૂર્ણ જળમાર્ગમાં પ્રવેશતા અટકાવ્યા છે. આ ઘટનાને કારણે આખા વિસ્તારમાં યુદ્ધની સ્થિતિ વધુ ગંભીર બની ગઈ છે.ક્રૂડ ઓઈલ $114 ની સપાટીએ: મોંઘવારી વધવાની શક્યતાવિશ્વના સૌથી મહત્વના ઓઈલ શિપિંગ રૂટ પર હુમલાના સમાચાર આવતા જ આંતરરાષ્ટ્રીય બજારમાં બ્રેન્ટ ક્રૂડના ભાવ ૫ ટકાથી વધુ ઉછળીને બેરલ દીઠ ૧૧૪ ડોલરની આસપાસ પહોંચી ગયા છે. તેલના પુરવઠામાં વિક્ષેપ પડવાની આશંકાએ રોકાણકારોમાં ગભરાટ ફેલાયો છે. જો ક્રૂડના ભાવ આ જ રીતે વધતા રહેશે તો ભારત સહિતના દેશોમાં ઇંધણના ભાવમાં વધારો થવાની અને મોંઘવારી વકરવાની શક્યતા છે.બજારોમાં 'રિસ્ક-ઓફ' મોડ: ડોલર ઇન્ડેક્સ વધ્યોયુદ્ધના જોખમને જોતા રોકાણકારો હવે જોખમી મિલકતો (શેરબજાર) માંથી નાણાં પાછા ખેંચીને સુરક્ષિત ગણાતા અમેરિકી ડોલર અને સોના તરફ વળી રહ્યા છે. S&P 500 અને Nasdaq ફ્યુચર્સમાં ૦.૫ ટકા જ્યારે ડાઉ જોન્સ ફ્યુચર્સમાં ૦.૮ ટકાનો ઘટાડો નોંધાયો છે. આની અસર ભારતીય બજારના 'ગિફ્ટ નિફ્ટી' પર પણ જોવા મળી હતી, જે ૧૧૫ પોઈન્ટ તૂટીને ૨૪,૦૯૦ ના સ્તરે પહોંચી ગયો હતો.યુરોપિયન બજારો પણ દબાણમાંઅમેરિકા અને ઈરાન વચ્ચેના આ સૈન્ય સંઘર્ષની અસર યુરોપના શેરબજારો પર પણ પડી છે, જે હાલમાં લાલ નિશાનમાં કારોબાર કરી રહ્યા છે. વિશ્વભરના અર્થશાસ્ત્રીઓ અત્યારે આ સ્થિતિ પર નજર રાખી રહ્યા છે, કારણ કે જો આ સંઘર્ષ વધુ લાંબો ચાલશે તો વૈશ્વિક આર્થિક રિકવરીને મોટો ફટકો પડી શકે છે.