ગુજરાત બોર્ડે ધોરણ 12ની પૂરક પરીક્ષાનું પરિણામ અને સમયપત્રક જાહેર કર્યું

Article Class 12 Supplementary Exam 2026:ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ-12 વિજ્ઞાન પ્રવાહ અને સામાન્ય પ્રવાહનું પરિણામ જાહેર કરી દેવામાં આવ્યું છે. આ વર્ષે વિજ્ઞાન પ્રવાહનું 84.33% અને સામાન્ય પ્રવાહનું 92.71% પરિણામ નોંધાયું છે. જે વિદ્યાર્થીઓ આ પરીક્ષામાં ઉત્તીર્ણ નથી થઈ શક્યા અથવા જેઓ પોતાના ગુણથી સંતુષ્ટ નથી, તેમના માટે બોર્ડે 'બેસ્ટ ઓફ ટુ' હેઠળ પૂરક પરીક્ષાની જાહેરાત કરી છે. વર્ષ ન બગડે તે હેતુથી પૂરક પરીક્ષાનું આયોજન શિક્ષણ બોર્ડના જણાવ્યાનુસાર, નાપાસ થયેલા વિદ્યાર્થીઓનું શૈક્ષણિક વર્ષ ન બગડે તે હેતુથી આગામી જૂન મહિનામાં પૂરક પરીક્ષાનું આયોજન કરવામાં આવશે. આ પરીક્ષામાં વિદ્યાર્થીઓ બે વાર પરીક્ષા આપી શકશે અને જે પરીક્ષાનું પરિણામ સારું હશે તેને માન્ય રાખવામાં આવશે. બોર્ડ દ્વારા આજથી જ આ કામગીરી માટેની તૈયારીઓ શરૂ કરી દેવામાં આવી છે.