ગુજરાતમાં ગરમીનું મોજું ફરી વળ્યું; હવામાનની આગાહીમાં ફેરફાર અને ચોમાસા પહેલાની પ્રવૃત્તિઓની આગાહી

ગુજરાતમાં ગરમીનું પ્રમાણ વધી રહ્યું છે. ગરમ પવનને કારણે ઉકળાટની અસર જોવા મળી છે. વેસ્ટર્ન ડિસ્ટર્બન્સને કારણે ઉકળાટની સ્થિતિ અનુભવાઈ રહી છે. રાજ્યમાં મહત્તમ તાપમાનમાં એકથી બે ડિગ્રીનો ઘટાડો થયો છે. બીજી તરફ રાજકોટમાં આકરા તાપ સાથે લૂ વરસાવતા ગરમ પવન ફૂંકાયા છે. શહેરમાં હજુ પણ તાપમાનમાં વધારો થઈ શકે છે. હવામાન નિષ્ણાંત અંબાલાલ પટેલની આગાહી પ્રમાણે 4થી 8મે દરમિયાન રાજ્યમાં હવામાનમાં પલટો આવશે. હવામાન નિષ્ણાંત અંબાલાલ પટેલની આગાહી પ્રમાણે રાજ્યમાં 4થી 8મે દરમિયાન રાજ્યમાં હવામાન પલટાશે. રાજ્યના કેટલાક વિસ્તારોમાં ભારે પવન અને કરા સાથે વરસાદ થવાની શક્યતાઓ છે. 11થી 20મે દરમિયાન તીવ્ર ગરમી પડી શકે છે. તાપમાન 44થી 45 ડિગ્રી સુધી પહોંચી શકે છે. મે મહિનાના મધ્ય ગાળામાં પ્રિમોન્સૂન પ્રવૃત્તિ વધવાની શક્યતાઓ છે. બંગાળની ખાડીમાં ચક્રવાત બનવાની શક્યતા છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા જાહેર કરવામાં આવેલા ધોરણ 12 ના પરિણામોમાં ડાંગ જિલ્લાએ ઇતિહાસ રચી દીધો છે. ધોરણ 12 સામાન્ય પ્રવાહમાં ડાંગ જિલ્લો સમગ્ર રાજ્યમાં 97.88% સાથે પ્રથમ ક્રમે રહ્યો છે. આટલું જ નહીં, વિજ્ઞાન પ્રવાહમાં પણ ડાંગ જિલ્લાએ રાજ્યના ટોચના જિલ્લાઓમાં સ્થાન મેળવતા આઠમો ક્રમ હાંસલ કર્યો છે. અંતરિયાળ ગણાતા આ જિલ્લાના વિદ્યાર્થીઓએ પોતાની મહેનતથી સાબિત કરી દીધું છે કે સુવિધાઓ કરતા સંકલ્પ શક્તિ વધુ મહત્વની છે. જિલ્લાના મુખ્ય મથક આહવાની રહેવાસી પ્રાચી ટંડેલે વિજ્ઞાન પ્રવાહમાં 97.54% (99.99 પર્સન્ટાઈલ) મેળવી જિલ્લામાં પ્રથમ નંબર મેળવ્યો છે. પ્રાચીની આ સિદ્ધિ એટલા માટે ખાસ છે કારણ કે તેણે કોઈ પણ મોંઘા ટ્યુશન ક્લાસીસ રાખ્યા વગર માત્ર શાળાના શિક્ષકો અને માતા-પિતાના માર્ગદર્શન હેઠળ જ આ સફળતા મેળવી છે. પોતાની સફળતા વિશે વાત કરતા પ્રાચીએ જણાવ્યું હતું કે, તે ભવિષ્યમાં સખત મહેનત કરીને IAS ઓફિસર બની દેશની સેવા કરવા ઈચ્છે છે. ડાંગ જિલ્લાના આ ઐતિહાસિક પરિણામથી સમગ્ર પંથકમાં ખુશીનો માહોલ જોવા મળી રહ્યો છે. સામાન્ય પ્રવાહમાં રાજ્યમાં પ્રથમ અને વિજ્ઞાન પ્રવાહમાં આઠમો ક્રમ મેળવવો એ ડાંગના શૈક્ષણિક સ્તરમાં થયેલા સુધારાનું પ્રતીક છે. આ સફળતા પાછળ જિલ્લાના કર્મનિષ્ઠ શિક્ષકોની મહેનત અને વિદ્યાર્થીઓની ધગશ જવાબદાર છે. સોશિયલ મીડિયા અને સ્થાનિક કક્ષાએ પ્રાચી ટંડેલ સહિતના તમામ તેજસ્વી વિદ્યાર્થીઓ પર અભિનંદન વર્ષા થઈ રહી છે. ગુજરાતના વધુ સમાચાર વાંચવા માટે ક્લિક કરો ડાંગ જિલ્લાના સાપુતારા પોલીસ સ્ટેશનમાં નોંધાયેલા આર્મ્સ એક્ટના ગંભીર ગુનામાં છેલ્લા ચાર વર્ષથી નાસતા-ફરતા આરોપીને ઝડપી પાડવામાં લોકલ ક્રાઇમ બ્રાન્ચ (LCB) ને મોટી સફળતા મળી છે. સુરત વિભાગના પોલીસ મહાનિરીક્ષક પ્રેમવીર સિંહ અને ડાંગ જિલ્લા પોલીસ અધિક્ષક પૂજા યાદવના માર્ગદર્શન હેઠળ, LCB ડાંગ-આહવાની ટીમે ઓપરેશન પાર પાડીને વોન્ટેડ આરોપી રામદાસભાઈ પરશુરામ રહાણે (ઉંમર વર્ષ 49) ને મહારાષ્ટ્રના સંગમનેર ખાતેથી દબોચી લીધો છે. આરોપી રામદાસ રહાણે વિરુદ્ધ વર્ષ 2022માં સાપુતારા પોલીસ મથકે IPCની કલમ 342, 114 તથા આર્મ્સ એક્ટ અને જી.પી. એક્ટની વિવિધ કલમો હેઠળ ગુનો નોંધવામાં આવ્યો હતો. ધરપકડથી બચવા માટે આરોપી સતત પોતાની ઓળખ છુપાવતો હતો. જોકે ડાંગ LCBની ટીમે હ્યુમન ઈન્ટેલિજન્સ અને ટેકનિકલ સર્વેલન્સના આધારે મહારાષ્ટ્રના નાશિક અને સંગમનેર વિસ્તારમાં સતત રેકી કરી હતી અને આખરે ચોક્કસ લોકેશન મળતા પોલીસે છાપો મારીને આરોપીને તેના વતન સંગમનેરથી ઝડપી પાડ્યો હતો. લાંબા સમયથી પોલીસને હાથતાળી આપી રહેલા આ આરોપીની ધરપકડ બાદ ડાંગ પોલીસે આગળની કાયદેસરની કાર્યવાહી હાથ ધરી છે. પકડાયેલ આરોપીને હાલ સાપુતારા પોલીસ સ્ટેશનને સોંપવામાં આવ્યો છે, જ્યાં તેની સઘન પૂછપરછ કરવામાં આવશે. આ કામગીરી દ્વારા ડાંગ પોલીસે ગુનાખોરી ડામવા અને નાસતા-ફરતા અપરાધીઓને પકડવાની પોતાની પ્રતિબદ્ધતા ફરી એકવાર સાબિત કરી છે. ગુજરાતના વધુ સમાચાર વાંચવા માટે ક્લિક કરો