દ્વારકા ધારાસભ્યએ અનુસૂચિત જાતિ સમુદાય હોલની ફાળવણી અંગે ફરિયાદની માંગ કરી

દ્વારકાના ધારાસભ્ય પબુભા માણેક દ્વારા તેમના લેટરપેડ પર અનુસુચિત જાતિ માટે પ્રતિબંધિત શબ્દોનો ઉપયોગ કરતા પોરબંદરના આગેવાને રાજકોટના રેન્જ આઈ.જી અને ગૃહમંત્રીને રજુઆત કરી ફરિયાદ નોંધાવવા માંગ કરી છે. પોરબંદરના અનુસુચિત જાતિના આગેવાન વાલજીભાઈ વેજા ભાઈ પાંડાવદરા સહિતના આગેવાનોએ રાજકોટ રેન્જ આઈ.જી અને ગૃહમંત્રીને લેખિત રજુઆત કરી જણાવ્યું છે કે દ્વારકા કલ્યાણપુરને ધારાસભ્ય પબુભા માણેક દ્વારા દ્વારકા જિલ્લા આયોજન અધિકારીને પોતાના લેટરપેડ દ્વારા લેખિતમાં જણાવેલ કે દ્વારકા જિલ્લાના ટુપણી ગામના અનુસુચિત જાતિ વિસ્તારમાં કોમ્યુનિટી હોલનું બાંધકામ કરવા માટે પાંચ લાખ રૂપિયા જિલ્લા આયોજન મંડળ દ્વારકા જિલ્લાને ફાળવવામાં આવે છે જે પત્રમાં અનુસુચિત જાતિ માટે ગેર બંધારણીય શબ્દોનો લેખિતમાં ઉપયોગ કરવામાં આવ્યો હોવાથી ધારાસભ્ય પભુભા માણેક સામે એસ્ટ્રોસિટી એક્ટ મુજબ કાયદેસરનાપગલાં લઈ ગુનો દાખલ કરવા માંગ કરી હતી તેમજ જો એફ.આઇ.આર. દાખલ કરવામાં નહીં આવે તો નામદાર કોર્ટનો સહારો લેવાની પણ ચીમકી ઉચ્ચારી હતી.