પશ્ચિમ બંગાળમાં ભાજપે પ્રથમ વખત સરકાર બનાવી, ટીએમસીએ બહુમતી ગુમાવી

બંગાળની 293 બેઠકોના પરિણામો આવી ગયા છે. ભાજપ રાજ્યમાં પહેલીવાર સરકાર બનાવવા જઈ રહ્યું છે. ભાજપને 206 બેઠકો મળી છે, જ્યારે મમતાની પાર્ટી TMC માત્ર 81 બેઠકો પર સમેટાઈ ગઈ છે. 2021ની વિધાનસભા ચૂંટણીની સરખામણીએ TMCને 134 બેઠકોનું નુકસાન થયું છે. કોંગ્રેસના ખાતામાં 2 બેઠકો આવી છે, જ્યારે બે બેઠકો હુમાયુ કબીરની પાર્ટી 'આમ જનતા ઉન્નયન પાર્ટી'એ જીતી છે. અન્યના ફાળે બે બેઠકો ગઈ છે. ભવાનીપુરથી સુવેન્દુ અધિકારીએ મમતા બેનર્જીને 15,114 મતોથી હરાવ્યા છે. સુવેન્દુ સામે આ તેમની સતત બીજી હાર છે. 2021ની વિધાનસભા ચૂંટણીમાં સુવેન્દુ નંદીગ્રામથી મમતા સામે જીત્યા હતા. બંગાળમાં કુલ 294 વિધાનસભા બેઠકો છે, જેમાંથી એક બેઠક ફાલતા પર 21 મેના રોજ ફરીથી મતદાન થશે. તેનું પરિણામ 24 મેના રોજ આવશે. બંગાળનો બદલાતો ચૂંટણી નકશો 11 રાજ્યોમાં ભાજપ બહુમતીમાં, 12 રાજ્યોમાં સરકારમાં સામેલ બંગાળમાં ભાજપ જીત તરફ, ગુજરાતમાં ઝાલમુરીની પાર્ટી પશ્ચિમ બંગાળ વિધાનસભા ચૂંટણીના પ્રારંભિક વલણોમાં ભારતીય જનતા પાર્ટી બહુમતી તરફ આગળ વધતા તેની અસર દક્ષિણ ગુજરાતના નવસારીમાં પણ જોવા મળી. નવસારીમાં વસતા બંગાળી સમાજના લોકો અને સ્થાનિક શ્રમિકોએ ભાજપના પ્રદર્શનને પરંપરાગત વાનગીઓ વહેંચીને વધાવી લીધું.સંપૂર્ણ સમાચાર માટે અહીં ક્લિક કરો.. ભાજપ કાર્યકર્તાઓના જશ્નની 3 તસવીરો… આસામ, તમિલનાડુ, કેરલમ અને પુડુચેરીના ચૂંટણી પરિણામો જાણવા માટે અહીં ક્લિક કરો બંગાળ ચૂંટણી પરિણામ સંબંધિત પળેપળની અપડેટ્સ માટે નીચેના બ્લોગ પર જાઓ… રાહુલે X પર લખ્યું- આસામ અને બંગાળમાં BJPએ ચૂંટણી પંચની મદદથી ચૂંટણી ચોરી છે. અમે મમતાજી સાથે સહમત છીએ. બંગાળમાં 100થી વધુ બેઠકો ચોરી કરવામાં આવી. અમે આ રીત પહેલા પણ જોઈ છે- મધ્ય પ્રદેશ, હરિયાણા, મહારાષ્ટ્ર અને લોકસભા 2024માં પણ આવું જ થયું છે. ચૂંટણી ચોરી, સંસ્થા ચોરી હવે બીજો કોઈ ઉપાય શું છે. બહેરામપુર બેઠક પરથી હારનો સામનો કર્યા બાદ કોંગ્રેસના વરિષ્ઠ નેતા અધીર રંજન ચૌધરીએ પ્રતિક્રિયા આપતા જણાવ્યું છે કે, હાલ બંગાળમાં ભગવો લહેર જોવા મળી રહી છે. તેમણે કહ્યું કે, અમે કોંગ્રેસ પાર્ટી તરફથી પૂરી તાકાત સાથે ચૂંટણી લડ્યા હતા. અધીર રંજન ચૌધરીએ વધુમાં ઉમેર્યું હતું કે, તેમણે પહેલા જ સ્પષ્ટ કર્યું હતું કે કોંગ્રેસને ફરીથી બેઠી કરવા અને તેને બચાવવા માટે તેઓ મુર્શિદાબાદ, માલદા, દિનાજપુર અને પુરુલિયા જેવા વિસ્તારોમાં પૂરતા પ્રયત્નો કરશે. તેમનો મુખ્ય ઉદ્દેશ્ય બંગાળના આ વિસ્તારોમાં પાર્ટીના અસ્તિત્વને ટકાવી રાખવાનો છે. મમતા બેનર્જી ભવાનીપુરના કાઉન્ટિંગ સેન્ટરમાંથી બહાર નીકળી ગયા. તેમણે કહ્યું કે, BJPએ 100થી વધુ બેઠકો લૂંટી લીધી છે. ચૂંટણી પંચ, BJPનું પંચ બની ગયું છે. મેં બંગાળના મુખ્ય ચૂંટણી અધિકારી મનોજ અગ્રવાલને પણ ફરિયાદ કરી. પરંતુ તેઓ કંઈ કરી રહ્યા નથી. શું તમને લાગે છે કે આ જીત છે? આ એક અનૈતિક જીત છે. ચૂંટણી પંચે કેન્દ્રીય દળો, વડાપ્રધાન અને ગૃહમંત્રી સાથે મળીને જે કંઈ પણ કર્યું છે તે સંપૂર્ણપણે ગેરકાયદેસર છે. આ લૂંટ છે, લૂંટ છે, લૂંટ છે. અમે પાછા આવીશું. બહરામપુરથી કોંગ્રેસ નેતા અધીર રંજન ચૌધરી ચૂંટણી હારી ગયા. ભાજપના ઉમેદવાર શુભ્રત મૈત્રાએ તેમને 17548 મતોના અંતરથી હરાવ્યા. પીએમ મોદીએ કહ્યું- ગયા વર્ષે 14 નવેમ્બરે જ્યારે બિહાર ચૂંટણીના પરિણામો જાહેર થયા હતા. ત્યારે મેં BJP મુખ્યાલયમાં આ જ જગ્યાએથી કહ્યું હતું કે ગંગા બિહારથી લઈને ગંગાસાગર સુધી વહે છે. આજે, બંગાળમાં જીત સાથે ગંગોત્રીથી લઈને ગંગાસાગર સુધી દરેક જગ્યાએ કમળ ખીલી રહ્યું છે. હાવડાના ડુમુરજલા વિસ્તારમાં TMC કાર્યાલયમાં તોડફોડ કરવામાં આવી. ખુરશીઓ-બારીઓ તોડી નાખવામાં આવી. પાર્ટીનો ઝંડો રસ્તા પર ફેંકી દેવામાં આવ્યો. સાંજે 7 વાગ્યાના વલણો મુજબ, બે બેઠકો પર 1000થી ઓછા મતોનો તફાવત છે. જ્યારે 7 બેઠકો પર 1000થી 5000 મતોનો તફાવત છે. ભવાનીપુરમાં BJP ઉમેદવાર સુવેન્દુ અધિકારીના મુખ્ય ચૂંટણી એજન્ટ સૂર્યનિલ દાસે કહ્યું કે, મમતા બેનર્જી પોતાના મોબાઈલ ફોન સાથે અને ID કાર્ડ વગર પરિસરમાં દાખલ થયા. ચૂંટણી પંચે ફરજિયાત કર્યું છે કે ID કાર્ડ પર એક QR કોડ હોવો જોઈએ, જેને મતગણતરી હોલમાં પ્રવેશની મંજૂરી આપતા પહેલા સ્કેન કરવું જરૂરી છે. જો તેમની પાસે ID કાર્ડ નહોતું, તો તેમને અંદર જવાની મંજૂરી કેવી રીતે આપવામાં આવી? તેમને ફોન લઈ જવાની મંજૂરી કેવી રીતે મળી? જ્યાં સુધી એ નક્કી ન થાય કે આ કોણે કર્યું, ત્યાં સુધી મતગણતરી નહીં થાય. બંગાળ પોલીસ પોતાની જવાબદારી ભૂલી ગઈ છે. મમતા બેનર્જી નિયમોનું ઉલ્લંઘન કરી રહ્યા છે. પશ્ચિમ બંગાળમાં કમળ ખીલી ગયું! 2026ની પશ્ચિમ બંગાળ વિધાનસભા ચૂંટણી હંમેશા યાદ રહેશે. જનતાની શક્તિનો વિજય થયો છે અને BJPની સુશાસનની રાજનીતિ સફળ રહી છે. હું પશ્ચિમ બંગાળના દરેક વ્યક્તિ સમક્ષ નતમસ્તક છું. પશ્ચિમ બંગાળમાં બાબરી મસ્જિદ બનાવનાર આમ જનતા ઉન્નયન પાર્ટીના નેતા હુમાયુ કબીર બંને બેઠકો પરથી જીતી ગયા છે. કબીર રેજીનગર અને નૌદાથી ચૂંટણી લડ્યા હતા. પશ્ચિમ બંગાળના મુખ્ય સચિવે તમામ વિભાગીય સચિવો અને ઓફિસ હેડને આદેશ જાહેર કર્યો છે. તેમાં કહેવામાં આવ્યું છે કે કોઈપણ સરકારી ઓફિસમાંથી કોઈ પણ ફાઈલ કે કાગળ ગાયબ ન થવો જોઈએ. પીએમ મોદીએ ઝારગ્રામમાં વિક્રમ સાયની દુકાન પર ઝાલમુરી ખાધી હતી. વિક્રમે આજે આખો દિવસ પોતાની દુકાન બંધ રાખી. સાંજે વલણોમાં ભાજપની જીત પછી તેઓ દુકાન પર આવ્યા. કૂચ બિહારના દિનહાટા ટાઉન બ્લોક TMC અધ્યક્ષ બિશુધરનો આરોપ છે કે ભાજપના કાર્યકરોએ તેમના પર હુમલો કર્યો. પાનીહાટી બેઠક પરથી આરજીકર રેપ પીડિતાની માતા રત્ના દેબનાથ લગભગ 20 હજાર મતોથી આગળ ચાલી રહ્યા છે. ભવાનીપુરના સખાવત સ્કૂલ મેમોરિયલ કાઉન્ટિંગ સેન્ટરમાં લગભગ 45 મિનિટ સુધી મતગણતરી અટકી હતી. જોકે, હવે તે ફરી શરૂ થઈ ગઈ છે. અભિષેક બેનર્જી પણ આવ્યા હતા, જેમને રોકી દેવામાં આવ્યા. બંને ઉમેદવારો સુવેન્દુ અધિકારી અને મમતા બેનર્જીને ફોન જમા કરાવીને અંદર જવા દેવામાં આવ્યા છે. ભાજપે અત્યાર સુધીમાં 6 બેઠકો જીતી લીધી છે. જેમાં મેદિનીપુર, કાલિમપોંગ, દાર્જિલિંગ, મોન્ટેશ્વર, ભતર, આસનસોલ દક્ષિણનો સમાવેશ થાય છે. મમતા બેનર્જી ભવાનીપુરના કાઉન્ટિંગ સેન્ટર પહોંચ્યા છે. સુવેન્દુ પણ અહીં હાજર છે. બંગાળમાં ભાજપે પહેલી બેઠક જીતી લીધી છે. મોન્ટેશ્વર બેઠક પરથી ભાજપના સૈકત પાંજાએ ટીએમસી ઉમેદવારને 14798 મતોના અંતરથી હરાવ્યા. કોલકાતાના સોલ્ટ લેક સ્થિત ભાજપ કાર્યાલયમાં ઉત્સાહનો માહોલ છે. પાર્ટીના વરિષ્ઠ નેતાઓ સુનીલ બંસલ, બિપ્લવ કુમાર દેવ, મંગલ પાંડે, રાહુલ સિંહા, અમિત માલવિયા, નિશિકાંત દુબે, સંજય જયસ્વાલ અને સતીશ ગૌતમ હાજર છે. કાર્યકરો કાર્યાલય પરિસરમાં ઉજવણી કરતા જોવા મળ્યા. બગદાથી તૃણમૂલ કોંગ્રેસના ઉમેદવાર મધુપર્ણા ઠાકુરે આરોપ લગાવ્યો કે મુસ્લિમ બૂથો પર TMCનું પાછળ રહેવું અશક્ય છે. આ એ વાતનો સંકેત છે કે EVMને હેક કરવામાં આવ્યું છે. 10મા રાઉન્ડ પછી નંદીગ્રામમાં સુવેન્દુ અધિકારી 14,631 મતોથી આગળ ચાલી રહ્યા છે. ભારતીય જનતા પાર્ટીના કાર્યકરોએ કોલકાતાના 6 મુરલીધર સેન લેન સ્થિત પાર્ટી મુખ્યાલયમાં ઝાલમુરી સાથે ઉજવણી કરી. જમ્મુ-કાશ્મીરમાં PDP નેતા ઇલ્તિજા મુફ્તીએ પશ્ચિમ બંગાળમાં આવેલા વલણોને ધોળા દિવસે લૂંટ ગણાવી. ઇલ્તિજાએ કહ્યું કે આ ચૂંટણી શરૂઆતથી જ નિષ્પક્ષ નહોતી. આસનસોલના જામુડિયા વિસ્તારમાં અંતિમ ચૂંટણી પરિણામો આવે તે પહેલાં જ તણાવ વધી ગયો છે. જામુડિયાના ચુરુલિયા વિસ્તારમાં તૃણમૂલ કોંગ્રેસના પાર્ટી કાર્યાલયમાં આગ લગાડવાની ઘટના સામે આવી છે. ભાજપ પર આ આગજનીનો આરોપ લગાવવામાં આવ્યો છે. ઉત્તર 24 પરગણાના બેરકપુરમાં રાષ્ટ્રગુરુ સુરેન્દ્રનાથ મતગણતરી કેન્દ્ર પર TMC અને ભાજપ કાર્યકર્તાઓ વચ્ચે ઘર્ષણ થયું હતું. સુરક્ષાકર્મીઓ ઘટનાસ્થળે હાજર છે. મમતા બેનર્જીએ કહ્યું કે અંતિમ રાઉન્ડ પછી જીત અમારી જ થશે. ચૂંટણી પંચ મનમાની કરી રહ્યું છે. પશ્ચિમ બંગાળના નાદિયા રાણાઘાટ મતગણતરી કેન્દ્ર પર ભાજપના કાર્યકરોએ ઉજવણી કરી. પશ્ચિમ બંગાળના મુખ્ય ચૂંટણી અધિકારી મનોજ કુમાર અગ્રવાલે રવિવારે કચરાના ઢગલામાંથી મળેલી VVPAT સ્લિપ અંગે જણાવ્યું હતું કે, તેની તપાસ કરવામાં આવશે. આ સ્લિપ મોક પોલની છે. તેનો ચૂંટણી સાથે કોઈ સંબંધ નથી. આરજીકર મેડિકલ કોલેજ બળાત્કાર અને હત્યાનો ભોગ બનેલીની માતા અને પાણીહાટીથી BJP ઉમેદવાર રત્ના દેબનાથ ચૂંટણી પંચ અનુસાર હાલમાં 2763થી વધુ મતોના અંતરથી બેઠક પર આગળ ચાલી રહ્યા છે. ભાજપના ઉમેદવાર સુવેન્દુ અધિકારીએ કહ્યું કે, ભાજપને 45% વોટ મળ્યા અને TMCને 38%, સંદેશ સ્પષ્ટ છે અને વલણ પણ સ્પષ્ટ છે. મુખ્ય ચૂંટણી અધિકારીની કચેરીના કંટ્રોલ રૂમમાંથી સમગ્ર રાજ્યમાં મતગણતરી કેન્દ્રો પર કડક દેખરેખ રાખવામાં આવી રહી છે. મતગણતરીના પ્રથમ રાઉન્ડ બાદ કાકદ્વીપ વિધાનસભા બેઠક પર તૃણમૂલ કોંગ્રેસના ઉમેદવાર મંતૂરામ પાખીરા 2,750 મતોથી આગળ ચાલી રહ્યા છે. મતગણતરીના પ્રથમ રાઉન્ડના અંતે હાવડાની 181 અમતા વિધાનસભા બેઠક પર ભાજપના ઉમેદવાર અમિત સામંત 734 મતોથી આગળ ચાલી રહ્યા છે. પોસ્ટલ બેલેટમાં લીડ મેળવ્યા બાદ BJP ઉમેદવાર સુવેન્દુ અધિકારીએ નંદીગ્રામમાં EVMની ગણતરીમાં પણ લીડ મેળવી લીધી છે. પહેલા રાઉન્ડના અંતે, તેઓ 3,100 મતોથી આગળ છે. તૃણમૂલ કોંગ્રેસના ઉમેદવાર પવિત્ર કર પાછળ ચાલી રહ્યા છે. ટીએમસીના સમર્થકો હાથમાં પાર્ટીનો ઝંડો લઈને પહોંચ્યા છે. કોલકાતા ઉત્તરની તમામ સાત વિધાનસભા બેઠકો માટે EVMની સીલ નેતાજી ઇન્ડોર સ્ટેડિયમમાં ખોલી દેવામાં આવી છે, જેની સાથે જ EVMની ગણતરી શરૂ થઈ ગઈ છે. પોસ્ટલ બેલેટની ગણતરી આગામી ત્રણ કલાક સુધી ચાલુ રહેશે. ઉત્તર કોલકાતાના તમામ સાત વિધાનસભા ક્ષેત્રોના પ્રારંભિક વલણો આગામી 10 મિનિટની અંદર સામે આવવાની અપેક્ષા છે. પશ્ચિમ બર્ધમાનની હોટ સીટ આસનસોલ નોર્થમાં કાયદા મંત્રી મલય ઘટક પાછળ ચાલી રહ્યા છે. ઉધસાર પુરુલિયાની 9 માંથી 8 બેઠકો પર ભાજપને લીડ મળી છે. સુવેન્દુ અધિકારીએ કહ્યું- સરકાર બનાવી રહ્યા છીએ એમ કહેવું હજુ વહેલું ગણાશે, ઓછામાં ઓછું 50 ટકા મતગણતરી થવા દો. ઝાડગ્રામની ચારેય બેઠકો પર ભાજપ આગળ ચાલી રહ્યું છે. ટીએમસી મંત્રી બિરબાહા હાંસદા પાછળ ચાલી રહ્યા છે. ઝાડગ્રામ આ ચૂંટણીમાં ખૂબ ચર્ચામાં રહ્યું. પીએમ મોદીએ અહીં એક દુકાન પર રોકાઈને ઝાલમુરી ખાધી હતી. પાનીહાટીથી આરજી કર રેપ વિક્ટિમની માતા રત્ના દેવનાથ આગળ ચાલી રહ્યા છે. બૅલેટ પોસ્ટલની ગણતરી સિલીગુડી વિધાનસભા ક્ષેત્રમાં હજુ સુધી શરૂ થઈ નથી. તૃણમૂલ કૉંગ્રેસે આરોપ લગાવ્યો છે કે ઘણી મતપેટીઓ બરાબર સીલ નથી. આ મામલાની હજુ તપાસ કરવામાં આવી રહી છે. સિલીગુડી કૉલેજ સ્થિત મતગણતરી કેન્દ્રને સિલીગુડી અને માતિગારા-નક્સલવાડી વિધાનસભા ક્ષેત્રો માટે નિર્ધારિત કરવામાં આવ્યું છે, પરંતુ ત્યાં હજુ સુધી ગણતરી શરૂ થઈ નથી. INTTUC (ઇન્ડિયન નેશનલ તૃણમૂલ ટ્રેડ યુનિયન કોંગ્રેસ) ના નેતાઓ, ઓટો ચાલકો અને રસ્તા પર સામાન વેચનારાઓ સાથે TMC ને સમર્થન આપવા માટે નેતાજી ઇન્ડોર સ્ટેડિયમની બહાર એકઠા થયા. પશ્ચિમ બંગાળમાં ટીએમસી 10 અને ભાજપ 7 બેઠકો પર આગળ ચાલી રહી છે. પીએમએ સોશિયલ મીડિયા X પર લખ્યું- કૌશલ્ય, પરિશ્રમ અને કરુણા આપણા જીવનની અદ્ભુત શક્તિઓ છે. આના માધ્યમથી આપણે ફક્ત દરેક પડકારને પાર કરી શકીએ છીએ, પરંતુ આ આપણા લક્ષ્યોની પ્રાપ્તિમાં પણ મદદરૂપ છે. TMC સાંસદ મહુઆ મોઇત્રાએ આરોપ લગાવ્યો કે બંગાળમાં 4 સ્ટ્રોંગરૂમના CCTV કેમેરા રાત્રે 23:52 વાગ્યાથી 2 મિનિટ 16 સેકન્ડ માટે બંધ કરી દેવામાં આવ્યા હતા. જે ચાર સ્ટ્રોંગરૂમમાં CCTV બંધ કરવામાં આવ્યા હતા, તેમાં કૃષ્ણાનગર ઉત્તર 83, છપરા 82, કલિગંજ 80 અને નકાશીપારા 81 નો સમાવેશ થાય છે. મતગણના કેન્દ્રની સાથે આસપાસના સમગ્ર વિસ્તારમાં મોટી સંખ્યામાં ફોર્સ તૈનાત કરવામાં આવી રહી છે. મહિલા ફોર્સ પણ ઠેર ઠેર તૈનાત થઈ રહી છે. કોલકાતામાં મુખ્ય ચૂંટણી અધિકારીની કચેરીની બહાર ભારે સુરક્ષા બળ તૈનાત કરવામાં આવ્યું છે. ભાજપના ઉમેદવાર રૂપા ગાંગુલીએ જણાવ્યું કે- "સૌ પ્રથમ ચૂંટણી અધિકારીઓ અંદર જશે. ત્યારબાદ અમારે તે વિસ્તાર સુધી પહોંચવા માટે ઘણો લાંબો રસ્તો કાપવો પડશે. ત્યારબાદ તલાશી અને તપાસ કરવામાં આવશે, અને તે પછી જ પ્રવેશની મંજૂરી આપવામાં આવશે." ભવાનીપુર વિધાનસભા મતવિસ્તારના મતોની ગણતરી સખાવત મેમોરિયલ સરકારી શાળામાં થશે. અહીં સુરક્ષા વ્યવસ્થા સખત કરી દેવામાં આવી છે. 1 મેના રોજ મમતા બેનર્જી આ સેન્ટરની અંદર અંદાજે 4 કલાક રોકાયા હતા. બંગાળની 294 બેઠકો પર 2 તબક્કામાં મતદાન થયું હતું. 23 એપ્રિલે પ્રથમ તબક્કાની 152 બેઠકો પર 93.19% અને 29 એપ્રિલે બીજા તબક્કાની 142 બેઠકો પર 91.66% મતદાન થયું હતું. બંને તબક્કા મળીને રાજ્યના ઇતિહાસમાં અત્યાર સુધીનું સૌથી વધુ92.47%મતદાન થયું છે. આ અગાઉ 2011માં સૌથી વધુ 84.33% મતદાન થયું હતું.