પશ્ચિમી વિક્ષેપના કારણે અમદાવાદમાં કમોસમી ગરમીનું મોજું ફરી વળ્યું

વેસ્ટર્ન ડિસ્ટર્બન્સની અસરથી અમદાવાદનું તાપમાન વધતા ગરમીમાં વધારો થયો છે. સોમવારે અમદાવાદનું લઘુતમ તાપમાન 3.5 ડિગ્રી ઊંચકાઇને પ્રથમવાર 19.5 ડિગ્રીએ પહોંચ્યું હતું. 24 કલાક પછી શહેરમાં દિવસનું તાપમાન 33 ડિગ્રીએ પહોંચવાની શક્યતા હવામાન વિભાગે વ્યક્ત કર વેસ્ટર્ન ડિસ્ટર્બન્સને કારણે શુક્રવારે અમદાવાદમાં ઠંડીનો પારો એક દિવસમાં 4 ડિગ્રી વધીને 15.9 ડિગ્રી નોંધાયો હતો જો કે, ત્યારબાદ શહેરના લઘુતમ તાપમાનમાં ક્રમશ વધારો થયો હતો, અને 3 દિવસમાં 3.6 ડિગ્રી વધીને 19.5 ડિગ્રીએ પહોંચી ગયો હતો. આગામી 4 દિવસ દરમિયાન અમદાવાદનું મહત્તમ તાપમાન 2થી 3 ડિગ્રી વધીને 33 ડિગ્રી પહોંચી શકે છે. આગામી 48 કલાકમાં શહેરમાં છાંટા પડવાની શક્યતા છે.