ભરૂચનો મહિલા અને બાળ વિકાસ વિભાગ છોકરીઓને શૈક્ષણિક કિટથી સશક્ત બનાવે છે

ભરૂચમાં 13 શાળાઓની 90 છાત્રાઓને શૈક્ષણિક કીટનું વિતરણ કરવામાં આવ્યું હતું. દીકરીઓને અભ્યાસ માટે પ્રોત્સાહિત કરવાના ઉમદા આશય સાથે આ અભિયાન ચલાવવામાં આવી રહયું છે. ભરૂચ જિલ્લા વહીવટી તંત્ર અને મહિલા અને બાળ વિકાસવિભાગ હસ્તકની મહિલા અને બાળ અધિકારીની કચ ભરૂચ શહેરની વિવિધ ૧૩ શાળાઓની તેજસ્વી વિદ્યાર્થીનીઓને શૈક્ષણિક કિટ અર્પણ કરવામાં આવી હતી. ડિસ્ટ્રીક્ટ હબ ફોર એમ્પાવરમેન્ટ ઓફ વુમનઅને સખી વન સ્ટોપ સેન્ટર તરફથી આ અભિયાન હાથ ધરવામાં આવ્યું હતું. જેમાં ધોરણ 8, 9 અને 11 માં પ્રથમ, દ્વિતીય અને તૃતીય ક્રમ મેળવનાર કુલ 90 દીકરીઓને શૈક્ષણિક કિટનું વિતરણ કરી તેમનો આત્મવિશ્વાસ વધારવા પ્રયાસ કરવામાં આવ્યો હતો. શૈક્ષણિક કિટમાં દીકરીઓના અભ્યાસ માટે ઉપયોગી એવી વસ્તુઓ જેવી કે સ્કૂલ બેગ, પાણીની બોટલ, વોટર કલર, 5 નંગ ચોપડા, 5 નંગ પેન, કંપાસ બોક્સ અને ડ્રોઈંગ કિટનો સમાવેશ કરવામાં આવ્યો હતો. આ સાધનો મળવાથી વિદ્યાર્થીનીઓને તેમના આગામી અભ્યાસમાં ઘણી સરળતા રહેશે. આ કિટ વિતરણ કાર્યક્રમમાં ડૉ. ગંગુબેન હડકર હાઇ સ્કૂલ, સાધના સ્કુલ, મુંડા ફળિયા મિશ્ર શાળા-19, છીપવાડ મુખ્ય કન્યા શાળા-27, વેજલપુર મિત્ર શાળા-15, કતોપોર ગુજરાતી મિશ્ર શાળા-18, તારાબાઈ મલજી મિશ્ર શાળા-22, પોલીસ હેડ ક્વાર્ટર્સ પ્રાથમિક શાળા-4, સંતોષી નવી વસાહત મિશ્ર શાળા-45, લીમડી ચોક મિશ્ર શાળા-17, ગાયત્રી સ્કૂલ, નગર પાલિકા શિક્ષણ સ્ટેશન રોડ મિશ્ર શાળા, લાહોરી ગોડાઉન મિશ્ર શાળા-49 અને ગાયત્રી નગર મિશ્ર શાળા-૫૬નો સમાવેશ કરવામાં આવ્યો હતો.