ભારતીય કંપનીઓએ અમેરિકી અર્થતંત્રમાં મજબૂત પગપેસારો કર્યો

વોશિંગ્ટન: ભારતીય કંપનીઓ હવે માત્ર ભારતમાં જ નહીં, પરંતુ દુનિયાના સૌથી શક્તિશાળી અર્થતંત્ર ગણાતા અમેરિકામાં પણ પોતાની મજબૂત પકડ જમાવી રહી છે. તાજેતરમાં વોશિંગ્ટન ખાતે યોજાયેલી 'સિલેક્ટ યુએસએ ઇન્વેસ્ટમેન્ટ સમિટ'માં અમેરિકાના વરિષ્ઠ અધિકારીઓએ સ્વીકાર્યું છે કે ભારતીય કંપનીઓએ અમેરિકામાં અબજો ડોલરનું રોકાણ કરીને ત્યાંની સ્થાનિક રોજગારી અને અર્થતંત્રને મોટો ટેકો આપ્યો છે.રોજગારી અને રિસર્ચમાં મોટું યોગદાનઅમેરિકી વાણિજ્ય વિભાગના ડેપ્યુટી અન્ડરસેક્રેટરી બ્રાન્ડન રેમિંગ્ટને જણાવ્યું હતું કે, ભારતમાંથી અમેરિકામાં કુલ પ્રત્યક્ષ વિદેશી રોકાણ (FDI) આશરે $૧૬.૪ અબજ (લગભગ ૧.૩૬ લાખ કરોડ રૂપિયા) પર પહોંચ્યું છે. આ રોકાણને કારણે અમેરિકામાં લગભગ ૭૦,૮૦૦ જેટલી નવી નોકરીઓનું સર્જન થયું છે. આટલું જ નહીં, ભારતીય કંપનીઓએ અમેરિકામાં સંશોધન અને વિકાસ (R&D) માટે $૩૩૦ મિલિયનનો ખર્ચ કર્યો છે, જે ટેકનોલોજીના ક્ષેત્રમાં ભારતની વધતી ક્ષમતા દર્શાવે છે.સન ફાર્માનો રેકોર્ડબ્રેક સોદોભારતીય ફાર્મા સેક્ટરની દિગ્ગજ કંપની 'સન ફાર્માસ્યુટિકલ ઇન્ડસ્ટ્રીઝ લિમિટેડ' દ્વારા ન્યૂ જર્સી સ્થિત 'ઓર્ગેનન એન્ડ કંપની'ને $૧૨ અબજમાં ખરીદવાની જાહેરાતે અમેરિકી બિઝનેસ જગતમાં હલચલ મચાવી દીધી છે. આ સોદાથી હેલ્થકેર ક્ષેત્રમાં ભારતનું કદ ઘણું વધી ગયું છે. આ ઉપરાંત, ટેક્સાસ ($૯.૮ અબજ), જ્યોર્જિયા ($૭.૫ અબજ) અને ન્યૂ જર્સી ($૪.૨ અબજ) એવા મુખ્ય રાજ્યો છે જ્યાં ભારતીય કંપનીઓએ સૌથી વધુ રોકાણ કર્યું છે.સપ્લાય ચેઈન અને સ્થાનિક વિકાસભારતીય દૂતાવાસના ડેપ્યુટી ચીફ ઓફ મિશન નામગ્યા ખામ્પાએ જણાવ્યું હતું કે, ભારતીય કંપનીઓ માત્ર મૂડી જ નથી લાવતી, પરંતુ અમેરિકાની સપ્લાય ચેઈનને મજબૂત કરી રહી છે અને સ્થાનિક સમુદાયોના વિકાસમાં પણ સહભાગી બની રહી છે. એડવાન્સ્ડ મેન્યુફેક્ચરિંગ, એનર્જી અને ફાર્મા જેવા ક્ષેત્રોમાં ભારતીય મૂળની કંપનીઓ લાખો અમેરિકનોના ઘરના ચૂલા સળગાવવામાં મદદરૂપ થઈ રહી છે.આગામી દિવસોમાં વધુ એક ડઝન જેટલી ભારતીય કંપનીઓ અમેરિકામાં નવા રોકાણોની જાહેરાત કરે તેવી પૂરી શક્યતા છે, જે ભારત-અમેરિકાના મજબૂત થતા આર્થિક સંબંધોની સાબિતી આપે છે.