ભારતીય પોલીસે મોટી કાર્યવાહીમાં 100થી વધુ વિદેશી નાગરિકોની અટકાયત કરી

મુંબઈને અડીને આવેલા નાલાસોપારામાં પોલીસે એક મોટી કાર્યવાહીમાં ૧૦૦ થી વધુ વિદેશી નાગરિકોને કસ્ટડીમાં લીધા છે. પોલીસ વહીવટીતંત્ર અને વસઈ-વિરાર મ્યુનિસિપલ કોર્પોરેશન દ્વારા હાથ ધરવામાં આવેલા સંયુક્ત ઓપરેશનમાં નાલાસોપારાના તુલીંજ વિસ્તારમાંથી આ વ્યક્તિઓની અટકાયત કરવામાં આવી હતી. તુલીંજ વિસ્તારમાં મોટી સંખ્યામાં નાઇજીરીયન નાગરિકો રહે છે. આમાંથી ઘણા લોકોના પાસપોર્ટ અને વિઝાની મુદત પૂરી થઈ ગઈ છે, અને કેટલાક ડ્રગ હેરફેર જેવા ગંભીર ગુનાઓમાં સંડોવાયેલા હોવાનું જાણવા મળ્યું છે.