મુંબઈ મેયરની ચૂંટણી ભાજપ જીતી શકે છે; ગણેશ ખાંકરની ગ્રૂપ લીડર તરીકે નિમણૂક

દેશની સૌથી ધનિક મુંબઈ મહાપાલિકાના મેયરપદ અંગેનું સસ્પેન્સ હવે સમાપ્ત થઈ ગયું છે. વાર્ષિક બજેટ લગભગ 74,000 કરોડ રૂપિયા ધરાવતી મહાપાલિકાના મેયરની ચૂંટણી 11 ફેબ્રુઆરીએ યોજાશે અને રાજકીય વર્તુળોમાં ચાલી રહેલી ચર્ચાઓ મુજબ, મુંબઈનો આગામી મેયર ભાજપનો હશે, જ ભાજપે ગણેશ ખણકરને ગ્રુપ લીડર તરીકે નિયુક્ત કર્યા. 16 જાન્યુઆરીએ ચૂંટણી પરિણામો જાહેર થયા પછી પણ મહાયુતિએ ગ્રુપ લીડરની જાહેરાતમાં વિલંબ કર્યો હતો. આખરે, 17 દિવસની રાહ જોયા બાદ, ભાજપે સોમવારે ગણેશ ખણકરના નામની પુષ્ટિ કરી. ખણકરે વોર્ડ 7 માંથી ઉદ્ધવ સેનાના ભૂતપૂર્વ ધારાસભ્ય વિનોદ ઘોસાળકરના પુત્ર સૌરભ ઘોસાળકરને હરાવ્યા છે. ખણકર ટેન્કર માફિયાઓ સામે અવાજ ઉઠાવવા બદલ ચર્ચામાં આવ્યા હતા, જે દરમિયાન તેમના પર જીવલેણ હુમલો પણ થયો હતો. મહાયુતિના મેયરની નિમણૂક થશે, પરંતુ વહીવટી નાડી ઉદ્ધવ ઠાકરેના હાથમાં જ રહેવાના સંકેતો છે. 18માંથી 8 વોર્ડ સમિતિઓ પર ઠાકરે જૂથનું વર્ચસ હોવાથી, મુંબઈના અડધાં વિકાસકાર્યોનું ભવિષ્ય 'માતોશ્રી' દ્વારા નક્કી કરવામાં આવશે. રસ્તા, પાણી અને કચરાની સ્થાનિક સમસ્યાઓ હલ કરતી વખતે, ભાજપના મેયરને પગલે પગલે ઠાકરેના વોર્ડ પ્રમુખો સાથે સંઘર્ષ કરવો પડશે.અજિત પવાર જૂથના 3 નગરસેવકોએ શિંદે સેનાને ટેકો આપતાં, 26 સભ્યની સ્થાયી સમિતિમાં મહાયુતિની સંખ્યા 14 પર પહોંચી ગઈ છે. ઉદ્ધવ સેના અને કોંગ્રેસના 12-12 સભ્યો છે. એવું જાણવા મળ્યું છે કે અજિત પવાર જૂથને તેમના સમર્થનના બદલામાં "મંજૂર નગરસેવક" પદ આપવામાં આવશે. મેયરપદ માટે ભાજપમાં આ 5 જણનાં નામોથી મેયરપદ માટે ભાજપમાં જોરદાર સ્પર્ધા શરૂ થઈ ગઈ છે. આ રેસમાં પાર્ટીનાં પાંચ પ્રભાવશાળી મહિલા નગરસેવિકાનાં નામ સૌથી આગળ ચર્ચાઈ રહ્યાં છે. સાયનથી આક્રમક ચહેરો અને વહીવટી કાર્યમાં બહોળો અનુભવ ધરાવતી રાજશ્રી શિરવાડકરનું નામ હાલમાં સૌથી આગળ માનવામાં આવી રહ્યું છે.