સિધપુરમાં પુલ પ્રોજેક્ટના કામ દરમિયાન રસ્તાઓ અને ઇમારતોના અધિકારીઓ પર હુમલો

મહેસાણા–પાલનપુર હાઇવે પર‎સરસ્વતી નદી ઉપર મંજૂર નવા‎બ્રિજના કામ માટે ચાલી રહેલી‎રોડ માર્કિંગ (હદ માપણી)ની‎ કામગીરી દરમ્યાન માર્ગ અને‎મકાન પેટા વિભાગ સિદ્ધપુરના‎ અધિકારીઓ પર હુમલાની‎ગંભીર ઘટના સામે આવી છે.‎ પાલનપુરનાં સાગ્રોસણા‎ગામના વતની અને માર્ગ અને‎મકાન પેટા વિભાગ સિદ્ધપુરમાં‎અધિક મદદનીશ ઇજનેર તરીકે‎ફરજ બજાવતાં પરેશભાઈ‎ગમાનભાઈ જુડાળા(ચૌધરી)‎સાંજના આશરે 4:00 તેઓ‎પોતાની ટીમ સાથે માપણી કરી‎રહ્યા હતા. તેમની સાથે કચેરીના‎કર્મચારી સંજીવકુમાર ખોડાભાઈ‎પ્રજાપતિ, મયંકકુમાર ધનાભાઈ‎ડામોર અને DILRના સર્વેયર‎હરેશભાઈ હાજર હતા.‎ સરસ્વતી નદીના ખળી ચાર‎રસ્તા પાસે મહાવીર સ્ક્રેપ નજીક‎પહોંચતા ત્રણ શખ્સોએ અમને‎પૂછ્યા વિના માપણી કેમ કરો‎છો કહીં અપશબ્દો બોલી‎ઉશ્કેરાટ કર્યો હતો. ગડદાપાટુની‎મારઝૂડ કરી કપડાં ફાડી નાખ્યા‎અને જીવતા જશો નહીં એવી‎જાનથી મારી નાખવાની ધમકી‎આપી હતી.‎ તપાસમાં એક આરોપીની‎ઓળખ સિદ્ધપુરના મનોહરસિંહ‎ઉદેસિંહ ઠાકોર તરીકે થઈ છે,‎જ્યારે બે અન્ય અજાણ્યા શખ્સો‎છે. જાહેર સેવકોની કાયદેસર‎ફરજમાં અડચણ, હુમલો અને‎ધમકી આપવા બદલ સિદ્ધપુર‎પોલીસ મથકમાં અધિક‎મદદનીશ ઇજનેર પરેશભાઈ‎ગમનભાઈ ચૌધરીએ ફરિયાદ‎નોંધાવી હતી.‎