સાંસદ વિરુદ્ધ ભાજપના નેતાના વિવાદાસ્પદ નિવેદનને લઈને ગુજરાતમાં વિરોધ પ્રદર્શન ફાટી નીકળ્યું

ગુજરાત ભાજપ પ્રદેશના નેતા દ્વારા બનાસકાંઠાના મહિલા સાંસદ ગેનીબેન ઠાકોર વિરુદ્ધ કરવામાં આવેલા વિવાદાસ્પદ નિવેદન સામે સમગ્ર રાજ્યમાં વિરોધનો વંટોળ ઉઠ્યો છે. આ બાબતે આજે નવસારી શહેર મહિલા કોંગ્રેસ સમિતિ દ્વારા જિલ્લા કલેક્ટરને આવેદનપત્ર પાઠવી કડક શબ્દોમ ​નવસારી શહેર મહિલા કોંગ્રેસના કાર્યકારી પ્રમુખ રાજન જોષીની આગેવાનીમાં અપાયેલા આ આવેદનપત્રમાં જણાવાયું છે કે, "ભાજપના નેતા દ્વારા જાહેર મંચ પરથી "પલ્લુમાંથી સીટો કાઢી" જેવા શબ્દોનો પ્રયોગ કરી જે બડાશ મારવામાં આવી છે, તે માત્ર ગેનીબેનનું જ નહીં પણ સમગ્ર ભારતીય નારીશક્તિનું અપમાન છે." કોંગ્રેસે આક્ષેપ કર્યો છે કે સત્તાના નશામાં ચૂર નેતાઓ મહિલાઓની ગરિમા લજવી રહ્યા છે, જે સાંખી લેવામાં આવશે નહીં. મહિલા કોંગ્રેસ સમિતિએ આક્રોશ સાથે જણાવ્યું હતું કે ભાજપનો મહિલા વિરોધી ચહેરો ખુલ્લો પડી ગયો છે. જો કાર્યવાહી નહીં થાય તો આ મુદ્દે આંદોલન કરાશે. કોંગ્રેસ મહિલા સમિતિની મુખ્ય માંગણીઓ​અભદ્ર નિવેદન બદલ સંબંધિત નેતા સાર્વજનિક રીતે માફી માંગે. ​મહિલાઓની ગરિમાને ઠેસ પહોંચાડવા બદલ તત્કાલ રાજીનામું આપવામાં આવે.​રાજકીય ક્ષેત્રે મહિલાઓ પ્રત્યે થતી આવી અશોભનીય ટિપ્પણીઓ સામે કાયદેસરના પગલાં લેવાય તેવી અમારી માંગ છે. > પ્રભા નરેશ વલસાડિયા, નગરસેવક