ભારતીય ચૂંટણી પરિણામઃ કેરળમાં કોંગ્રેસની જીત, વિજયની ટીવીકેએ તમિલનાડુમાં ટોચનું સ્થાન મેળવ્યું
કેરળમાં તમામ 140 બેઠકો પર પરિણામો જાહેર થઈ ગયા છે. અહીં કોંગ્રેસે 63 બેઠકો પર જીત નોંધાવી છે. આસામ, તમિલનાડુ અને પુડુચેરીની કુલ 529 વિધાનસભા બેઠકો માટે મતોની ગણતરી થઈ. સૌથી મોટો ઉલટફેર તમિલનાડુમાં થયો છે, જ્યાં 2 વર્ષ પહેલાં બનેલી અભિનેતા વિજયની પાર્ટી (TVK) નંબર વન બની ગઈ છે. TVKએ 107 બેઠકો પર જીત મેળવી છે, જોકે તે બહુમતીના આંકડા (118 બેઠકો) થી થોડી પાછળ છે. સ્ટાલિનની પાર્ટી (DMK) ને 60, AIADMK ને 47, કોંગ્રેસને 5, ભાજપને 1 અને અન્યને 12 બેઠકો મળી છે. સીએમ સ્ટાલિન કોલાથુર બેઠક હારી ગયા છે, તેમને TVKના વી.એસ. બાબુએ 8000 થી વધુ મતોથી હરાવ્યા છે. બાબુ પહેલા DMKમાં જ હતા, ફેબ્રુઆરી 2026માં તેમણે વિજયની પાર્ટી જોઈન કરી હતી. આ દરમિયાન વિજયના ડ્રાઈવરના પુત્ર આર. સબરિનાથને વિરુગમ્બક્કમ બેઠક પરથી જીત મેળવી છે. અહીં, આસામમાં પણ હિમંતા સરકારની વાપસી થઈ છે. હિમંતા બિશ્વા સરમા સતત ત્રીજી વખત સરકાર બનાવશે. BJPએ અહીં 82 બેઠકો જીતી લીધી છે, જે બહુમતીના આંકડાથી 13 વધારે છે. 4 રાજ્યોમાં જીત-હારના આંકડા… તમિલનાડુમાં DMK બીજા નંબરે:234 માંથી 173 બેઠકો પર પરિણામ જાહેર થયા ત્યારે TVK 82 અને DMK+ 46 બેઠકો પર આગળ/જીતેલી હતી. (સમગ્ર પરિણામ મુજબ TVK 107 પર પહોંચી છે). AIADMK એ 38 બેઠકો જીતી છે. કેરળમાં 10 વર્ષ બાદ કોંગ્રેસ સત્તામાં પરત ફરી:140 બેઠકોના પરિણામ જાહેર થયા છે. કોંગ્રેસે 63 બેઠકો, CPI(M) એ 26 અને ઇન્ડિયન યુનિયન મુસ્લિમ લીગે 22 બેઠકો પર જીત મેળવી છે. આસામમાં ત્રીજીવાર હિમંતા સરકાર:126 માંથી 124 બેઠકોના પરિણામ જાહેર થયા છે. BJP 81 (કુલ 82), કોંગ્રેસ 18, બોડોલેન્ડ પીપલ્સ ફ્રન્ટ 10, AGP 10 અને AIUDF 2 બેઠક પર જીતી છે. પુડુચેરીમાં ભાજપ+ સરકાર:30 માંથી 28 બેઠકોના પરિણામ આવી ગયા છે. CM રંગાસ્વામીની પાર્ટી 10 બેઠકો જીતી ચૂકી છે. DMK એ 5, BJP એ 4 અને TVK એ 2 બેઠકો જીતી છે. બંગાળ ચૂંટણીના પરિણામો જોવા માટે અહીં ક્લિક કરો… તમિલનાડુમાં ઉજવણીની 3 તસવીરો… 11 રાજ્યોમાં ભાજપ બહુમતીમાં, 12 રાજ્યોમાં સરકારમાં સામેલ મતગણતરીના વલણો અને પરિણામો ભાસ્કર એપ પર Live ટેલીમાં જોઈ શકો છો, 4 રાજ્યોના ચૂંટણી પરિણામો સંબંધિત પળેપળની અપડેટ્સ માટે નીચેના બ્લોગમાંથી પસાર થાઓ… ભાજપે પુડુચેરીમાં ધારાસભ્ય દળના નેતાની ચૂંટણી માટે કેન્દ્રીય મંત્રી મનસુખ માંડવિયાને પાર્ટીના નિરીક્ષક તરીકે નિયુક્ત કર્યા છે. આસામ વિધાનસભા ચૂંટણીના પરિણામો બાદ મુખ્યમંત્રી હિમંતા બિસ્વા સરમા કેન્દ્રીય મંત્રી સર્બાનંદ સોનોવાલના નિવાસસ્થાને પહોંચ્યા. આસામમાં ભાજપે 82 બેઠકો પર જીત મેળવી બહુમતી હાંસલ કરી છે. વિજયે તિરુચિરાપલ્લી ઈસ્ટ બેઠક પરથી 27,416 મતોના અંતરથી જીત મેળવી. તેમને 91,381 મત મળ્યા, જ્યારે બીજા સ્થાને રહેલા DMKના એસ. ઇનિગો ઇરુદયરાજને 63,965 મત મળ્યા. કોંગ્રેસ સાંસદ કાર્તિ ચિદમ્બરમે કહ્યું કે હું વિજય અને TVK ને શાનદાર ચૂંટણી શરૂઆત માટે અભિનંદન આપું છું. લોકોએ તમિલનાડુમાં પરિવર્તન માટે મત આપ્યો છે. હવે તેમની પાસે બહુમતી મેળવીને સારી સરકાર આપવાની જવાબદારી છે. AICCના આસામ ઇન્ચાર્જ જિતેન્દ્ર સિંહ અલવરે X પર પોસ્ટ કરીને કહ્યું- હું આસામના જનરલ સેક્રેટરી ઇન્ચાર્જના પદ પરથી તાત્કાલિક રાજીનામું આપી રહ્યો છું. તાજેતરના ચૂંટણી પરિણામો ખૂબ જ નિરાશાજનક રહ્યા છે. હું તેની સંપૂર્ણ જવાબદારી લઉં છું. અમારા પૂરા પ્રયાસો છતાં અમે આસામના લોકોની અપેક્ષાઓ પર ખરા ઉતરી શક્યા નથી, જેમની અમે સેવા કરવા માંગતા હતા. કોંગ્રેસના નેતા કેસી વેણુગોપાલે યુડીએફની જીત પર કહ્યું કે અમે કેરળના લોકોનો હૃદયપૂર્વક આભાર માનીએ છીએ જેમણે અમને આ મોટી જીત અપાવી. પરિણામો પછી તમિલનાડુના મુખ્યમંત્રી એમકે સ્ટાલિને X પર લખ્યું: "અમે લોકોના નિર્ણયનો સ્વીકાર કરીએ છીએ અને વિજેતાઓને અભિનંદન આપીએ છીએ. છેલ્લા પાંચ વર્ષમાં અમે અસંખ્ય પ્રોજેક્ટ્સ શરૂ કર્યા છે અને લોકોને સુશાસન પૂરું પાડ્યું છે. અમે તમિલનાડુને દરેક ક્ષેત્રમાં આગળ ધપાવ્યું છે. ચૂંટણીમાં અમે અમારી સિદ્ધિઓના આધારે મત માંગ્યા હતા. અમે લોકોને અમારી કલ્યાણકારી યોજનાઓ ચાલુ રાખવા માટે અમને ટેકો આપવા અપીલ કરી છે. તમિલનાડુમાં ટીવીકેની જીત બાદ દિલ્હીમાં પણ ઉજવણી જોવા મળી હતી. જલ વિહાર વિસ્તારમાં મોટી સંખ્યામાં સમર્થકો એકઠા થયા હતા, પાર્ટીના ધ્વજ લહેરાવીને ઉજવણી કરી રહ્યા હતા. ટીવીકેના વડા વિજયના ડ્રાઇવર રાજેન્દ્રનના પુત્ર આર. સબરીનાથન પણ ચૂંટણી જીત્યા હતા. તેણે ટીવીકેની ટિકિટ પર વિરુગમ્બક્કમ સીટ જીતી હતી. તમિલનાડુ વિધાનસભા ચૂંટણીના પરિણામો ટીવીકેના પક્ષમાં આવ્યા બાદ ડીએમકેના પ્રમુખ અને મુખ્યમંત્રી એમકે સ્ટાલિને કહ્યું, હું જનમત સામે નતમસ્તક છું. AIUDFના વડા બદરુદ્દીન અજમલે બિન્નાકાંડી બેઠક પર જીત મેળવી હતી. તેમણે આસામ રાષ્ટ્ર પરિષદના રેઝાઉલ કરીમ ચૌધરીને 35,380 મતોથી હરાવ્યા. તમિલનાડુમાં સૌથી મોટી પાર્ટી તરીકે ઉભરી આવેલા ટીવીકે ચીફ વિજયે પેરામ્બુર બેઠક જીતી લીધી છે. તેમણે 49 હજાર મતોથી જીત મેળવી છે. કેરળના મુખ્યમંત્રી પદેથી પિનરાઈ વિજયન રાજીનામું આપી દીધું છે. તેમણે ધર્માદમ બેઠક પર કોંગ્રેસના ઉમેદવાર અબ્દુલ રશીદને 1,9,000 મતોથી હરાવીને જીત મેળવી. ટીવીકેની જીત બાદ રાહુલ ગાંધીએ વિજય સાથે વાત કરી અને તેમને તેમની જીત બદલ અભિનંદન આપ્યા. રાહુલે કહ્યું, "આ જનાદેશ યુવાનોના ઉભરતા અવાજને પ્રતિબિંબિત કરે છે, જેને અવગણી શકાય નહીં અને અવગણવામાં આવશે નહીં." મુખ્યમંત્રી હિમંતા બિસ્વા સરમાએ સતત છઠ્ઠી વખત જલુકબારી બેઠક જીતી છે. તેમણે કોંગ્રેસના ઉમેદવાર બિદિશા નિઓગને 89,434 મતોથી હરાવ્યા છે. પ્રથમ રાઉન્ડથી આગળ રહેતા સરમાને 1,27,151 મત મળ્યા જ્યારે નિઓગને 13મા રાઉન્ડની મતગણતરીના અંતે 37,717 મત મળ્યા. જ્યારે સરમા 2021માં પહેલી વાર રાજ્યના મુખ્યમંત્રી બન્યા ત્યારે તેમની જીતનો માર્જિન 1,01,000 મતોનો હતો. ટીવીકેના ઉમેદવાર એમ.એલ. વિજયપ્રભુએ માદાવરમ વિધાનસભા બેઠક 94,985 મતોના રેકોર્ડ માર્જિનથી જીતી લીધી છે. AIADMK ચીફ પલાનીસ્વામીએ 98,110 મતોના રેકોર્ડ માર્જિનથી ઈડાપ્પડી જીતી હતી. ADMKએ 21 બેઠકો જીતી છે અને 26 પર આગળ છે. નરેન્દ્ર મોદીએ X પર પોસ્ટ કર્યું - તમિલનાડુ વિધાનસભા ચૂંટણીમાં NDA ને સમર્થન આપનાર તમિલનાડુના મતદારોનો આભાર. અમે લોકોની મુશ્કેલીઓ દૂર કરવા અને તેમના જીવનને બહેતર બનાવવામાં હંમેશા મોખરે રહીશું. TVK ને તેમના શાનદાર કામ માટે અભિનંદન. કેન્દ્ર તમિલનાડુની પ્રગતિ અને લોકોની ભલાઈ માટે કોઈ કસર છોડશે નહીં. PM મોદીએ X પર એક પોસ્ટ કરી. જેમાં તેમણે આસામમાં જીત બદલ અભિનંદન પાઠવ્યા. PMએ લખ્યું- આસામ વિધાનસભા ચૂંટણીમાં BJP-NDAની જીત દર્શાવે છે કે અમારા ગઠબંધનનો વિકાસ પર ભાર અને લોકોના જીવનમાં સારો બદલાવ લાવવા માટે જે સમર્થન છે, તેને સંપૂર્ણ સમર્થન મળ્યું છે. હું આસામના મારા ભાઈઓ અને બહેનોને આ જબરદસ્ત જનાદેશ માટે આભાર માનું છું. હું તેમને એ પણ ખાતરી આપું છું કે અમે રાજ્યમાં બદલાવ લાવવા માટે કામ કરતા રહીશું. આસામના મુખ્યમંત્રી હિમંત બિસ્વ સરમાએ કહ્યું- પશ્ચિમ બંગાળની જીત ભારતની જીત છે, આ ભાજપની જીત નથી, આ ભારતની જીત છે. અમારી વસ્તી વિષયકથી લઈને સુરક્ષા સુધી ખૂબ મોટી પડકાર છે, આસામમાં આપણે ગમે તેટલું કામ કરી લઈએ પણ ભારત-બાંગ્લાદેશની સૌથી લાંબી સરહદ પશ્ચિમ બંગાળમાં છે. મમતા બેનર્જીએ ફેન્સિંગ માટે સરકારને જમીન આપી ન હતી. આજે આ જે જીત છે તે ભારતની જીત છે. કેરળમાં ભાજપના ખાતામાં નેમોમ, ચત્થનૂર અને કઝાકૂટમ બેઠકો આવી ગઈ છે. ભાજપ પ્રદેશ અધ્યક્ષ રાજીવ ચંદ્રશેખરે નેમોમ બેઠક પર 4978 મતોથી જીત મેળવી છે. કેરળના CM પી વિજયન ધરમદમ બેઠક પર જીતી ગયા છે. તેમણે કોંગ્રેસના ઉમેદવાર અબ્દુલ રશીદને 19 હજાર મતોથી હરાવ્યા છે. આસામના નાણામંત્રી અજંતા નિયોગે સતત છઠ્ઠી વખત ગોલાઘાટ બેઠક જીતી, કોંગ્રેસના બિટુપન સૈકિયાને 43,759 મતોથી હરાવ્યા. પ્રિયંકા ગાંધીએ X પર એક પોસ્ટમાં લખ્યું- કેરળમાં મારા બધા ભાઈઓ અને બહેનો, તમારા વિશ્વાસ અને અપાર સમર્થન માટે આભાર. તમે અમારા પર જે ભરોસો મૂક્યો છે, તે યુડીએફ માટે માર્ગદર્શક શક્તિ બનશે, કારણ કે અમે તમારા બધા માટે એક સારું ભવિષ્ય બનાવવા માટે સખત મહેનત કરી રહ્યા છીએ. TVKના ચીફ અને અભિનેતા વિજયના સમર્થક, ગ્લોરી ECR રોડથી ચેન્નઈના પનાયુરમાં આવેલા TVK હેડક્વાર્ટર સુધી ઘૂંટણિયે ચાલ્યા, કારણ કે પાર્ટી રાજ્ય ચૂંટણીઓમાં સૌથી મોટી પાર્ટી તરીકે ઉભરી આવી છે. તમિલનાડુના CM એમકે સ્ટાલિન કોલાથુર બેઠક પર 7 હજારથી વધુ મતોથી પાછળ ચાલી રહ્યા છે. તમિલનાડુમાં 7 બેઠકોના પરિણામો જાહેર કરવામાં આવ્યા છે. TVK અને DMK 3-3 બેઠકો પર જીત્યા છે. જ્યારે કોંગ્રેસને અત્યાર સુધી 1 બેઠક પર જીત મળી છે. અભિનેતા વિજયની પાર્ટીએ તમિલનાડુમાં અન્નાનગર અને તંજાવુર બેઠક પર જીત મેળવી છે. જ્યારે પુડુચેરીમાં મનાવેલી બેઠક જીતી છે. કોંગ્રેસ MP કે.સી. વેણુગોપાલે કહ્યું- હું આ જીતનો શ્રેય ઘણા કારણોને આપું છું. એક છે એન્ટી-ઇનકમ્બન્સી, બીજું છે પ્રોએક્ટિવ કેમ્પેનિંગ (સક્રિય પ્રચાર) અને અન્ય કારણોમાં સામૂહિક નેતૃત્વ, મજબૂત સંકલન અને આ આખી ચૂંટણીમાં AICC નો સમાવેશ છે. ત્યારબાદ રાહુલ ગાંધીનું સતત ફોલો-અપ અને દેશના લોકો પર તેમની જે અસર છે, તે આ જીત માટે જવાબદાર છે. તમિલનાડુ ચૂંટણીમાં TVK એ જીતનું ખાતું ખોલી લીધું છે. તંજાવુર બેઠક પર આર વિજયસરવાનન જીતી ગયા છે. તેમણે 16955 મતોથી જીત નોંધાવી છે. કેરળ વિધાનસભા ચૂંટણીમાં BJPએ પોતાનું ખાતું ખોલી લીધું છે. બીબી ગોપકુમારે કોલ્લમ જિલ્લાની ચથનૂર બેઠક જીતી, તેમણે CPIના આર રાજેન્દ્રનને 4,002 મતોથી હરાવ્યા. બપોરે 2.35 વાગ્યા સુધીના આંકડા મુજબ, અભિનેતા-રાજકારણી વિજયની TVK 106 બેઠકો પર આગળ ચાલી રહી છે, જ્યારે 55 બેઠકો પર તે બીજા નંબરે છે. આસામના શિક્ષણ મંત્રી અને ભાજપના વરિષ્ઠ નેતા રાનોજ પેગુએ સોમવારે ધેમાજી વિધાનસભા બેઠક પર પોતાનો કબજો જાળવી રાખ્યો છે. તેમણે તેમના નજીકના હરીફ કોંગ્રેસના શૈલેન સોનોવાલને 32,229 મતોથી હરાવ્યા. પેગુએ ધેમાજી બેઠક પર સતત ત્રીજી વખત જીત હાંસલ કરી છે. આ ચૂંટણીમાં પેગુને 83,649 મતો મળ્યા, જ્યારે સોનોવાલને 51,420 મતો પ્રાપ્ત થયા હતા. ચૂંટણી પંચે કેરળની 23 બેઠકો, આસામમાં 4 અને પુડુચેરીમાં 15 બેઠકો તથા તમિલનાડુમાં 1 બેઠક પર પરિણામો જાહેર કરી દીધા છે. એક્ટ્રેસ તૃષા કૃષ્ણન વિજયના ઘરેથી રવાના થઈ ગયા છે. તેઓ અંદાજે સવા કલાક સુધી વિજયના પરિવાર સાથે રહ્યા હતા. જોકે, વિજય હજુ પણ ક્યાંય જોવા મળ્યા નથી, તેમજ સોશિયલ મીડિયા પર પણ તેમના કોઈ ફોટો કે વીડિયો અપડેટ થયા નથી. થલાપતિ વિજયના પિતા એસ. ચંદ્રશેખરે જણાવ્યું છે કે વિજય કોંગ્રેસ સાથે ગઠબંધન કરી શકે છે. તેમણે ઉમેર્યું કે અત્યાર સુધી કોંગ્રેસે ખોટી પાર્ટી સાથે ગઠબંધન કર્યું હતું. અમે કોંગ્રેસ સાથે સત્તા વહેંચવા માટે તૈયાર છીએ. આસામમાં મજબત બેઠકના ચૂંટણી પરિણામો જાહેર કરવામાં આવ્યા છે. બોડોલેન્ડ પીપલ્સ ફ્રન્ટના ચરન બોરોએ 55 હજારથી વધુ મતોથી જીત મેળવી છે. પુડુચેરીમાં 11 બેઠકો પર પરિણામો જાહેર થઈ ગયા છે. મુખ્યમંત્રી રંગાસ્વામીની પાર્ટી 6 બેઠકો પર જીતી ગઈ છે. AINRC ના બી રવિકુમારે વિલ્લિયાનૂર, એન રંગાસ્વામીએ થટ્ટંચાવડી, વીપી સિવાકોલુન્ધુએ લોસ્પેટ, વૈયાપુરી મણિકંદને મુથિયાલપેટ, સી અય્યપ્પને અરિયાનકુપ્પમ અને ઈ મોહંદોસે એમ્બાલમ બેઠક પરથી જીત મેળવી છે. BJP ના એ નમસ્સિવાયમે મન્નાદીપેટ અને કોંગ્રેસના પી કાર્તિકેયને ઓસ્સુડુ બેઠક જીતી છે. AIADMK ના એ અંબલગને ઓઉપાલમ અને અપક્ષ ઉમેદવાર ટી અશોક કુમારે માહે બેઠક પરથી જીત નોંધાવી છે. આસામમાં જોરહાટ બેઠક પર ચૂંટણી લડનારા ગૌરવ ગોગોઈ 19 હજારથી વધુ મતોથી પાછળ ચાલી રહ્યા છે. ચૂંટણી પંચની વેબસાઇટ પર અપડેટ થયેલા આંકડા મુજબ કેરળમાં કોંગ્રેસે 2 બેઠકો પર જીત મેળવી છે. જ્યારે CPI-M એક બેઠક પર જીતી છે. ચૂંટણી પંચની વેબસાઇટ પર અપડેટ કરાયેલા આંકડા મુજબ, પુડુચેરીમાં CM રંગાસ્વામીની પાર્ટી AINRC 4 બેઠકો પર જીતી ગઈ છે. ભાજપે 1, કોંગ્રેસે 1, ADMK એ 1 અને DMK એ પણ એક બેઠક પર જીત મેળવી છે. ચૂંટણી પંચ દ્વારા દર્શાવવામાં આવેલા વલણો અનુસાર, વર્તમાન ભાજપની આસામ સરકારના મોટાભાગના મંત્રીઓ આગળ ચાલી રહ્યા છે. આસામ ગણ પરિષદ (AGP) ના પ્રમુખ અને કૃષિ મંત્રી અતુલ બોરા બોકાખાટ બેઠક પરથી તેમના નજીકના ઉમેદવાર રાયજોર દળથી 3,000 થી વધુ મતોથી આગળ ચાલી રહ્યા છે. આસામના મુખ્યમંત્રી હિમંતા બિસ્વા સરમા જાલુકબારી વિધાનસભા ક્ષેત્રમાં પહેલા રાઉન્ડની ગણતરી પછી 5,989 મતોથી આગળ ચાલી રહ્યા છે. પુડુચેરીના મુખ્યમંત્રી એન. રંગાસ્વામી થટ્ટાનચાવડી વિધાનસભા બેઠક પરથી 4336થી વધુ મતોના માર્જિનથી આગળ ચાલી રહ્યા છે. ચૂંટણી પંચના લેટેસ્ટ ટ્રેન્ડ્સ મુજબ, કોંગ્રેસના નેતૃત્વ હેઠળના UDF એ બહુમતીનો આંકડો પાર કરી લીધો છે. કોંગ્રેસ સાંસદ શશિ થરૂર કહે છે- અમે પરિવર્તનની પાર્ટી છીએ. અમે આ સરકારના દસ વર્ષથી ચાલી રહેલી રાજનીતિની રીતને બદલવા માંગીએ છીએ, એટલી ખરાબ રીતે કે તેને બદલવાની જરૂર છે, અને મારા મતે એક નવી પ્રકારની રાજનીતિ ખૂબ જ જરૂરી છે. મુખ્યમંત્રીના ચહેરા પર તેઓ કહે છે- અમે અત્યારે આ વિષય પર વાત કરવા માંગતા નથી. ચૂંટણીના પરિણામો આવવા દો. કોંગ્રેસ અધ્યક્ષ ખડગે સાહેબ, જીતનાર ધારાસભ્યો સાથે વાત કરવા માટે કોઈને મોકલશે. તે પછી તેઓ પોતાનો અભિપ્રાય આપશે. પછી હાઈકમાન્ડ નિર્ણય લેશે. ગુવાહાટીમાં BJPના સ્ટેટ હેડક્વાર્ટર ખાતે મીઠાઈઓ અને અન્ય વાનગીઓની તૈયારી શરૂ થઈ ગઈ છે કારણ કે પાર્ટી શરૂઆતી ટ્રેન્ડ્સમાં બહુમતીનો આંકડો પાર કરતી દેખાઈ રહી છે. ચૂંટણી પંચના નવા ટ્રેન્ડ્સ મુજબ કોંગ્રેસની UDF એ બહુમતીનો આંકડો પાર કરી લીધો છે. પાર્ટી MP કે. સુરેશે કહ્યું કે ગણતરી ચાલી રહી છે. અમારી અપેક્ષા 100 બેઠકોની હતી, હવે અમે 89 પાર કરી રહ્યા છીએ. તેથી, એક્ઝિટ પોલ પહેલા અમે જે પણ કહ્યું હતું કે UDF 100 થી વધુ બેઠકો જીતશે. અમારો અંદાજ 100% સાચો હશે. સરકાર વિરુદ્ધ લહેર હતી, પિનરાઈ વિજયન વિરુદ્ધ લહેર હતી. કેરળના CM પિનરાઈ વિજયન ધર્મદામ બેઠક પર પાછળ ચાલી રહ્યા છે. તેમના હરીફ કોંગ્રેસના ઉમેદવાર અબ્દુલ રશીદ આગળ ચાલી રહ્યા છે. એસએ ચંદ્રશેખર તેમના પુત્ર વિજયની ચૂંટણી જીત માટે પ્રાર્થના કરવા તિરુત્તની મુરુગન મંદિરે ગયા. 70 થી વધુ ફિલ્મોના અનુભવી ફિલ્મ નિર્માતા, SAC એ વિજયની કારકિર્દી શરૂ કરવામાં મહત્વપૂર્ણ ભૂમિકા ભજવી હતી અને તેમની રાજકીય યાત્રાના પ્રખર સમર્થક રહ્યા હતા. મતગણતરી આગળ વધતા કેરળમાં CM પિનરાઈ વિજયનના સાત મંત્રીઓ પાછળ ચાલી રહ્યા છે. અલગ-અલગ ટીવી રિપોર્ટ્સ અનુસાર, મંત્રી વીણા જ્યોર્જ, એમ બી રાજેશ, ઓ આર કેલુ, આર બિંદુ, જે ચિંચુરાણી, પી રાજીવ, કે બી ગણેશ કુમાર અને રોશી ઓગસ્ટિન મતગણતરીના પ્રથમ કલાકમાં પોતપોતાના મતવિસ્તારોમાં પાછળ ચાલી રહ્યા હતા. ન્યૂઝ રિપોર્ટ્સ અનુસાર, કોંગ્રેસ-UDF લગભગ 98 બેઠકો પર આગળ હતી, જ્યારે CPI(M)ના નેતૃત્વ હેઠળની LDF 38 બેઠકો પર આગળ હતી. કોંગ્રેસના સાંસદ શશિ થરૂર કહે છે, "ખુશીની વાત એ છે કે સવા કલાકની અંદર અમારા પક્ષમાં ખૂબ જ સ્પષ્ટ ટ્રેન્ડ દેખાઈ રહ્યો છે અને LDFના કેટલાક સારા લોકપ્રિય નેતાઓ પણ પાછળ ચાલી રહ્યા છે. મને લાગે છે કે તે ખૂબ જ સ્પષ્ટ છે કે કેરળના મતદારોને અભિનંદન આપવા જોઈએ. તેમણે નક્કી કરી લીધું છે કે પરિવર્તનનો સમય આવી ગયો છે. અને જે લોકોની વ્યક્તિગત લોકપ્રિયતા પર અમે શંકા નથી કરી રહ્યા, તેઓ પણ પાછળ પડી રહ્યા છે. મને લાગે છે કે આ એક ખૂબ જ સારો સંકેત છે. અને UDFમાં અમે લોકો કોઈ જલ્દી ઉજવણી કરવાના નથી. પરંતુ હું જોઈ શકું છું કે વસ્તુઓને ખૂબ જ અલગ દેખાવા માટે પહેલાથી જ એક મોટો ઉલટફેર કરવો પડશે." આસામ: BJP કુલ 126 બેઠકોમાંથી 1 પર આગળ (ટિંગખોંગમાં બિમલ બોરા આગળ) કેરળ: કોંગ્રેસ કુલ 140 બેઠકોમાંથી 2 પર આગળ (ત્રિશૂરમાં રાજન પલ્લન આગળ, એત્તુમાનૂરમાં નટ્ટાકોમ સુરેશ આગળ) તમિલનાડુ: TVK કુલ 234 બેઠકોમાંથી 1 પર આગળ (શ્રીવૈકુંઠમમાં સરવનન જી આગળ) મતગણતરી ચાલુ છે. આસામના મુખ્યમંત્રી હિમંતા બિસ્વા સરમા અને રાજ્ય કોંગ્રેસ અધ્યક્ષ ગૌરવ ગોગોઈ અનુક્રમે જાલુકબારી અને જોરહાટ વિધાનસભા બેઠકો પર આગળ ચાલી રહ્યા છે. આસામ જાતીય પરિષદના અધ્યક્ષ લુરિનજ્યોતિ ગોગોઈ પણ ખોવાંગમાં આગળ છે. સત્તાધારી ભાજપ 17 બેઠકો પર આગળ ચાલી રહી છે, જ્યારે કોંગ્રેસ આઠ બેઠકો પર આગળ છે. કોંગ્રેસના પૂર્વ વરિષ્ઠ નેતાઓ પ્રદ્યુત બોરદોલોઈ અને ભૂપેન બોરા, જેઓ ચૂંટણી પહેલા ભાજપમાં જોડાયા હતા, તેઓ અનુક્રમે દિસપુર અને બિહપુરિયા બેઠકો પર આગળ ચાલી રહ્યા છે. ટીવી ચેનલો પર દર્શાવવામાં આવેલા પ્રારંભિક વલણો અનુસાર, આસામની 126 વિધાનસભા બેઠકોમાંથી, સત્તાધારી ભાજપ 10 બેઠકો પર આગળ છે, જ્યારે વિરોધ પક્ષ કોંગ્રેસ છ બેઠકો પર આગળ છે. ચૂંટણી પંચે હજુ સુધી કોઈ સત્તાવાર આંકડા જાહેર કર્યા નથી. રાજ્યની તમામ 126 વિધાનસભા બેઠકો પર 9 એપ્રિલે એક જ તબક્કામાં મતદાન થયું હતું. ચૂંટણીમાં 722 ઉમેદવારો મેદાનમાં છે. TN માં તમામ 62 નિર્ધારિત મતગણતરી કેન્દ્રો પર મતોની ગણતરી શરૂ થઈ ગઈ છે. જોરહાટમાં એક કાઉન્ટિંગ સેન્ટરની બહાર સુરક્ષાના કડક બંદોબસ્ત કરવામાં આવ્યા છે. જોરહાટ, મરિયાની અને ટિટામોર વિધાનસભા બેઠકો માટે મતોની ગણતરી અહીં થશે. 126 વિધાનસભા બેઠકો માટે મતોની ગણતરી સવારે 8 વાગ્યાથી શરૂ થશે. તમિલનાડુ ચૂંટણી પરિણામો પર ભાજપ નેતા વિનોજ પી. સેલ્વમે જણાવ્યું કે, લોકોએ પરિવર્તન માટે વોટ આપ્યો છે. અમને પૂરો વિશ્વાસ છે કે નવી સરકાર શપથ લેશે. ચેન્નાઈની લોયોલા કોલેજમાં બનાવવામાં આવેલા કાઉન્ટિંગ સેન્ટર પર સુરક્ષાની સખત વ્યવસ્થા કરવામાં આવી છે. આજે અનેક મહત્વની વિધાનસભા બેઠકોના મતોની ગણતરી કરવામાં આવશે. તમિલનાડુના ચેન્નાઈમાં DMK મુખ્યાલયની બહાર સુરક્ષા વધારી દેવામાં આવી છે. આજે તમિલનાડુ વિધાનસભા ચૂંટણીના પરિણામો આવવાના છે.
