उत्तर प्रदेश पोलीस निरीक्षकाने पती आणि सासरच्या मंडळींविरोधात हुंड्यासाठी छळ केल्याची तक्रार दाखल केली

लखनऊ: उत्तर प्रदेशच्या हापूड जिल्ह्यातील एका महिला सहपोलीस निरीक्षकानं तिच्या पती आणि त्याच्या कुटुंबाविरोधात हुंड्यासाठी छळ केल्याची तक्रार दाखल केली आहे. महिला सहपोलीस निरीक्षक पायल रानीनं तिचा पती गुलशन आणि त्याच्या कुटुंबावर गंभीर आरोप केले आहे. हुंड्यासाठी छळ आणि जीवे मारण्याची धमकी दिल्याचे आरोप पायलनं केले आहेत.२ डिसेंबर २०२२ रोजी लग्न झाल्यानंतर लगेचच सासरच्यांनी १० लाख रुपये आणि कार देण्याची मागणी केली. त्यासाठी शारीरिक आणि मानसिक छळ सुरु केला. पती आणि सासू सासरे मागणी पूर्ण न झाल्यास ऍसिड फेकण्याची धमकी द्यायचे, असा पायलचा आरोप आहे. तर तिच्या पतीनं वेगळाच दावा केला आहे. मी मेहनत घेऊन पत्नीला शिकवलं. तिला पोलीस होण्यास मदत केली. या सगळ्यात तिला मोलाची साथ दिली. पण आता लग्नाला २ वर्षे होऊन गेलेली असताना ती मला खोट्या प्रकरणात अडकवत आहे, असा गुलशनचा दावा आहे.कोणी मेलंच नाही, मग कबर कोणाची? शेजारी पणती, फुलं अन् चिल्लर; गावात दहशत; 15 दिवस सरले अन्...लग्नात माझ्या कुटुंबानं त्यांच्या ऐपतीनुसार हुंडा दिला होता. पण त्यानं गुलशन आणि त्याच्या कुटुंबाचं समाधान झालं नाही. अधिक हुंडा आणण्यासाठी त्यांनी मला अनेकदा मारहाण केली, असं पायल रानी यांनी लेखी तक्रारीत म्हटलं आहे. सासरच्यांनी माझ्यावर ऍसिड फेकण्याची, मला जीवे मारण्याची धमकी दिली. त्यामुळे मला सुरक्षेची काळजी वाटते, असं रानी यांनी तक्रारीत नमूद केलं आहे. यानंतर पोलिसांनी हुंड्यासाठी मारहाण, छळ केल्याचा आणि धमकावल्याचा गुन्हा नोंदवला आहे.दुसरीकडे आरोपी पती गुलशननं वेगळीच कहाणी सांगितली आहे. त्यानं पत्नीचे सगळे आरोप फेटाळले आहेत. पोलीस अधीक्षकांकडे न्याय देण्याची मागणी केली आहे. आम्ही दोघे २०१६ पासून एकमेकांना ओळखतो. २०२१ मध्ये कोर्टात लग्न केलं. मग २०२२ मध्ये रितसर विधीवत लग्न केलं. यानंतर मी माझ्या मेहनतीनं पायलला शिकवलं. तिला सहपोलीस निरीक्षण होण्यात मदत केली. पोलीस झाल्यावर तिचा रुबाब वाढला आणि मग तिनं माझ्यावर आणि कुटुंबावर खोटा गुन्हा नोंदवला, असा दावा गुलशननं केला आहे.मधमाशांचा हल्ला, जीव वाचवण्यासाठी गवतात लपले; काही तासांनंतर जिवंत जळून शरीराचा अक्षरश: कोळसाहापूडचे पोलीस अधीक्षक कुंवर ज्ञानंजय सिंह यांनी दिलेल्या माहितीनुसार, महिला पोलिसाच्या लिखित तक्रारीवरुन गुन्हा नोंदवला आहे. या प्रकरणाचा सखोल तपास सुर आहे. दोन्ही बाजूंचे जबाब नोंदवून पुरावे गोळा करण्याचं काम सुरु आहे.