उत्तर प्रदेशातील तरुणांनी वैद्यकीय शाळेत प्रवेश मिळवण्यासाठी स्वतःची पंजा कापली

लखनऊ: उत्तर प्रदेशच्या जौनपूरच्या लाईन बाजार पोलीस ठाण्याच्या हद्दीत एक धक्कादायक प्रकार घडला आहे. एका तरुणाला अज्ञातांनी मारहाण केली. त्यात तो बेशुद्ध झाला आणि त्यांनी जाताना त्याच्या डाव्या पायाचा पंजा कापून नेला, अशी माहिती पोलिसांना मिळाली. या प्रकरणाचा तपास पोलिसांनी केला. त्यातून धक्कादायक माहिती पुढे आली आहे.२५ वर्षीय तरुणानं स्वत:च्या पायाचा पंजा स्वत:च कापल्याचं तपासातून उघड झालं. त्यासाठी त्यानं आधी इंजेक्शन टोचलं. पायाकडेचा भाग बधीर केला. यानंतर त्यानं ग्राईंडरनं पायाचा पंजा कापला. तरुणानं डीफार्माचं शिक्षण घेतलेलं असल्यानं त्याला इंजेक्शन देता येतं. दिव्यांग कोट्यातून एमबीबीएस ला प्रवेश घेण्यासाठी त्यानं हा सगळा प्रकार केला. कारण एमबीबीएस प्रवेश परीक्षा नीट यूजीमध्ये तो दोनदा नापास झाला होता. पायाचा पंजा कापून तो दिव्यांग प्रमाणपत्र तयार करणार होता आणि दिव्यांगांसाठी असलेल्या कोट्यातून प्रवेश मिळवणार होता. त्यासाठी त्यानं बीएचयू, वाराणसीला जाऊन दिव्यांग प्रमाणपत्राची माहितीदेखील घेतली होती.दोन बायका, फजिती ऐका! वाद टोकाला, ग्राम पंचायत बसताच पेच सुटला; 3-3-1 चा फॉर्म्युला ठरलापोलीस अधिकारी गोल्डी गुप्ता यांनी दिलेल्या माहितीनुसार, ही घटना शनिवारी रात्री १२ वाजता घडली. त्याची माहिती पोलिसांना सकाळी मिळाली. २५ वर्षांच्या सूरज भास्करला कोणीतरी मारहाण केली आणि त्याच्या पायाचा पंजा कापला असल्याचं समजलं. आम्ही अज्ञाताविरोधात हत्येचा गुन्हा नोंदवत तपास सुरु केला. सूरजकडून घटनाक्रमाची माहिती घेतली. तो घटनाक्रम संशयास्पद वाटत होता.पोलिसांनी सलग दोन दिवस रुग्णालयात जाऊन सूरजची चौकशी केली. त्याच्या जबाबात विसंगती आढळून आली. तो जबाब वारंवार बदलत होता. पोलिसांची दिशाभूल करण्याचा प्रयत्न करत होता. यानंतर पोलिसांनी सीडीआर आणि इलेक्ट्रॉनिक पुरावे गोळा केले. त्यातून धक्कादायक उलगडा झाला. या प्रकरणात बाहेरील व्यक्तीचा हात नव्हता. सूरजनं त्याचा पाय स्वत:चा कापला होता. शेतात काही इंजेक्शन्स सापडली. सूरजनं स्वत:ला इंजेक्शन टोचून पाय सुन्न करुन घेतला होता.कोण घुसलंय गं घरात? आई, भाऊ कामाला जाताच काकी दारात; लोखंडी पेटी उघडली अन् एकच खळबळ उडालीपोलिसांनी सूरजचा सीडीआर काढला. त्यात एका नंबरवर सूरजचे जास्त कॉल होते. तो नंबर सूरजच्या प्रेयसीचा होता. पोलिसांनी तिची चौकशी केली. त्यातून सूरजचं भांडं फुटलं. सूरजला काहीही करुन २०२६ मध्ये डॉक्टर व्हायचं होतं. तो ऑक्टोबरमध्ये बीएचयूच्या वैद्यकीय महाविद्यालयातही गेला होता. त्यानं दिव्यांग प्रमाणपत्र तयार करायचा प्रयत्न करुन पाहिला. पण कोणतंही व्यंग नसल्यानं त्याला प्रमाणपत्र मिळालं नाही.