ए. आय. डेटा सेंटरच्या आव्हानांदरम्यान ओरॅकल मोठ्या प्रमाणावर कामावरून काढून टाकण्याची तयारी करत आहे

Layoff News:आयटी क्षेत्रातील दिग्गज कंपनी ओरेकल (Oracle) सुमारे 20 ते 30 हजार कर्मचाऱ्यांची कपात करण्याच्या तयारीत असल्याची धक्कादायक माहिती समोर आली आहे. अहवालानुसार, ही कपात कंपनीच्या AI डेटा सेंटर प्रकल्पांशी संबंधित पुनर्रचनेचा भाग असू शकते. CIO (Chief Information Officer) च्या अहवालानुसार, ओरेकल आपल्या काही मालमत्ता विकण्याचा विचार करत असून, यामागे अमेरिकन बँकांनी कंपनीच्या AI डेटा सेंटर प्रकल्पांमध्ये गुंतवणूक करण्यास अनिच्छा दर्शवणे, हे प्रमुख कारण असल्याचे सांगितले जात आहे. AI रिस्ट्रक्चरिंगच्या पार्श्वभूमीवर कपात काही दिवसांपूर्वीचअ‍ॅमेझॉनकडून16 हजार कर्मचाऱ्यांच्या कपातीची घोषणा करण्यात आली होती. त्या कपातीमागेही AI आधारित रिस्ट्रक्चरिंग प्लॅन असल्याचे सांगण्यात आले होते. त्यामुळे टेक सेक्टरमध्ये AI मुळे नोकऱ्यांवर वाढता ताण स्पष्टपणे दिसून येतोय. ओरेकलच्या आर्थिक क्षमतेवर गुंतवणूकदारांचा प्रश्नचिन्ह CIO च्या अहवालात असे नमूद करण्यात आले आहे की, ओरेकलच्या इक्विटी आणि कर्ज देणाऱ्या गुंतवणूकदारांनी कंपनीच्या AI डेटा सेंटर उभारण्याच्या क्षमतेवर प्रश्न उपस्थित केले आहेत. कंपनीची सध्याची आर्थिक स्थिती आणि ग्राहकांशी असलेले संबंध याचा परिणाम या निर्णयांवर होत असल्याचेही अहवालात नमूद आहे. ओरेकलने यापूर्वी OpenAI (सॅम ऑल्टमॅन यांच्या नेतृत्वाखालील) संस्थेसाठी डेटा सेंटर उभारण्याचा मोठा प्रकल्प हाती घेतला होता. या प्रकल्पासाठी सुमारे 156 अब्ज डॉलर्सची गुंतवणूक करण्याची कमिटमेंट होती. मात्र आता बँका या प्रकल्पासाठी कर्ज देण्यापासून मागे हटत असल्याचे सांगितले जात आहे. छाटणीचा संभाव्य आर्थिक फायदा अहवालानुसार, या मोठ्या प्रमाणावरील छाटणीमुळे ओरेकलला सुमारे 8 ते 10 अब्ज डॉलर्सचा कॅश फ्लो उपलब्ध होऊ शकतो. मात्र, या संपूर्ण प्रकरणावर ओरेकलकडून अद्याप कोणतीही अधिकृत घोषणा करण्यात आलेली नाही. इतिहासातील सर्वात मोठी कपात जर 20–30 हजार कर्मचाऱ्यांची छाटणी प्रत्यक्षात झाली, तर ती ओरेकलच्या इतिहासातील सर्वात मोठी छाटणी ठरेल. याआधी 2025 मध्ये कंपनीने 10 हजार कर्मचाऱ्यांना कामावरून कमी केले होते, तेव्हा 1.6 अब्ज डॉलर्सच्या रिस्ट्रक्चरिंग प्लॅनचा हवाला देण्यात आला होता.