क्रिकेटचे थेट प्रक्षेपण भारतात सुरू करण्यासाठी'विलो बाय क्रिकबझ'सज्ज

भारतातील क्रीडाप्रेमींसाठी आनंदाची बातमी आहे. हॉटस्टार आणि सोनी लिव्हनंतर आता लाईव्ह क्रिकेट स्ट्रीमिंगसाठी आणखी एक नवा पर्याय उपलब्ध होणार आहे. ‘ Willow by Cricbuzz ’ हा लाईव्ह स्ट्रीमिंग प्लॅटफॉर्म भारतात लवकरच सुरू होणार असून, फेब्रुवारी महिन्यात त्याची अधिकृत सुरुवात अपेक्षित आहे. अमेरिका आणि कॅनडामध्ये लोकप्रिय असलेला ‘ Willow ’ आता भारतीय प्रेक्षकांसाठीही उपलब्ध होणार आहे.विलोने यूट्यूबसोबत भागीदारी केली असून, ICC T20 World Cup मध्ये यूएसए संघाचे सर्व चार सामने यूट्यूबवर मोफत पाहता येणार आहेत. यूएस आणि कॅनडानंतर पहिल्यांदाच भारतात काही विश्वचषक सामने विनामूल्य पाहण्याची संधी चाहत्यांना मिळणार आहे. याव्यतिरिक्त, विलोने Jomboy Media सोबत भागीदारी करत ‘क्रिएटर-नेतृत्वाखालील’ पर्यायी प्रक्षेपणाची सुविधा सुरू केली आहे. हे प्रक्षेपण Jomboy Media च्या यूट्यूब चॅनलवर उपलब्ध असेल. पारंपरिक समालोचनासोबत थेट प्रतिक्रिया, कथाकथन आणि तज्ज्ञ दृष्टिकोन यांचा मिलाफ असलेला अधिक संवादात्मक आणि व्यक्तिमत्त्व-केंद्रित अनुभव या माध्यमातून प्रेक्षकांना मिळणार आहे.यूएसएच्या चार सामन्यांव्यतिरिक्त, ICC T20 विश्वचषकातील सर्व सामने यूट्यूब टीव्हीच्या “NFL RedZone with Sports Plus” पॅकेजमधील विलोच्या लिनिअर चॅनलवर, तसेच विलोच्या यूट्यूबवरील ‘Willow Primetime Channels’ सेवेद्वारे पाहता येणार आहेत.‘Willow by Cricbuzz’ आपल्या वेबसाइट, मोबाईल ॲप्स आणि कनेक्टेड टीव्ही ॲप्सवर एक नवीन अनुभव देणार आहे. उच्च-गुणवत्तेचा व्हिडिओ, जलद स्ट्रीमिंग, थेट सामने, रिप्ले आणि हायलाइट्स सहजपणे पाहता येतील, अशी सुविधा या प्लॅटफॉर्मवर उपलब्ध असेल. Jomboy Media सोबतच्या भागीदारीतून तयार केलेले हे पर्यायी प्रक्षेपण विशेषतः यूएसए विरुद्ध भारत आणि यूएसए विरुद्ध पाकिस्तान या सामन्यांसाठी उपलब्ध असेल, ज्यामुळे प्रेक्षकांना अधिक सखोल, मनोरंजक आणि वेगळा पाहण्याचा अनुभव मिळणार आहे."कोविडच्या काळात मी क्रिकेटच्या प्रेमात पडलो," असे जॉमबॉय मीडियाचे संस्थापक जिमी "जॉमबॉय" ओ'ब्रायन म्हणाले. "बेसबॉलच्या या मोठ्या भावासाठी (क्रिकेटसाठी) अमेरिकेत नवीन चाहते निर्माण करण्यास आम्ही उत्सुक आहोत."