न्यूझीलंडविरुद्धची टी20 मालिका भारताने 4-1 ने जिंकली

तिरुवनंतनमपुरम:भारतविरुद्ध न्यूझीलंड यांच्यात पाच टी-20 सामन्यांची मालिका रंगली. या मालिकेत भारताने बाजी मारली. भारताने मालिका 4-1 ने जिंकली. संपूर्ण मालिकेत भारताने दमदार कामगिरी केली. मालिकेतील चौथा सामना फक्त भारताने गमावला. ग्रीनफील्ड इंटरनॅशनल स्टेडियमवर झालेल्या पाचव्या टी-20 सामन्यात न्यूझीलंडला भारताविरुद्ध 46 धावांनी पराभव पत्करावा लागला. मालिका गमावल्यानंतर किवी कर्णधार Mitchell Santner काय म्हणाला ते पाहा....मिचेल सँटनरम्हणाला की, "मालिका गमावली असली तरी त्यांच्या संघाने काही सकारात्मक गोष्टी शिकल्या. मला वाटते की जेव्हा तुम्ही संपूर्ण मालिकेकडे पाहता तेव्हा आम्हाला खूप सकारात्मक गोष्टी शिकायला मिळाल्या. भारत हा एक खूप चांगला संघ आहे. मी सुरुवातीलाच हे सांगितले होते आणि त्यांच्या परिस्थितीत त्यांना हरवणे खूप कठीण आहे. कदाचित आम्ही गोलंदाजांसाठी गोष्टी थोड्या कठीण केल्या असतील, परंतु एकंदरीत, हा एक मनोरंजक सामना होता."IND vs NZ 5th T20: मालिका जिंकल्यानंतर सूर्यकुमार यादवने भारतीय खेळाडूंचे कौतुक केले नाही, चांगले खेळले तरीही...किवी कर्णधाराचा असा विश्वास आहे की, "भारताविरुद्धची ही मालिका न्यूझीलंडला विश्वचषकाची तयारी करण्यास मदत करेल. मला वाटते की जेव्हा तुम्हाला संपूर्ण मालिकेत आव्हान दिले जाते तेव्हा ती नेहमीच चांगली गोष्ट असते. तुम्ही तुमच्या गोलंदाजांवर आणि फलंदाजांवर दबाव आणता आणि त्यातून तुम्ही शिकता. त्या दृष्टिकोनातून, ही आमच्यासाठी खूप चांगली मालिका आहे. अर्थात, निकाल आमच्या मनासारखे गेले नाहीत, परंतु प्रत्येक सामन्यातून काहीतरी शिकण्यासारखे आहे."कालच्या पाचव्या सामन्यात इशान किशनने शानदार शतक ठोकले. इशानने दमदार कमबॅक केला आणि मालिका गाजवली. अभिषेक शर्माने ही मालिका गाजवली. बराच काळ आऊट ऑफ फॉर्म असलेल्या सूर्यालाही आपला सूर गवसला आहे. सूर्याने या मालिकेत तीन वेळा अर्धशतक ठोकले. या मालिकेनंतर सूर्याला प्लेअर ऑफ द सिरीजचा पुरस्कारही मिळाला. आता पुढील महिन्यात टी-20 विश्वचषकाची स्पर्धा रंगेल. या पहिला सामना 7 फेब्रुवारी रोजी रंगणार आहे. भारताचा पहिला सामना अमेरिकेविरुद्ध वानखेडे स्टेडियमवर मुंबईत रंगणार आहे.