नैसर्गिक ऊर्जा उघडणेः सकाळच्या दिनचर्येत बीट आणि चिया बियाण्यांच्या रसाची ताकद

सकाळ ही दिवसाची दिशा ठरवते असं म्हटलं जातं. जर उठल्यावर मन आणि शरीर ताजेतवाने असेल तर दिवसभर उत्साहाने प्रत्येक काम करता येतं. पण आजच्या धावपळीच्या आयुष्यात सकाळीच थकवा, अपचन किंवा पित्तासारख्या समस्या जाणवल्या तर मूड बिघडतो आणि ऊर्जा हरवते. यामुळे कामावर लक्ष केंद्रित करणे कठीण जाते. आरोग्य तज्ञ सांगतात की सकाळी योग्य आहार घेतला, तर शरीराला नैसर्गिक शक्ती मिळते आणि मनही प्रसन्न राहतं.यासाठी काही लोक कॉफी किंवा चहा घेतात, तर काहीजण डिटॉक्स वॉटर पितात. पण अलीकडे एक नैसर्गिक पेय खूप लोकप्रिय होत आहे – बीटरूट आणि चिया सीड्सचा रस. हा पेय केवळ डिटॉक्ससाठीच नाही, तर त्वचा, रक्त आणि पचन यांसाठीसुद्धा अत्यंत उपयुक्त ठरतो. त्यामुळे दिवसाची सुरुवात या रसाने केल्यास आरोग्याबरोबरच ऊर्जा मिळून कामात जास्त चांगलं लक्ष देता येतं.शरीर डिटॉक्ससाठी उपयुक्त पेय​बीटरूट आणि चिया सीड्सदोन्ही नैसर्गिक डिटॉक्सिफायर आहेत. बीटामध्ये असलेले अँटीऑक्सिडंट्स शरीरातील विषारी द्रव्यं बाहेर काढतात. तर चिया सीड्स पचन सुधारून आतड्यांमध्ये जमा झालेली घाण स्वच्छ करतात. डिटॉक्स झाल्यावर रक्तप्रवाह सुधारतो आणि शरीर हलकं वाटतं. सकाळी हा रस घेतल्यास दिवसभराची जडत्वाची भावना कमी होते आणि ताजेतवानेपणा जाणवतो.रक्तशुद्धी आणि हिमोग्लोबिन वाढवतो​बीटरूटमध्ये लोह मुबलक प्रमाणातअसतं. त्यामुळे हिमोग्लोबिन कमी असलेल्या व्यक्तींना हा रस खूप फायदेशीर ठरतो. लोहामुळे शरीरात लाल रक्तपेशींची निर्मिती वाढते आणि रक्त शुद्ध राहते. तर चिया सीड्समध्ये असणारी मिनरल्स ही प्रक्रिया अधिक परिणामकारक बनवतात. नियमित सेवनाने अॅनिमियासारखी समस्या टाळता येते आणि थकवा कमी होतो.त्वचेसाठी नैसर्गिक सौंदर्यदायकअनेकांना सकाळी उठल्यावर त्वचा निस्तेज वाटते. पण बीटरूट रसामधील जीवनसत्त्व C आणि अँटीऑक्सिडंट्स त्वचेला आतून चमकदार ठेवतात. चिया सीड्समधील ओमेगा–३ फॅटी ॲसिड्सत्वचेतील कोरडेपणा कमी करतातआणि सुरकुत्या येण्याची गती कमी करतात. या पेयाचं नियमित सेवन केल्यास त्वचेला नैसर्गिक ग्लो मिळतो आणि रसायनयुक्त उत्पादनांवर अवलंबून राहावं लागत नाही.पचनसंस्था आणि वजन नियंत्रणात मदतआजकाल बहुतेकांना बद्धकोष्ठता, गॅस, पोट फुगणे अशा समस्या जाणवतात. बीटरूटमध्ये असलेलं फायबर पचन सुधारतं आणि आतड्यांची हालचाल सुरळीत ठेवतं. चिया सीड्स पोटात फुगून बराच वेळ भूक लागत नाही. त्यामुळे ओव्हरईटिंग टाळलं जातं. जे लोक वजन कमी करण्याचा प्रयत्न करत आहेत, त्यांच्यासाठी हा रस उत्तम आहे. तो पोटभर ठेवतो, ऊर्जा देतो आणि कॅलरीज कमी ठेवतो.बघा ज्यूसची रेसिपी​View this post on InstagramA post shared by Zenithdietclinic | Best Dietitian in Delhi NCR (@dieticianpriyamittal)​बीटरूट चिया सीड्स ज्यूस​​रस तयार करण्याची सोपी पद्धतहा रस तयार करणे अगदी सोपं आहे. बीटरूट स्वच्छ धुऊन बारीक तुकडे करून मिक्सरमध्ये वाटून घ्यावं. त्यात एक चमचा भिजवलेले चिया सीड्स टाकून पुन्हा मिक्स करावं. हवं असल्यास थोडं गाजर किंवा सफरचंदही घालता येतं. चवीसाठी लिंबाचा रस टाकल्यास तो अजून पौष्टिक होतो. या नैसर्गिक रसाचा एक ग्लास सकाळी घेतल्यास तो औषधांपेक्षा जास्त परिणामकारक ठरतो.टिप :हा लेख केवळ सामान्य माहितीच्या उद्देशाने आहे. हा वैद्यकीय सल्ला, निदान किंवा उपचारांचा पर्याय नाही. अधिक तपशीलांसाठी नेहमी आपल्या डॉक्टरांचा सल्ला घ्या. लेखातील माहितीची अचूकता, विश्वासार्हता किंवा परिणामकारकतेची जबाबदारी MT घेत नाही.