पुणे महानगरपालिकेच्या महापौरपदासाठी भाजपकडून चार महिलांची नामनिर्देशन

पुणे:पुणेमहापालिकेच्यामहापौरपदासाठीभाजपकडुन मंजुषा नागपुरे आणि उपमहापौरपदासाठीपरशुराम वाडेकर यांनी उमेदवारी अर्ज दाखल केले आहेत. या दोन्ही पदासाठी राष्ट्रवादी कॉग्रेस (अजित पवार )आणि कॉग्रेसने उमेदवारी अर्ज दाखल केले असले तरी पुणे महापालिकेत भाजपची एकहात्ती सत्ता असल्यामुळे या निवडणुकीत नागपुरे आणि वाडेकर यांचा विजय निश्चित आहे. त्यामुळे नागपुरे आणि वाडेकर यांच्या निवडीची केवळ औपचारीकता बाकी राहिली आहे. पुणे महापालिकेच्या निवडणुकीत ११९ जागा मिळवून भाजपला निर्विवाद बहुमत मिळाले आहे. सर्वसाधारणमहिलाप्रवर्गासाठी आरक्षित झाले आहे. भाजपच्या चौथ्यांदा निवडून आलेल्या वर्षा तापकीर यांच्यासह मंजुषा नागपुरे, रंजना टिळेकर, मानसी देशपांडे, स्वरादा बापट यांच्या नावाची जोरदार चर्चा होती. महापौर कोण होणार याची उत्सुकता लागली होती. महापौरपदासाठी मंगळवारी सकाळी ११ ते दुपारी २ वाजेपर्यत उमेदवारी अर्ज दाखल करण्यासाठी मुदत होती. भाजपच्या वरिष्ठ नेत्यांनी महापौरपदासाठी मंजुषा नागपुरे आणि उपमहापौरपदासाठी मुळचे आरपीआयचे असलेले आणि भाजपच्या चिन्हावर निवडुन आलेले परशुराम वाडेकर यांच्या नावावर मंगळवारी सकाळी शिक्कामोर्तब केले. त्यानंतर नागपुरे यांनी महापौर पदासाठीचा तर उपमहापौरपदासाठी वाडेकर यांनी उमेदवारी अर्ज नगरसचिव योगिता भोसले यांच्याकडे दाखल केला. यावेळी भाजपचे शहराध्यक्ष धीरज घाटे, गटनेते गणेश बिडकर, माजी सभागृहनेते आणि नगरसेवक श्रीनाथ भिमाले यांच्यासह पदाधिकारी आणि नगरसेवक उपस्थित होते. सिहंगड रोडला प्रथमच महापौरपदाचा मान मिळणार महापौर, उपमहापौर पदाची निवडणूक ९ फेब्रुवारी रोजी सकाळी ११ वाजता जिल्हाधिकारी तथा पिठासीन अधिकारी जितेंद्र डुडी यांच्या उपस्थित होणार आहे. निवडणुकीच्या दिवशी पीठासीन अधिकारी उमेदवारी अर्ज मागे घेण्यासाठी १५ मिनिटांचा कालावधी देतात. त्यानंतर अर्ज मागे न घेतल्यास निवडणूक प्रक्रिया राबवून सभागृहात मतदान होते. भाजपकडे स्पष्ट बहुमत आहे. त्यामुळे नागपुरे आणि वाडेकर यांचा विजय निश्चित आहे. त्यांच्या निवडीच्या घोषणा झाल्यानंतर सिंहगड रोड परिसराला प्रथमच महापौरपदाचा मान मिळणार आहे. नागपुरे या सलग तिसऱ्यांदा नगरसेवक म्हणून निवडून आल्या आहेत. यंदाच्या महापालिका निवडणुकीत त्यांनी प्रभाग क्रमांक ३४ मधून बिनविरोध विजयी झाल्या आहेत. मंजूषा नागपुरे या भाजपच्या निष्ठावंत नगरसेविका म्हणून ओळखल्या जातात. महापालिकेच्या कामाच त्यांचा चांगला अनुभव आहे. स्थायी समितीसारख्या महत्त्वाच्या समितीवर त्यांनी काम केलेले आहे. उपमहापौरपदासाठी भाजपकडून परशुराम वाडेकर यांनी अर्ज भरला आहे. पत्नीपाठोपाठ पती उपमहापौर होणार भाजपने उपमहापौरपदासाठी परशुराम वाडेकर यांना संधी दिली आहे. त्यांची निवड निश्चित होणार आहे. गेल्या टर्ममध्ये परशुराम वाडेकर यांच्या पत्नी सुनिता वाडेकर या उपमहापौर होत्या. आता परशुराम वाडेकर हे उपमहापौर होणार आहेत. त्यामुळे पत्नी पाठोपाठ पती उपमहापौर होणार आहे. वर्षा तापकीर यांच्यावर अन्याय भाजपच्या नगरसेविका वर्षा तापकीर या २००७, २०१२, २०१७ आणि आता निवडून आल्या आहेत. त्या सलग चौथ्यांदा सभागृहात आल्या आहेत. २०१७ मध्ये पुणे महापालिकेत भाजपची सत्ता असताना वर्षा तापकीर यांना कुठल्याही पदावर संधी देण्यात आली नव्हती. त्यामुळे आता वर्षा तापकीर यांना संधी मिळण्याची दाट शक्यता होती. पण या वेळेसही वर्षा तापकीर यांना डावलण्यात आले आहे. वर्षा तापकीर या सातत्याने राष्ट्रवादीचा बालेकिल्ला राहिलेल्या भागातुन निवडून आल्या आहेत. शहराच्या ५८व्या आणि दहाव्यामहिलामहापौर होणार पुणे महापालिकेत आतापर्यंत ५७ महापौर तर कमल व्यवहारे ,ॲड. वंदना चव्हाण, वत्सला आंदेकर ,दिप्ती चवधरी, रजनी त्रिभुवन, राजलक्ष्मी भोसले, वैशाली बनकर, चंचला कोंद्रे , मुक्ता टिळक या नउ महिला महापौर झाल्या आहेत. मंजुषा नागपुरे यांची निवड झाल्यानंतर ५८व्या महापौर तर दहाव्या महिला महापौर ठरणार आहे. महापौर पद हे केवळ उपभोगण्यासाठी नव्हे तर पुणेकरांची सेवा करण्यासाठी मिळालेली संधी आहे. त्यामुळे पुणेकरांना हेवा वाटेल त्याप्रमाणे काम करणार आहे. भाजपच्या सर्व नेत्यांनी विश्वास ठेवून महापौर पदाची मोठी संधी दिली आहे. अजित पवार यांच्या मार्गदर्शनाखाली काम करण्याची खूप इच्छा होती. परंतु ते आपल्यामध्ये आज नाहीत, याची मोठी उणीव जाणवत आहे. - मंजुषा नागपुरे, महापौर पदाच्या उमेदवार, भाजप.