पहिल्यांदाच यशस्वीः दीपाली माने हिने बाराव्या इयत्तेत यश मिळवून कुटुंबात इतिहास रचला

कुटुंबात बारावी उत्तीर्ण करणारी पहिली व्यक्ती दीपाली माने हिने (वाणिज्य शाखा) 85.67 टक्के गुण मिळवत आपल्या कुटुंबात इतिहास रचला. पिंपरी-चिंचवडमध्ये घंटागाडीवर काम करणाऱ्या वडिलांची मुलगी असलेल्या दीपालीवर शिक्षण सोडण्याची वेळ आली होती. मात्र, तिच्या जिद्दीने आणि संस्थेच्या मदतीने ती पुन्हा शिक्षणाच्या प्रवाहात आली. त्यानंतर दीपालीने अकरावीत प्रवेश घेतला आणि मेहनत घेऊन यश मिळवले आहे. आपल्या कुटुंबातील बारावी उत्तीर्ण करणारी दीपाली पहिली व्यक्ती आहे.