भारत 1 फेब्रुवारीपासून दैनंदिन जीवनात व्यापक बदल आणत आहे

आजपासून फेब्रुवारी महिना सुरु झाला आहे आणि संसदेत देशाचा सर्वसाधारण अर्थसंकल्प सादर होणार असताना सर्वसामान्यांच्या दैनंदिन आयुष्याशी संबंधित अनेक मोठे बदल देखील आजपासून लागू झाले आहेत. 1 फेब्रुवारीपासून सिगारेट, तंबाखू, तंबाखू उत्पादने, एलपीजी, पीएनजी, सीएनजी, फास्टॅग आणि क्रेडिट कार्डशी संबंधित नियमांमध्ये बदल लागू होतील. आज बँकिंग नियमांमध्येही महत्त्वपूर्ण बदल होत आहेत.आजपासून बँकिंग नियम बदलणारआजपासून बँकिंग नियमांमध्ये अनेक मोठे बदल होत आहेत. यामध्ये एसबीआय, एचडीएफसी बँक, ICICI बँक आणि पंजाब नॅशनल बँक (पीएनबी) यांचा समावेश असेल. या बदलांचा ग्राहकांच्या दैनंदिन बँकिंग क्रियाकलाप, आयएमपीएस व्यवहार, क्रेडिट कार्ड फायदे आणि केवायसी अपडेटवर परिणाम करतील. आज कोणते नवीन बदल येत आहेत ते जाणून घेऊया.FASTag नियमांमध्ये बदल​भारतीय राष्ट्रीय महामार्ग प्राधिकरण म्हणजे NHAI ने FASTags साठी KYC पडताळणी प्रक्रिया पूर्णपणे बंद केली आहे. 1 फेब्रुवारीपासून तुमचा FASTag सक्रिय केल्यानंतर तुम्हाला कोणत्याही अतिरिक्त KYC पडताळणीची आवश्यकता राहणार नाही. आता वाहनांशी संबंधित सर्व पडताळणी आगाऊ पूर्ण करण्याची जबाबदारी जारी करणाऱ्या बँकांची असेल.सिगारेट आणि तंबाखूजन्य पदार्थ आणखी महागणार1 फेब्रुवारीपासून सिगारेट, गुटखा, जर्दा, पान मसाला (तंबाखू असलेले) आणि इतर तंबाखूजन्य पदार्थांवरील कर वाढणार आहे. यामध्ये फिल्टर केलेल्या आणि लांब सिगारेटवर जास्त शुल्क आकारले जाणार असून केंद्र सरकारने उत्पादन शुल्क वाढवले आहे आणि पान मसाल्यावर आरोग्य आणि राष्ट्रीय सुरक्षा उपकर देखील लादला आहे. तसेच बिडीवरील कमी कर स्लॅब कायम राहील, ज्यामुळे धूम्रपान करणाऱ्यांवर भार वाढेल.अर्थसंकल्पाआधी LPG सिलिंडर महागला1 फेब्रुवारी रोजी अर्थसंकल्पापूर्वीच एलपीजी सिलिंडर ग्राहकांना धक्का बसला आहे. व्यावसायिक एलपीजी सिलिंडर आणि घरगुती सिलिंडरचे दर आज, 1 फेब्रुवारी 2026 रोजी सुधारित केले गेले आहेत. व्यावसायिक सिलिंडरच्या किमतीत 50 रुपयांनी वाढला आहे, तर घरगुती एलपीजी सिलिंडरच्या किमतीत कोणताही बदल झालेला नाही.एसबीआयचे नवीन नियमभारतातील सर्वात मोठी सार्वजनिक क्षेत्रातील बँक, स्टेट बँक ऑफ इंडिया, 15 फेब्रुवारीपासून एसबीआयचे आयएमपीएस व्यवहार शुल्काशी संबंधित नियम बदलणार आहेत. एसबीआयने काही आयएमपीएस व्यवहारांवरील सेवा शुल्क बदलण्याचा निर्णय घेतला आहे.आयसीआयसीआय बँकेचे नवीन नियम1 फेब्रुवारी 2026 पासून आयसीआयसीआय बँक काही क्रेडिट कार्डवरील बुकमायशो मोफत चित्रपट तिकिटाचा लाभ बंद करेल. पण वाहतूक आणि विमा खर्चावर मिळवलेले रिवॉर्ड पॉइंट्स सुरू राहतील. काही कार्डांसाठी रिवॉर्ड सिस्टममध्ये आणखी सुधारणा केली जाईल, म्हणजेच चित्रपटाचा फायदा काढून टाकला जाईल, मात्र, इतर रिवॉर्ड्स कायम राहतील.एचडीएफसी बँकेचे नवीन नियमएचडीएफसी बँकेने प्रीमियम इन्फिनिया मेटल क्रेडिट कार्डसाठी रिवॉर्ड पॉइंट रिडेम्पशन नियम बदलले आहेत. 1 फेब्रुवारी 2026 पासून ग्राहक दरमहा पाच वेळा रिवॉर्ड पॉइंट रिडीम करू शकतील. याआधी कोणतीही मर्यादा नव्हती, म्हणून हाय-एंड कार्ड वापरकर्त्यांना हा बदल लक्षात ठेवावा लागेल.