भारत-अमेरिका व्यापार करारामुळे भारत-रशियाच्या तेल खरेदीवर कोणताही परिणाम होणार नाही-क्रेमलिन

मॉस्को :भारत आणि अमेरिका यांच्यात अखेर व्यापार करार झाला आहे. ट्रम्प प्रशासनाने 18 टक्क्यांपर्यंत टॅरिफ कमी केले आहे. करारामुळे 500 अब्ज डॉलर्सच्या उत्पादनाची भारतात आयात करण्यात येऊ शकते अशी आशा ट्रम्प व्यक्त करत आहेत. पण या व्यापार कराराचा भारत आणि रशिया यांच्यातील संबंधावर परिणाम होणार अशी चर्चा होऊ लागली. दरम्यान रशियाने यावर प्रतिक्रिया दिली आहे.रशियाची प्रतिक्रियारशियाने प्रतिक्रियेमध्ये स्पष्ट केले आहे की, भारताकडून तेल खरेदी थांबवण्याबाबत त्यांना कोणताही संकेत मिळालेला नाही आणि दोन्ही देशांमधील संबंध मजबूतपणे पुढे जात आहेत. क्रेमलिनचे प्रवक्ते दिमित्री पेस्कोव यांनी माध्यमांशी बोलताना, अमेरिका आणि व्यापार करारामुळे भारत रशियाच्या तेल खरेदी करणार नाही या बातम्यांना पूर्णविराम देण्याचा प्रयत्न केला.पेस्कोव म्हणाले की, आम्हाला आतापर्यंत भारत सरकारकडून रशियन तेल खरेदी थांबवण्याबाबत कोणतीही अधिकृत सूचना मिळालेली नाही. त्यांचे वक्तव्य महत्त्वाचे आहे कारण पश्चिमी माध्यमांमध्ये सातत्याने असा प्रचार केला जात होता की, डोनाल्ड ट्रम्प यांच्यासोबत करार करण्यासाठी भारताने रशियाशी फारकत घेण्याचा निर्णय घेतला आहे.रशियाचा मानसपेस्कोव यांनी केवळ तेलासंबंधी प्रतिक्रिया दिली नाही, तर त्यांनी भारतासोबतच्या व्यापक धोरणात्मक संबंधांवरही विश्वास व्यक्त केला. त्यांनी सांगितले की, रशिया भारतासोबतचे आपले संबंध सर्वोतोपरी विकसित करण्याचा आणि पुढे नेण्याचा मानस ठेवतो. 2022 मध्ये रशिया-युक्रेन युद्ध सुरू झाल्यानंतर, भारत रशियन कच्च्या तेलाचा सर्वात मोठा खरेदीदार बनला होता.रशियामुळे लागू करण्यात आलेला मोठा दंडअमेरिकेचे राष्ट्राध्यक्ष डोनाल्ड ट्रम्प यांनी भारत रशियाकडून तेल खरेदी करत असल्याने 25 टक्के अतिरिक्त टॅरिफ दंड स्वरुपात लागू केला होता. त्या अगोदर काही दिवसांपूर्वीच 25 टॅरिफची घोषणा ट्रम्प यांनी केली होती. एकूण 50 टक्के टॅरिफ भारतावर लागू केला होता. अखेर व्यापार करारासोबत आयात शुल्क 18 टक्क्यांपर्यंत कमी करण्यात आले आहे. त्यामुळे भारत अमेरिका यांच्यातील व्यापाराला गती मिळणार आहे. तेलासंंबधी