भारतात मधमाशी काढताना झाडावरून पडून व्यक्तीचा मृत्यू

नसरापूर (ता. भोर) येथील बनेश्वर मंदिराबाहेरील वनविभागाच्या हद्दीतील असणाऱ्या झाडावरील मधमाशांचे पोळे काढताना विष्णू मारुती पवार हा पडून मृत्युमुखी पडला. ही घटना बुधवारी (दि. 18) रोजी मध्यरात्री दीडच्या सुमारास घडली आहे. पोळे काढण्यासाठी हजर असलेले इतरांनी झाडावरून पडलेल्या विष्णू पवार याला नसरापूर येथील एका खासगी रुग्णालयात प्राथमिक उपचार करून ससून येथे उपचारासाठी हलविण्यात आले; मात्र उपचारादरम्यान त्याचा दुर्दैवी मृत्यू झाला. दरम्यान, घटनास्थळी सत्यशोधक बहुजन आघाडीचे राज्याचे सचिव गणपत काटेकर यांनी पाहणी करून मृत्युमुखी पडलेल्या मयत विष्णू पवार याच्या कुटुंबाला न्याय मिळवून देणार असल्याची भूमिका घेतली.