मुंबईतील अंमली पदार्थ विरोधी पथकावर संशयित अमली पदार्थ विक्रेत्याचा हल्ला

मुंबई पोलीस विभागातील अमली पदार्थ विरोधी पथक शनिवारी रात्री उलवा परिसरात अमली पदार्थ खरेदी विक्री प्रकरणी संशयित आरोपीचा शोधार्थ धडकले होते. उलवा सेक्टर 19 येथील शगुन चौकात काही लोक आढळून आले त्यांच्या हालाचारी संशयास्पद होत्या. त्यामुळे त्यांना पकडण्यासाठी हे पथक गेले असता आरोपींनी त्यांच्यावर हल्ला केला. हल्लेखोरांनी हा हल्ला करताना चॉपर, गावठी कट्टा, तलवार, फायटर पंच, हॉकी स्टिक याचा वापर केला आहे. हल्लेखोर अशा पद्धतीने प्रतीकार करीत प्रतिहल्ला चढवतील असे पोलीस पथकाला वाटलेच नाही. या हल्ल्यात सहाय्यक पोलीस निरीक्षक किरण मांढरे, पोलीस मित्र फिरोज सिद्धीकी, अहमद रजा कुरेशी, आणि अतुल जैस्वाल हे जखमी झाले आहेत.