महाराष्ट्र कुस्ती अजिंक्यपद स्पर्धाः अजितदादा पवार क्रीडागारातील निराशाजनक आणि प्रभावी कामगिरी

पुणे :महाराष्ट्र राज्य अजिंक्यपद आणि महाराष्ट्र केसरी किताब कुस्ती स्पर्धा अजितदादा पवार क्रीडानगरीत सुरू आहे. महाराष्ट्र केसरी गटातील माती विभागात सोलापूरच्या महेंद्र गायकवाडने पहिल्या फेरीत सोलापूरच्याच विशाल बनकरचा ६-१ असा पराभव केला. यानंतर अमरावतीच्या ज्ञानेश्वर जमदाडे याला कमी उंचीच्या आणि महाराष्ट्रातील कुस्तीत चपळ चित्ता म्हणून ओळखल्या जाणाऱ्या नाशिकच्या बाळू बोडके याने अत्यंत चुरशीच्या लढतीत १०-५ अशा गुणाधिक्याने पराभव करून सर्वांना आश्चर्यचकित केले.संपूर्ण देशात आपल्या कुस्ती कौशल्याने धुमाकूळ घालणाऱ्या आणि हिंगोलीचे प्रतिनिधित्व करणाऱ्यासिकंदर शेखनेपहिल्या फेरीत आपल्या लौकिकाला साजेसा खेळ करून पुण्याच्या अनिकेत मांगडेचा ८-१ असा पराभव केला. यानंतर कोल्हापूरच्या शुभम शिंदनाळेने ठाण्याच्या कुमार पाटीलचा ६-०, सोलापूरच्या रविराज चव्हाणने कोल्हापूरच्या तेजस मोरेचा १२-०, रत्नागिरीच्या संतोष दोरवडने पिंपरी-चिंचवडच्या समाधान दगडेचा १०-० असा पराभव केला. पुण्याच्या सागर देवकातेने यवतमाळच्या शुभम जाधवला चीतपट केले.Gautam Gambhir: गौतम गंभीरची हायकोर्टात धाव; 2.5 कोटी रुपयांच्या नुकसान भरपाईची मागणीमहाराष्ट्र केसरी गटात गादी विभागातील पहिल्या फेरीत मूळचापुण्याचा; पण वाइल्ड कार्डच्या माध्यमातून नांदेडचे प्रतिनिधित्व करणाऱ्या शिवराज राक्षे याने पुण्याच्या प्रतीक जगतापचा १०-० अशा गुणाधिक्याने पराभव करून विजय सलामी दिली. कोल्हापूरच्या महाराष्ट्र केसरी पृथ्वीराज पाटील याने पालघरच्या वैभव मानेचा १०-०, तर नाशिकच्या महाराष्ट्र केसरी हर्षवर्धन सदगीर याने मूळचा पुण्याचा; पण बीडचे प्रतिनिधित्व करणाऱ्या प्रतीक देशमुखचा १०-०, तर गत वेळचा महाराष्ट्र केसरी पुणे जिल्ह्याचे प्रतिनिधित्व करणारा पृथ्वीराज मोहोळ याने जालन्याच्या अरुण चरावडेचा १०-० अशा गुणाधिक्याने पराभव केला. गडचिरोलीच्या संग्राम पाटीलने वाशिमच्या आदित्य मोहोळचा ७-३ असा पराभव केला, तर साताऱ्याच्या दिग्विजय जाधवने जळगावच्या स्वप्नील पाटीलला चीतपट केले. पुणे शहराच्या श्रेयस होळकरने कोल्हापूरच्या ओंकार पाटीलचा ११-० असा पराभव करून पुढच्या फेरीत प्रवेश केला.IPL 2026 : राजस्थानसाठी 11 वर्ष देणारा संजू आता चेन्नईकडे; नवीन कॅप्टन पराग म्हणतोय, संजूला विराट, रोहितप्रमाणे पर्यायच नाहीइतर निकाल५७ किलो माती विभाग -कोल्हापूरच्या मृणाल पाटील याने पुण्याच्या ओंकार निगडेचा ४-२ असा पराभव करून सुवर्णपदक मिळवले. कोल्हापूरच्या सुदर्शन पाटील सोलापूरचे अजय निंबाळकरचा ९-४ असा पराभव करून ब्राँझपदक पटकावले. ८६ किलो - माती विभाग - अंतिम फेरीत सोलापूरच्या मशीद शेखने पुणे शहराच्या चंद्रहार नरळेचा ८-२ अशा गुणाधिक्याने पराभव सुवर्णपदक पटकावले.