महाराष्ट्र सरकारने फेब्रुवारी-मार्च 2026 च्या परीक्षेसाठी 12 वीच्या निकालाची तारीख जाहीर केली

Official websites to check 12th Result 2026:राज्यभरातील बारावीचे विद्यार्थी गेल्या कित्येक दिवसांपासून निकालाच्या तारखेची वाट पाहत होते. आता महाराष्ट्र राज्य माध्यमिक व उच्च माध्यमिक शिक्षण मंडळाने बारावी निकालाच्या तारखेची घोषणा केली आहे. बारावी परीक्षा फेब्रुवारी-मार्च २०२६ च्या परीक्षेचा निकाल शनिवारी, २ मे २०२६ रोजी जाहीर होणार आहे. गेल्या वर्षी बारावीचा निकाल ५ मे रोजी जाहीर झाला होता. त्यामुळे यंदा बारावीचा निकाल तीन दिवस अगोदर जाहीर होत आहे.बारावीचा निकालपाहण्यासाठी अधिकृत वेबसाईटची यादी या बातमीत देण्यात आली आहे. परीक्षार्थी या वेबसाईटवर जाऊन त्यांचा निकाल पाहू शकतात.HSC Result 2026 date and time: दुपारी एक वाजता निकाल लागणारमहाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२६ मध्ये घेण्यात आलेल्या उच्च माध्यमिक प्रमाणपत्र (इ.१२ वी) परीक्षेचा निकाल शनिवार दिनांक ०२ मे २०२६ रोजी दुपारी ०१ वाजता ऑनलाईन जाहीर करण्यात येणार आहे. यासंदर्भात शनिवारी, ०२ मे २०२६ रोजी ११.०० वाजता राज्य मंडळ कार्यालयात पत्रकार परिषद आयोजित केलेली आहे.Official websites to check 12th Result 2026: बारावीचा निकाल पाहण्यासाठी अधिकृत वेबसाईट्समहाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत फेब्रुवारी-मार्च २०२६ मध्ये घेण्यात आलेल्या उच्च माध्यमिक प्रमाणपत्र (इ.१२ वी) परीक्षेचा निकाल खालील अधिकृत संकेतस्थळांवर शनिवार दिनांक ०२ मे, २०२६ रोजी दुपारी ०१.०० वाजता ऑनलाईन जाहीर करण्यात येत आहे. अधिकृत संकेतस्थळे पुढीलप्रमाणे-१. https://results.digilocker.gov.in२. https://mahahsscboard.in३. https://hscresult.mkcl.org४. https://results.targetpublications.org५. https://results.navneet.comया निकालाबाबत विद्यार्थ्यांना काही शंका असल्यास विद्यार्थी ३ मे ते १७ मे या कालावधीत गुणपडताळणी आणि उत्तरपत्रिकांचा छायाप्रतींसाठी ॲानलाईन अर्ज करू शकतात. त्यासाठी विद्यार्थ्यांनाhttps://mahasscboard.inया संकेतस्थळावर जाऊन अर्ज करायचा आहे, असे माध्यमिक व उच्च माध्यमिक संचालनालयाने स्पष्ट केले आहे.परीक्षेस प्रविष्ट झालेल्या सर्व विद्यार्थ्यांचे विषयनिहाय संपादित केलेले गुण उपरोक्त संकेतस्थळांवर उपलब्ध होतील व सदर माहितीची प्रत (प्रिंट आउट) घेता येईल. त्याचप्रमाणे Digilocker App मध्ये Digital गुणपत्रिका संग्रहित करून ठेवण्याची सोय उपलब्ध करून देण्यात आलेली आहे. तसेच https://mahahsscboard.in (in college login) या संकेतस्थळावर कनिष्ठ महाविद्यालयांना त्यांच्या कनिष्ठ महाविद्यालयाचा एकत्रित निकाल उपलब्ध होईल.