रोमांचक सामन्यात गुजरात टायटन्सने पंजाब किंग्जचा धुव्वा उडवला.

Shreyas Iyer Upset IPL 2026 GT vs PBKS: यंदाच्या हंगामात विजयावर स्वार असलेल्या पंजाब किंग्जला अखेर थोडेसे अडथळे यायला सुरूवात झाली आहे. रविवारीगुजरात टायटन्सने(GT)पंजाब किंग्सचा(PBKS) ४ गडी राखून पराभव केला. अहमदाबाद येथील नरेंद्र मोदी स्टेडियमवर खेळल्या गेलेल्या या सामन्यात गोलंदाजांनी वर्चस्व गाजवले आणि फलंदाजांना प्रत्येक धाव काढण्यासाठी संघर्ष करण्यास भाग पाडले. पंजाब किंग्जने प्रथम फलंदाजी करताना ९ बाद १६३ या धावसंख्येपर्यंत मजल मारली. या आव्हानाचा पाठलाग करताना गुजरातने शेवटच्या षटकांत चार गडी राखून विजय मिळवला. या पराभवानंतर पंजाबचा कर्णधारश्रेयस अय्यरप्रचंड संतापला आणि त्याने खेळपट्टीवर आपली नाराजी व्यक्त केली. It was a great game,@gujarat_titans! 🤝pic.twitter.com/ee1rxw4SHc हेही वाचा:वॉशिंग्टनची 'सुंदर' खेळी! अखेरच्या षटकात षटकार मारत संपवली मॅच; GT ने PBKS ला दिला पराभवाचा धक्का सामन्यानंतरपंजाब किंग्सचाकर्णधारश्रेयस अय्यरनेखेळपट्टीवर प्रश्नचिन्ह उपस्थित केले. अय्यर म्हणाला, "पॉवरप्लेमध्ये चार विकेट गमावून १६० धावांपर्यंत पोहोचणे हा खरोखरच एक उत्तम प्रयत्न होता. आम्ही नवीन चेंडूने हवी तितकी अचूक गोलंदाजी करू शकलो नाही. खेळपट्टीवर पुल शॉट खेळणे सोपे नव्हते. कारण बाऊन्स अनियमित होता आणि चेंडू अचानक आतल्या बाजूला येत होता. आमच्या संघाचा प्रयत्न चांगला होता, पण आमच्या गोलंदाजीमध्ये सातत्याचा अभाव होता, ज्यामुळे संघाला लक्ष्याचा बचाव करता आला नाही." We fell short in Ahmedabad!pic.twitter.com/MTotaR3s7Z हेही वाचा:अर्धा संघ ४७ धावांत गारद! पंजाबसाठी मुंबईकर सूर्यांश शेडगेनं शड्डू ठोकला; २४ चेंडूत पहिली IPL फिफ्टी "नव्या चेंडूने गोलंदाजांना मदत मिळत असूनही आमच्या फलंदाजांनी चांगली झुंज दिली. त्यामुळे संघर्षातून आम्ही चांगली धावसंख्या उभारू शकलो. पण गुजरातच्या गोलंदाजांनी मात्र अचूक टप्पा आणि दिशा राखून गोलंदाजी केली, त्यामुळे आम्हाला सुरुवातीला मोकळेपणाने खेळता आले नाही. त्याचाच परिणाम आमच्या एकूण खेळावर झाला आणि आम्ही सामन्यात मागे पडलो. असे असले तरी आम्ही या सामन्यातून अनेक सकारात्मक गोष्टी घेऊ आणि पुढची वाटचाल करू," असे श्रेयस अय्यर म्हणाला. दरम्यान, या पराभवानंतरही ९ पैकी ६ विजयानंतरही,गुजरात टायटन्सगुणतालिकेत पाचव्या स्थानावर कायम आहे. दरम्यान, अव्वल क्रमांकावरील पंजाब किंग्स आपल्या पुढील सामन्यात पुनरागमन करण्याचा प्रयत्न करेल.