रोहित शर्माच्या'ब्रिलियंट 84'ने मुंबई इंडियन्सचा लखनौ सुपर जायंट्सवर दणदणीत विजय

मुंबई:मुंबई इंडियन्सचे मुख्य प्रशिक्षक महेला जयवर्धने यांनी लखनौ सुपर जायंट्सविरुद्धच्या यशस्वी धाव-पाठलागात दुखापतीतून परतलेल्या रोहित शर्माच्या शानदार 84 धावांच्या खेळीचे कौतुक केले. लखनौविरुद्ध मुंबई असा सामना काल वानखेडेमध्ये रंगला. या सामन्यात मुंबईला अखेर विजय झाला. मुंबईने कालचा सामना 6 विकेट्सने जिंकला. या सामन्यानंतर रोहितबद्दलची एक गोष्ट समोर आली आहे.संघाच्या मालकीण नीता अंबानी यांनीरोहितला मॅव्हरिक अवॉर्ड'प्रदान केला, त्यावेळी जयवर्धने म्हणाले, 'रोहितच्या बोलण्याआधी मला काहीतरी सांगायचं आहे, त्याचा प्रयत्न शानदार होता. त्याने इथपर्यंत पोहोचण्यासाठी खूप मेहनत घेतली. रोहित खेळण्यासाठी खूप उत्सुक होता, पण यावेळी आम्ही ओल्ड मॅन(रोहित)सोबत धैर्य ठेवले. तो एका आठवड्यात परतला असता, पण आम्ही त्याला आणखी एक आठवडा अधिकच दिला, कारण तो पूर्णपणे तयार व्हायला पाहिजे', असं महेला जयवर्धने म्हणाला. पुरस्कार स्वीकारल्यानंतर, रोहितने त्याला बरे होण्यास मदत केल्याबद्दल MI च्या वैद्यकीय टीमचे आभार मानले.12 एप्रिल रोजी रॉयल चॅलेंजर्स बंगळूरविरुद्ध धावांचा पाठलाग करताना रोहितला हॅमस्ट्रिंगला दुखापत झाली होती. तेव्हापासून, संघाला कठीण परिस्थितीचा सामना करावा लागल्याने MI ने अनेक वेगवेगळ्या सलामीच्या जोड्या वापरून पाहिल्या आहेत. पाच डावांमध्ये रोहितने 55.25 च्या सरासरीने आणि 174.01 च्या स्ट्राइक रेटने 221 धावा केल्या आहेत. त्याने या हंगामात दोन अर्धशतके झळकावली आहेत.229 धावांचे लक्ष्य गाठताना रोहित आणि रायन रिकेल्टन यांनी 65 चेंडूंमध्ये 143 धावांची भागीदारी केली. या अनुभवी सलामीवीराने सात षटकार आणि सहा चौकार मारत 44 चेंडूंमध्ये 84 धावा केल्या. डावखुरा फिरकी गोलंदाज मणिकरण सिद्धार्थने त्याला बाद केले आणि त्याचे तिसरे आयपीएल शतक हुकले. मुंबईचा पुढील सामना हा आरसीबीविरुद्ध असणार आहे. आता पुढील सामन्यात पण रोहितच्या कामगिरीवर चाहत्यांचे लक्ष असणार आहे. दरम्यान हार्दिक पंड्या आरसीबीविरुद्ध पुढील सामना खेळणार की नाही याबाबत अजूनही ससपेन्स कायम आहे.