वार्षिक उत्सव समारोपः मनोरंजन क्षेत्रात भाविकांची गर्दी

जानेवारी महिन्यात पंधरा दिवस चाललेल्या या भक्ती आणि आनंदाच्या सोहळ्याची आता अधिकृत सांगता झाली असून, होम मैदानावर सजलेले मनोरंजनाचे विश्व आता गुंडाळले जात आहे. यावर्षी यात्रेला सलग सुट्ट्यांचे पाठबळ मिळाल्याने सोलापूर जिल्ह्यासह शेजारील कर्नाटक व तेलंगणा राज्यातूनही भाविकांचा ओघ वाढला होता. बच्चेकंपनीसाठी आकर्षणाचे केंद्र असलेले गगनचुंबी आकाश पाळणे, कोलंबस आणि ड्रॅगन ट्रेन यांसारख्या खेळांनी मैदानावर चैतन्य निर्माण केले होते.