शास्त्रज्ञांनी पूर्णपणे सोन्याने बनलेल्या ग्रहाचा शोध लावलाः जागतिक दागिने उद्योगासाठी एक गेम-चेंजर?

सोन्याची किंमत दिवसेंदिवस वाढत चालली आहे. आजच्या तारखेला १० ग्रॅम सोनं घ्यायचं म्हटलं तर लाखांच्या वर पैसे मोजावे लागतात. थोडक्यात सांगायचं झालं तर सोनं खरेदी करणं आता सामान्य माणसासाठी जणू स्वप्नच बनलं आहे. असो, पण वैज्ञानिकांना एक असा ग्रह सापडला आहे जो संपूर्ण सोन्याचा बनलेला आहे. होय, जर या ग्रहावरील सगळं सोनं पृथ्वीवर आणलं, तर सोन्याचे दागिने तुम्हाला रस्त्यावर विकले जाताना दिसतील. चला तर मग पाहूया हा ग्रह नेमका कोणता आहे आणि या ग्रहावरचं सोनं पृथ्वीवर आणता येईल का?(फोटो सौजन्य - Stevebidmead/pixabay.com)कुठला ग्रह सापडला?या ग्रहाचं नाव 16 Psyche असं आहे. त्याचा शोध इटलीतील खगोलशास्त्रज्ञ अनिबेले डी गॅसपेरिस यांनी लावला. हा ग्रह पृथ्वीपासून सुमारे ५० लाख किलोमीटर अंतरावर आहे. लक्षवेधी बाब म्हणजे हा संपूर्ण ग्रह सोनं, प्लॅटिनम, लोह आणि निकेल यांसारख्या मौल्यवान धातूंनी बनलेला आहे. म्हणजे पृथ्वीवर जसे दगड-मातीचे डोंगर आहेत, तसं या ग्रहावर सोनं आणि प्लॅटिनमचे अक्षरशः डोंगर आहेत. त्यामुळे हा ग्रह सोनेरी रंगाने चमकताना दिसतो.या ग्रहाचा व्यास सुमारे २२६ किलोमीटर आहे. यावरून या ग्रहावर किती सोनं असेल याची फक्त कल्पनाच करता येईल. आज सोन्याचा दर लाखाच्या वर आहे. पण विचार करा जर या संपूर्ण ग्रहावरचं सोनं पृथ्वीवर आणलं, तर त्याची किंमत किती असेल? काही धातू तज्ज्ञांच्या मते या सोन्याची एकूण किंमत १० क्विंटिलियन डॉलर म्हणजे १० लाख कोटी कोटी रुपये इतकी असेल. आणि त्यात अजून प्लॅटिनमचं मूल्य धरलेलंच नाही.(फोटो सौजन्य - pixabay.com)सगळं सोनं पृथ्वीवर आणलं तर?खगोलशास्त्रज्ञ या ग्रहाचा अभ्यास करत आहेत. साधारण ४.५ अब्ज वर्षांपूर्वी या लघुग्रहाची निर्मिती झाली असावी असा त्यांचा अंदाज आहे. हा ग्रह मंगळ आणि गुरूच्या मध्ये असलेल्या एस्टेरॉईड बेल्टमध्ये फिरतो. त्याचं पृष्ठभाग क्षेत्रफळ सुमारे १,६५,८०० चौ.कि.मी. आहे. असे मानले जाते की 16 Psyche हा एखाद्या प्राचीन ग्रहाचा कोर असावा. दोन ग्रह आपटून फुटल्यामुळे त्यातील एका ग्रहाचा बाह्य भाग नाहीसा झाला आणि फक्त धातूंनी बनलेला कोर उरला.आता प्रश्न असा जर या ग्रहावरील सोनं पृथ्वीवर आणलं तर काय होईल? सोन्याचं मूल्यच संपेल. आज सोनं हे दुर्मीळ मूलद्रव्य आहे, कारण पृथ्वीवर ते अत्यंत कमी प्रमाणात सापडतं. त्याचबरोबर सोन्याची मागणीही खूप आहे. आणि एक साधा आर्थिक नियम आहे ज्याची मागणी जास्त आणि उपलब्धता कमी, त्याची किंमत जास्त.पण जर 16 Psyche वरून सोनं पृथ्वीवर आणलं, तर सोनं सर्वत्र उपलब्ध होईल. त्यामुळे त्याची किंमत हळूहळू कमी होईल आणि एक दिवस असा येईल की सोन्याचे दागिने रस्त्यावर विकले जातील, पण घेणारा कोणीच नसेल. असो, पण या प्रकरणी तुमचं मत काय आहे? तुम्ही देखील आपल्या प्रतिक्रिया द्या.(फोटो सौजन्य - qimono/pixabay.com)