संगीतकार पलाश मुच्छलवर फसवणूक आणि अत्याचाराचा गुन्हा दाखल

सांगली: बॉलिवूड सिनेइंडस्ट्रीतला संगीतकार पलाश मुच्छल गेल्या काही महिन्यांपासून या ना त्या कारणामुळं चर्चेत आहे. आता त्याच्या कायदेशीर अडचणी आणखी वाढण्याच्या शक्यता आहेत.सांगली शहर पोलीस स्टेशनमध्ये पलाश मुच्छल याच्यावर ॲट्रॉसिटीअंतर्गत गुन्हा दाखल करण्यात आला आहे.सांगली पोलिसात संगीतकार पलाश मुच्छलविरुद्ध फसवणुकीचा आणि ॲट्रॉसिटीचा गुन्हा दाखल करण्यात आला आहे. तसेच अभिनेता-निर्माता विज्ञान माने याने अनुसूचित जाती-जमाती (SC/ST) कायद्यांतर्गतही फिर्याद दिली आहे. याप्रकरणी पोलिस तपास सुरू आहे.काय आहे नेमकं प्रकरण?तक्रारदार विज्ञान माने हा सांगलीतील अभिनेता व निर्माता आहे. तरपलाश मुच्छलने चित्रपट “नजरिया” साठी गुंतवणुकीचे आश्वासन देऊन लाखो रुपये घेतले आहेत असा आरोप विज्ञान माने याने केला आहे. प्रकल्प पूर्ण न झाल्याने व पैसे परत न मिळाल्याने माने याने पोलिसांकडे धाव घेतली. तर विज्ञान माने याने सांगली शहर पोलीस ठाण्यात अनुसूचित जाती-जमाती अत्याचार प्रतिबंधक कायद्यांतर्गतही फिर्याद दाखल केली होती. हा प्रकार 22 नोव्हेंबर 2025 रोजी सांगली ते आष्टा रस्त्यावरील टोल नाका परिसरात घडल्याचंही तक्रारीत नमूद करण्यात आलं आहे. याप्रकरणी गुन्हा दाखल करण्यात आला आहे.Riteish Deshmukh : 'राजा शिवाजी सिनेमाचं बजेट दाखवलं जातंय ते खोटं'; बॉलिवूड कलाकारांच्या मानधनाबद्दलबही स्पष्टच बोलला रितेश देशमुखपलाश मुच्छलचे प्रत्युत्तरविज्ञान मानेयाचे हे सर्व आरोप फेटाळून लावत पलाशने कायदेशीर पाऊल उचललं आहे. विज्ञान माने याने केलेले आरोप पूर्णपणे खोटे आणि निराधार आहेत. माझी आणि माझ्या कुटुंबाची सामाजिक प्रतिष्ठा मलीन करण्यासाठी हे जाणीवपूर्वक केलं गेलं आहे, असं पलाशनं म्हटलं होतं. पलाशने त्याचे वकील श्रेयांश मिठारे यांच्यामार्फत विज्ञानला १० कोटी रुपयांची कायदेशीर नोटीस पाठवली होती.उच्च न्यायालयाचा अंतरिम दिलासाया प्रकरणात मुंबई उच्च न्यायालयानं पलाश मुच्छलला मोठा दिलासा दिला होता. न्यायालयाने विज्ञान माने याला पलाशविरुद्ध कोणतीही बदनामीकारक विधानं किंवा टिप्पणी करण्यास मनाई केली होती. "दोघांमध्ये व्यावसायिक वाद असू शकतो, मात्र अशा प्रकारचे वैयक्तिक आरोप करणं चुकीचे आहे," असे ताशेरे न्यायालयानं ओढले होते.The Maharashtra Files: 'तेव्हा संपूर्ण व्यवस्था हादरते', मंगेश देसाईंच्या 'द महाराष्ट्र फाईल' सिनेमाची चर्चा, पोस्टर व्हायरलदरम्यान, पलाशचं स्टार महिला क्रिकेटपटूसोबत मोडलेल्या लग्नानंतर विज्ञान माने चर्चेत आला. त्यानं या स्टार क्रिकेटपटूचा मित्र असल्याचाही दावा केला होता.