Education News in मराठी

Pudhari

Mar 20, 2026, 09:23 AM

दुःखाच्या दरम्यान किशोरवयीन मुलाचे धैर्य चमकतेः आईचा अचानक मृत्यू होऊनही 16 वर्षीय मुलीने घेतली परीक्षा

सईचा तर दहावीचा शेवटचा पेपर होता. अशावेळी शिवडाव विद्यालयाचे मुख्याध्यापक, शिक्षक व शेजारील नागरिकांनी तिला धीर दिला आणि दहावीच्या परीक्षेचा शेवटचा पेपर देण्याचे मानसिक बळ दिले. आईचा मृतदेह घरात असतानाही सई बुधवारी सकाळी परीक्षा केंद्रावर पोहोचली. साक्षी सावंत यांच्या आकस्मिक निधनाची माहिती मिळाल्यानंतर ओटोसवाडीसह संपूर्ण शिवडाव गावात शोककळा पसरली. त्यातच सई सावंतचा दहावीचा शेवटचा पेपर असल्याने शिवडाव विद्यालयाचे शिक्षक तातडीने तिच्या घरी पोहोचले. दहावीची परीक्षा सुरू असताना कु. सई हिला परीक्षा केंद्रावर जाण्यासाठी नेहमी धावपळ व तिची तयारी करणारी आई आज घरात निपचित पडली होती. मात्र या प्रसंगातही अवघ्या १६ वर्षाची कु. सई ही धिराने उभी राहिली आणि परीक्षा केंद्रापर्यंत पोहोचली.

74 shares

😐

Lokmat

Mar 19, 2026, 01:39 PM

सातारा जिल्हा परिषदेने वर्षाचा मूळ अर्थसंकल्प सादर केला

सातारा : साताराजिल्हा परिषदेचे२०२६-२७ वर्षाचे महसुली खर्चाचे ४५ कोटी ४० लाख रुपयांचे मूळ अंदाजपत्रक प्रशासकांनी सादर केले. यामध्ये एक लाख रुपये शिल्लक दाखविण्यात आली. तर अंदाजपत्रकात नवनवीन योजनांचा समावेश असून सर्वाधिक तरतूद ग्रामपंचायत विभागासाठी १७ कोटी ७४ लाख आणि बांधकाम विभागासाठी आठ कोटींची करण्यात आलेली आहे. तसेच शेतकऱ्यांना कडबाकुट्टी, शेळी गट वाटप करण्यात येणार आहे.साताराजिल्हा परिषदेच्यास्थायी समिती सभागृहात मुख्य कार्यकारी अधिकारी तथा प्रशासक याशनी नागराजन यांनी मूळ अंदाजपत्रक सादर केले. यावेळी अतिरिक्त मुख्य कार्यकारी अधिकारी राहूल गावडे, जिल्हा ग्रामीण विकास यंत्रणेचे प्रकल्प संचालक विश्वास सीद, सामान्य प्रशासन विभागाचे उपमुख्य कार्यकारी अधिकारी नीलेश घुले, ग्रामपंचायत विभागाचे राहुल देसाई, महिला व बालविकास विभागाचे नागेश ठोंबरे, पाणी व स्वच्छता विभागाच्या प्रज्ञा माने, मुख्य लेखा व वित्त अधिकारी राहुल कदम यांच्यासह अधिकारी उपस्थित होते. विभागनिहाय तरतूद अशी...विभाग तरतूदसामान्य प्रशासन - १ कोटी ५० लाखशिक्षण - १ कोटी ८० लाखशिक्षण - ५ टक्के, देखभाल व दुरुस्ती - ८१ लाखबांधकाम - ८ कोटीलघुपाटबंधारे - ४० लाखआयुर्वेद - २० लाखआरोग्य - १ कोटी ४० लाखसार्वजनिक आरोग्य अभियांत्रिकी - ५० लाखकृषी - १ कोटी १० लाखपशुसंवर्धन - १ कोटी १० लाखसमाजकल्याण - ३ कोटी २२ लाखग्रामपंचायत - १७ कोटी ७४ लाखअर्थ - ३ कोटी ५५ लाखसमाजकल्याण दिव्यांग बांधव - ८२ लाखमहिला व बालकल्याण - १ कोटी ६१ लाखएकात्मिक बालविकास - १४ लाख कामे अशी होणार; योजना अशा राबणार...शिक्षण- शैक्षणिक गुणवत्ता विकास कार्यक्रम, क्रीडा स्पर्धा; बाल आनंद मेळावे. माॅडेल स्कूल, शाळा देखभाल व दुरुस्ती.बांधकाम- जिल्हा परिषद अध्यक्ष आणि उपाध्यक्ष निवासस्थान तरतूद. विश्रामगृह दुरुस्ती, ग्रामीण रस्ते कामे करणे, नावीण्यपूर्ण योजना राबविणे.लघुपाटबंधारे- देखभाल अन् दुरुस्तीसाठी तरतूद.आरोग्य- आयुर्वेद औषध पुरवठा, संत ज्ञानेश्वर महाराज पालखी सोहळा तरतूद, प्राथमिक आरोग्य केंद्रे वीजबिल, नावीण्यपूर्ण योजना आदींसाठी तरतूद.कृषी- शेतकऱ्यांना कडबाकुट्टी, ताडपत्री पुरवणे. सेंद्रीय शेतीस प्रोत्साहन, एचडी पाइप पुरविणे, सेंद्रिय फलोत्पादन, दुग्धोत्पादनासाठी निधीपशुसंवर्धन- पशुवैद्यकीय दवाखान्यांना औषध पुरवठा. शेळी गट वाटप, कामधेनू आधार योजना.समाजकल्याण- मागासवर्गीय वस्तीतील जोडरस्ते जोडणे, समाजमंदिर बांधणे, मागासवर्गीय व्यक्तींना झेराॅक्स मशीन पुरविणे, दिव्यांग बांधवांना घरकुल, तीनचाकी स्कूटर.ग्रामपंचायत- आपत्कालीन व्यवस्थेसाठी निधी, संत ज्ञानेश्वर महाराज पालखी सोहळ्यासाठी ग्रामपंचायत कार्यक्षेत्रात पाणी व स्वच्छतेसाठी तरतूद.महिला व बालकल्याण- सातवी ते १२ वीतील मुलामुलींना संगणक प्रशिक्षण, महिलांसाठी व्यावसायिक प्रशिक्षण, मुलींना ज्युदो कराटे प्रशिक्षण, लेडीज सायकल पुरवठा, अंगणवाडींना साहित्य पुरविणे.

72 shares

😐

Lokmat

Mar 19, 2026, 12:01 PM

भारताची गुरुकुल प्रणालीः शिक्षणातील एक विसरला गेलेला वारसा

23 shares

😢

Maharashtra Times

Mar 19, 2026, 08:35 AM

सांगलीतील वरिष्ठ शैक्षणिक संस्थेच्या संचालकाची त्याच्या घराबाहेर चाकूने भोसकून हत्या

सांगली :पलुस शहरात गुरुवारी रात्री एका ज्येष्ठ शिक्षण संस्था संचालकाचा त्याच्याच घराजवळ निर्घृण खून झाल्याच्या घटनेनं संपूर्ण जिल्हा हादरला. पंडित विष्णू दिगंबर शिक्षण संस्थेचे विद्यमान संचालक संजय प्रभाकर परांजपे यांची अज्ञातांनी धारदार शस्त्राने वार करून हत्या केली. परांजपे हे पलूसमधील कुंडल वेस भागातील एका अपार्टमेंटमध्ये आपल्या कुटुंबासह वास्तव्यास होते. ही घटना रात्रीच्या सुमारास घडली असून, हल्लेखोरांनी अतिशय क्रूरपणे त्यांच्यावर वार केले आणि घटनास्थळावरून पळ काढला. या घटनेची माहिती मिळताच पलूस पोलिसांनी तातडीने धाव घेत तपासचक्र फिरवण्यास सुरुवात केली आहे.नेमकं काय घडलं?संजय परांजपे हे घटनेच्या वेळी आपल्या कुटुंबासमवेत घरीच बसले होते. काही वेळानंतर ते अचानक उठले आणि इमारतीच्या खाली असलेल्या मंदिरात दर्शनासाठी गेले. मात्र, बराच वेळ उलटूनही ते परत न आल्याने कुटुंबातील सदस्यांना काळजी वाटू लागली. त्यांनी त्यांचा शोध घेण्यासाठी इमारतीच्या खाली धाव घेतली असता, परांजपे यांचं शव रक्ताने माखलेलं दिसून आलं. हे भीषण दृश्य पाहताच कुटुंबीयांनी एकच टाहो फोडला.Pune Friends Death : लेह-लडाखहून परत येताना काळाचा घाला, पुण्यातील तीन मित्रांचा अपघाती अंत, विमानाने परतलेला दोस्त धक्क्यातपाळत ठेवून हल्ल्याचा संशयहल्लेखोरांनी परांजपे यांच्यावर पाळत ठेवूनच हाहल्ला केल्याचा संशयव्यक्त केला जात असून, त्यांनी मंदिरातून परतताना किंवा तिथे जात असताना गाठून हे कृत्य केले असावे, असा प्राथमिक अंदाज पोलिसांनी वर्तवला आहे. घटनेची माहिती वाऱ्यासारखी शहरात पसरताच कुंडल वेस परिसरात मोठी गर्दी जमा झाली होती. पलूस पोलिसांनी तातडीने घटनास्थळी पोहोचून परिसराची नाकाबंदी केली.गुढीपाडव्यानिमित्त मुख्यमंत्री फडणवीसांच्या शुभेच्छा; नागपूर शोभयात्रेत सहभागी होत लुटला आनंदशिक्षण क्षेत्रातील मोठं नावरात्री उशिरापर्यंत पोलिसांकडून घटनेचा पंचनामा आणि पुरावे गोळा करण्याचे काम सुरू होते. संजय परांजपे हे शिक्षण क्षेत्रातील एक मान्यवर व्यक्तिमत्व असल्याने त्यांच्या हत्येच्या बातमीने शैक्षणिक क्षेत्रातही शोककळा पसरली आहे. या घटनेमुळे स्थानिक नागरिकांमध्ये भीतीचे वातावरण असून गुन्हेगारांना तात्काळ अटक करण्याची मागणी होत आहे.Pune Crime : पुण्यातील 12 वर्षीय चिमुकल्याच्या मृत्यूचं गूढ उकललं, समलिंगी संबंधाला विरोधातून नात्यातील तरुणाने संपवलं, 22 वर्षीय आरोपी अटकेतपरांजपे यांच्यासारख्या प्रतिष्ठित व्यक्तीची अशा प्रकारे हत्या झाल्यानेसांगली जिल्ह्यातीलकायदा व सुव्यवस्थेचा प्रश्न पुन्हा एकदा ऐरणीवर आला आहे. पोलिसांनी संशयितांची धरपकड करण्यासाठी विशेष पथके तैनात केली असून, लवकरच या गुन्ह्याचा छडा लागेल असा विश्वास व्यक्त केला आहे. मात्र, या घटनेमुळे परांजपे कुटुंबावर दुःखाचा डोंगर कोसळला असून संपूर्ण पलूस शहर या घटनेने सुन्न झाले आहे.

32 shares

😢

Pudhari

Mar 19, 2026, 07:53 AM

विद्यार्थिनींच्या शिक्षणासाठी भारताच्या योजनाः सुधारणेसाठी वचनबद्धता

विद्यार्थिनींसाठी माध्यान्ह भोजन, मोफत पाठ्यपुस्तके व गणवेश सायकलवाटप योजना, बारावीपर्यंत मोफत शिक्षण यासारख्या अनेक योजना आहेत. जिल्हा नियोजन समितीमार्फत शिक्षणावर किमान 5 टक्के खर्चाची तरतूद असली तरी अनेक जिल्ह्यांमध्ये 10 ते 12 टक्क्यांपर्यंत निधी शिक्षणासाठी खर्च केला जात असल्याचे भुसे यांनी स्पष्ट केले.

71 shares

😐

Pudhari

Mar 19, 2026, 07:41 AM

भारतीय राज्याच्या दहावी आणि बारावीच्या परीक्षांमध्ये मोठ्या प्रमाणात नावनोंदणी

राज्यात चालू असलेल्या दहावीच्या परीक्षेत यंदा 16 लाख 15 हजार 489 आणि बारावी परीक्षेत 16 लाख 15 हजार 489 विद्यार्थ्यांनी परीक्षेसाठी नावनोंदणी केली होती. बुधवारी (दि.18) दहावीचा सामाजिक शास्त्र तसेच भूगोल या विषयाने, तर बारावीच्या सामान्य ज्ञान या ऑनलाईन पेपरने परीक्षेचा शेवट झाल्याचे पाहायला मिळाले. दहावी-बारावी परीक्षा कॉपीमुक्त करण्याच्या अभियानाअंतर्गत सर्व परीक्षा केंद्रांवर सीसीटीव्ही यंत्रणा अनिवार्य करण्यात आली.

60 shares

😐

Lokmat

Mar 19, 2026, 07:20 AM

नंदुरबार जिल्ह्याचे संरक्षक मंत्री म्हणून मुश्रिफ यांची नियुक्ती

कोल्हापूर: वैद्यकीय शिक्षण मंत्रीहसन मुश्रीफयांच्याकडे बुधवारीनंदुरबारचेपालकमंत्रिपद सोपविण्यात आले. राज्यात नव्याने महायुतीचे सरकार सत्तेत आल्यानंतर मुश्रीफ यांच्याकडे कोणत्याच जिल्ह्याचे पालकमंत्रिपद दिले नव्हते. मंत्री मुश्रीफ यांनी यापूर्वीकोल्हापूरसहअहिल्यानगर, वाशिम, रत्नागिरी व बुलढाणा या जिल्ह्यांचे पालकमंत्रिपद भूषविले आहे.आता राज्यात स्थानिक स्वराज्य संस्थांच्या निवडणुका झाल्या आहेत. तोंडावर १ मे आहे. शिवाय नवीन आर्थिक वर्ष सुरू होत आहे. त्या पार्श्वभूमीवर त्यांच्याकडे ही जबाबदारी सोपविण्यात आली आहे. स्वत: मुश्रीफ यांना कोल्हापूरच्या पालकमंत्रिपदात जास्त रस असताना राज्य सरकार त्यांना शेकडो मैल लांबच्या जिल्ह्याची जबाबदारी देत आहे. वाशिम जिल्ह्याचे पालकमंत्रिपद सोडले होतेदरम्यान, जानेवारी २०२५ मध्येहसन मुश्रीफयांच्याकडे वाशिम जिल्ह्याचे पालकमंत्रिपद सोपवण्यात आले होते. मात्र, कोल्हापूर ते वाशिम असा सुमारे ६०० किलोमीटरचा लांब प्रवास करणे जिकिरीचे ठरत असल्याने त्यांनी मार्च २०२५ मध्ये ते पद सोडले होते.

13 shares

😐

Pudhari

Mar 19, 2026, 04:40 AM

दिव्यांग शिक्षकांना जनगणनेतून वगळण्याची भारतीय शिक्षक संघटनेची मागणी

दिव्यांग शिक्षकांना सर्वेक्षणातून वगळा एप्रिल महिन्यात जनगणनेसाठी शिक्षकांना घरोघरी जाऊन सर्वे करावा लागणार आहे. त्यामुळे या सर्वेमधून दिव्यांग शिक्षकांना वगळा, अशा मागणीचे निवेदन रत्नागिरी शिक्षक संघटनेतर्फे प्राथमिक शिक्षणाधिकारी निलिमा नाईक यांना नुकतेच देण्यात आले आहे.

33 shares

😐

Lokmat

Mar 19, 2026, 04:01 AM

फिजिक्सवाला यांना 263 कोटी रुपयांच्या प्राप्तीकर मागणीची नोटीस मिळाली

Physicswallah Income Tax Notice: एडटेक क्षेत्रातील दिग्गज कंपनी 'फिजिक्सवाला' समोर आयकर विभागानं मोठं संकट उभं केलंय. असेसमेंट ईयर २०२३-२४ साठी आयकर विभागानं कंपनीला एकूण २६३.३४ कोटी रुपयांचीइन्कम टॅक्सडिमांड नोटीस (Income Tax Demand Notice) बजावली आहे. ही नोटीस प्रामुख्याने त्या गुंतवणुकीवर आधारित आहे जी कंपनीने संबंधित कालावधीत गुंतवणूकदारांकडून जमा केली होती. यामध्ये सेबी अंतर्गत नोंदणीकृत कॅटेगरी-II अल्टरनेटिव्ह इन्व्हेस्टमेंट फंड्स (AIF) कडून मिळालेल्या निधीचाही समावेश आहे, ज्याला विभागानं आता कंपनीचे 'करपात्र उत्पन्न' मानलं आहे. फिजिक्सवालानं एका रेग्युलेटरी फाइलिंगमध्ये या नोटीसची माहिती दिली असून, या असेसमेंट ऑर्डरला वरिष्ठ अपीलीय प्राधिकरणासमोर आव्हान देण्याची योजना असल्याचं स्पष्ट केलंय. कंपनीच्या मते, या नोटिशीविरुद्ध अपील करण्यासाठी त्यांच्याकडे भक्कम कायदेशीर आणि तथ्यात्मक आधार आहेत. सध्या नफ्यात चालणाऱ्या मोजक्या एडटेक कंपन्यांपैकी फिजिक्सवाला एक आहे, परंतु ही मोठी कर मागणी कंपनीच्या आर्थिक संतुलनासाठी नवीन आव्हान ठरू शकते. कर नोटिशीच्या संकटानंतरही, फिजिक्सवालाचे अलीकडील आर्थिक निकाल अत्यंत मजबूत राहिले आहेत. डिसेंबर तिमाहीत कंपनीचा एकत्रित निव्वळ नफा ३३ टक्क्यांनी वाढून १०२.२७ कोटी रुपयांवर पोहोचलाय. कंपनीच्या ऑपरेशन्समधून मिळणाऱ्या महसुलातही गेल्या वर्षीच्या तुलनेत ३३ टक्क्यांची वाढ झाली आहे. गेल्या वर्षी हा महसूल ८०९.६७ कोटी रुपये होता, जो आता वाढून १,०८२.४१ कोटी रुपये झालाय. बाजारातील कामगिरीबद्दल बोलायचं झालं तर, बुधवारी बीएसई (BSE) वर कंपनीचे शेअर्स ७.८७ टक्क्यांच्या जोरदार वाढीसह ८६.८१ रुपयांवर बंद झाले. मात्र, टॅक्स नोटिशीशी संबंधित ही माहिती बाजार बंद झाल्यानंतर देण्यात आली आहे, त्यामुळे आता गुंतवणूकदारांचे लक्ष पुढच्या व्यवहाराच्या दिवसावर असेल. सध्या कंपनीचं पूर्ण लक्ष आयकर विभागाच्या २६३.३४ कोटी रुपयांच्या दाव्याला कायदेशीर आव्हान देण्यावर आणि आपल्या विकासाचा वेग कायम राखण्यावर आहे. (टीप- यामध्ये केवळ शेअरच्या कामगिरीविषयी माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)

65 shares

😐

Maharashtra Times

Mar 19, 2026, 03:41 AM

मारहाणीचे आरोप फेटाळण्याची मुंबईच्या महापौरांची याचिका सत्र न्यायालयाने फेटाळली

म. टा. विशेष प्रतिनिधी, मुंबई:नऊ वर्षांपूर्वी वाकोला येथील मुंबई महापालिकेच्या उर्दू माध्यमाच्या शाळेतील दोन शिक्षकांना मारहाण केल्याप्रकरणी दाखल असलेल्या गुन्ह्यातून आरोपमुक्त करण्याचा मुंबईच्या महापौर रितू तावडे यांचा अर्ज मुंबई सत्र न्यायालयाने नुकताच फेटाळून लावला आहे. त्यामुळे याप्रकरणी खटला चालणार असल्याचे स्पष्ट झाल्याने त्या अडचणीत आल्या आहेत.२९ जुलै २०१६ रोजीच्या या घटनेप्रकरणी तावडे यांच्याविरोधात आरोप निश्चित करण्यासाठी पुरेसे पुरावे असल्याचे निरीक्षण नोंदवत अतिरिक्त सत्र न्यायाधीश वाय. पी. मानथकर यांनी त्यांचा अर्ज नुकताच फेटाळला आहे. याप्रकरणी पोलिसांनी नोंदवलेल्या एफआयआरनुसार, शास्त्री नगर, वाकोला, सांताक्रूझ पूर्व येथील या शाळेतील शिक्षिका शाहीन खान या कॅन्सरग्रस्त असूनही यांची अचानकवांद्रे-कुर्लासंकुलात बदली करण्यात आल्याने भाजपच्या तत्कालीन नगरसेविका रितू तावडे व अन्य काही जण नाराज होते. त्यामुळे तावडे व अन्य सहा जण मुख्याध्यापिक शरीफा मोमिन यांना जाब विचारण्यासाठी शाळेत गेले. त्यावेळी त्यांनी मुख्याधिपकांशी हुज्जत घातली आणि शाब्दिक चकमक वाढल्यानंतर रितू तावडे यांनी मोहम्मद याकुब रशीद व नदीम अहमद शेख या दोन शिक्षकांना कानशिलात लगावली.‘मी त्याठिकाणी केवळ योगायोग म्हणून उपस्थित होते. कथित घटनेत गुन्हा करण्याचा कोणताही हेतू दिसत नाही.भाजपनगरसेविका असल्याने फिर्यादींनी प्रसिद्धी मिळवण्यासाठी माझ्या त्या राजकीय दर्जाचा गैरफायदा घेतला. शिवाय कथित घटना घडल्यानंतर १३ दिवसांच्या विलंबानंतर हा एफआयआर नोंदवण्यात आला. त्यावरून फिर्यादींची पश्चातबुद्धी व राजकीय कुहेतू स्पष्ट होतो’, असा युक्तिवाद रितू तावडे यांच्यातर्फे न्यायालयात मांडण्यात आला. तर ‘घटनेचे प्रत्यक्षदर्शी आणि साक्षीदारही आहेत. तावडे यांनीच मारहाण केल्याचे पीडितांनी जबाबांत स्पष्ट म्हटले आहे. शिक्षकांनी विद्यार्थ्यांसमोर आदर्श ठेवणे अभिप्रेत असताना त्यांच्याबाबत मारहाणीची घटना घडली. त्यामुळे याकडे गांभीर्याने पहायला हवे’, असा युक्तिवाद सरकारतर्फे सरकारी वकील इकबाल सोलकर यांनी मांडला. न्यायाधीशांनी दोन्ही बाजू तपासल्यानंतर, तावडे यांच्याविरोधात पीडित व अन्य साक्षीदारांनी थेट आरोप केल्याचे निरीक्षण नोंदवले. तसेच ‘आरोपनिश्चितीच्या टप्प्यावर न्यायालयाने जबाबांची विश्वासार्हता तपासणे अभिप्रेत नसते. आरोपनिश्चितीसाठी पुरेसे पुरावे दिसत आहेत. त्यामुळे अर्ज मान्य केला जाऊ शकत नाही’, असे स्पष्ट करत न्यायाधीशांनी तावडे यांचा अर्ज फेटाळून लावला.

43 shares

😢

Pudhari

Mar 19, 2026, 01:33 AM

डिजिटल विभाजनः ऑनलाईन शिक्षणाची काळी बाजू

तासन्‌‍ तास लॅपटॉप किंवा मोबाईलसमोर बसल्याने डोळ्यांचे विकार, पाठदुखी आणि मानसिक थकवा येऊ शकतो. त्यामुळे अभ्यासाच्या दरम्यान बेक घेणे आवश्यक आहे. सायबर सुरक्षेचे नियम पाळावेत. केवळ डिजिटल जगात न रमता प्रत्यक्ष सामाजिक संवाद आणि मैदानी खेळ खेळणे आरोग्यासाठी आणि व्यक्तिमत्त्व विकासासाठी गरजेचे आहे. शिक्षणासाठी घेतलेला मोबाईल कधी सोशल मीडिया आणि गेमिंगच्या व्यसनाकडे नेतो, हे कळत नाही. त्यामुळे स्वतःवर ताबा असणे महत्त्वाचे आहे. डिजिटल शिक्षणाचा पाया ‌‘वीज‌’ हा आहे. आजही भारतातील अनेक खेड्यांत अनेक तास वीज नसते. त्यामुळे ऑनलाईन क्लास सुरू असताना मध्येच बंद पडणे किंवा तांत्रिक अडचणी येतात. डोंगराळ आणि ग््राामीण भागात साधी ‌‘2जी‌’ची रेंज मिळणेही कठीण आहे. ‌‘बफरिंग‌’ आणि ‌‘नेटवर्क एरर‌’मुळे शैक्षणिक नुकसान होत आहे. एका बाजूला श्रीमंत मुलांकडे स्वतःचे लॅपटॉप आणि हायस्पीड बॉडबँड आहे, तर दुसरीकडे संपूर्ण घरासाठी एकच साधा स्मार्ट फोन असलेली कुटुंबे आहेत. ही आर्थिक दरी समाजाला ‌‘डिजिटल सधन‌’ आणि ‌‘डिजिटल वंचित‌’ अशा दोन गटांत विभाजत आहे.

66 shares

😢

Pudhari

Mar 19, 2026, 12:21 AM

वीज क्षेत्रात मतभेद असूनही सरकारने प्रमुख क्षेत्रांना प्राधान्य दिले

शिक्षण, आरोग्य, पाणी पुरवठा अशा महत्त्वाच्या विषयांना प्राधान्य देऊन आम्ही काम करू, राज्य व केंद्रातील सत्ता आणि जिल्हा परिषद सत्ता वेगळी असली तरी, सर्व निधीबाबत काही परिणाम होणार नाही. उलट चांगले व पारदर्शी काम आम्ही करू, असा विश्वास आहे.

42 shares

😐

Lokmat

Mar 18, 2026, 09:36 AM

मुंबईतील शाळेवर आर. टी. ई. विद्यार्थ्यांच्या पालकांवर दबाव आणल्याचा आरोप

मुंबई - कांदिवली येथील पवार पब्लिक स्कूलमध्ये आरटीईतील विद्यार्थ्यांच्या पालकांकडून पुस्तके आणि शालेय गणवेशासाठी पैसे घेतले जात असल्याचा प्रकार समोर आला आहे. Right to Education कायद्यातंर्गत २५ टक्के विद्यार्थ्यांना शाळेत प्रवेश दिला जातो. या मुलांच्या शिक्षणावरील खर्च सरकारकडून शाळेला दिला जातो. परंतु पवार पब्लिक स्कूलमधील शाळा प्रशासनाकडून आरटीई विद्यार्थ्यांच्या पालकांवर दबाव टाकल्याचा आरोप आहे. याबाबत चारकोप विधानसभेचे आमदारयोगेश सागरयांनी सभागृहात औचित्याचा मुद्दा मांडत हा प्रश्न ऐरणीवर आणला. आमदारयोगेश सागरम्हणाले की, शिक्षणाचा मुलभूत हक्क हा घटनेने दिला आहे. महाराष्ट्र शासनाच्या आदेशानुसार RTE च्या २५ टक्के आरक्षित विद्यार्थ्यांना वह्या, पुस्तके, गणवेश आणि शिक्षण साहित्य मोफत द्यायला माझ्या मतदारसंघातील पवार पब्लिक स्कूल नकार देत आहे. पवार पब्लिक स्कूल ही कांदिवली, बोरिवली भागातील नामांकित शाळा आहे. या शाळेतील RTE अंतर्गत प्रवेश घेतलेल्या विद्यार्थ्यांच्या पालकांकडून वह्या, पुस्तके, गणवेश आणि शिक्षण साहित्यासाठी शाळा प्रशासन शुल्क मागणी करत आहे असा मुद्दा त्यांनी सभागृहात उपस्थित केला. तसेच RTE कायदा आणि महाराष्ट्र शासनाने काढलेल्या निर्देशानुसार RTE मधील विद्यार्थ्याना मोफत शिक्षण देणे बंधनकारक आहे. त्यात वह्या, पाठ्यपुस्तके, गणवेश आणि शिक्षण साहित्यांचा समावेश होतो. या विद्यार्थ्यांच्या पालकांकडून कुठल्याही प्रकारे शुल्क आकारणी करणे हे RTE कायद्याचे उल्लंघन आहे. शाळा प्रशासन RTE विद्यार्थ्यांच्या पालकांकडून पैसे वसुलीसाठी प्रत्येक पालकांना एकएक करून दबाव आणत आहेत. मुख्याध्यापिकेच्या कॅबिनमध्ये पालकांना बोलावले जाते. शाळा प्रशासनाकडून पालकांवर दबाव आणला जात आहे असा आरोपही आमदार योगेश सागर यांनी केला. काय आहे प्रकरण? मुंबईतील कांदिवली भागात पवार पब्लिक स्कूल ही नामांकित शाळा आहे. या शाळेत RTE तून प्रवेश घेतलेल्या विद्यार्थ्यांकडून यंदा पुस्तके, गणवेशासाठी शुल्क मागितले जात आहे. शाळा प्रशासनाने यासाठी कुठलेही लिखित पत्रक काढले नाही. शाळेच्या मुख्याध्यापिकांकडून एका एका पालकांना भेटीसाठी बोलावले जाते आणि त्यांच्यावर पैसे भरण्यासाठी दबाव आणला जात असल्याचा आरोप आहे. याबाबत अनेक पालकांच्या तक्रारी समोर आल्या आहेत.

1 shares

😐

Lokmat

Mar 18, 2026, 08:20 AM

भारतीय शिक्षणतज्ज्ञ सय्यद सुलतान अहमद यांनी एल. एक्स. आय. एक्स. आय. डी. ई. एल. ए. एस. सह जीवन बदलले

5 shares

😐

Maharashtra Times

Mar 18, 2026, 06:12 AM

भारतातील पदवीधर बेरोजगारीचे संकटः अहवालात चिंताजनक आकडेवारी उघड

वृत्तसंस्था, नवी दिल्ली :भारतातील २० ते २९ वयोगटातील ६.३ कोटी पदवीधारकांपैकी १.१ कोटी पदवीधर बेरोजगार असल्याची माहिती अझीम प्रेमजी विद्यापीठाच्या अहवालात समोर आली.स्टेट ऑफ वर्किंग इंडियाया अहवालात स्पष्ट झाले की, वर्षभरात केवळ ७ टक्के पदवीधरांना कायमस्वरूपी पगारी नोकरी मिळाली.अहवालानुसार, बेरोजगारांमध्ये १५ ते २५ वयोगटातील पदवीधरांची संख्या ४० टक्के असून २५ ते २९ वयोगटातील बेरोजगार पदवीधरांची संख्या २० टक्के आहे. पदवीधर होणाऱ्यांची संख्या वाढल्याने मागील वर्षात पदवीधर बेरोजगारांची समस्या समोर आली आहे, असेही अहवालात म्हटले आहे.West Bengal Election 2026: तृणमूल काँग्रेस 226 जागा जिंकेल! ममता बॅनर्जींना विश्वास, उमेदवारांची घोषणागेल्या काही दशकांमध्येतरुणांच्या लोकसंख्येत मोठी वाढझाली आहे आणि उच्च शिक्षणातील नोंदणीचे प्रमाणही वाढले आहे. यामुळे पदवीधरांच्या एकूण संख्येत भर पडली आहे.कुटुंबाला आर्थिक हातभार लावण्यासाठी शिक्षण सोडण्याचे सामान्य कारण अनेकदा दिले जाते. २०१७ मध्ये या कारणाने शिक्षण सोडणाऱ्यांचे प्रमाण ५८ टक्के होते, ते २०२३ पर्यंत वाढून ७२ टक्क्यांपर्यंत पोहोचल्याचे अहवालातून स्पष्ट होते. शिक्षण घेणाऱ्या तरुण पुरुषांचे प्रमाण २०१७ मधील ३८ टक्क्यांवरून २०२४ च्या अखेर ३४ टक्क्यांपर्यंत खाली आले आहे. २००४-०५ आणि २०२३ दरम्यान दर वर्षी जवळपास ५० लाख तरुण पदवीधर होऊन बाहेर पडले. मात्र, त्यातील केवळ २८ लाख पदवीधरांना नोकरीची संधी मिळाली, असे अहवालात म्हटले आहे.Indore Fire : इलेक्ट्रिक कार चार्ज करताना आग, एकामागून एक सिलेंडर फुटले, कुटुंबातील सात जणांचा मृत्यू, डिजिटल लॉकमुळे कोंडीअहवालानुसार...-पदवीधरांचे पगार पदवीधर नसलेल्यांच्या तुलनेत सुरुवातीला दुप्पट असतात-वयानुसार ही तफावत वाढत जाते-अलीकडच्या काळात तरुण पदवीधरांच्या सुरुवातीच्या पगारातील वाढ तुलनेत घटली आहे-दुसरीकडे, पदवीधर महिला आणि पुरुषांच्या पगारातील तफावत बरीच कमी झाली आहे

35 shares

😐

Lokmat

Mar 18, 2026, 05:21 AM

पुणे जिल्हा परिषदेने शिक्षण, आरोग्य आणि उदयोन्मुख तंत्रज्ञानावर भर देत अर्थसंकल्पाला मंजुरी दिली

पुणे:जिल्हा परिषदेचा वर्ष २०२६-२७ या आर्थिक वर्षासाठी ३०१ कोटी ६५ लाख रुपयांचा शिलकी अर्थसंकल्प प्रशासक तथा मुख्य कार्यकारी अधिकारी गजानन पाटील यांनी मंगळवारी (दि. १७) सादर करून मंजूर केला. शिक्षण, आरोग्य, कृत्रिम बुद्धिमत्ता (एआय), अक्षय ऊर्जा, महिला सक्षमीकरण आणि डिजिटल प्रशासनावर विशेष भर देणारा हा अर्थसंकल्प ठरला आहे. शिक्षक व विद्यार्थ्यांसाठी एआय तंत्रज्ञानाचे प्रशिक्षण समाविष्ट करणारीपुणेजिल्हा परिषद राज्यातील पहिली ठरली आहे. यावेळी अतिरिक्त मुख्य कार्यकारी अधिकारी चंद्रकांत वाघमारे, मुख्य लेखा व वित्त अधिकारी विनोद पवार, उपमुख्य कार्यकारी अधिकारी श्रीकांत खरात, सहायक लेखाधिकारी जितेंद्र चासकर हे उपस्थित होते. गतवर्षीच्या तुलनेत यंदाच्या अर्थसंकल्पात ९ कोटी रुपयांची वाढ झाली आहे. वर्ष २०२५-२६ चा २९२ कोटींचा मूळ अर्थसंकल्प वर्षअखेर ५५५ कोटी रुपयांपर्यंत पोहोचला असून हा विक्रमी टप्पा ठरला आहे. मुद्रांक शुल्कातून मिळालेल्या २४८ कोटी रुपयांमुळे हा उच्चांक गाठण्यात आला. यंदाच्या अंदाजपत्रकात २९ कोटींची प्रारंभिक शिल्लक असून २७२ कोटी रुपयांचे उत्पन्न अपेक्षित आहे. त्यापैकी ११५ कोटी रुपये ग्रामपंचायतींना मुद्रांक शुल्कातून वाटप केले जाणार आहे. १८४ कोटींचा खर्च गृहित धरत ६५ लाख रुपयांची शिल्लक अपेक्षित आहे. यंदाच्या अर्थसंकल्पात शिक्षण विभागाला विशेष प्राधान्य देण्यात आले आहे. ‘मॉडेल स्कूल’ उपक्रमाचा विस्तार, निवडक शाळांना सीबीएसई संलग्नीकरण, तसेच ‘कौशल्य सेतू’ योजनेतून एआय, डेटा सायन्स, चॅटबॉट व इमेज जनरेशनसारख्या आधुनिक विषयांचे प्रशिक्षण देण्यात येणार आहे. जिल्ह्यात दोन विज्ञान पार्क उभारून विद्यार्थ्यांना प्रयोगातून शिक्षणाची संधी उपलब्ध करून दिली जाणार आहे. विद्यार्थ्यांसाठी इस्रो, नासा व युरोपियन स्पेस सेंटर येथे शैक्षणिक सहली, इंग्रजी कौशल्यवृद्धी कार्यक्रम, विद्यार्थी देवाण-घेवाण, बाल संसद आणि साहित्य संमेलन यांसारखे उपक्रम राबविले जाणार आहेत. शिक्षकांसाठी आंतरराष्ट्रीय अनुभव कार्यक्रमही राबविण्यात येणार आहे. आरोग्य विभागात ‘मॉडेल पीएचसी’ संकल्पनेचा विस्तार, ९ ते १४ वयोगटातील मुलींसाठी एचपीव्ही लसीकरण, शाळांमध्ये ‘पिंक रूम’ आणि विद्यार्थ्यांच्या मानसिक आरोग्यासाठी योग-ध्यान प्रशिक्षणाचा समावेश आहे. पर्यावरणपूरक विकासासाठी सोलार पार्क, बायोगॅस प्रकल्प, घनकचरा व्यवस्थापन, तसेच ईव्ही चार्जिंग स्टेशन उभारण्यावर भर देण्यात आला आहे. महिला, दिव्यांग व बचत गटांसाठी स्वावलंबन योजना, फिरते विक्री केंद्र, ‘सावित्री कॅफे’ आणि आंतरराष्ट्रीय प्रदर्शनात सहभागाच्या संधी देण्याची तरतूद करण्यात आली आहे. प्रशासन अधिक सक्षम करण्यासाठी जिल्हा डेटा सेंटर, फेलोशिप, ग्रामीण इनोव्हेशन सेंटर आणि डिजिटल प्रणालींचा वापर वाढविण्यात येणार आहे. या अर्थसंकल्पाद्वारे ग्रामीण भागातील शिक्षण, आरोग्य, पायाभूत सुविधा आणि तंत्रज्ञानाधारित सेवांना मोठी चालना मिळणार असल्याचे प्रशासनाने स्पष्ट केले. ....................................................... मूळ अंदाजपत्रक २०२६-२७ प्रशासन : १.५२ कोटी सामान्य प्रशासन : ०.५० कोटी पंचायत विभाग : २१.७१ कोटी मुद्रांक शुल्क ग्रामपंचायतींना वाटप : ११५.०० कोटी वाढीव उपकर पंचायत समिती वाटप : २.०० कोटी वित्त विभाग : १७.०१ कोटी शिक्षण विभाग : १६.१४ कोटी इमारत व दळणवळण (दक्षिण) : २५.०० कोटी इमारत व दळणवळण (उत्तर) : १९.४५कोटी पाटबंधारे विभाग : ५.८२ कोटी वैद्यकीय विभाग : ६.९२ कोटी सार्वजनिक आरोग्य स्थापत्य विभाग : ६.२५ कोटी कृषी विभाग : ६२.५० कोटी पशुसंवर्धन विभाग : ६.०० कोटी समाजकल्याण : २५.१५ कोटी ५ टक्के दिव्यांग कल्याण : ९.२० कोटी महिला व बालकल्याण विभाग : १२.५० कोटी एकूण : ३०१.०० कोटी ................................................................... एकूण खर्चाचा रुपया प्रशासन ०.५० टक्के सामान्य प्रशासन १.६९ टक्के पंचायत विभाग ७.२१ टक्के मुद्रांक शुल्क ३८.२१ टक्के पंचायत समिती उपकर ०.६६ टक्के वित्त विभाग ५.६५टक्के शिक्षण ५.३६ टक्के बांधकाम विभाग दक्षिण ८.३१ टक्के बांधकाम विभाग उत्तर ६.४६ टक्के पाटबंधारे १.९३ टक्के वैद्यकीय २.३० टक्के ग्रामीण पाणीपुरवठा २.८ टक्के कृषी २.८ टक्के पशुसंवर्धन १.९९ टक्के समाजकल्याण ८.३६ टक्के दिव्यांग कल्याण ३.०६ टक्के महिला व बालकल्याण ४.१८ टक्के ......................................... एकूण जमेचा रुपया जमीन महूसल उपकर ४.४१ टक्के मुद्रांक व नोंदणी शुल्क ४२.२८ टक्के विक्रय वस्तू व सेवा यावरील कर ०.३९ टक्के व्याजाच्या जमा रकमा ७.७२ टक्के पंचायत राज कार्यक्रम १.९१ टक्के इतर जमा ३२.३९ टक्के सुरुवातीची शिल्लक १०.९० टक्के

42 shares

😐

Pudhari

Mar 18, 2026, 03:30 AM

इंधनाच्या संकटात भारताने जीवनावश्यक वस्तूंच्या पुरवठ्याला प्राधान्य दिले

घरगुती गॅस, रुग्णालये आणि शैक्षणिक संस्थांना प्राधान्याने पुरवठा केला जात आहे. काही मोठ्या हॉटेल्सना पर्यायी इंधन वापरणे अवघड जात असले, तरी इतर रेस्टॉरंटस्‌‍नी कोळसा व केरोसिनचा वापर सुरू केला आहे. नागरिकांनी पेट्रोल, डिझेल, एलपीजी पुरवठ्याबाबत काळजी करू नये. जीवनावश्यक वस्तूंचा अतिरिक्त साठा, काळाबाजार व भाववाढ रोखणे, याबाबत राज्यसरकारतर्फे आवश्यक आणि योग्य ती कार्यवाही केली जात असल्याची माहिती अन्न व नागरी पुरवठामंत्री छगन भुजबळ यांनी दिली.

24 shares

😐

Lokmat

Mar 18, 2026, 01:29 AM

भारतातील उच्च शिक्षण क्षेत्राचा विस्तार, मात्र रोजगाराच्या शक्यता धोक्यात

नवी दिल्ली : भारतातील उच्च शिक्षणाचे प्रमाण वाढत असले तरी, पदवीधरांच्या हाताला काम मिळण्याचे प्रमाण मात्र चिंताजनक असल्याचे समोर आले आहे. अझीम प्रेमजी विद्यापीठाच्या 'स्टेट ऑफ वर्किंग इंडिया' अहवालानुसार, देशातील २० ते २९ वयोगटातील ६.३ कोटी पदवीधरांपैकी तब्बल १.१ कोटी पदवीधर बेरोजगार आहेत. वयोगटबेरोजगारीप्रमाण (%)२० ते २५ - ४०%२५ ते २९ - २०% तरुणांमधीलबेरोजगारीचाविळखा -२००४-०५ पासूनच्या आकडेवारीनुसार दरवर्षी ५० लाख पदवीधरांची भर पडते. त्यापैकी केवळ २८ लाख पदवीधरांनाच नोकरी मिळविण्यात यश येते. नोकरी मिळवण्यात अनंत अडचणी -स्वतःला बेरोजगार म्हणून नोंदवणाऱ्या पदवीधरांपैकी केवळ ७ टक्के तरुणांनाच पदवी मिळाल्यानंतर एका वर्षाच्या आत कायमस्वरूपी पगाराची नोकरी मिळवण्यात यश येते. शिक्षण पूर्ण केल्यानंतर कामाच्या ठिकाणी होणारे हे स्थित्यंतर आव्हानात्मक असल्याचे अहवालात म्हटले आहे. वेतनश्रेणीतील स्त्री-पुरुष -पदवीधर नसलेल्या उमेदवारांपेक्षा पदवीधरांचे सुरुवातीचे वेतन दुप्पट असते. मात्र, गेल्या काही वर्षांत पदवीधर पुरुषांच्या सुरुवातीच्या पगारवाढीचा वेग मंदावला आहे.चांगली बाब म्हणजे, वेतन श्रेणीतील स्त्री-पुरुष भेदभाव लक्षणीयरीत्या कमी झाला आहे, जे तरुण महिलांसाठी श्रम बाजारातील सुधारलेले निकाल दर्शवते.

64 shares

😐

Lokmat

Mar 18, 2026, 01:15 AM

महाराष्ट्रातील संगोला येथील बोर्डाच्या कोठडीतील स्ट्रॉंगरूममधून प्रश्नपत्रिका चोरल्या गेल्या

सांगोला (जि.सोलापूर) : सांगोला विद्यामंदिर प्रशाला येथील बोर्ड कस्टडी स्ट्राँगरूम फोडण्यात आली असून बुधवारी होणाऱ्या दहावीच्या भूगोल विषयाच्या सुमारे ५० प्रश्नपत्रिका चोरीला गेल्या आहेत. ही घटना मंगळवारी सकाळी ८:३० च्या सुमारास उघडकीस आली. धक्कादायक बाब म्हणजे येथील सीसीटीव्ही बंद होते. महाराष्ट्र राज्य माध्यमिक व उच्च माध्यमिक मंडळाकडून दहावीचीपरीक्षासुरू असून बुधवारी, १८ मार्च रोजी भूगोल विषयाचा शेवटचा पेपर आहे. तत्पूर्वी मंगळवारी प्रश्नपत्रिका चोरीला गेल्याने बोर्ड कस्टडीच्या सुरक्षेचा प्रश्न समोर आला आहे. सांगोला विद्यामंदिर प्रशालेच्या बोर्ड कस्टडी रूममध्ये प्रश्नपत्रिका पत्र्याच्या पेटीत ठेवून दरवाजाला बाहेरून कुलूप लावून सील केले होते. पोलिस व दोन होमगार्ड यांचा बंदोबस्त होता. सोमवारी मध्यरात्री २ च्या सुमारास अज्ञात इसमाने कटरच्या साह्याने कुलूप तोडून आत प्रवेश केला आणि पेटी क्र. ५४४९ मधील भूगोलाच्या ५० प्रश्नपत्रिका चोरल्या. तिथून जाताना दरवाज्याच्या कुलूपाला पुन्हा आहे तसा कागद गुंडाळून तेथून धूम ठोकली. गटशिक्षणाधिकारी, मुख्याध्यापक निलंबित : या प्रकरणी प्रभारी गटशिक्षणाधिकारी सुयोग नवले व सांगोला विद्यामंदिर प्रशालेचे मुख्याध्यापक अमोल गायकवाड या दोघांना निलंबित केल्याची माहिती माध्यमिक विभागाचे शिक्षणाधिकारी सचिन जगताप यांनी दिली.

50 shares

😢

Pudhari

Mar 18, 2026, 12:54 AM

परीक्षेच्या प्रश्नपत्रिकेतील चोरीच्या विलंबित अहवालाबाबत शाब्दिक द्वंद्व चिघळले

अशीची चर्चा... दहावीच्या परीक्षेचे पेपर ठेवलेल्या ठिकाणी गेल्या दोन दिवसापासून बंदोबस्तासाठी असलेल्या होमगार्डमध्ये शाब्दिक चकमक झाल्याची चर्चा आहे. चोरीबाबत संबंधित अधिकारी व पोलीस ठाण्यात उशिरा कळविण्यात आल्याचीही चर्चा आहे.

84 shares

😐