ଏଫ୍ଆଇଏଚ୍ ହକି ବିଶ୍ୱକପ୍ ଡ୍ର ସମାନ ଗ୍ରୁପ୍ରେ ପାକିସ୍ତାନକୁ ଭେଟିବ ଭାରତୀୟ ପୁରୁଷ ଦଳ

ନୂଆଦିଲ୍ଲୀ,୧୮/୦୩;ଆଗାମୀ ଏଫ୍ଆଇଏଚ୍ ହକି ବିଶ୍ୱକପ୍ (ପୁରୁଷ ଓ ମହିଳା) ପାଇଁ ଆଜି ଡ୍ର’ ଘୋଷଣା ହୋଇଛି । ପୁରୁଷ ବିଭାଗରେ ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ ସମାନ ଗ୍ରୁପ୍ (ଡି)ରେ ସ୍ଥାନ ପାଇଛନ୍ତି । ସେହିପରି ମହିଳା ବିଭାଗରେ ମଧ୍ୟ ଭାରତୀୟ ଦଳ ଗ୍ରୁପ୍-ଡି’ରେ ସ୍ଥାନ ପାଇଛି । ଏଥର ବେଲଜିୟମ ଓ ନେଦରଲାଣ୍ଡ୍ସ ମିଳିତ ଭାବେ ହକି ବିଶ୍ୱକପ୍ ଆୟୋଜନ କରିବେ । ଆଗାମୀ ଅଗଷ୍ଟ ୧୪ରୁ ଟୁର୍ଣ୍ଣାମେଣ୍ଟ ଆରମ୍ଭ ହୋଇ ୩୦ ତାରିଖରେ ଶେଷ ହେବ । ପୁରୁଷ ବିଭାଗରେ ଭାରତ ସହଜ ଗ୍ରୁପ ସ୍ଥାନ ପାଇଛି । ଏହି ଗ୍ରୁପ ପାକିସ୍ତାନ, ଇଂଲଣ୍ଡ ଓ ୱେଲ୍ସ ରହିଛନ୍ତି । ଭାରତୀୟ ଦଳ ଅଗଷ୍ଟ ୧୬ ତାରିଖରେ ୱେଲ୍ସକୁ, ୧୮ ତାରିଖରେ ଇଂଲଣ୍ଡକୁ, ୨୦ ତାରିଖରେ ପାକିସ୍ତାନକୁ ଭେଟିବ । ସେହିପରି ଗ୍ରୁପ୍-ଏ’ରେ ଆୟୋଜକ ନେଦରଲାଣ୍ଡ୍ସ ସମେତ ଆର୍ଜେଣ୍ଟିନା, ନ୍ୟୁଜିଲାଣ୍ଡ, ଜାପାନ ରହିଥିବାବେଳେ ଗ୍ରୁପ୍-ବି’ରେ ବେଲଜିୟମ, ଜର୍ମାନୀ, ଫ୍ରାନ୍ସ, ମାଲେସିଆ ଏବଂ ଗ୍ରୁପ୍-ସି’ରେ ଅଷ୍ଟ୍ରେଲିଆ, ସ୍ପେନ, ଆୟର୍ଲାଣ୍ଡ, ଦକ୍ଷିଣ ଆଫ୍ରିକା ସ୍ଥାନ ପାଇଛନ୍ତି । ମହିଳା ବିଭାଗରେ ଭାରତୀୟ ଦଳ ଗ୍ରୁପ୍ଡି’ରେ ଚୀନ, ଇଂଲଣ୍ଡ ଓ ଦକ୍ଷିଣ ଆଫ୍ରିକା ସହ ସ୍ଥାନ ପାଇଛି । ଦଳ ଅଗଷ୍ଟ ୧୬ରେ ଚୀନକୁ, ୧୮ରେ ଦକ୍ଷିଣ ଆଫ୍ରିକାକୁ, ୨୦ରେ ଇଂଲଣ୍ଡକୁ ଭେଟିବ । ​​​​​​​ ଗ୍ରୁପ୍ଏ’ରେ ନେଦରଲାଣ୍ଡ୍ସ, ଅଷ୍ଟ୍ରେଲିଆ, ଚିଲି, ଜାପାନ³ ଗ୍ରୁପ୍-ବି’ରେ ଆର୍ଜେଣ୍ଟିନା, ଜର୍ମାନୀ, ଆମେରିକା, ସ୍କଟଲାଣ୍ଡ ଏବଂ ଗ୍ରୁପ୍-ସି’ରେ ବେଲଜିୟମ, ସ୍ପେନ, ନ୍ୟୁଜିଲାଣ୍ଡ ଓ ଆୟର୍ଲାଣ୍ଡ ରହିଛନ୍ତି । ପ୍ରତି ଗ୍ରୁପ୍‌ରୁ ଶ୍ରେଷ୍ଠ ପ୍ରଦର୍ଶନକାରୀ ୨ଟି ଲେଖାଏଁ ଦଳ ଦ୍ୱିତୀୟ ରାଉଣ୍ଡକୁ ଉନ୍ନୀତ ହେବେ । ଏହି ରାଉଣ୍ଡରେ ୨ଟି ଗ୍ରୁପ୍ (ଇ ଓ ଏଫ୍)ରେ ୮ଟି ଦଳ ଭାଗ ନେବେ । ସେହିପରି ଉଭୟ ଗ୍ରୁପ୍‌ର ଶ୍ରେଷ୍ଠ ପ୍ରଦର୍ଶନକାରୀ ୨ଟି ଲେଖାଏଁ ଦଳ ସେମି ଫାଇନାଲ୍‌କୁ ଉନ୍ନୀତ ହେବେ ।