For You News in ଓଡ଼ିଆ

Prameya

Mar 20, 2026, 08:55 AM

ଆଇପିଏଲ୍ ସିଜନ୍ 19: ଟୁର୍ଣ୍ଣାମେଣ୍ଟ ପୂର୍ବରୁ ସାତ ଜଣ ଖେଳାଳିଙ୍କୁ ବାଦ ଦେବା ଅନିଶ୍ଚିତତା ସୃଷ୍ଟି କରେ

ନୂଆଦିଲ୍ଲୀ,୨୦/୦୩ :ଫଟାଫଟ କ୍ରିକେଟ ଟୁର୍ଣ୍ଣାମେଣ୍ଟ ଆରମ୍ଭ ହେବାକୁ ଆଉ ଗୋଟିଏ ସପ୍ତାହ ବାକି ରହିଛି । ଆଇପିଏଲ ସିଜିନ ୧୯ ପାଇଁ କାଉଣ୍ଟଡାଉନ୍ ଆରମ୍ଭ ହୋଇଯାଇଛି । ଟୁର୍ଣ୍ଣାମେଣ୍ଟ ଆରମ୍ଭ ପୂର୍ବରୁ ଅନେକ ଦଳ ପୂର୍ବରୁ ବିପର୍ଯ୍ୟୟର ସମ୍ମୁଖୀନ ହୋଇଛନ୍ତି । ୭ଜଣ ଖେଳାଳିଙ୍କୁ ବାଦ ଦେବା ଅନେକ ଦଳକୁ ଟେନ୍‌ସନ୍‌ରେ ପକାଇଛି । ବଡ କଥା ହେଉଛି ସେମାନଙ୍କ ମଧ୍ୟରୁ ୬ ଜଣ ଦ୍ରୁତ ବୋଲର । ଏହି ଖେଳାଳିମାନଙ୍କ ମଧ୍ୟର ୪ଜଣ ଅଷ୍ଟ୍ରେଲୀୟ । ନିଲାମରେ ସେମାନଙ୍କ ଅଧିଗ୍ରହଣ ପାଇଁ ତୀବ୍ର ପ୍ରତିଯୋଗିତା ହେଉଥିଲା । ଏହି ଖେଳାଳିମାନଙ୍କ ମଧ୍ୟରୁ ଜଣେ ପ୍ରଥମ ଥର ପାଇଁ ଆଇପିଏଲ ଖେଳିବେ । ଏହି ଖେଳାଳିମାନଙ୍କ ମଧ୍ୟରେ ଜଣେ ଭାରତର । ଆଇପିଏଲ ସିଜନ ୧୯ରେ ପ୍ରଥମ ମ୍ୟାଚ୍ ଡିଫେଣ୍ଡି ଚାମ୍ପିଅନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯିବ । ଉଭୟ ଦଳ ସେମାନଙ୍କର ଅଷ୍ଟ୍ରେଲିୟ ଖେଳାଳିଙ୍କୁ ମିସ୍ କରିବେ । ବାଦ ଦିଆଯାଇଥିବା ଖେଳାଳିଙ୍କ ମଧ୍ୟରେ ପ୍ୟାଟ୍ କମିନ୍ସ (SRH) ଏବଂ ଜୋଶ୍ ହାଜେଲଉଡ୍ (RCB) ଅଛନ୍ତି । ଅଷ୍ଟ୍ରେଲିଆର ନାଥନ୍ ଏଲିସ୍ (CSK) ଏବଂ ଜ୍ୟାକ୍ ଏଡୱାର୍ଡସ୍ (SRH) ମଧ୍ୟ ବାଦ ପଡ଼ିଛନ୍ତି । ପ୍ରଥମ ମ୍ୟାଚରୁ ବାଦ ୩ ଜଣ ଖେଳାଳି-ଆଇପିଏଲରୁ ବାଦ ପଡ଼ିଥିବା ୭ଜଣ ଖେଳାଳିଙ୍କ ମଧ୍ୟରୁ ୬ ଜଣ ପେସର । ଏହି ଦ୍ରୁତ ବୋଲରମାନଙ୍କ ମଧ୍ୟରୁ ୩ ଜଣ ସମ୍ପୂର୍ଣ୍ଣ ସିଜିନ୍ ପାଇଁ ନୁହଁନ୍ତି, ବରଂ ପ୍ରାରମ୍ଭିକ ପର୍ଯ୍ୟାୟ ପାଇଁ ବାଦ ରହିଛନ୍ତି । ପ୍ୟାଟ୍ କମିନ୍ସ, ଜୋଶ୍ ହାଜେଲଉଡ୍ ଏବଂ ଲକି ଫର୍ଗୁସନ୍ ପ୍ରଥମ ମ୍ୟାଚ୍ ଖେଳିବେ ନାହିଁ । ପ୍ୟାଟ୍ କମିନ୍ସ ସନରାଇଜର୍ସ ହାଇଦ୍ରାବାଦର ଅଧିନାୟକ, କିନ୍ତୁ ସେ ଏପର୍ଯ୍ୟନ୍ତ ତାଙ୍କ ଆଘାତରୁ ସୁସ୍ଥ ହୋଇ ନାହାଁନ୍ତି । ଏହି ଆଘାତ ଯୋଗୁଁ ସେ ଟି-୨୦ ବିଶ୍ୱକପ୍ ଖେଳିପାରି ନାହାଁନ୍ତି । ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ପାଇଁ ଖେଳୁଥିବା ଜୋଶ୍ ହାଜେଲଉଡ୍ ମଧ୍ୟ ଆହତ ହୋଇଛନ୍ତି । ହାଜେଲଉଡ୍ ପ୍ରଥମ ଦୁଇଟି ମ୍ୟାଚ୍ ଖେଳିବେ ନାହିଁ ଏବଂ ଏହା ପରେ ପୁଣି ଦଳରେ ଯୋଗ ଦେଇପାରନ୍ତି । ନ୍ୟୁଜିଲାଣ୍ଡର ଦ୍ରୁତ ବୋଲର ଲକି ଫର୍ଗୁସନ୍ଙ୍କୁ ପଞ୍ଜାବ କିଙ୍ଗ୍ସ କିଣିଛି, କିନ୍ତୁ ଜାତୀୟ କର୍ତ୍ତବ୍ୟ ଯୋଗୁଁ ସେ କିଛି ମ୍ୟାଚ୍ ହରାଇବେ। ଲିଗ୍ ପାଇଁ ଭାରତରୁ ତାଙ୍କର ଅନୁପସ୍ଥିତିର ଆଉ ଏକ କାରଣ ହେଉଛି ସେ ସମ୍ପ୍ରତି ପିତା ହୋଇଛନ୍ତି ଏବଂ ତାଙ୍କ ପରିବାର ସହିତ କିଛି ସମୟ ବିତାଇବାକୁ ଚାହୁଁଛନ୍ତି। ଏହା ବି ପଢନ୍ତୁ...ଆଇପିଏଲକୁ ଆଉ ୮ ଦିନ; ଜାଣନ୍ତୁ ପୁରୁଣା ଦଳକୁ ପୁଣି ଫେରିଥିବା ଷ୍ଟାର ପ୍ଲେୟାର କିଏ ? ଭାରତୀୟ ଦ୍ରୁତ ବୋଲର ମଧ୍ୟ ସାମିଲ-ଟିମ୍ ଇଣ୍ଡିଆର ଦ୍ରୁତ ବୋଲର ହର୍ଷିତ ରାଣା ମଧ୍ୟ ଆହତ ଯୋଗୁଁ ଆଇପିଏଲ ଚଳିତ ସିଜନ ଖେଳିପାରିବେ ନାହିଁ । ଟି-ଟ୍ୱେଣ୍ଟି ବିଶ୍ୱକପ୍ ପୂର୍ବରୁ ତାଙ୍କର ଆଣ୍ଠୁରେ ଆଘାତ ଲାଗିଥିଲା । ସେ କେକେଆର ଦଳରେ ଥିଲେ । ସାମ୍ କୁରାନ୍, ଜ୍ୟାକ୍ ଏଡୱାର୍ଡସ୍ ଏବଂ ନାଥନ୍ ଏଲିସ୍ ମଧ୍ୟ ସମ୍ପୂର୍ଣ୍ଣ ଆଇପିଏଲରୁ ବାଦ ପଡ଼ିଛନ୍ତି । ଟ୍ରେଡ୍ ଡିଲ୍ ମାଧ୍ୟମରେ ରାଜସ୍ଥାନ ରୟାଲ୍ସରେ ଯୋଗ ଦେଇଥିବା ସାମ୍ କୁରାନ ପିଠି ଆଘାତ ଯୋଗୁଁ ଆଇପିଏଲରୁ ବାଦ ପଡ଼ିଛନ୍ତି । ସିଏସକେ ପାଇଁ ଖେଳିବାକୁ ଥିବା ନାଥନ୍ ଏଲିସ୍ ମଧ୍ୟ ହାମଷ୍ଟ୍ରିଙ୍ଗ୍ ଆଘାତ ପାଇଁ ବାହାରେ ଅଛନ୍ତି । ସନରାଇଜର୍ସ ହାଇଦ୍ରାବାଦ ଦ୍ୱାରା ଅଧିଗ୍ରହଣ କରାଯାଇଥିବା ଅଷ୍ଟ୍ରେଲୀୟ ଜ୍ୟାକ୍ ଏଡୱାର୍ଡସ୍ ତାଙ୍କର ପ୍ରଥମ ଆଇପିଏଲ ମ୍ୟାଚ୍ ଖେଳିବାକୁ ସ୍ଥିର ହୋଇଥିଲେ କିନ୍ତୁ ଆଘାତ ଯୋଗୁଁ ସେ ଆଇପିଏଲ ୨୦୨୬ରୁ ବାଦ ପଡ଼ିଛନ୍ତି ।

13 shares

😢

Dharitri

Mar 20, 2026, 08:54 AM

ବସନ୍ତିକ ନବରାତ୍ର ପୂଜାର ଦ୍ୱିତୀୟ ଦିନରେ ଦେବୀ କନକ ଦୁର୍ଗା ବ୍ରହ୍ମଚାରିଣୀ ପୋଷାକରେ ଆବିର୍ଭାବ ହୋଇଛନ୍ତି।

ଦେବଗଡ,୨୦।୩(ଶଶାଙ୍କ ଶେଖର ଝାଙ୍କର): ମଠ ସାହିସ୍ଥିତ ମା’ କନକ ଦୁର୍ଗା ମନ୍ଦିରରେ ବାସନ୍ତୀକ ନବରାତ୍ର ପୂଜା ଦ୍ୱିତୀୟ ଦିବସରେ ଦେବୀଙ୍କ ପୂଜାର୍ଚ୍ଚନା ଚାଲିଛି। ଶୁକ୍ରବାର ମା’ କନକ ଦୁର୍ଗା ବ୍ରହ୍ମଚାରିଣୀ ବେଶରେ ଦର୍ଶନ ଦେଇଛନ୍ତି । ଦେବୀଙ୍କୁ ଏହି ବେଶରେ ଦର୍ଶନ କରିବା ପାଇଁ ସକାଳୁ ଭକ୍ତଙ୍କ ସମାଗମ ହୋଇଛି। ସେହିପରି ମାଁ ଦକ୍ଷିଣ କାଳୀ ଶନି ମନ୍ଦିରରେ ମଧ୍ୟ ବାସନ୍ତୀକ ନବରାତ୍ର ପୂଜାର୍ଚ୍ଚନା ଚାଲିଛି।

24 shares

😊

Dharitri

Mar 20, 2026, 08:45 AM

ପ୍ରେମ ସମ୍ପର୍କ ବିବାଦକୁ ନେଇ ପୋଲିସ ଉପରେ ଅନ୍ୟାୟ ଅଭିଯୋଗ କରି ଭିଡିଓ ପୋଷ୍ଟ କରିବା ପରେ ବ୍ୟକ୍ତି ଆତ୍ମହତ୍ୟା କଲେ

ପୁରୁଣା ଭୁବନେଶ୍ୱର/ପିପିଲି, ୨୦ା୩ (ସୁବାସ ଚନ୍ଦ୍ର ପ୍ରଧାନ/ଦୁର୍ଗାମାଧବ ମିଶ୍ର):ଲିଭ୍‌ ଇନ୍‌ରେ ରହୁଥିବା ଯୁବତୀଙ୍କ ଅଭିଯୋଗ ଆଧାରରେ ଗିରଫ କରିବା ପାଇଁ ଘର ବାହାରେ ପୋଲିସ ଜଗିଥିଲା, ହେଲେ ଘର ଭିତରେ ଆତ୍ମହତ୍ୟା କରିଦେଲେ ଯୁବକ। ଗୁରୁବାର ପିପିଲି ଥାନା ଅଧୀନ ଗୁଡ଼ିଆପୋଖରୀ ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ଏଭଳି ଏକ ଅଭାବନୀୟ ଘଟଣା ଘଟିଛି। ମୃତକହେଲେ କଟକ ମଧୁପଟଣା ଅଞ୍ଚଳର ସୁଧାଂଶୁ ଶେଖର ବେହେରା। ଆତ୍ମହତ୍ୟା ପୂର୍ବରୁ ସେ ଶେଷ ଭିଡିଓ ସୋସିଆଲ ମିଡିଆରେ ପୋଷ୍ଟ କରିବା ସହ ପୋଲିସ ନ୍ୟାୟ ଦେଇପାରିବ ନାହିଁ ବୋଲି ଉଲ୍ଲେଖ କରିଛନ୍ତି। ପ୍ରେମ ପ୍ରତାରଣାକୁ ନେଇ ସୁଧାଂଶୁ ଆତ୍ମହତ୍ୟା କରିଥିବା ପୋଲିସ କହିଛି।ପୋଲିସ ସୂଚନା ମୁତାବକ, ସୁଧାଂଶୁ ପିପିଲି ଅଞ୍ଚଳର ଜଣେ ଯୁବତୀଙ୍କୁ ପ୍ରେମ କରୁଥିଲେ। ଏପରିକି ଦୁହେଁ ଲିଭ ଇନ୍‌ରେ ରହିଆସୁଥିଲେ। ଯୁବତୀ ତାଙ୍କୁ ବିବାହ କରିବାକୁ କହି ୮ଲକ୍ଷ ଟଙ୍କା ଠକେଇ କରିନେଇଥିବା ସୁଧାଂଶୁ ଅଭିଯୋଗ କରିଥିଲେ। ଯୁବତୀଙ୍କ ବିରୋଧରେ ମାମଲା ଦାଏର କରିବା ପାଇଁ ସେ ପିପିଲି ଥାନାଠୁ ଆରମ୍ଭ କରି ଶହୀଦନଗର ଥାନା ପର୍ଯ୍ୟନ୍ତ ଦୌଡ଼ି ଦୌଡ଼ି ନିରାଶ ହୋଇଥିଲେ। ଯୁବତୀ ଜଣଙ୍କ ଓଲଟା ପିପିଲି ଥାନାରେ ସୁଧାଂଶୁଙ୍କ ନାମରେ ଏକ ମାମଲା ଓ ଭୁବନେଶ୍ୱର ମହିଳା ଥାନାରେ ଏକ ବଳାତ୍କାର ମାମଲା ରୁଜୁ କରି ଶୁଧାଂଶୁଙ୍କୁ ଛନ୍ଦି ଦେଇଥିଲେ। ବୁଧବାର ମହିଳା ଥାନା ପୋଲିସ ସୁଧାଂଶୁଙ୍କୁ ଗିରଫ କରିବା ପାଇଁ ସେ ରହୁଥିବା ଗୁଡ଼ିଆପୋଖରୀ ନିକଟ ଆପାର୍ଟମେଣ୍ଟକୁ ଯାଇଥିଲା। ତେବେ ପୋଲିସକୁ ଦେଖି ସେ ଘର ଭିତରେ କବାଟ କିଳି ଦେଇଥିଲେ। ‘ମୁଁ ନିର୍ଦ୍ଦୋଷ ମୋତେ ନ୍ୟାୟ ମିଳୁ ନଚେତ କବାଟ ଖୋଲିବି ନାହିଁ ବୋଲି କୁଆଡ଼େ କହିଥିଲେ। କିଛି ସମୟ ପରେ ପୋଲିସ କବାଟ ତାଡ଼ି ଦେଖିଲା ବେଳକୁ ସେ ଫାଶ ଲଗାଇ ଆତ୍ମହତ୍ୟା କରିଥିଲେ। ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏକ ମାମଲା (ନଂ. ୯/୨୬) ରୁଜୁ କରି ଘଟଣାର ଅନୁସନ୍ଧାନ ଚଳାଇଛି। ସେମାନେ ଲିଭ୍‌ ଇନ୍‌ରେ ରହିଆସୁଥିବାବେଳେ ଗତ ଜାନୁଆରୀରୁ ପରସ୍ପର ଅଲଗା ହୋଇ ରହୁଥିଲେ ବୋଲି ପିପିଲି ଥାନା ଆଇଆଇସି ସୌମେନ୍ଦ୍ର ଶେଖର ତ୍ରିପାଠୀ ସୂଚନା ଦେଇଛନ୍ତି।

98 shares

😢

Prameya

Mar 20, 2026, 07:33 AM

କଲେଜ ଏବଂ ବିଶ୍ୱବିଦ୍ୟାଳୟଗୁଡ଼ିକରେ ଆର୍ଟିଫିସିଆଲ ଇଣ୍ଟେଲିଜେନ୍ସ ଶିକ୍ଷା କାର୍ଯ୍ୟକ୍ରମର ଶୁଭାରମ୍ଭ କଲେ ଓଡ଼ିଶା ସରକାର

ଭୁବନେଶ୍ଵର, ୨୦/୦୩ : AI ଶିକ୍ଷାକୁ ମିଳିବ ଉଡାଣ। କଲେଜରେ ଆରମ୍ଭ ହେବ AI ଶିକ୍ଷା। ଉଚ୍ଚ ଶିକ୍ଷାନୁଷ୍ଠାନରେ ଆରମ୍ଭ ହେବ 'AI for ALL' ପାଠ୍ୟକ୍ରମ। ରମାଦେବୀ ବିଶ୍ୱବିଦ୍ୟାଳୟରେ AI & ROBOTICS CENTER of EXCELLENCE ଖୋଲାଯାଇଛି। Odisha State Open University, ସମ୍ବଲପୁରରେ କଳା ସ୍ନାତକୋତର ଦ୍ଵିତୀୟ ସେମିଷ୍ଟାରରେ AI ପାଠ୍ୟକ୍ରମ ପଢା ଯାଉଛି। ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ବିଧାନସଭାରେ ଏନେଇ ଲିଖିତ ଉତ୍ତର ରଖିଛନ୍ତି। ସେହିପରି ବିଶ୍ଵବିଦ୍ୟାଳୟରେ ଆସିଷ୍ଟାଣ୍ଟ ପ୍ରଫେସର ମରୁଡ଼ି ନେଇ ବିଧାନସଭାରେ ଉଦବେଗ ପ୍ରକାଶ ପାଇଛି। ଉଚ୍ଚଶିକ୍ଷା ମନ୍ତ୍ରୀ କହିଛନ୍ତି ଯେ, ୧୭ଟି ବିଶ୍ଵବିଦ୍ୟାଳୟରେ ୭୦୯ ଆସିଷ୍ଟାଣ୍ଟ ପ୍ରଫେସର ପଦ ଖାଲି ପଡ଼ିଛି। ୪୬୧ ଆସୋସିଏଟ୍ ଓ ୨୬୪ ପ୍ରଫେସର ପଦ ପୂରଣ ହୋଇନି। ଅଣଶିକ୍ଷକ ନିଯୁକ୍ତି ସରକାରଙ୍କ ମୁଣ୍ଡବ୍ୟଥାର କାରଣ ପାଲଟିଛି। ୨୩୨୫ ଅଣଶିକ୍ଷକ ପଦ ପୂରଣ କରିବା ବାକି ଅଛି। ଏହି ଖବରଟିକୁ ପଢନ୍ତୁ-ଜମି ନେଇ ଶିଳ୍ପ କରୁନଥିବା ଶିଳ୍ପାନୁଷ୍ଠାନ ଉପରେ ସରକାରଙ୍କ ବଡ଼ ଆକ୍ସନ, ୨୫ଟି ଅନୁଷ୍ଠାନକୁ କାରଣ ଦର୍ଶାଅ ନୋଟିସ୍

55 shares

😐

Prameya

Mar 20, 2026, 07:17 AM

ଧର୍ମଶାଳାରେ ସର୍ଟ ସର୍କିଟ ଯୋଗୁଁ ବିଦ୍ୟୁତ ଦୋକାନରେ ଅଗ୍ନିକାଣ୍ଡ

ଧର୍ମଶାଳା, ୨୦।୩: ଜାରକା ଶାନ୍ତି ବଜାର ଠାରେ ଥିବା ଏକ ବୈଦୁତିକ ଘରୋଇ ଉପକରଣ ମରାମତି ଦୋକାନରେ ଅଗ୍ନିକାଣ୍ଡ । ଶୁକ୍ରବାର ଭୋରରୁ ବିଦ୍ୟୁତ୍ ସଟ୍ ସର୍କିଟରୁ ଅଗ୍ନିକାଣ୍ଡ ଘଟି ଦୋକାନଟି ସମ୍ପୂର୍ଣ୍ଣ ଜଳିଯାଇଛି । ଫଳରେ ଦୋକାନରେ ମରାମତି ପାଇଁ ରହିଥିବା ଲକ୍ଷାଧିକ ଟଙ୍କାର ବହୁ ଏସି, ୱାସିଙ୍ଗ ମେସିନ, ଫ୍ରିଜ୍, ଗ୍ୟାସ୍ ସିଲିଣ୍ଡର ସହ ଅନ୍ୟାନ୍ୟ ଆନୁଷଙ୍ଗିକ ବୈଦୁତିକ ଉପକରଣ ପୋଡ଼ି ନଷ୍ଟ ହୋଇଯାଇଛି । ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି । ଏହା ବି ପଢ଼ନ୍ତୁ...ଜାତୀୟ ରାଜପଥରେ କାର୍ ଦୁର୍ଘଟଣାଗ୍ରସ୍ତ; ଜୁନାଗଡ଼ ବଳଦିଆମାଳରେ ଡାକ୍ତରଙ୍କ ଅକାଳ ବିୟୋଗ ସୂଚନା ଅନୁଯାୟୀ, ସ୍ଥାନୀୟ ମଣିନାଥପୁର ଗ୍ରାମର ଡଷ୍ଟେଗିରି ଅହମ୍ମଦ ସିଦିକଙ୍କ ଶାନ୍ତି ବଜାରଠାରେ ଥିବା କୁଲ ଟେକ୍‌ରେ ଫ୍ରିଜେଶନ ନାମକ ଘରୋଇ ବୈଦୁତିକ ଉପକରଣ ମରାମତି ଦୋକାନରେ ହଠାତ୍ ନିଆଁ ଲାଗିଥିଲା । ଭୋର ୬ଟା ପାଖାପାଖି ସମୟରେ ନିଆଁ ଲାଗି ହୁତୁହୁତୁ ହୋଇ ଜଳୁଥିବା ବେଳେ ସ୍ଥାନୀୟ ଲୋକ ଦେଖିବାକୁ ପାଇବା ପରେ ଚଣ୍ଡିଖୋଲ ଅଗ୍ନିଶମ ବାହିନୀକୁ ଯୋଗାଯୋଗ କରିଥିଲେ । କିନ୍ତୁ, ନିଆଁ ପାଖାପାଖି ଘଣ୍ଟାଏ ପୂର୍ବରୁ ଲାଗିଥିବାରୁ ଭିତରେ ଥିବା ଏକ ଲ୍ୟାପଟପ୍ ସମେତ ମରାମତି ପାଇଁ ଥିବା ଏସି, ୱାସିଙ୍ଗ ମେସିନ, ଫ୍ରିଜ୍, ଗ୍ୟାସ ସିଲିଣ୍ଡର ଆଦି ସମ୍ପୂର୍ଣ୍ଣ ଜଳିଯାଇଛି । ଦମକଳ ବାହିନୀ ପହଞ୍ଚି ପାଣି ସ୍ପ୍ରେ କରି ନିଆଁକୁ ଆୟତ୍ତ କରି ଥିଲେ ହେଁ କୌଣସି ଜିନିଷ ଉଦ୍ଧାର ହୋଇପାରି ନଥିଲା । ପାଖରେ ଥିବା ଦୋକାନୀମାନେ ଭୟଭୀତ ହୋଇ ସେମାନଙ୍କ ଜିନିଷ ସବୁ ମଧ୍ୟ ବାହାର କରିଦେଇଥିବା ଦେଖିବାକୁ ମିଳିଥିଲା । କାଲି ରାତି ୯ଟା ବେଳେ ସେ ଦୋକାନ ବନ୍ଦ କରି ଘରକୁ ଯାଇଥିଲେ । ବିଦ୍ୟୁତ୍ ସଟ୍ ସର୍କିଟ୍ ଯୋଗୁଁ ଏଭଳି ଅଗ୍ନିକାଣ୍ଡ ଘଟିଥିବା ଓ ପାଖାପାଖି ୩ ଲକ୍ଷ ଟଙ୍କାରୁ ଅଧିକ ଟଙ୍କାର ବିଭିନ୍ନ ଗ୍ରାହକଙ୍କ ବୈଦୁତିକ ସାମଗ୍ରୀ ଥିଲା ବୋଲି ମାଲିକ କହିଛନ୍ତି ।

12 shares

😢

Dharitri

Mar 20, 2026, 06:38 AM

ଅସନ୍ତୋଷଜନକ ପ୍ରଦର୍ଶନ ପାଇଁ ଛଅ ଜଣ ବରିଷ୍ଠ ଅଧିକାରୀଙ୍କୁ ବାଧ୍ୟତାମୂଳକ ଅବସର ଦେଲା ଭାରତୀୟ ରେଳବାଇ

ନୂଆଦିଲ୍ଲୀ,୨୦।୩: ପ୍ରଶାସନିକ କଠୋରତା ପ୍ରଦର୍ଶନ କରି, ଭାରତୀୟ ରେଲଓ୍ବେ ଛଅ ଜଣ ବରିଷ୍ଠ ଅଧିକାରୀଙ୍କୁ ବାଧ୍ୟତାମୂଳକ ଭାବରେ ଅବସର ଦେଇଛି ଯେଉଁମାନେ ସେମାନଙ୍କ କର୍ତ୍ତବ୍ୟ ସମୟରେ ସନ୍ତୋଷଜନକ କାର୍ଯ୍ୟଦକ୍ଷତା ବଜାୟ ରଖିପାରି ନଥିଲେ। ରେଳବାଇ ପ୍ରଶାସନ ଦ୍ୱାରା ଏହି କାର୍ଯ୍ୟାନୁଷ୍ଠାନ ଭାରତୀୟ ରେଲଓ୍ବେ ପ୍ରତିଷ୍ଠାନ ସଂହିତା (IREC) ର ନିୟମ 1802(a) ଅନୁଯାୟୀ ନିଆଯାଇଛି, ଯାହା ଜନସ୍ବାର୍ଥ ଦୃଷ୍ଟିରୁ ଅଧିକାରୀମାନଙ୍କୁ ସମୟ ପୂର୍ବରୁ ସେବାରୁ ବହିଷ୍କାର କରିବାର କ୍ଷମତା ପ୍ରଦାନ କରେ।ଅବସର ଗ୍ରହଣ କରାଯାଇଥିବା ଅଧିକାରୀମାନଙ୍କ ମଧ୍ୟରେ ରେଳବାଇ ମଧ୍ୟରେ ବିଭିନ୍ନ ଉଚ୍ଚପଦସ୍ଥ ଏବଂ କାର୍ଯ୍ୟକ୍ଷମ ଗୁରୁତ୍ୱପୂର୍ଣ୍ଣ ପଦବୀରେ ଥିବା ବ୍ୟକ୍ତିବିଶେଷ ଅନ୍ତର୍ଭୁକ୍ତ। ଏଥିରେ CME/ପ୍ରୋଜେକ୍ଟ/ମୁଖ୍ୟାଳୟ (ଉତ୍ତର ରେଳବାଇ); NF-HAG/IRSME (ଦକ୍ଷିଣ ପଶ୍ଚିମ ରେଳବାଇ); SG/IRSI (ଦକ୍ଷିଣ ପୂର୍ବ କେନ୍ଦ୍ରୀୟ ରେଳବାଇ); SC/IRSI (ପୂର୍ବ ରେଳବାଇ); ଗ୍ରେଡ-1 (ଅଣ୍ଡର ସେକ୍ରେଟାରୀ/ଡେପୁଟି ଡାଇରେକ୍ଟର), RBSS; ଏବଂ PPS, RBSS ଅନ୍ତର୍ଭୁକ୍ତ। ଏହି କାର୍ଯ୍ୟାନୁଷ୍ଠାନ ସମ୍ପର୍କରେ ଜାରି ଏକ ବିବୃତ୍ତିରେ, ରେଳବାଇ କହିଛି ଯେ ଏହି ନିଷ୍ପତ୍ତିକୁ ସଂଗଠନ ମଧ୍ୟରେ ଦାୟିତ୍ୱ ଏବଂ ଦକ୍ଷତାକୁ ସୁଦୃଢ଼ କରିବା ପାଇଁ ଏକ ପଦକ୍ଷେପ ଭାବରେ ଦେଖାଯିବା ଉଚିତ। ବିବୃତ୍ତି ଅନୁଯାୟୀ, ନିୟମ 1802(A) ସେହି କର୍ମଚାରୀମାନଙ୍କ ବିରୁଦ୍ଧରେ ଲାଗୁ କରାଯାଇଛି ଯେଉଁମାନଙ୍କର କାର୍ଯ୍ୟଦକ୍ଷତା ନିର୍ଦ୍ଧାରିତ ମାନଦଣ୍ଡ ପୂରଣ କରିବାରେ ବିଫଳ ହୁଏ।ସମଗ୍ର ମାମଲା ସମ୍ପର୍କରେ ଗଣମାଧ୍ୟମ ସହିତ କଥାବାର୍ତ୍ତା କରି ଜଣେ ରେଲଓ୍ବେ ଅଧିକାରୀ କହିଛନ୍ତି ଯେ ଏହି କଠୋର ପଦକ୍ଷେପ ମାଧ୍ୟମରେ, ରେଳ ପ୍ରଶାସନ ଏହାର କର୍ମଚାରୀ ଏବଂ ଅଧିକାରୀମାନଙ୍କୁ ଏକ ସ୍ପଷ୍ଟ ବାର୍ତ୍ତା ଦେଇଛି: ଅବହେଳା, ଅଯୋଗ୍ୟତା କିମ୍ବା ଯେକୌଣସି ସ୍ତରରେ ନିମ୍ନମାନର କାର୍ଯ୍ୟଦକ୍ଷତାକୁ ବରଦାସ୍ତ କରାଯିବ ନାହିଁ। ଏହା ବ୍ୟତୀତ, ସମସ୍ତ ଅଧିକାରୀ ଏବଂ କର୍ମଚାରୀ ସମ୍ପୂର୍ଣ୍ଣ ଦାୟିତ୍ୱ ଏବଂ ସାଧୁତାର ସହିତ ସେମାନଙ୍କର କର୍ତ୍ତବ୍ୟ ପାଳନ କରିବେ ବୋଲି ଆଶା କରାଯାଉଛି। ଏହି ପଦକ୍ଷେପକୁ ରେଲଓ୍ବେ ମଧ୍ୟରେ ଶୃଙ୍ଖଳା ଏବଂ ଉନ୍ନତ କାର୍ଯ୍ୟକ୍ଷମ ଦକ୍ଷତା ସୁନିଶ୍ଚିତ କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପ୍ରୟାସ ଭାବରେ ବିବେଚନା କରାଯାଉଛି। ଭାରତୀୟ ରେଲଓ୍ବେ ଏହାର ଅଧିକାରୀମାନଙ୍କୁ ବହିଷ୍କାର କରିବା – ଅର୍ଥାତ ସେବାରୁ ବହିଷ୍କାର – ନିଲମ୍ବନ କିମ୍ବା ବାଧ୍ୟତାମୂଳକ ଅବସର ପାଇଁ ସ୍ପଷ୍ଟ ନିୟମ ସ୍ଥାପନ କରିଛି। ଏହି ନିୟମଗୁଡ଼ିକ ମୁଖ୍ୟତଃ କେନ୍ଦ୍ର ସରକାରଙ୍କ ସେବା ନିୟମର ପରିସରଭୁକ୍ତ, କାରଣ ରେଲଓ୍ବେ କର୍ମଚାରୀମାନଙ୍କୁ କେନ୍ଦ୍ର ସରକାରଙ୍କ କର୍ମଚାରୀ ଭାବରେ ବର୍ଗୀକୃତ କରାଯାଇଛି।

60 shares

😢

Prameya

Mar 20, 2026, 06:21 AM

900 ପେଶାଦାର ଫୁଟବଲ ଗୋଲ୍ ଦେବାରେ ଦ୍ୱିତୀୟ ଖେଳାଳି ହେଲେ ଲିଓନେଲ୍ ମେସି

ମାୟାମୀ,୨୦/୦୩: ପ୍ରସିଦ୍ଧ ଫୁଟବଲ୍ ଖେଳାଳି ଆର୍ଜେଣ୍ଟିନାର ଲିଓନେଲ ମେସି ଆଉ ଏକ ରେକର୍ଡ ତାଲିକାରେ ନିଜ ନାମ ସାମିଲ କରିଛନ୍ତି । ସେ ବିଶ୍ୱର ଦ୍ୱିତୀୟ ଖେଳାଳି ଭାବେ ପେସାଦାର ଫୁଟବଲ୍‌ରେ ୯୦୦ ଗୋଲ୍ ସ୍କୋର କରିଛନ୍ତି । ତାଙ୍କ ପୂର୍ବରୁ କେବଳ କ୍ରିଷ୍ଟିଆନୋ ରୋନାଲ୍ଡୋ ଏହି ସଫଳତା ଅର୍ଜନ କରିଛନ୍ତି । ସେ ଇତି ମଧ୍ୟରେ ୯୬୫ଟି ଗୋଲ୍ ସ୍କୋର କରିସାରିଛନ୍ତି । ଅଧିକ ପଢ଼ନ୍ତୁ :-ଆଇପିଏଲ ପୂର୍ବରୁ ଆରସିବିର ରଜତ ଦେଲେ ଖୁସି ଖବର, ଘରକୁ ଆସିଲା କୁନି ଅତିଥି ଗତ କନକାଫ ଚାମ୍ପିଅନସିପ୍‌ରେ ନାସଭିଲ ଏସିସି ବିପକ୍ଷରେ ମେସି ଏକ ଗୋଲ୍ ଦେଇଥିଲେ । ଅବଶ୍ୟ ଇଣ୍ଟର ମାୟାମୀ ଓ ନାସଭିଲ ମଧ୍ୟରେ ଏହି ମ୍ୟାଚ ୧-୧ ଗୋଲରେ ଡ୍ର’ ରହିଥିଲା । ୨୦୦୫ ମସିହାରେ ମାତ୍ର ୧୭ ବର୍ଷ ବୟସରେ ମେସି ଏଫସି ବାର୍ସେଲୋନା ପକ୍ଷରୁ ପ୍ରଥମ ଗୋଲ୍ ସ୍କୋର କରିଥିଲେ । ସେ ବାର୍ସେଲୋନା ପକ୍ଷରୁ ୬୭୨ଟି ଗୋଲ୍ କରିଥିବାବେଳେ ପ୍ୟାରିସ ସେଣ୍ଟ ଜର୍ମେନ ପକ୍ଷରୁ ୩୨ଟି ଓ ଇଣ୍ଟର ମାୟାମୀ ପକ୍ଷରୁ ୮୧ଟି ଗୋଲ୍ କରିଛନ୍ତି । ଏହା ବ୍ୟତୀତ ସେ ଆର୍ଜେଣ୍ଟିନା ପକ୍ଷରୁ ୧୧୫ଟି ଗୋଲ ସ୍କୋର କରିସାରିଛନ୍ତି ।

71 shares

😐

Prameya

Mar 20, 2026, 06:19 AM

ମରୁଡ଼ି ସତ୍ତ୍ୱେ ଭିଟାମିନ୍ ଡି ଅଭାବ ଭାରତରେ ପ୍ରଶ୍ନବାଚୀ ସୃଷ୍ଟି କରିଛି।

ଭାରତରେ କେବେବି ଖରାର ଅଭାବ ହୋଇ ନଥାଏ, ତଥାପି ପ୍ରାୟ ଭାରତୀୟଙ୍କଠାରେ ଭିଟାମିନ୍-ଡି’ର ଅଭାବ ଦେଖାଯାଏ କାହିଁକି? ଅବଶ୍ୟ ତ୍ୱଚାରେ ମେଲାନିନ୍ ଏବଂ ପରିବର୍ତ୍ତିତ ଜୀବନଶୈଳୀ ଏହାର ମୁଖ୍ୟ କାରଣ । ସେହିପରି ପ୍ରଦୂଷଣ, ଶାକାହାରୀ ଭୋଜନ ନ ଖାଇବା ମଧ୍ୟ ଅନ୍ୟ ଏକ ଫ୍ୟାକ୍ଟର ହୋଇପାରେ । ଭାରତରେ ବହୁଦିନ ଯାଏ ଖରା ରହିଥାଏ । ତଥାପି ଅଧିକାଂଶ ଭାରତୀୟଙ୍କଠାରେ ଭିଟାମିନ୍-ଡି’ର ଅଭାବ ଦେଖିବାକୁ ମିଳୁଛି । କାରଣ ମେଲାନିନ୍:ଭାରତୀୟଙ୍କ ତ୍ୱଚାର ରଙ୍ଗ ପ୍ରାକୃତିକ ଭାବେ ମଧ୍ୟମ ଧରଣର ଅବା ଡସ୍କି ହୋଇଥାଏ । ଆମ ତ୍ୱଚାରେ ଅ ଧିକ ମାତ୍ରାର ମେଲାନିନ୍ ନାମକ ପିଗ୍ମେଣ୍ଟ ରହିଥାଏ । ମେଲାନିନ୍ ସୂର୍ଯ୍ୟକିରଣର ଅତିବାଇଗଣୀ ରଶ୍ମୀ ବିରୋଧରେ ଏକ ସୁରକ୍ଷା କବଚ ଭାବେ କାମ କରିଥାଏ, ଯାହା ତ୍ୱଚାକୁ ଜ୍ୱଳନରୁ ରକ୍ଷା କରିଥାଏ । କେବଳ ସେତିକି ନୁହେଁ, ବରଂ ଭିଟାମିନ୍-ଡି’ର ନିର୍ମାଣ ପ୍ରକ୍ରିୟାକୁ ମଧ୍ୟ ଧୀମା କରିଦେଇଥାଏ । ଗୋରା ତ୍ୱଚା ଅପେକ୍ଷା ମଧ୍ୟମ ଧରଣର ତ୍ୱଚାରେ ଭିଟାମିନ୍-ଡି' ତିଆରି ହେବା ପାଇଁ ଅଧିକ ଖରାର ଆବଶ୍ୟକ ହୋଇଥାଏ । ପରିବର୍ତ୍ତିତ ଜୀବନଶୈଳୀ ଆଜିକାଲି ପ୍ରାୟ ଲୋକ ଘର ଭିତରେ ଅଧିକ ସମୟ ବିତାଇବାକୁ ପସନ୍ଦ କରୁଛନ୍ତି । ସକାଳ ୯ରୁ ସଂଧ୍ୟା ୬ ଯାଏ ଡେସ୍କ ଚାକିରି କିମ୍ବା ବ୍ୟବସାୟ ଅନୁଷ୍ଠାନରେ, ବନ୍ଦ ଅଫିସ୍ ଓ ଏସି ଘର ଭିତରେ ରହିବା ଦ୍ୱାରା ଆମେ ସୂର୍ଯ୍ୟଙ୍କଠାରୁ ଦୂରତା ବଢାଇ ଚାଲିଛୁ । ସହରୀ ଜୀବନରେ ବଡ଼ ବଡ଼ କୋଠାଗୁଡିକ ଯୋଗୁ ଲୋକମାନେ ଠିକ୍ ଭାବେ ସୂର୍ଯ୍ୟକିରଣ ପାଇନଥାନ୍ତି । ପ୍ରଦୂଷଣ ସହରମାନଙ୍କରେ ବାୟୁ ପ୍ରଦୂଷଣ ଅନ୍ୟ ଏକ ବଡ଼ କାରଣ । ପବନରେ ରହିଥିବା ଧୂଳିକଣ ଓ ଧୂଆଁ ସୂର୍ଯ୍ୟଙ୍କ ଅତିବାଇଗଣୀ ରଶ୍ମୀ ଲୋକଙ୍କ ପାଖରେ ପହଞ୍ଚିପାରୁ ନାହିଁ । ଫଳରେ ଭିଟାମିନ୍-ଡି' ତିଆରି ପ୍ରକ୍ରିୟା ଅଟକି ଯାଉଛି । ଖାଦ୍ୟପାନୀୟରେ ପରିବର୍ତ୍ତନ ଖାଦ୍ୟପାନୀୟରେ ପ୍ରାକୃତିକ ଭାବେ ଭିଟାମିନ୍-ଡି’ର ସ୍ରୋତ ଖୁବ୍ ସୀମିତ । ଯେପରିକି ଫ୍ୟାଟି ଫିସ୍, ଅଣ୍ଡା ଏବଂ ଡାଏରୀ ଉତ୍ପାଦ ଆଦି । ଭାରତରେ ପ୍ରାୟ ଲୋକ ଶାକାହାରୀ ହୋଇଥାନ୍ତି । ଫଳରେ ସେମାନଙ୍କଠାରେ ଭିଟାମିନ୍-ଡି' ଅଭାବକୁ ପୂରଣ କରିବା ପ୍ରାୟତଃ ଅସମ୍ଭବ ।

96 shares

😢

Samaja

Mar 20, 2026, 06:11 AM

ବ୍ୟାଙ୍କ ଠକେଇ ମାମଲାରେ ଅନିଲ ଅମ୍ବାନୀଙ୍କୁ ପଚରାଉଚରା କଲା ସିବିଆଇ

ନୂଆଦିଲ୍ଲୀ: ବ୍ୟାଙ୍କ ଜାଲିଆତି ମାମଲାରେ ସିବିଆଇ ପକ୍ଷରୁ ଗୁରୁବାର ରିଲାଏନ୍ସ ଗ୍ରୁପ୍‌ ଅଧ୍ୟକ୍ଷ ଅନିଲ ଅମ୍ବାନୀଙ୍କୁ ଦୀର୍ଘ ୮ ଘଣ୍ଟା ଜେରା କରାଯାଇଛି। ଏହି ଅବସରରେ ସିବିଆଇ ଅଧିକାରୀମାନେ ଅନିଲଙ୍କ ବୟାନ ରେକର୍ଡ କରିଛନ୍ତି। ଆସନ୍ତାକାଲି (ଶୁକ୍ରବାର) ପୁଣି ସିବିଆଇ କାର୍ଯ୍ୟାଳୟରେ ହାଜର ହେବାକୁ ଅନିଲଙ୍କୁ ନିର୍ଦେଶ ଦିଆଯାଇଛି। ରିଲାଏନ୍ସ ଗ୍ରୁପ୍‌ର ବିଭିନ୍ନ ସହଯୋଗୀ କମ୍ପାନୀ ଏକାଧିକ ଜାତୀୟକରଣ ବ୍ୟାଙ୍କରୁ ମୋଟ ୧୯,୬୯୪ କୋଟି ଟଙ୍କା ଋଣ ନେଇଥିବାବେଳେ ଏହାକୁ ଅନ୍ୟତ୍ର ବିନିଯୋଗ କରିଥିବା ଅଭିଯୋଗ ହୋଇଛି। ଏଥିମଧ୍ୟରେ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ୨୯୨୯ କୋଟି ଟଙ୍କାର ଋଣ ସାମିଲ ଅଛି। ଇତିମଧ୍ୟରେ ସିବିଆଇ ଓ ପ୍ରବର୍ତ୍ତନ ନିର୍ଦେଶାଳୟ (ଇଡି) ପକ୍ଷରୁ ଅନିଲଙ୍କ ନାମରେ ମାମଲା ରୁଜୁ କରାଯାଇଥିବାବେଳେ ତାଙ୍କର ମୁମ୍ବଇସ୍ଥିତ ବାସଭବନ ଓ ଅନ୍ୟ ସହରରେ ଥିବା କାର୍ଯ୍ୟାଳୟ ଉପରେ ଚଢଉ ମଧ୍ୟ କରାଯାଇଛି। ଇଡି ପକ୍ଷରୁ ଅନିଲଙ୍କ ୧୧୦୦ କୋଟି ଟଙ୍କାର ସମ୍ପତ୍ତି ଜବତ କରାଯାଇସାରିଛି।

27 shares

😢

Prameya

Mar 20, 2026, 06:09 AM

16 ବର୍ଷର ବ୍ୟବଧାନ ପରେ ରାଜସ୍ଥାନ ରୟାଲ୍ସକୁ ଫେରିଲେ ରବୀନ୍ଦ୍ର ଜାଡେଜା

76 shares

😐

Samaja

Mar 20, 2026, 06:04 AM

ରାଜ୍ୟ ଏବଂ ଜିଲ୍ଲା ସଂସ୍ଥାଗୁଡ଼ିକର ପୁନର୍ଗଠନ ମଧ୍ୟରେ ବିଜେପି ନେତାମାନେ ନିର୍ବାଚନ ପରବର୍ତ୍ତୀ ପୁରସ୍କାରକୁ ଅପେକ୍ଷା କରିଛନ୍ତି।

ଭୁବନେଶ୍ବର: ନୂଆପଡ଼ା ଉପ ନିର୍ବାଚନ, ରାଜ୍ୟସଭା ନିର୍ବାଚନ ସରିଲା, ରାଜ୍ୟ ଓ ଜିଲା ସଙ୍ଗଠନ ବି ସଜଡ଼ା ହୋଇଗଲା। କିନ୍ତୁ ଶାସକ ବିଜେପି ନେତାଙ୍କ ନିଗମ, ବୋର୍ଡରେ ଥଇଥାନ ହେବା ଆଶା ଅଧୁରା ରହିଗଲା। ତାଲିକା ଚୂଡ଼ାନ୍ତ ହୋଇଛି, ଦିଲ୍ଲୀର ମୋହର ବି ବାଜିଛି ବୋଲି କୁହାଯାଉଛି। କିନ୍ତୁ ସତେ ଯେପରି କୌଣସି ଅଦୃଶ୍ୟ କାରଣ ପାଇଁ ନିଗମ, ବୋର୍ଡ ପାଇଁ ପଦାଧିକାରୀଙ୍କ ନାମ ଘୋଷଣା ହୋଇପାରୁ ନାହିଁ। ୨୦ ମାସ ଧରି ଲଡ଼ୁ ଆଶାରେ ଥିବା ନେତାଙ୍କ ଧୈର୍ଯ୍ୟଚ୍ୟୁତ ହେଲାଣି। ବହୁ ପରିଶ୍ରମ କରି ବିଜେଡିର ୨୪ ବର୍ଷ ଶାସନର ଅନ୍ତ ଘଟାଇବା ସହିତ ବିଜେପିକୁ କ୍ଷମତାସୀନ କରାଇଥିବା ନେତା ଓ କର୍ମୀ ବିଭିନ୍ନ ପଦପଦବୀ ପାଇବା ପାଇଁ ଆଶା ରଖିଥିଲେ। ପୁରସ୍କାର ସ୍ବରୂପ ସେମାନଙ୍କୁ ୪୦ରୁ ଅଧିକ ନିଗମ, ବୋର୍ଡରେ ମନଲୋଭା ପଦ ମିଳିବ ବୋଲି କୁହାଗଲା। ରାଜ୍ୟ ବିଜେପି ସଭାପତିଙ୍କଠାରୁ ଆରମ୍ଭ କରି ରାଜ୍ୟ ପ୍ରଭାରୀ ସମସ୍ତେ ଶୀଘ୍ର ଘୋଷଣା ହୋଇଯିବ ବୋଲି ବାରମ୍ବାର କହିଥିଲେ। ଦିଲ୍ଲୀରେ ବି ଏକାଧିକ ଥର ଏ ବିଷୟରେ ଆଲୋଚନା ହେଲା, ରାଜ୍ୟରୁ ଯାଇଥିବା‌ ନେତାଙ୍କ ତାଲିକାକୁ ସବୁଜ ସଙ୍କେତ ମିଳିଲା। ନୂଆ ବର୍ଷରେ ବହୁତ କିଛି ନୂଆ ଘଟିବାକୁ ଯାଉଛି ବୋଲି ନିକଟରେ ରାଜ୍ୟ ସଭାପତି ଗଣମାଧ୍ୟମରେ କହି ଶିଥିଳ ହୋଇ ପଡ଼ିଥିବା ଆଶାୟୀଙ୍କ ଉତ୍ସାହ ବଢ଼ାଇ ଥିଲେ। ନେତାମାନଙ୍କ ମନରେ ବିଶ୍ବାସ ଜନ୍ମିଲା, ବିଳମ୍ବରେ ହେଲେ ମଧ୍ୟ ପଦଟିଏ ମିଳିବ, କିନ୍ତୁ ରାଜ୍ୟ ସଭାପତି ରାଜ୍ୟସଭାକୁ ନିର୍ବାଚିତ ହୋଇ ଚାଲିଗଲେ, ଅନୁଗତଙ୍କ ହାତ ଖାଲି ରହିଗଲା। ନେତାଙ୍କୁ ପଦ ମିଳିବ କ’ଣ ଗତ ଫେବୃଆରୀରେ କିଛି ପ୍ରଶାସନିକ ଅଧିକାରୀଙ୍କୁ ଏକାଧିକ ନିଗମ, ବୋର୍ଡରେ ନିଯୁକ୍ତି ଦେଇଦେଲେ। ଏବେ ରାଜ୍ୟସଭା ନିର୍ବାଚନ ସରିବା ପରେ ପରେ ଛାମୁଆ ସଙ୍ଗଠନରେ ପାର୍ଟିର ରାଜ୍ୟ ଓ ଜିଲାସ୍ତରୀୟ ନେତାଙ୍କୁ ନିଯୁକ୍ତି ଦିଆଯାଇଛି। ନିଗମ, ବୋର୍ଡ ପଦ୍ମ ଘୁଞ୍ଚି ଘୁଞ୍ଚି ଯାଉଥିବାରୁ ପାର୍ଟି ମଧ୍ୟରେ ଅନ୍ତଃକନ୍ଦଳ ବଢ଼ିବାରେ ଲାଗିଛି। କେବେ ନିଯୁକ୍ତି ମିଳିବ ତାହାର ଉତ୍ତର ସେମାନେ କାହା ପାଖରୁ ପାଉ ନାହାନ୍ତି। ଏହା ଭିତରେ ଦୁଇ ବର୍ଷ ଗଡ଼ି ଯାଇଥିବାରୁ ୨୦୨୯ ନିର୍ବାଚନକୁ ଦୃଷ୍ଟିରେ ରଖି କିଛି ନେତା ନିଗମ, ବୋର୍ଡରୁ ଆଖି ଫେରାଇ ନେଲେଣି। ଆଉ ଯେଉଁମାନେ ଆଶା ବାନ୍ଧି ଥିଲେ ସେମାନେ ଏବେ ପ୍ରଶ୍ନ କରିବା ଆରମ୍ଭ କଲେଣି। ସେବା ଓ ଅନୁଶାସନର ଫଳ ପାଇଁ ଆଉ କେତେ ଦିନ ଅପେକ୍ଷା କରିବାକୁ ହେବ ବୋଲି ସେମାନେ ପଚାରୁଛନ୍ତି। ଆଗକୁ ପଞ୍ଚାୟତ ନିର୍ବାଚନ ଥିବା ବେଳେ ନେତା, କର୍ମୀଙ୍କୁ ପାର୍ଟି ପୁରସ୍କୃତ କରି ସେମାନଙ୍କ ମନବଳ ବଢ଼ାଇବା ପରିବର୍ତ୍ତେ ଅବହେଳା କରି ଚାଲିଛି ବୋଲି ସେମାନେ ଖୋଲାଖୋଲି କହିବାକୁ ପଛାଉ ନାହାନ୍ତି।

51 shares

😢

Dharitri

Mar 20, 2026, 05:59 AM

ଆକ୍ରମଣାତ୍ମକ ବ୍ୟାଟିଂ ଏବଂ ଦୀର୍ଘାୟୁ ମଧ୍ୟରେ ସନ୍ତୁଳନ ରକ୍ଷା କରିବାକୁ ଅଭିଷେକ ଶର୍ମାଙ୍କୁ ଅନୁରୋଧ କଲେ ଅନୀଲ କୁମ୍ବଲେ

ନୂଆଦିଲ୍ଲୀ,୨୦।୩: ପୂର୍ବତନ ଭାରତୀୟ ଅଧିନାୟକ ଏବଂ ପ୍ରଶିକ୍ଷକ ଅନିଲ କୁମ୍ବଲେ ବିଶ୍ୱାସ କରନ୍ତି ଯେ ଯୁବ ଓପନର ଅଭିଷେକ ଶର୍ମାଙ୍କୁ ଧୂଆଁଧାର ବ୍ୟାଟିଂ ଏବଂ କ୍ରିଜରେ ରହିବା ମଧ୍ୟରେ ଭଲ ସନ୍ତୁଳନ ରଖିବା ଶିଖିବାକୁ ପଡିବ । ଏକ ଉଦାହରଣ ଦେଇ ସେ ଉଲ୍ଲେଖ କରିଛନ୍ତି ଯେ ବୀରେନ୍ଦ୍ର ସେହ୍ବାଗ ଏହି ସନ୍ତୁଳନକୁ ସଠିକ୍ ଭାବରେ ବଜାୟ ରଖି ତାଙ୍କ କ୍ୟାରିୟରରେ ସଫଳତା ହାସଲ କରିଥିଲେ । ୨୫ ବର୍ଷୀୟ ଅଭିଷେକଙ୍କୁ ବର୍ତ୍ତମାନ ଶୀର୍ଷ କ୍ରମରେ ସବୁଠାରୁ ବିସ୍ଫୋରକ ବ୍ୟାଟସମ୍ୟାନଙ୍କ ମଧ୍ୟରୁ ଜଣେ ଭାବରେ ବିବେଚନା କରାଯାଏ। କିନ୍ତୁ ସେ ଆରମ୍ଭକୁ ଯଥେଷ୍ଟ ସ୍କୋରରେ ପରିଣତ କରିବାରେ ବିଫଳ ହୁଅନ୍ତି । ଏକ ଅଭାବ ଯାହା କ୍ରମଶଃ ତାଙ୍କର ଦୁର୍ବଳତା ପାଲଟିଯାଉଛି। କୁମ୍ବଲେ କହିଥିଲେ ଯେ, ସେହ୍ବାଗ ମଧ୍ୟ ପ୍ରାରମ୍ଭରେ ପ୍ରତ୍ୟେକ ବଲ୍‌ରେ ଏକ ବଡ଼ ସଟ୍ ଖେଳିବାକୁ ଚେଷ୍ଟା କରିଥିଲେ, କିନ୍ତୁ ସମୟ ସହିତ ସେ ତାଙ୍କ ଇନିଂସର ଗତିକୁ ଭଲ ଭାବରେ ନିୟନ୍ତ୍ରଣ କରିବା ଶିଖିଥିଲେ । ସେ ଏହା ମଧ୍ୟ ଉଲ୍ଲେଖ କରିଥିଲେ ଯେ ସେହ୍ବାଗ ୧୪୦-୧୫୦ ଷ୍ଟ୍ରାଇକ୍ ରେଟ୍ ବଜାୟ ରଖି ମଧ୍ୟ ଲମ୍ବା ଇନିଂସ ଖେଳିପାରିଥିଲେ। କୁମ୍ବଲେଙ୍କ ମତରେ, ଅଭିଷେକଙ୍କୁ ବୁଝିବାକୁ ପଡିବ ଯେ କେବଳ ଶୀଘ୍ର ରନ କରିବା ଯଥେଷ୍ଟ ନୁହେଁ, ଅଧିକ ଟାଇମ୍ ଖେଳି ତାଙ୍କ ଇନିଂସକୁ ବିସ୍ତାର କରିବା ମଧ୍ୟ ସମାନ ଗୁରୁତ୍ୱପୂର୍ଣ୍ଣ । ସେ ଉଲ୍ଲେଖ କରିଛନ୍ତି ଯେ ଯଦି ଅଭିଷେକ ୨୦ ବଲ୍ ଖେଳନ୍ତି, ତେବେ ସେ ସହଜରେ ୫୦ ରନ୍ ପାଖାପାଖି ପହଞ୍ଚିପାରିବେ, କିନ୍ତୁ ତାଙ୍କର ଲକ୍ଷ୍ୟ ସେହି ସୀମା ଅତିକ୍ରମ କରିବା ଉଚିତ। ସଞ୍ଜୁ ସାମସନଙ୍କ ଉଦାହରଣ ଦେଇ ସେ ସୂଚାଇଛନ୍ତି ଯେ ସାମସନ କେବଳ ୪୦ କିମ୍ବା ୫୦ ରନ୍ କରିବା ପରେ ଅଟକି ଯାଆନ୍ତି ନାହିଁ, ବରଂ, ସେ ୮୦ କିମ୍ବା ୯୦ରନ୍ ପର୍ଯ୍ୟନ୍ତ ପହଞ୍ଚିବା ପାଇଁ ତାଙ୍କ ଇନିଂସକୁ ଆଗକୁ ବଢ଼ାନ୍ତି, ଯାହା ଫଳରେ ତାଙ୍କର ଅବଦାନ ଆହୁରି ପ୍ରଭାବଶାଳୀ ହୁଏ । କୁମ୍ବଲେ ବିଶ୍ୱାସ କରନ୍ତି ଯେ ଏହି ମାନସିକତା ଟି୨୦ କ୍ରିକେଟରେ ଆବଶ୍ୟକ ଏବଂ ନିକଟ ଭବିଷ୍ୟତରେ ଅଭିଷେକଙ୍କଠାରେ ପରିପକ୍ୱତାର ଏହି ସ୍ତର ପରିଲକ୍ଷିତ ହୋଇପାରେ । ଏହା ତାଙ୍କ ଫ୍ରାଞ୍ଚାଇଜ୍, ସନରାଇଜର୍ସ ହାଇଦ୍ରାବାଦ ପାଇଁ ମଧ୍ୟ ଗୁରୁତ୍ୱପୂର୍ଣ୍ଣ ପ୍ରମାଣିତ ହେବ ।

43 shares

😊

Odisha Bhaskar

Mar 20, 2026, 05:55 AM

ଭୁବନେଶ୍ୱରର ପ୍ରିୟଦର୍ଶିନୀ ବଜାରରେ ଭୟାବହ ଅଗ୍ନିକାଣ୍ଡ

ଭୁବନେଶ୍ଵର:ରାଜଧାନୀ ଭୁବନେଶ୍ଵର ମାର୍କେଟରେ ପୁଣି ଅଗ୍ନିକାଣ୍ଡ । ହୁତୁ ହୁତୁ ହୋଇ ଜଳିଲା ମାର୍କେଟ୍ କମ୍ପ୍ଲେକ୍ସ । ଭୁବନେଶ୍ଵର ସିଆରପି ଛକ ଅଞ୍ଚଳରେ ଅବସ୍ଥିତ ପ୍ରିୟଦର୍ଶିନୀ ମାର୍କେଟରେ ଭୟଙ୍କର ଅଗ୍ନିକାଣ୍ଡ ଘଟିଥିବା ଖବର ସାମ୍ନାକୁ ଆସିଛି। ଘଟଣାସ୍ଥଳରୁ ଘନ ଧୂଆଁ ବାହାରୁଥିବାରୁ ସମଗ୍ର ଅଞ୍ଚଳରେ ଭୟ ଓ ଆତଙ୍କର ପରିସ୍ଥିତି ସୃଷ୍ଟି ହୋଇଛି। ପ୍ରାଥମିକ ସୂଚନା ଅନୁସାରେ, ସର୍ଟସର୍କିଟ୍ ହେତୁ ଏହି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି। ତଥାପି ଅଗ୍ନିକାଣ୍ଡର ସଠିକ କାରଣ ନିଶ୍ଚିତ ହୋଇନାହିଁ। ଖବର ପାଇ ସଙ୍ଗେ ସଙ୍ଗେ ଅଗ୍ନିଶମ ବାହିନୀ ଘଟଣାସ୍ଥଳକୁ ପହଞ୍ଚି ନିଆଁ ନିୟନ୍ତ୍ରଣ ପାଇଁ ପ୍ରୟାସ ଜାରି ରଖିଛନ୍ତି। ନିଆଁ ଲିଭା କାର୍ଯ୍ୟରେ ଏପର୍ଯ୍ୟନ୍ତ ୬ଟି ଅଗ୍ନିଶମ ବାହିନୀ ଗାଡ଼ି ନିୟୋଜିତ ଥିବା ଜଣାପଡି଼ଛି । Iran-US War: ଆମେରିକାର ସୁରକ୍ଷା କବଚ ଡେଇଁଲା… HDFC ବ୍ୟାଙ୍କକୁ ବଡ଼ ଝଟକା! ଚେୟାରମ୍ୟାନ୍… ତେବ ଏପର୍ଯ୍ୟନ୍ତ କୌଣସି ଜୀବନ ହାନି ହେବାର ସୂଚନା ମିଳିନାହିଁ, କିନ୍ତୁ ଦୋକାନ ଓ ସମ୍ପତ୍ତିର ହାନି ହେବାର ଆଶଙ୍କା ରହିଛି। ସ୍ଥାନୀୟ ଲୋକମାନେ ଓ ପୋଲିସ ପ୍ରଶାସନ ମିଶି ଅଞ୍ଚଳକୁ ଖାଲି କରାଇବା ସହିତ ପରିସ୍ଥିତିକୁ ନଜରରେ ରଖିଛନ୍ତି। ନିଆଁ ପୂରାପୂରି ନିୟନ୍ତ୍ରଣ ହେବା ପରେ ଅଗ୍ନିକାଣ୍ଡର ନିଶ୍ଚିତ କାରଣ ସ୍ପଷ୍ଟ ହେବ।

72 shares

😢

Odisha Bhaskar

Mar 20, 2026, 05:52 AM

ବିଶ୍ୱ ତୈଳ ମୂଲ୍ୟ ହ୍ରାସ ପାଇଁ ଇରାନର ତୈଳ ଉପରେ କଟକଣା ଉଠାଇବାକୁ ବିଚାର କରୁଛି ଆମେରିକା

ନୂଆଦିଲ୍ଲୀ:ବିଶ୍ୱ ତେଲ ବଜାର ପାଇଁ ଆସିଛି ଏକ ବଡ଼ ଖବର। ଆମେରିକା ସମୁଦ୍ରରେ ଅଟକିଥିବା ଇରାନୀ ଅଶୋଧିତ ତେଲ ଉପରୁ ପ୍ରତିବନ୍ଧକ ହଟାଇବାକୁ ଯାଉଛନ୍ତି। ଏହି ପଦକ୍ଷେପ ନେଲେ ଗ୍ଲୋବାଲ୍ ମାର୍କେଟ୍‌ରେ ଅଶୋଧିତ ତେଲର ଯୋଗାଣ ବଢ଼ିପାରେ ଏବଂ ଦାମ କମିବାର ସମ୍ଭାବନା ମଧ୍ୟ ରହିଛି। ଆମେରିକୀୟ ଟ୍ରେଜରି ସେକ୍ରେଟାରୀ ସ୍କଟ୍ ବେସେଣ୍ଟ କହିଛନ୍ତି ଯେ, ସମୁଦ୍ରରେ ଅଟକିଥିବା ପ୍ରାୟ 140 ମିଲିୟନ୍ ବ୍ୟାରେଲ୍ ଇରାନୀ ତେଲ ଉପରୁ ନିଷେଧାଜ୍ଞା ହଟାଇବା ବିକଳ୍ପ ଉପରେ ଆମେରିକା ଭାବୁଛି। ତାଙ୍କ ମତାନୁସାରେ, ଏହି ତେଲକୁ ବିଶ୍ୱ ବଜାରରେ ଆଣିପାରିଲେ 10 ଦିନରୁ 2 ସପ୍ତାହ ପର୍ଯ୍ୟନ୍ତ ଅତିରିକ୍ତ ସପ୍ଲାଇ ମିଳିପାରେ। ଗତ ଦୁଇ ସପ୍ତାହର ଅଧିକାଂଶ ସମୟ ଧରି, ତୈଳ ମୂଲ୍ୟ ପ୍ରତି ବ୍ୟାରେଲ ୧୦୦ ଡଲାର ଉପରେ ରହିଛି। ଏହାର ମୁଖ୍ୟ କାରଣ ହେଉଛି ହର୍ମୁଜ୍ ପ୍ରଣାଳୀ ବନ୍ଦ ହେବା – ଏକ ଗୁରୁତ୍ୱପୂର୍ଣ୍ଣ ସାମୁଦ୍ରିକ ପଥ ଯାହା ଦେଇ ଅନେକ ଅଶୋଧିତ ତୈଳ ଟ୍ୟାଙ୍କର ଯାତାୟାତ କରେ। LNG ଗ୍ୟାସ ଉପରେ ଆକ୍ରମଣ, କତାର କହିଲା ଭୟଙ୍କର… ସ୍ଵାମୀ-ସ୍ତ୍ରୀଙ୍କ ଭିତରେ ଲାଗିରହୁଛି କି କଳହ,… ଏହା ପୂର୍ବରୁ ଆମେରିକା ଟ୍ୟାଙ୍କରରେ ଅଟକିଥିବା ରୁଷ ତେଲ ବିକ୍ରିକୁ ମଧ୍ୟ ଅନୁମତି ଦେଇଥିଲା। ଏହା ଫଳରେ ବିଶ୍ୱ ବଜାରରେ ପ୍ରାୟ 130 ମିଲିୟନ୍ ବ୍ୟାରେଲ୍ ଅତିରିକ୍ତ ଯୋଗାଣ ହୋଇଥିଲା। ଏବେ ଇରାନୀ ତେଲକୁ ନେଇ ଏହିପରି ପଦକ୍ଷେପ ନେବାକୁ ଭାବୁଛି ଆମେରିକା । ଏହାସହିତ, ଆମେରିକା Strategic Petroleum Reserve ରୁ ତେଲ ଛାଡ଼ିବା ଉପରେ ମଧ୍ୟ ଭାବୁଛି। G7 ଦେଶମାନେ ମଧ୍ୟ ସଂଯୁକ୍ତ ଭାବେ ଅତିରିକ୍ତ ତେଲ ଯୋଗାଣ ପାଇଁ ପଦକ୍ଷେପ ନେଉଥିବା ଖବର ଆସିଛି। ଲକ୍ଷ୍ୟ ହେଉଛି, ଗ୍ଲୋବାଲ୍ ଅଏଲ୍ ସପ୍ଲାଇକୁ ସ୍ଥିର ରଖିବା ଓ ହର୍ମୁଜ୍ ସଙ୍କଟର ପ୍ରଭାବ କମେଇବା। ଏହି ମଧ୍ୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଜାପାନର ପ୍ରଧାନମନ୍ତ୍ରୀ ସାନାଏ ତାକାଇଚିଙ୍କ ସହିତ ମଧ୍ୟ ଆଲୋଚନା କରିବେ। ହର୍ମୁଜ୍ ମାର୍ଗରେ ଜାହାଜ ଚଳାଚଳ ସୁରକ୍ଷା ଏବଂ ତେଲ ଯୋଗାଣ ସ୍ଥିର ରଖିବା ନେଇ ଦୁଇ ଦେଶ ମଧ୍ୟରେ ଆଲୋଚନା ହେବାକୁ ଥିବା କୁହାଯାଇଛି। ତେବେ ଏଠାରେ ଧ୍ୟାନ ଦେବାକୁ ହେବ ଯେ, ଆମେରିକା ଏପର୍ଯ୍ୟନ୍ତ ଆଧିକାରିକ ଭାବେ ଇରାନୀ ତେଲ ଉପରୁ ପ୍ରତିବନ୍ଧ ହଟାଇନାହିଁ। କେବଳ ଏହାକୁ ଏକ ବିକଳ୍ପ ଭାବେ ଭାବୁଛି। ତେଣୁ ତତକ୍ଷଣାତ୍ ଦାମ କମିଯିବ ବୋଲି କୁହିବା ଠିକ୍ ହେବ ନାହିଁ। କିନ୍ତୁ ଏହି ଖବର ଗ୍ଲୋବାଲ୍ ଅଏଲ୍ ମାର୍କେଟ୍ ପାଇଁ ନିଶ୍ଚିତ ଭାବେ ଏକ ବଡ଼ ସଙ୍କେତ ଭାବେ ଦେଖାଯାଉଛି।

31 shares

😢

Samaja

Mar 20, 2026, 05:42 AM

ଏସ୍. ସି. ବି. ମେଡ଼ିକାଲ କଲେଜ ଅଗ୍ନିକାଣ୍ଡ ଘଟଣାକୁ ନେଇ ଉତ୍ତେଜନା ମଧ୍ୟରେ ଓଡ଼ିଶା ବିଧାନସଭା ମୁଲତବୀ ହୋଇଛି।

ଭୁବନେଶ୍ଵର:ବିଧାନସଭାରେ ପ୍ରଶ୍ନକାଳ ଆରମ୍ଭରୁ ବିରୋଧୀଙ୍କ ପ୍ରବଳ ହଟ୍ଟଗୋଳ। ଏସସିବି ମେଡିକାଲରେ ଘଟିଥିବା ଅଗ୍ନିକାଣ୍ତ ଘଟଣାକୁ ନେଇ ବିରୋଧୀମାନେ ଗୃହ ମଧ୍ୟ ଭାଗରେ ପ୍ଲାକାର୍ଡ ଧରି ହୋହଲ୍ଲା। ତାହା ସହ ବାଚସ୍ପତିଙ୍କ ପୋଡିୟମ ଉପରକୁ ଚଢ଼ିବାକୁ ଉଦ୍ୟମ ମଧ୍ୟ କରିଛନ୍ତି। ପ୍ରବଳ ହଟ୍ଟଗୋଳ ହେବାରୁ ଗୃହକୁ ୧୧ଟା ୩୦ଯାଏଁ ମୁଲତବି ଘୋଷଣା କଲେ ବାଚସ୍ପତି। ଏସସିବି ଅଗ୍ନିକାଣ୍ଡକୁ ନେଇ ଉଠୁଛି ପଡ଼ୁଛି ରାଜ୍ୟ ରାଜନୀତି। ଏହି ଘଟଣାକୁ ନେଇ ଗୃହ ମଧ୍ୟ ଭାଗରେ ବିରୋଧୀଙ୍କ ନାରାବାଜି। ସ୍ଵାସ୍ଥ୍ୟମନ୍ତ୍ରୀଙ୍କ ଇସ୍ତଫା ଦାବି କରି ବିରୋଧୀଙ୍କ ହଲ୍ଲାବୋଲ। ଏସସିବି ନିଆଁ ତାତିରେ ଗୃହ ହୁଲୁସ୍ତୁଲୁ।

67 shares

😢

Dharitri

Mar 20, 2026, 05:11 AM

ଆମେରିକା ଇରାନର ତୈଳ ଉପରେ ପ୍ରତିବନ୍ଧକ ଉଠାଇପାରେ, ବିଶ୍ୱ ଯୋଗାଣ ବୃଦ୍ଧି ଏବଂ ମୂଲ୍ୟ ହ୍ରାସ କରିପାରେ

ଓ୍ବାଶିଂଟନ୍‌,୨୦।୩: ସାଧାରଣ ଜନତାଙ୍କୁ ଖୁବ୍‌ଶୀଘ୍ର ମିଳିବ ବଡ଼ ଆଶ୍ୱସ୍ତି। ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ଖୁବ ଶୀଘ୍ର ହ୍ରାସ ପାଇପାରେ। ରିପୋର୍ଟ ଅନୁଯାୟୀ, ଆମେରିକା ଖୁବ ଶୀଘ୍ର ଇରାନ ତେଲ ଉପରେ କଟକଣା ପ୍ରତ୍ୟାହାର କରିପାରେ, ଯାହାଦ୍ୱାରା ଅଶୋଧିତ ତୈଳର ଯୋଗାଣ ବୃଦ୍ଧି ପାଇବ ଏବଂ ଗ୍ରାହକମାନଙ୍କୁ ଆଶ୍ୱସ୍ତି ମିଳିବ। ଆମେରିକାର ଟ୍ରେଜେରୀ ସଚିବ ସ୍କଟ ବେସେଣ୍ଟ କହିଛନ୍ତି, ଆମେରିକା ଶୀଘ୍ର ଇରାନ ତେଲ ଉପରେ ଲାଗୁ ହୋଇଥିବା କଟକଣା ପ୍ରତ୍ୟାହାର କରିପାରେ। ଏହି ତେଲ ବର୍ତ୍ତମାନ ଟ୍ୟାଙ୍କରରେ ଫସି ରହିଛି ଏବଂ କଟକଣା ପ୍ରତ୍ୟାହାର ବିଶ୍ୱ ଯୋଗାଣକୁ ବୃଦ୍ଧି କରିବାରେ ଏବଂ ମୂଲ୍ୟ ହ୍ରାସ କରିବାରେ ସାହାଯ୍ୟ କରିବ। ଯୁଦ୍ଧରେ ଫସିଗଲା ଆମେରିକା: ନିର୍ଣ୍ଣାୟକ ମୋଡ଼ରେ ପହଞ୍ଚିଲା ସଂଘର୍ଷ ବେସେଣ୍ଟ କହିଛନ୍ତି, ଆଗାମୀ ଦିନରେ ଆମେରିକା ବର୍ତ୍ତମାନ ସମୁଦ୍ରରେ ଥିବା ଇରାନ ତେଲ ଉପରୁ କଟକଣା ପ୍ରତ୍ୟାହାର କରିପାରେ। ଏହା ପ୍ରାୟ ୧୪୦ ନିୟୁତ ବ୍ୟାରେଲ। ଏହା ଆଗାମୀ ୧୦ ରୁ ୧୪ ଦିନ ମଧ୍ୟରେ ତେଲ ମୂଲ୍ୟ କମ ରଖିବାରେ ସାହାଯ୍ୟ କରିବ। ଗତ ଦୁଇ ସପ୍ତାହ ମଧ୍ୟରେ ଅଧିକାଂଶ ସମୟରେ ତେଲ ମୂଲ୍ୟ ବ୍ୟାରେଲ ପ୍ରତି ୧୦୦ ଡଲାର ଉପରେ ରହିଛି। ଏହି ବୃଦ୍ଧି ହର୍ମୁଜ ଷ୍ଟ୍ରେଟ୍‌ ବନ୍ଦ ହେବା ଦ୍ୱାରା ହୋଇଛି।ଏମିତି ନିଷ୍ପତ୍ତି ନେବାକୁ ଯାଉଛନ୍ତି ଟ୍ରମ୍ପ: ଭାରତକୁ ହେବ ବଡ଼ ଫାଇଦା ବେସେଣ୍ଟ ଆହୁରି ମଧ୍ୟ କହିଛନ୍ତି, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ବାଇଟ ହାଉସରେ ଜାପାନୀ ପ୍ରଧାନମନ୍ତ୍ରୀ ସାନାଏ ତାକାଇଚିଙ୍କ ସହ ମଧ୍ୟ ଆଲୋଚନା କରିବେ। ଏହି ଆଲୋଚନା ହର୍ମୁଜ ଷ୍ଟ୍ରେଟ୍‌ ଦେଇ ଜାହାଜଗୁଡ଼ିକର ସୁରକ୍ଷିତ ପଥ ସୁନିଶ୍ଚିତ କରିବାରେ ଜାପାନୀ ନୌସେନାର ସମ୍ପୃକ୍ତି ଉପରେ ଧ୍ୟାନ ଦେବ। କାରଣ ଜାପାନ ଏହାର ଅଧିକାଂଶ ତେଲ ଏହି ରାସ୍ତା ଦେଇ ଉତ୍ସ କରିଥାଏ।

44 shares

😐

Odisha Bhaskar

Mar 20, 2026, 05:09 AM

ବାସ୍ତୁ ପରାମର୍ଶ ପ୍ରାଚୀନ ଭାରତୀୟ ନୀତିଗୁଡ଼ିକ ସହିତ ଘରୋଇ ବିବାଦର ସମାଧାନ

Vastu Tips:ଯେତେବେଳେ କେହି ନୂଆ ଘର ତିଆରି କରନ୍ତି, ସେତେବେଳେ ପ୍ରତ୍ୟେକ ଜିନିଷ ବାସ୍ତୁଶାସ୍ତ୍ର ଅନୁସାରେ କରିଥାନ୍ତି । ବାସ୍ତୁଶାସ୍ତ୍ର ଅନୁସାରେ, ଘରର ପ୍ରତ୍ୟେକ ଜିନିଷରେ ଉର୍ଜା ବା ଶକ୍ତି ମିଳିଥାଏ । ଯାହା ପରିବାର ସଦସ୍ୟଙ୍କ ଉପରେ ସକାରାତ୍ମକ ଏବଂ ନକାରାତ୍ମକ ପ୍ରଭାବ ପକାଇଥାଏ । ଯଦି ଆମେ ଘରର ବାସ୍ତୁରେ କୌଣସି ଭୁଲ କରନ୍ତି କିମ୍ବା, ପ୍ରତ୍ୟେକ ଜିନିଷ ବାସ୍ତୁଶାସ୍ତ୍ର ଅନୁସାରେ ସଠିକ ସ୍ଥାନରେ ନ ରଖନ୍ତି, ତେବେ ବାସ୍ତୁ ଦୋଷ ବୃଦ୍ଧି ପାଏ । ଯାହାଫଳରେ ଘରେ ସର୍ବଦା କଳି, ଝଗଡ଼ା ଏବଂ ଦ୍ବନ୍ଦ୍ବ ଲାଗି ରହିଥାଏ । ବାସ୍ତୁଦୋଷ ଘରେ ସୃଷ୍ଟି କରିପାରେ ଏହି ସମସ୍ୟା: LNG ଗ୍ୟାସ ଉପରେ ଆକ୍ରମଣ, କତାର କହିଲା ଭୟଙ୍କର… ଟ୍ରମ୍ପଙ୍କ ବଡ଼ U-ଟର୍ନ! ଇରାନୀ ତେଲ ଉପରୁ… ଏହି ଉପାୟ ଦ୍ୱାରା ସମସ୍ୟାର ହେବ ସମାଧାନ :

95 shares

😐

Samaja

Mar 20, 2026, 05:08 AM

କେରଳର ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ ନିର୍ବାଚନ ପୂର୍ବରୁ ଆସନ ବଣ୍ଟନ ରାଜିନାମା ଘୋଷଣା କରିଛି

ଥିରୁବନନ୍ତପୁରମ: କେରଳରେ ଆଗାମୀ ବିଧାନସଭା ନିର୍ବାଚନକୁ ନେଇ ରାଜନୈତିକ ଉଷ୍ମତା ବଢ଼ିବାରେ ଲାଗିଛି। ଅନେକ ବିଚାର ବିମର୍ଶ ପରେ ୟୁନାଇଟେଡ୍ ଡେମୋକ୍ରାଟିକ୍ ଫ୍ରଣ୍ଟ(ୟୁଡିଏଫ୍) ମେଣ୍ଟ ଆସନ ବଣ୍ଟନ ନେଇ ନିଷ୍କର୍ଷ ପାଇଛି। ଏଥର ମେଣ୍ଟରେ ସନ୍ତୁଳନ ଓ ରଣନୀତିରେ ଖାସ ଧ୍ୟାନ ଦିଆଯାଇଛି। ତଦନୁସାରେ କଂଗ୍ରେସ ୯୫ ଆସନରେ ନିର୍ବାଚନ ଲଢିବ ଯାହା କି ଗତ ନିର୍ବାଚନରୁ ୨ ଅଧିକ। ୟୁଡିଏଫରେ ସବୁଠାରୁ ବଡ ଦଳ ରୂପେ କଂଗ୍ରେସକୁ ୯୫ ଆସନ ମିଳିଛି। ୟୁନିୟନ୍ ମୁସଲିମ୍ ଲିଗକୁ ୨୭ ସିଟ୍ ଦିଆଯାଇଛି ଯାହା ଗତ ନିର୍ବାଚନ ସହ ସମାନ। କେରଳ କଂଗ୍ରେସକୁ ୮ ଆସନ ମିଳିଛି। ଗତ ବର୍ଷ ଦଳ ୧୦ ଆସନରେ ଲଢିଥିଲା। କିଛି ଆସନରେ ଅଦଳ ବଦଳ ମଧ୍ୟ ଦେଖିବାକୁ ମିଳିଛି। ମେଣ୍ଟରେ ସନ୍ତୁଳନ ରକ୍ଷା ପାଇଁ ସମସ୍ତ ପ୍ରକାର ଚେଷ୍ଟା କରାଯାଇଥିବା ନଜର ଆସିଛି। ଏଥର ଆସନ ବଣ୍ଟନ ପ୍ରକ୍ରିୟା ବହୁତ ସରଳ ରହିଛି ବୋଲି ବିରୋଧୀ ନେତା ସତୀଶନ କହିଛନ୍ତି । ରିଭୋଲ୍ୟୁସନରୀ ସୋସିଆଲିଷ୍ଟ ପାର୍ଟିକୁ ୫ ଆସନ ମିଳିଛି । ଅନ୍ୟ ଦଳ ଯଥା କେରଳ କଂଗ୍ରେସ(ଜ୍ୟାକବ), କମ୍ୟୁନିଷ୍ଟ ମାର୍କ୍ସିଷ୍ଟ ପାର୍ଟି, ରିଭୋଲ୍ୟୁସନରୀ ମାର୍କ୍ସିଷ୍ଟ ପାର୍ଟ ଓ କିଛି ଆଞ୍ଚଳିକ ନେତାଙ୍କୁ ଗୋଟିଏ ଗୋଟିଏ ଆସନ ମିଳିଛି ଯାହା ଦର୍ଶାଉଛି ଯେ ୟୁଡିଏଫ୍ ଛୋଟ ଦଳଙ୍କୁ ମଧ୍ୟ ଏକାଠି ଧରି ଚାଲିବାକୁ ଚେଷ୍ଟା କରୁଛି। କ୍ଷମତାରେ ଥିବା ଲେଫ୍ଟ ଡେମୋକ୍ରାଟିକ୍ ଫ୍ରଣ୍ଟ ପୂର୍ବରୁ ୧୩୭ ପ୍ରାର୍ଥୀଙ୍କ ନାଁ ଘୋଷଣା କରିଛି ଯେଉଁଥିରେ ସିପିଆଇ(ଏମ)ର ଦବଦବା ରହିଛି। ସେହିଭଳି ବିଜେପି ମଧ୍ୟ ୭୧ ପ୍ରାର୍ଥୀଙ୍କ ନାଁ ଘୋଷଣା କରିଛି। ଏଥର କେରଳରେ ତ୍ରିକୋଣୀୟ ଲଢେଇ ଦେଖିବାକୁ ମିଳିବ ଯାହାଫଳରେ ନିର୍ବାଚନ ଅଧିକ ରୋମାଞ୍ଚକ ହେବା ସମ୍ଭାବନା ରହିଛି।

65 shares

😐

Odisha Bhaskar

Mar 20, 2026, 05:00 AM

ଆଇପିଏଲର ନୂଆ ସିଜିନ୍ ଯୁବ ପ୍ରତିଭା ଏବଂ ପ୍ରତିଷ୍ଠିତ ଖେଳାଳିଙ୍କ ଉପରେ ସ୍ପଟଲାଇଟ

ନୂଆଦିଲ୍ଲୀ:ନୂଆ ଆଶା ଓ ବିଶ୍ବାସ ନେଇ ପୁଣି ଥରେ ଆସୁଛି IPLର ନୂଆ ସିଜନ । ଯେତେବେଳେ ବିଶ୍ୱର ସର୍ବବୃହତ T20 ଲିଗର 19 ତମ ସିଜନ ମାର୍ଚ୍ଚ 28 ରେ ଆରମ୍ଭ ହେବ, ସମସ୍ତଙ୍କ ନଜର କେବଳ ପ୍ରତିଷ୍ଠିତ ତଥା ଅଭିଜ୍ଞ ଖେଳାଳିଙ୍କ ଉପରେ ରହିବ ନାହିଁ ବରଂ ସେହି ଯୁବ ପ୍ରତିଭା ଏବଂ ଅପେକ୍ଷାକୃତ ଅଜଣା ମୁହଁଗୁଡ଼ିକୁ ମଧ୍ୟ ଖୋଜିବେ ଯେଉଁମାନଙ୍କ ଉପରେ ଭବିଷ୍ୟତ ଭରଷା କରି ରହିଛି। ପ୍ରତି ସିଜନ୍‌ରେ କିଛି ନୂଆ ଖେଳାଳି ନିଜ ପ୍ରତିଭାରେ ସମସ୍ତଙ୍କୁ ଆଶ୍ଚର୍ୟ କରିଥାନ୍ତି। ଏହି ବର୍ଷ ମଧ୍ୟ ସେହିପରି ୯ ଜଣ ଯୁବ ଖେଳାଳି ଉପରେ ସମସ୍ତଙ୍କ ନଜର ରହିଛି। ଚାଲନ୍ତୁ ଜାଣିବା ସେହି 9 ଜଣ ଯୁବ ତାରକା କିଏ? ବୈଭବ ସୂର୍ଯ୍ୟବଂଶୀ Alert: ଗ୍ରାହକଙ୍କ ପାଇଁ ଜରୁରୀ ଖବର: ୧୬… ଅଷ୍ଟମ ବେତନ କମିଶନକୁ ନେଇ ଆସିଲା ବଡ଼ ଖବର,… ଏହି ତାଲିକାର ପ୍ରଥମ ନାମ ହେଉଛି ବୈଭବ ସୂର୍ଯ୍ୟବଂଶୀ। ମାତ୍ର 14 ବର୍ଷ ବୟସରେ ପୂର୍ବ ସିଜିନରେ ଡେବ୍ୟୁ କରି, ଏହି ଯୁବ ପ୍ରାରମ୍ଭିକ ବ୍ୟାଟସମ୍ୟାନ୍ ହଇଚଇ ସୃଷ୍ଟି କରିଥିଲେ। ପରବର୍ତ୍ତୀ ସମୟରେ ସେ ମାତ୍ର 35 ବଲରୁ ଶତକ ମାରି ଇତିହାସରେ ନିଜ ନାମ ଲେଖିଥିଲେ। ତଥାପି, ସେହି ସମୟରେ, ବୈଭବ ରାଜସ୍ଥାନ ରୟାଲ୍ସ ପାଇଁ କେବଳ 7 ଟି ମ୍ୟାଚ୍ ଖେଳିଥିଲେ। 19 ବର୍ଷରୁ କମ୍ ବିଶ୍ୱକପରେ ବିଜୟରୁ ସଦ୍ୟ ଫେରିଥିବା ବୈଭବ ବର୍ତ୍ତମାନ ସିଜିନର ଆରମ୍ଭରୁ ହିଁ ତାଙ୍କର ବ୍ୟାଟିଂ ଦକ୍ଷତା ପ୍ରଦର୍ଶନ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ। ଆୟୁଷ ମହାତ୍ରେ ବୈଭବଙ୍କ ପରି, 19 ବର୍ଷରୁ କମ୍ ବିଶ୍ୱକପ୍ ବିଜୟୀ ଭାରତୀୟ ଦଳର ଯୁବ ଅଧିନାୟକ ଆୟୁଷ ମହାତ୍ରେ ମଧ୍ୟ ଏହି ସିଜିନରେ ଏକ ପ୍ରମୁଖ ଆକର୍ଷଣ ହେବେ ବୋଲି ଆଶା କରାଯାଉଛି। ପୂର୍ବ ସିଜିନର ମଧ୍ୟଭାଗରେ ତାଙ୍କୁ ମଧ୍ୟ ଏକ ସୁଯୋଗ ମିଳିଥିଲା ଏବଂ ମାତ୍ର 7ଟି ମ୍ୟାଚ୍ ରେ 240 ରନ୍ କରି ସେ ଏକ ଦୃଢ଼ ଛାପ ଛାଡିଥିଲେ। ଏଥର, ସେ ପ୍ରାୟ ପ୍ରତ୍ୟେକ ମ୍ୟାଚ୍ ରେ ଖେଳିବାର ସମ୍ଭାବନା ଅଛି, ସିଜିନ୍ ଆରମ୍ଭରୁ ହିଁ ସେ ଓପନର୍ କିମ୍ବା ତୃତୀୟ ନମ୍ବର ବ୍ୟାଟ୍ସମ୍ୟାନ୍ ଭାବରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। କନିଷ୍କ ଚୌହାନ ୧୯ ବର୍ଷରୁ କମ୍ ବିଶ୍ୱ ଚାମ୍ପିଅନ୍ ଭାରତୀୟ ଦଳରୁ ଉଭା ହୋଇଥିବା ଆଉ ଏକ ଯୁବ ତାରକା ହେଉଛନ୍ତି କନିଷ୍କ ଚୌହାନ। ଏହି ସ୍ପିନ୍-ବୋଲିଂ ଅଲରାଉଣ୍ଡରଙ୍କୁ ନିଲାମ ସମୟରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ତାଙ୍କ ବେସ ପ୍ରାଇସରେ କିଣିଥିଲା। ବିଶ୍ୱକପ୍ ଇତିହାସରେ ଭାରତର ସବୁଠାରୁ ସଫଳ ବୋଲରଙ୍କ ମଧ୍ୟରେ ସ୍ଥାନ ପାଇଥିବା କନିଷ୍କଙ୍କୁ RCB ପାଇଁ ଖେଳିବାର ସୁଯୋଗ ମିଳିବାର ସମ୍ଭାବନା କମ୍ । ପ୍ରଶାନ୍ତ ବୀର ପୂର୍ବ ନିଲାମରେ ସବୁଠାରୁ ଆଶ୍ଚର୍ଯ୍ୟଜନକ ନାମ ଥିଲା ପ୍ରଶାନ୍ତ ବୀର । ସେ ଏପରି ଜଣେ ଖେଳାଳି ଯାହାଙ୍କ ବିଷୟରେ ବହୁତ କମ୍ ଲୋକ ଜାଣିଥିବେ। ତଥାପି, CSK ତାଙ୍କ ପାଇଁ 14.20 କୋଟିର ବିଡ୍ ରଖି ସମସ୍ତଙ୍କୁ ଚକିତ କରିଦେଇଥିଲା। ପରବର୍ତ୍ତୀ ସମୟରେ ଏହା ଜଣାପଡ଼ିଲା ଯେ, ପ୍ରଶାନ୍ତ ଟପ-ମିଡିଲ ଅର୍ଡରର ଧୁରନ୍ଧର ବ୍ୟାଟସମ୍ୟାନ୍ ହେବା ସହିତ, ସେ ଜଣେ ଉପଯୋଗୀ ବୋଲର ମଧ୍ୟ । ଯିଏ UPT20 ଲିଗରେ ଧମାଲ କରିସାରିଛନ୍ତି। କାର୍ତ୍ତିକ ଶର୍ମା ପ୍ରଶାନ୍ତଙ୍କ ପରି, CSK 19 ବର୍ଷୀୟ ୱିକେଟକିପର-ବ୍ୟାଟସମ୍ୟାନ୍ କାର୍ତିକ ଶର୍ମାଙ୍କ ଉପରେ 14.20 କୋଟି ଖର୍ଚ୍ଚ କରି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଥିଲା। ରାଜସ୍ଥାନର ଏହି ଯୁବ ବ୍ୟାଟସମ୍ୟାନ୍ ଏପର୍ଯ୍ୟନ୍ତ ତାଙ୍କ T20 କ୍ୟାରିୟରରେ ଚୌକା (16) ଅପେକ୍ଷା ଅଧିକ ଛକା (28) ମାରିଛନ୍ତି। ତଥାପି, ସେ ପ୍ରକୃତରେ କେତେ ସୁଯୋଗ ପାଆନ୍ତି ତାହା ଦେଖିବା ବହୁତ ଆକର୍ଷଣୀୟ ହେବ। ସ୍ମରନ ରବିଚନ୍ଦ୍ରନ ଯଦିଓ ରବିଚନ୍ଦ୍ରନ ମୂଳତଃ କର୍ଣ୍ଣାଟକର ଏବଂ ସମ୍ପ୍ରତି ଘରୋଇ କ୍ରିକେଟରେ ବିସ୍ଫୋରକ ବ୍ୟାଟିଂ ଫର୍ମ ପ୍ରଦର୍ଶନ କରୁଛନ୍ତି, ସେ IPLରେ ସନରାଇଜର୍ସ ହାଇଦ୍ରାବାଦ ପାଇଁ ତାଙ୍କର ବ୍ୟାଟିଂ ଦକ୍ଷତା ପ୍ରଦର୍ଶନ କରିବାକୁ ପ୍ରସ୍ତୁତ। ପୂର୍ବ ସିଜିନରେ, ସ୍ମରନ ରବିଚନ୍ଦ୍ରନଙ୍କୁ ଗୋଟିଏ ବି ମ୍ୟାଚ୍ ଖେଳିବାର ସୁଯୋଗ ମିଳିନଥିଲା। ତଥାପି, ଏହି ସିଜିନରେ ତାଙ୍କର ବ୍ୟାଟିଂ ଫର୍ମ ଦେଖି SRH ର ଆଶା ଏବଂ ଆକାଙ୍ଖ୍ୟା ନିଶ୍ଚିତ ଭାବରେ ବଢ଼ିଥିବ। ଆଲ୍ଲାହ ଗଜାନଫର ଆଫଗାନିସ୍ତାନରୁ ଏକ ନୂତନ ମୁହଁ ଉଭା ହୋଇ ଠିଆହୋଇଛି । ଏକ ଦେଶ ଯାହା ଟି-୨୦ କ୍ରିକେଟରେ ତୀକ୍ଷ୍ଣ ସ୍ପିନର ଉତ୍ପାଦନ ପାଇଁ ଏକ ପ୍ରକୃତ କାରଖାନା ପାଲଟିଛି। ମାତ୍ର 20 ବର୍ଷ ବୟସରେ, ଏହି ସ୍ପିନର ତାଙ୍କର ସଂକ୍ଷିପ୍ତ ଅନ୍ତର୍ଜାତୀୟ କ୍ୟାରିୟର ମଧ୍ୟରେ ନିଜକୁ ଏକ ମହାନ ଶକ୍ତି ଭାବରେ ପ୍ରମାଣିତ କରିସାରିଛନ୍ତି। ପୂର୍ବ ମେଗା ନିଲାମ ସମୟରେ ମୁମ୍ବାଇ ଇଣ୍ଡିଆନ୍ସ ତାଙ୍କୁ କିଣିଥିଲା, କିନ୍ତୁ ଆଘାତ ଯୋଗୁଁ ସେ ସମଗ୍ର ସିଜନ ପାଇଁ ବାହାରକୁ ବାହାରି ଯାଇଥିଲେ। କିନ୍ତୁ ଏଥର, ସେ ସମ୍ପୂର୍ଣ୍ଣ ଫିଟ୍ ଅଛନ୍ତି ଏବଂ ମୁମ୍ବାଇ ଇଣ୍ଡିଆନ୍ସ ଯେଉଁ ସ୍ପିନ୍-ବୋଲିଂ ସମସ୍ୟାର ସମ୍ମୁଖୀନ ହେଉଛନ୍ତି ତାହା ସମାଧାନ କରିପାରିବେ। କୁପର କନୋଲି ଅଷ୍ଟ୍ରେଲିୟ ବାମହାତୀ ସ୍ପିନ୍-ବୋଲିଂ ଅଲରାଉଣ୍ଡର – ଯିଏ ଲଗାତାର ଦୁଇଟି ଅଣ୍ଡର-19 ବିଶ୍ୱକପରେ ସ୍ଥାନ ପାଇଛନ୍ତି । ସେ ଜଣେ ଖେଳାଳି ଯାହାଙ୍କ ଉପରେ ଜାତୀୟ ଦଳ ବହୁତ ଆଶା ରଖିଛି। ଏହି ଆଶା ସହିତ ରିକି ପଣ୍ଟିଂଙ୍କ ଦଳ, ପଞ୍ଜାବ କିଙ୍ଗ୍ସ ତାଙ୍କୁ ପାଇଥିଲା। ଏବେ, ତାଙ୍କୁ ପ୍ଲେଇଂ ଇଲେଭେନରେ ସ୍ଥାନ ପାଇବାର ସୁଯୋଗ ମିଳିବ କି ନାହିଁ ତାହା ଦେଖିବା ବାକି ରହିଲା। ପଞ୍ଜାବର ପ୍ଲେଇଂ ଇଲେଭେନ ଉପରେ ଏକ ନଜର ପକାଇଲେ ଜଣାପଡୁଛି ଯେ କୁପରଙ୍କ ପାଇଁ ସ୍ଥାନ ଖୋଜିବା କଷ୍ଟକର ମନେହୁଏ; ତଥାପି, ଏହି ଦ୍ୱନ୍ଦ୍ୱର ସମାଧାନ ଖୋଜିବା କୋଚ୍ ଏବଂ ଅଧିନାୟକଙ୍କ ପାଇଁ ଏକ ଚ୍ୟାଲେଞ୍ଜ ସୃଷ୍ଟି କରିପାରେ। ମଙ୍ଗେଶ ଯାଦବ ଯଦିଓ RCBର ପ୍ଲେଇଂ 11 ପ୍ରାୟତଃ ସ୍ଥିର ହୋଇଥିବା ପରି ମନେହୁଏ – ଗତ ସିଜନ ପରି – ଏକ ସମ୍ଭାବ୍ୟ ପରିବର୍ତ୍ତନ ଅଛି ଯାହା ପ୍ରକୃତରେ ଅନେକ ପ୍ରଶଂସକଙ୍କୁ ଆକର୍ଷିତ କରିପାରେ। ପ୍ରକୃତରେ, ବାମହାତୀ ବୋଲର ୟଶ ଦୟାଲ ଗତ ସିଜନରେ ଦଳର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ଜଣେ ଶ୍ରେଷ୍ଠ ପ୍ରଦର୍ଶନକାରୀଙ୍କ ମଧ୍ୟରୁ ଜଣେ ଥିଲେ। ତଥାପି, ଯଶ ଦୟାଲଙ୍କ ବିରୁଦ୍ଧରେ ପରବର୍ତ୍ତୀ ସମୟରେ ହୋଇଥିବା ଗମ୍ଭୀର ଅଭିଯୋଗକୁ ଦୃଷ୍ଟିରେ ରଖି, ତାଙ୍କ ଅଂଶଗ୍ରହଣ ସମ୍ପର୍କରେ ସନ୍ଦେହ ରହିଛି। ଫଳସ୍ୱରୂପ, 23 ବର୍ଷୀୟ ବାମହାତୀ ପେସର ମଙ୍ଗେଶ ଯାଦବ ସମ୍ଭାବ୍ୟ ଭାବରେ RCBର ପ୍ଲେଇଂ 11ରେ ସ୍ଥାନ ପାଇପାରନ୍ତି। ସର୍ବପରି, RCB ତାଙ୍କୁ 5.20 କୋଟି ଟଙ୍କାରେ କିଣିଛି ।

15 shares

😊

Samaja

Mar 20, 2026, 04:43 AM

ମଧ୍ୟପ୍ରାଚ୍ୟ ଉତ୍ତେଜନା ମଧ୍ୟରେ ଭାରତୀୟ ସେୟାର ବଜାରରେ ହ୍ରାସ

ନୂଆଦିଲ୍ଲୀ: ମଧ୍ୟପ୍ରାଚ୍ୟ ଯୁଦ୍ଧ ଗୁରୁବାର ଭାରତୀୟ ଷ୍ଟକ୍‌ ମାର୍କେଟ ଉପରେ ଗୁରୁତର ପ୍ରଭାବ ପକାଇଛି। ସେନ୍‌ସେକ୍ସ ୨୦୦୦ ପଏଣ୍ଟ ଏବଂ ନିଫ୍‌ଟି ୪୫୩ ପଏଣ୍ଟ ହ୍ରାସ ପାଇଛି। ନିବେଶକାରୀ ଗୋଟିଏ ଦିନରେ ୧୨ ଲକ୍ଷ କୋଟି ଟଙ୍କା ହରାଇଥିବା କୁହାଯାଇଛି। ଇରାନ ପକ୍ଷରୁ କାତାରସ୍ଥିତ ବିଶ୍ବର ବୃହତ୍ତମ ଗ୍ୟାସ୍‌ ଭଣ୍ଡାର ଉପରେ କ୍ଷେପଣାସ୍ତ୍ର ଆକ୍ରମଣ କରାଯିବା ପରେ ଆନ୍ତର୍ଜାତିକ ମାର୍କେଟରେ ଅଶୋଧିତ ତୈଳ ମୂଲ୍ୟ ବ୍ୟାରେଲ ପିଛା ୧୧୦ ଡଲାରକୁ ବୃଦ୍ଧି ପାଇଛି। ଭାରତର ବିଭିନ୍ନ କମ୍ପାନୀର ଅଂଶଧନ ମୂଲ୍ୟ ହ୍ରାସ ପାଇଥିବାରୁ ନିବେଶକାରୀ ଚିନ୍ତାଗ୍ରସ୍ତ ହୋଇପଡିଛନ୍ତି।

37 shares

😢

Samaja

Mar 20, 2026, 04:33 AM

ଇରାନର ହରମୁଜ ଷ୍ଟ୍ରେଟ ଅବରୋଧ ବିଶ୍ୱବ୍ୟାପୀ ଇଣ୍ଟରନେଟ ବ୍ୟାହତ ହେବାର ଆଶଙ୍କା ସୃଷ୍ଟି କରିଛି

ତେହେରାନ: ଇରାନ ପକ୍ଷରୁ ନୂତନ ରଣନୀତି ପ୍ରସ୍ତୁତ କରାଯାଉଥିବା ଜଣାପଡିଛି। ହର୍ମୁଜ ପ୍ରଣାଳୀକୁ ଇରାନ ସମ୍ପୂର୍ଣ୍ଣ ଅବରୋଧ କରିଥିବାବେଳେ ଏହି ଜଳପଥ ଦେଇ ତୈଳ କାରବାର ବାଧାପ୍ରାପ୍ତ ହେବାରେ ଲାଗିଛି। ଇରାନ ବର୍ତ୍ତମାନ ହର୍ମୁଜ ପ୍ରଣାଳୀ ସମୁଦ୍ର ଶଯ୍ୟାରେ ବିଛାଯାଇଥିବା ଇଣ୍ଟରନେଟ କେବୁଲକୁ କାଟିବାକୁ ଚିନ୍ତା କରୁଛି। ଯଦି ଇରାନ ଏହି ନିଷ୍ପତ୍ତିକୁ କାର୍ଯ୍ୟକାରୀ କରେ, ତେବେ ବିଶ୍ବରେ ଇଣ୍ଟରନେଟ ସେବା ଗୁରୁତର ଭାବେ ବାଧାପ୍ରାପ୍ତ ହେବ ବୋଲି ଆଶଙ୍କା ଉପୁଜିଛି। ସମୁଦ୍ର ଶଯ୍ୟାରେ ବିଛାଯାଇଥିବା ହଜାର ହଜାର କିମି ଦୈର୍ଘ୍ୟ ବିଶିଷ୍ଟ ଏହି କେବୁଲଗୁଡିକୁ ଇରାନ ଯଦି କାଟିଦିଏ, ତେବେ ଆନ୍ତର୍ଜାତିକସ୍ତରରେ ଭିଡିଓ କଲ, ଇ-ମେଲ, ନେଟ୍‌ ବ୍ୟାଙ୍କିଙ୍ଗ୍‌. ଏଆଇ ସର୍ଭିସରେ ବିଭ୍ରାଟ ଦେଖାଦେବ। ଲୋହିତ ସାଗର ଏବଂ ହର୍ମୁଜ ପ୍ରଣାଳୀସ୍ଥିତ ସମୁଦ୍ର ଶଯ୍ୟାରେ ପ୍ରାୟ ୨୦ଟି ଗୁରୁତ୍ବପୂର୍ଣ୍ଣ ଇଣ୍ଟରନେଟ କେବୁଲ ବିଛାଯାଇଛି। ଏସିଆ-ୟୁରୋପ-ଆଫ୍ରିକା ମଧ୍ୟରେ ଏହି କେବୁଲଗୁଡିକ ଗୁରୁତ୍ବପୂର୍ଣ୍ଣ ଇଣ୍ଟରନେଟ ଟ୍ରାଫିକ୍‌ ବ୍ୟବସ୍ଥାକୁ ସମ୍ଭାଳୁଛି। ଏଗୁଡିକ ମଧ୍ୟରେ ଏଏଇ-୧, ଫାଲକନ୍‌, ଗଲ୍‌ଫ ବ୍ରିଜ ଇଣ୍ଟରନ୍ୟାସନାଲ କେବୁଲ ସିଷ୍ଟମ, ଟାଟା-ଟିଜିଏନ ଗଲ୍‌ଫ ଭଳି କେବୁଲ ସାମିଲ ଅଛି। ଗୁଗଲ୍‌, ଆମାଜନ ଓ ମାଇକ୍ରେସଫ୍ଟ ଭଳି ନାମୀ କମ୍ପାନୀଗୁଡିକ ସାଉଦି ଆରବ ଏବଂ ସଂଯୁକ୍ତ ଆରବ ଏମିରେଟ୍‌ସ ଭଳି ଦେଶରେ କୋଟି କୋଟି ଟଙ୍କା ବ୍ୟୟ କରି ଡାଟା ସେଣ୍ଟର ସ୍ଥାପନ କରିଛନ୍ତି। ୨୦୨୪ରେ ୟେମେନରେ ସକ୍ରିୟ ଥିବା ହୁତି ଆତଙ୍କବାଦୀମାନେ ଲୋହିତ ସାଗର ଶଯ୍ୟାରେ ବିଛାଯାଇଥିବା ଇଣ୍ଟରନେଟ କେବୁଲଗୁଡିକୁ ନଷ୍ଟ କରିଦେଇଥିଲେ। ଫଳରେ ଦୀର୍ଘ ଦିନ ଧରି ଏସିଆ ଓ ଆଫ୍ରିକାରେ ଇଣ୍ଟରନେଟ ସ୍ପିଡ୍‌ ହ୍ରାସ ପାଇଥିଲା।

12 shares

😢

Samaja

Mar 20, 2026, 04:26 AM

ଅଗ୍ନିକାଣ୍ଡ ଯୋଗୁଁ ସୁବିଧା ନଷ୍ଟ ହେବା ପରେ ମରାମତି ପାଇଁ ଗ୍ରୀସ୍ ଅଭିମୁଖେ ଯାତ୍ରା କଲା ଆମେରିକୀୟ ବିମାନ ବାହକ

ୱାଶିଂଟନ: ମଧ୍ୟପ୍ରାଚ୍ୟ ଯୁଦ୍ଧରେ ସକ୍ରିୟ ଅଂଶଗ୍ରହଣ କରୁଥିବା ଆମେରିକାର ବିମାନବାହୀ ଯୁଦ୍ଧଜାହାଜ ‘ୟୁଏସଏସ ଜେରାଲ୍ଡ ଫୋର୍ଡ’ କ୍ଷତିଗ୍ରସ୍ତ ହେବା ପରେ ବର୍ତ୍ତମାନ ଏହା ପାରସ୍ୟ ଉପସାଗର ଛାଡି ଗ୍ରୀସର ଏକ ବନ୍ଦର ଆଡକୁ ଅଗ୍ରସର ହେଉଛି। ଏହି ଯୁଦ୍ଧଜାହାଜର ଲଣ୍ଡ୍ରି ପ୍ରକୋଷ୍ଠ ଏବଂ ସୈନ୍ୟଙ୍କ ପାଇଁ ଉଦ୍ଦିଷ୍ଟ ଶୌଚାଳୟରେ ନିଆଁ ଲାଗି କ୍ଷତି ଘଟିଥିବାରୁ ଗ୍ରୀସରେ ଏହାର ମରାମତି କରାଯିିବ। ଜେରାଲ୍ଡ ଫୋର୍ଡ ଜାହାଜ ଆଜକୁ ୧୦ ମାସ ହେବ ପାରସ୍ୟ ଉପସାଗରରେ ମୁତୟନ ହୋଇଛି। ଦୀର୍ଘ ସମୟ ଧରି ବାହାରେ ରହିଥିବାରୁ ଏଥିରେ କାର୍ଯ୍ୟରତ ସୈନ୍ୟମାନେ ଅତିଷ୍ଠ ହୋଇପଡିଲେଣି। ସେମାନେ ଉଦ୍ଦେଶ୍ୟମୂଳକ ଭାବେ ଲଣ୍ଡ୍ରି ଓ ଶୌଚାଳୟରେ ନିଆଁ ଲଗାଇଥିବା ଅନୁମାନ କରାଯାଉଛି।

94 shares

😢

Odisha Bhaskar

Mar 20, 2026, 04:26 AM

ଏଲ. ପି. ଜି. ଡେଲିଭରି ବୟ ଆୟ ବୃଦ୍ଧି ପାଉଥିବା ଚାହିଦା ମଧ୍ୟରେ ବୃଦ୍ଧି ପାଉଥିବା ଚିନ୍ତା

88 shares

😐

Samaja

Mar 20, 2026, 04:23 AM

ତିନି ସପ୍ତାହ ପରେ ଇରାନ ବିରୋଧରେ ମଧ୍ୟପ୍ରାଚ୍ୟ ବିବାଦ ବୃଦ୍ଧି ପାଇଛି

ଇସଲାମାବାଦ: ଆଜକୁ ତିନି ସପ୍ତାହ ଧରି ଚାଲିଥିବା ମଧ୍ୟପ୍ରାଚ୍ୟ ଯୁଦ୍ଧରେ ଆମେରିକା, ଇସ୍ରାଏଲ ଓ ଇରାନ ସାମିଲ ଥିବାବେଳେ ଅନ୍ୟ କେତେକ ମଧ୍ୟପ୍ରାଚ୍ୟ ରାଷ୍ଟ୍ର ଅଯଥାରେ ଇରାନର ଶତ୍ରୁ ପାଲଟିଛନ୍ତି। ତେବେ ଇରାନ ପକ୍ଷରୁ ‌େ‌କ୍ଷପଣାସ୍ତ୍ର ଆକ୍ରମଣ କରାଯିବା ପରେ ସାଉଦି ଆରବ ପ୍ରତିଶୋଧ ପରାୟଣ ହୋଇଉଠିଛି। ଗୁରୁବାର ରିୟାଦରେ ଏକାଧିକ ଇସଲାମିକ ରାଷ୍ଟ୍ରର ବୈଦେଶିକ ମନ୍ତ୍ରୀଙ୍କ ବୈଠକ ଚାଲିଥିବାବେଳେ ଇରାନ ପକ୍ଷରୁ ଏଭଳି ଆକ୍ରମଣ କରାଯାଇଛି। ଏହି ପରିପ୍ରେକ୍ଷୀରେ ସାଉଦି ବିଦେଶ ମନ୍ତ୍ରୀ ପ୍ରିନ୍ସ ଫୈଜଲ ବିନ୍‌ ଫରହାନ୍‌ ଅଲ୍‌ ସାଉଦ୍‌ ଇରାନକୁ ଧମକ ଦେଇଛନ୍ତି ଯେ ଯଦି ଆକ୍ରମଣ ବଳବତ୍ତର ରହେ, ତେବେ ସାଉଦି ଆରବ ଏହି ଯୁଦ୍ଧରେ ସାମିଲ ହେବାକୁ ବାଧ୍ୟ ହେବ। ଯଦି ସାଉଦି ଆରବ ଯୁଦ୍ଧକ୍ଷେତ୍ରକୁ ପ୍ରବେଶ କରେ, ତେବେ ପାକିସ୍ତାନ ମଧ୍ୟ ଯୁଦ୍ଧରେ ସାମିଲ ହୋଇପାରେ ବୋଲି କୂଟନୈତିକ ମହଲ ଆଶଙ୍କାବ୍ୟକ୍ତ କରୁଛନ୍ତି। ଏହାର କାରଣ ସାଉଦି ଆରବ ଓ ପାକିସ୍ତାନ ମଧ୍ୟରେ ପୂର୍ବରୁ ସ୍ବାକ୍ଷରିତ ହୋଇଥିବା ପ୍ରତିରକ୍ଷା ଚୁକ୍ତି। ଏହି ଚୁକ୍ତିି ଅନୁଯାୟୀ ଯଦି ପାକିସ୍ତାନ କିମ୍ବା ସାଉଦି ଆରବ ଉପରେ ଆକ୍ରମଣ କରାଯାଏ, ତେବେ ଏହାକୁ ପରସ୍ପର ଉପରେ ଆକ୍ରମଣ ଭାବେ ବିବେଚନା କରାଯିବ। ପାକିସ୍ତାନ ବର୍ତ୍ତମାନ ଆଫ୍‌ଗାନିସ୍ତାନ ସହ ଆଂଶିକ ଯୁଦ୍ଧରେ ବ୍ୟସ୍ତ ରହିଛି। ତେବେ ସାଉଦି ଆରବ ଯଦି ପୂର୍ଣ୍ଣମାତ୍ରାରେ ମଧ୍ୟପ୍ରାଚ୍ୟ ଯୁଦ୍ଧରେ ସାମିଲ ହେବ, ତାହାହେଲେ ସାଉଦି ଆରବକୁ ସାମରିକ ସହାୟତା ଯୋଗାଇବାକୁ ପାକିସ୍ତାନ ବାଧ୍ୟ ହେବ।

64 shares

😢

Prameya

Mar 20, 2026, 04:21 AM

ଉତ୍ତର କୋରିଆର ଶାସକ ଦଳ ନିର୍ବାଚନରେ ବିପୁଳ ବିଜୟ ହାସଲ କରିଛି

65 shares

😢

Odisha Bhaskar

Mar 20, 2026, 04:01 AM

ୱିଣ୍ଡୋ ଏସି ବନାମ ସ୍ପ୍ଲିଟ ଏସି କେଉଁଟି ଅଧିକ ବିଦ୍ୟୁତ୍ ବ୍ୟବହାର କରେ?

78 shares

😐

Odisha Bhaskar

Mar 20, 2026, 03:37 AM

ଏଲପିଜି ସିଲିଣ୍ଡର୍ ବୁକିଂ ପ୍ରସଙ୍ଗ ନୂଆ ସରକାରୀ ନିୟମ ଏବଂ ଏହାର ପ୍ରଭାବକୁ ବୁଝିବା

LPG Cylinder Booking:ଆଜିକାଲି, ଅନେକ ଲୋକ LPG ସିଲିଣ୍ଡର ବୁକ୍ କରିବାକୁ ଚେଷ୍ଟା କରିବା ସମୟରେ ଅସୁବିଧାର ସମ୍ମୁଖୀନ ହେଉଛନ୍ତି। ଏହା ବ୍ୟତୀତ, ଅନେକ ଅଭିଯୋଗ କରିଛନ୍ତି ଯେ ସେମାନଙ୍କର ସିଲିଣ୍ଡର ସଫଳତାର ସହ ବୁକ୍ ହୋଇଥିଲେ ମଧ୍ୟ, ସେମାନେ ପରବର୍ତ୍ତୀ ସମୟରେ ଡେଲିଭରି ବିଳମ୍ବର ସମ୍ମୁଖୀନ ହେଉଛନ୍ତି। ଫଳସ୍ୱରୂପ, ସେମାନେ ଗ୍ୟାସ୍ ଏଜେନ୍ସିକୁ ବାରମ୍ବାର ଯିବାକୁ ବାଧ୍ୟ ହେଉଛନ୍ତି। ଯଦି ଆପଣ ଏହି ବ୍ୟକ୍ତିମାନଙ୍କ ମଧ୍ୟରୁ ଜଣେ, ତେବେ ଏହି ଆର୍ଟିକିଲ୍ ଆପଣଙ୍କ ପାଇଁ ସହାୟକ ହୋଇପାରେ। ସଠିକ୍ ସୂଚନା ଏବଂ ଉପଯୁକ୍ତ ପଦକ୍ଷେପ ସହିତ, ଆପଣ ସହଜରେ ଆପଣଙ୍କର LPG ସିଲିଣ୍ଡରର ଡେଲିଭରି ନିଶ୍ଚିତ କରିପାରିବେ। ଆସନ୍ତୁ ଜାଣିବା କିପରି… ସିଲିଣ୍ଡର ବୁକିଂ କରିବାରେ ଲୋକମାନେ କାହିଁକି ସମସ୍ୟାର ସମ୍ମୁଖୀନ ହେଉଛନ୍ତି? LNG ଗ୍ୟାସ ଉପରେ ଆକ୍ରମଣ, କତାର କହିଲା ଭୟଙ୍କର… ଟ୍ରମ୍ପଙ୍କ ବଡ଼ U-ଟର୍ନ! ଇରାନୀ ତେଲ ଉପରୁ… ବୁକିଂ ନହେବାର ମୁଖ୍ୟ କାରଣ ହେଉଛି ଏକ ନୂତନ ନିୟମ। ଗ୍ୟାସ ଷ୍ଟକ୍‌କୁ ଭଲ ଭାବରେ ପରିଚାଳନା କରିବା ପାଇଁ ସରକାର ସମ୍ପ୍ରତି ବୁକିଂ ନିୟମକୁ ସଂଶୋଧନ କରିଛନ୍ତି। ଫଳସ୍ୱରୂପ, ଘରୋଇ ଗ୍ୟାସ ସିଲିଣ୍ଡର ବୁକିଂ ପାଇଁ ଅତି କମରେ 25 ଦିନର ଏକ ବାଧ୍ୟତାମୂଳକ ବ୍ୟବଧାନ ସ୍ଥାପନ କରାଯାଇଛି। ଏହାର ଅର୍ଥ ହେଉଛି ଯଦି ଆପଣ ସମ୍ପ୍ରତି ଏକ ସିଲିଣ୍ଡର ପାଇଛନ୍ତି, ତେବେ 25 ଦିନ ବିତିବା ପର୍ଯ୍ୟନ୍ତ ନୂତନ ବୁକିଂ କରିପାରିବେ ନାହିଁ। ଏହା ସହିତ, ସିଷ୍ଟମ – ମୋବାଇଲ୍ ଆପ୍ କିମ୍ବା ୱେବସାଇଟ୍ ମାଧ୍ୟମରେ ହେଉ – ପ୍ରାୟତଃ ଗୋଟିଏ ସମୟରେ ବୁକିଂ କରୁଥିବାରୁ ସିଷ୍ଟମ ସ୍ଲୋ ହୋଇଯାଏ, ଯାହା ବୁକିଂରେ ମଧ୍ୟ ଅସୁବିଧା ସୃଷ୍ଟି କରିପାରେ। ଅଭିଯୋଗ କେଉଁଠାରେ ଦାଖଲ କରିବେ ଯଦି ଆପଣଙ୍କର ଗ୍ୟାସ୍ ଏଜେନ୍ସି ଆପଣଙ୍କ କଥା ଶୁଣଉନାହିଁ କିମ୍ବା ଜାଣିଶୁଣି ବିଳମ୍ବ କରୁଛି, ତେବେ ଆପଣ ସିଧାସଳଖ PG Portalରେ ଅଭିଯୋଗ ଦାଖଲ କରିପାରିବେ। ଏହା ଏକ ସରକାରୀ ପ୍ଲାଟଫର୍ମ ଯେଉଁଠାରେ ଆପଣଙ୍କର ଅଭିଯୋଗ ସିଧାସଳଖ ସମ୍ପୃକ୍ତ ବିଭାଗକୁ ପହଞ୍ଚେ, ସମୟୋଚିତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ନିଶ୍ଚିତ କରେ। ଏହା କରିବା ପାଇଁ: ତୁରନ୍ତ ସହାୟତା ପାଇଁ ହେଲପଲାଇନ୍ ନମ୍ବର ଯଦି ଆପଣ ଅନଲାଇନ୍ ପଦ୍ଧତି ବ୍ୟବହାର କରିବାକୁ ପସନ୍ଦ କରନ୍ତି ନାହିଁ, ତେବେ ଆପଣ ଗ୍ୟାସ୍ କମ୍ପାନୀଗୁଡ଼ିକର ଟୋଲ୍-ଫ୍ରି ନମ୍ବରଗୁଡ଼ିକୁ ମଧ୍ୟ କଲ୍ କରିପାରିବେ। ଇଣ୍ଡେନ ଗ୍ୟାସ୍: 1800-2333-555 HP ଗ୍ୟାସ୍: 1800-2333-555 ଭାରତ ଗ୍ୟାସ୍: 1800-22-4344 ସରକାର ସ୍ପଷ୍ଟ କରିଛନ୍ତି ଯେ ଦେଶରେ LPGର କୌଣସି ଅଭାବ ନାହିଁ। ପର୍ଯ୍ୟାପ୍ତ ଷ୍ଟକ୍ ଉପଲବ୍ଧ ଅଛି, ଏବଂ ଘରୋଇ ଆବଶ୍ୟକତାକୁ ପ୍ରାଥମିକତା ଦିଆଯାଉଛି। ତେଣୁ, ଗ୍ୟାସ୍ ବୁକ୍ କରିବା ସମୟରେ ଯଦି ଆପଣ ଅସୁବିଧାର ସମ୍ମୁଖୀନ ହୁଅନ୍ତି ତେବେ ଭୟଭୀତ ହେବାର କୌଣସି ଆବଶ୍ୟକତା ନାହିଁ। ଯଦି ଆପଣ ବୁକିଂ ପୂରଣ କରିପାରିବେ ନାହିଁ, ତେବେ ଆପଣ ଉପଯୁକ୍ତ ପ୍ଲାଟଫର୍ମରେ ଅଭିଯୋଗ କରିପାରିବେ।

9 shares

😢

Samaja

Mar 20, 2026, 03:37 AM

ପାଖଲ ଓଡ଼ିଶାର ଏକ ପ୍ରାକୃତିକ ସୁପରଫୁଡ୍

ସମାଜ ଲାଇଭ ଡେସ୍କ: ପଖାଳ କେବଳ ଏକ ସ୍ୱାଦିଷ୍ଟ ଖାଦ୍ୟ ନୁହେଁ, ବରଂ ଏହା ଏକ ପ୍ରାକୃତିକ ‘ସୁପରଫୁଡ୍’। ବିଶେଷ କରି ଓଡ଼ିଶାର ଗ୍ରୀଷ୍ମ ଋତୁରେ ଶରୀରକୁ ଥଣ୍ଡା ରଖିବା ପାଇଁ ପଖାଳର ବିକଳ୍ପ ନାହିଁ। ଭାତକୁ ପାଣିରେ ଭିଜାଇ ରଖିବା ଦ୍ୱାରା ହେଉଥିବା ଫେର୍ମେଣ୍ଟେସନ୍ ପ୍ରକ୍ରିୟା ଯୋଗୁଁ ଏଥିରେ ଲାକ୍ଟୋବାସିଲସ୍ ଭଳି ଉପକାରୀ ବ୍ୟାକ୍ଟେରିଆ ସୃଷ୍ଟି ହୁଅନ୍ତି, ଯାହା ଆମର ହଜମ ପ୍ରକ୍ରିୟାକୁ ସୁସ୍ଥ ରଖେ। ବୈଜ୍ଞାନିକ ଦୃଷ୍ଟିକୋଣରୁ ଦେଖିଲେ, ପଖାଳରେ ପୋଟାସିୟମ୍, ସୋଡିୟମ୍ ଏବଂ କ୍ୟାଲସିୟମ୍ ଭଳି ମିନେରାଲ୍ସର ମାତ୍ରା ବୃଦ୍ଧି ପାଇଥାଏ, ଯାହା ରକ୍ତଚାପ ନିୟନ୍ତ୍ରଣ କରିବା ସହ ଦେହକୁ ସତେଜ ରଖେ। ଏହା ଏକ ପ୍ରାକୃତିକ ପ୍ରୋବାୟୋଟିକ୍‌ ଭାବେ କାମ କରେ, ଯାହା ଶରୀରର ରୋଗ ପ୍ରତିରୋଧକ ଶକ୍ତି ବଢ଼ାଇବା ସହ କ୍ଳାନ୍ତି ଦୂର କରିବାରେ ସାହାଯ୍ୟ କରିଥାଏ।

69 shares

😐

Prameya

Mar 20, 2026, 03:36 AM

ଭାରତର କୂଟନୈତିକ ପ୍ରୟାସ ଜାରି ରହିଥିବାରୁ ପଶ୍ଚିମ ଏସିଆ ଦ୍ୱନ୍ଦ୍ୱ ଦ୍ୱାରା ପ୍ରଭାବିତ ବିଶ୍ୱ ଅର୍ଥନୀତି

ନୂଆଦିଲ୍ଲୀ, ୨୦/୦୩: ଯୁଦ୍ଧ ଯୋଗୁ ଅଶାନ୍ତ ପଶ୍ଚିମ ଏସିଆ । ଇରାନ-ଇସ୍ରାଏ ଏବଂ ଆମେରିକା ସଂଘର୍ଷ ପାଇଁ ବିଶ୍ବ ଅର୍ଥନୀତି ଧୀରେ ଧୀରେ ପ୍ରଭାବିତ ହେଉଛି । ସାରା ବିଶ୍ବରେ ତୈଳ ସଂକଟ ଦେଖା ଦେଇଛି । ଏହାରି ଭିତରେଭାରତ ସରକାର ନିଜ ବୈଦେଶିକ କୂଟନୀତିକୁ ଯଥାଯଥ ରଖିବାକୁ ଉଦ୍ୟମ ଜାରି ରଖିଛନ୍ତି । ଏହି କ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତ ୨୪ ଘଣ୍ଟାରେ ୫ଟି ଦେଶ ଯଥା ମାଲେସିଆ, ଓମାନ, କୁଏତ, ଫ୍ରାନ୍ସ ଓ ଜୋର୍ଡାନର ନେତାଙ୍କ ସହ କଥା ହୋଇଛନ୍ତି । ପ୍ରଧାନମନ୍ତ୍ରୀ ଗୁରୁବାର ମାଲେସିଆ ପ୍ରଧାନମନ୍ତ୍ରୀ ଅନୱର ଇବ୍ରାହିମଙ୍କ ସହ ଫୋନରେ କଥା ହୋଇଛନ୍ତି । ଏହାପରେ ‘ଏକ୍ସ’ରେ ମୋଦି ଲେଖିଛନ୍ତି, ବନ୍ଧୁ ଅନୱର ଇବ୍ରାହିମଙ୍କ ସହ କଥା ହୋଇଛି । ପଶ୍ଚିମ ଏସିଆରେ ଜାରି ରହିଥିବା ସଙ୍କଟ ନେଇ ତାଙ୍କ ସହ ଆଲୋଚନା କରିଛି । ଆଲୋଚନା ଓ କୂଟନୀତି ଜରିଆରେ ଆଗୁଆ ଶାନ୍ତି ଓ ସ୍ଥିରତା ଆସିବା ନେଇ ଆମେ ଏକମତ ହୋଇଛୁ । ପ୍ରଧାନମନ୍ତ୍ରୀ ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍‌ ମାକ୍ରନ୍‌ଙ୍କୁ ଫୋନ କରି ମଧ୍ୟପ୍ରାଚ୍ୟ ସ୍ଥିତି ସଂକ୍ରାନ୍ତରେ ଚର୍ଚ୍ଚା କରିଛନ୍ତି । ଗୁରୁବାର ସେ ଏହି ସୂଚନା ‘ଏକ୍ସ’ରେ ଦେଇଛନ୍ତି । ମୋଦି କହିଛନ୍ତି, ପରିସ୍ଥିତିକୁ ଶାନ୍ତ କରିବା ଏବଂ ଆଲୋଚନା ଓ କୂଟନୀତି ରାସ୍ତାକୁ ଆପଣାଇବା ଉଚିତ୍ । ଏହାଛଡ଼ା ମୋଦି ଓମାନର ସୁଲ୍‌ତାନ ହାଇଥମ୍‌ ବିନ୍‌ ତାରିକଙ୍କ ସହ ମଧ୍ୟ କଥା ହୋଇଛନ୍ତି । ବୁଧବାର ମୋଦି କୁଏତର କ୍ରାଉନ ପ୍ରିନ୍ସ ଶେଖ ସବାହ ଅଲ-ଖାଲିଦ୍‌ ଅଲ-ହମଦ୍‌ ଅଲ-ମୁବାରକ ଅଲ୍‌-ସବାହଙ୍କ ସହ ଫୋନ୍‌ରେ କଥା ହୋଇଥିଲେ । ଏହି ସମୟରେ ସେ କ୍ରାଉନ ପ୍ରିନ୍ସଙ୍କୁ ଇଦ୍‌ର ଆଗୁଆ ଶୁଭକାମନା ଜଣାଇଥିଲେ । ଉଭୟ ନେତା ଇସ୍ରାଏଲ୍‌ଇରାନ ଯୁଦ୍ଧ ମଧ୍ୟରେ ପଶ୍ଚିମ ଏସିଆର ବର୍ତ୍ତମାନର ସ୍ଥିତି ସମ୍ପର୍କରେ ଚର୍ଚ୍ଚା କରିଥିଲେ । ମୋଦି ଜୋର୍ଡାନ ରାଜା ଅବଦୁଲ୍ଲା ଦ୍ୱିତୀୟଙ୍କ ସହ ଫୋନରେ କଥା ହୋଇ ପଶ୍ଚିମ ଏସିଆ ସଂକଟ ନେଇ ଚର୍ଚ୍ଚା କରିଛନ୍ତି । ଅଞ୍ଚଳରେ ଶାନ୍ତି ଓ ସ୍ଥିରତା ପାଇଁ ଆଲୋଚନା ଓ କୂଟନୀତିକୁ ଫୋକସ ଲାଗି ଉଭୟ ଜୋର ଦେଇଛନ୍ତି । ଅଧିକ ପଢ଼ନ୍ତୁ-ତେଲ-ଗ୍ୟାସ ନୁହେଁ, ଇଣ୍ଟରନେଟରେ ବି ବ୍ରେକ୍ ଲଗାଇବ ଇରାନ ! ଭାରତ ବି ଅକଳରେ...

76 shares

😢

Samaja

Mar 20, 2026, 03:33 AM

ପାଖଲ ଏକ ପାରମ୍ପରିକ ଓଡ଼ିଆ ଖାଦ୍ୟ ଯାହା ଶାନ୍ତି ଏବଂ ସନ୍ତୋଷ ଆଣିଥାଏ

ଓଡ଼ିଆଙ୍କର ପ୍ରିୟ ପଖାଳ। ଓଡ଼ିଶାର ଗାଥା ଗାଏ। ଘର ଘରର କଥା କହେ। ଏହା କେବଳ ଏକ ଖାଦ୍ୟ ନୁହେଁ। କୁହାଯାଏ ପଖାଳ ଖାଇବା କ୍ଷଣି ହିଁ ପାଟିରୁ ବାହା ବାହାରି ଆସେ ଯାହା ହେଉ ଆତ୍ମା ଶାନ୍ତି। କେବେ ଦିନେ ଗାଁର ଖାଦ୍ୟ ବୋଲି କୁହାଯାଉଥିବା ଏହି ପଖାଳ ଏବେ ସହରୀ ଲୋକଙ୍କର ବି ମନ କିଣି ନେଇଛି। ପଖାଳ ଏବେ ସାଧାରଣ ଲୋକଙ୍କଠାରୁ ଆରମ୍ଭ କରି କୋଟିପତି ପର୍ଯ୍ୟନ୍ତ ସମସ୍ତଙ୍କ ପ୍ରିୟ ହୋଇପାରିଛି। ଆମ ପାରମ୍ପରିକ ଖାଦ୍ୟ ଯେମିତି ସ୍ବାଦିଷ୍ଟ ସେମିତି ସ୍ବାସ୍ଥ୍ୟ ଉପଯୋଗୀ। ଯେତେ ବିଦେଶୀ ଖାଦ୍ୟ ଖାଇଲେ ବି ପଖାଳରେ ଥାଏ ସମସ୍ତଙ୍କ ଆତ୍ମତୃପ୍ତି। ପଖାଳ ଖାଇ ଦେଇ ଶେଷରେ ତୋରାଣି ପିଇଦେଲେ ପାଟିରୁ ଆପେ ଆପେ ବାହାରିଯାଏ ‘ଓଃ କି ଶାନ୍ତି’।

18 shares

😊

Prameya

Mar 20, 2026, 03:31 AM

ଯୁଦ୍ଧ ଦ୍ୱାରା ଭାରତର ଏଲପିଜି ଯୋଗାଣ ପ୍ରଭାବିତ ହୋଇନାହିଁ ସରକାରୀ ଅଧିକାରୀ

ନୂଆଦିଲ୍ଲୀ,୨୦/୦୩: ଯୁଦ୍ଧ କାରଣରୁ ଏଲ୍‌ପିଜି ସ୍ଥିତି ଚିନ୍ତାର ବିଷୟ ରହିଛି । କିନ୍ତୁ ଦେଶରେ ଏଲ୍‌ପିଜି ବିତରକଙ୍କ ପାଖରେ ସିଲିଣ୍ଡରର ଅଭାବ ନାହିଁ । କେନ୍ଦ୍ର ସରକାରଙ୍କ ବିଭିନ୍ନ ମନ୍ତ୍ରାଳୟ ପକ୍ଷରୁ ଗୁରୁବାର ଆୟୋଜିତ ଯୁଗ୍ମ ସାମ୍ବାଦିକ ସମ୍ମିଳନୀରେ ପେଟ୍ରୋଲିୟମ ମନ୍ତ୍ରାଳୟର ଯୁଗ୍ମ ସଚିବ(ମାର୍କେଟିଂ ଏବଂ ତୈଳ ବିଶୋଧନ) ସୁଜାତା ଶର୍ମା ଏହା କହିଛନ୍ତି । ଆହୁରି ପଢନ୍ତୁ-୧୧୯ ଡଲାର ଡେଇଁଲା ଅଶୋଧିତ ତୈଳ,ପ୍ରତି ୧୦%ର ବୃଦ୍ଧି ମୁଦ୍ରାସ୍ଫୀତିକୁ ୦.୪% ତେଜିବ ପେଟ୍ରୋଲିୟମ ମନ୍ତ୍ରାଳୟ ଅନୁସାରେ, ଦେଶରେ ଅନ୍‌ଲାଇନ୍‌ ବୁକିଂ ବଢ଼ି ୯୪%ରେ ପହଞ୍ଚିଯାଇଛି । ପ୍ରାୟ ୮୩% ରିଫିଲ୍‌ ଡେଲିଭରୀ ‘ଡେଲିଭରୀ ଅଥେଣ୍ଟିକେଟ୍‌’ କୋଡ୍‌ ଜରିଆରେ ହେଉଛି । ଛାନିଆ ବୁକିଂ ସଂଖ୍ୟା କମିଛି । ଶର୍ମା କହିଲେ ଯେ, ଭାରତରେ ପ୍ରାୟ ୭୦% ଅଶୋଧିତ ତୈଳ ଏବେ ହୋର୍ମୁଜ ଜଳମାର୍ଗ ବାହାର ବାଟ ଦେଇ ଆସୁଛି । ଅନ୍ତରାଷ୍ଟ୍ରୀୟ ପରିସ୍ଥିତି କାରଣରୁ ଚାପ ନିଶ୍ଚିତ ଅଛି କିନ୍ତୁ ଏଯାବତ ଦରରେ କୌଣସି ପ୍ରକାର ବୃଦ୍ଧି କରାଯାଇନାହିଁ । ଏଲ୍‌ପିଜିର କିଛି ମାତ୍ରାରେ ଯୋଗାଣ ଆମେରିକାରୁ ହେଉଛି । କତାର ଏଲ୍‌ଏନ୍‌ଜିର ବଡ଼ ଯୋଗାଣକାରୀ । ଏହାବ୍ୟତୀତ ଅଷ୍ଟ୍ରେଲିଆ ଭଳି ଅନ୍ୟ ଉତ୍ସ ବି ରହିଥିବା ଶ୍ରୀମତୀ ଶର୍ମା କହିଛନ୍ତି । ପେଟ୍ରୋଲିୟମ ମନ୍ତ୍ରାଳୟ ଅନୁସାରେ, ଏଲ୍‌ପିଜି ସିଲିଣ୍ଡରର ଯୋଗାଣ ସ୍ୱାଭାବିକ ରହିଛି । ସରକାର କମର୍ସିଆଲ ଏଲ୍‌ପିଜି ଉପଭୋକ୍ତାଙ୍କୁ ସିଏନ୍‌ଜିକୁ ସ୍ଥାନାନ୍ତର ହେବାକୁ ଆହ୍ୱାନ ଦେଇଛନ୍ତି ।

18 shares

😐

Prameya

Mar 20, 2026, 03:28 AM

ଦୁର୍ଯ୍ୟୋଧନ ମୌସାଙ୍କ ଖାଦ୍ୟ ଦୋକାନ ସତ୍ୟନଗରରେ ଅଭାବୀଙ୍କ ପାଇଁ ଏକ ଆଶ୍ରୟସ୍ଥଳ

ଭୁବନେଶ୍ୱର, ୨୦।୩: କିଏ ଗାଡ଼ି ଚଲାଏ ତ କିଏ ଦିନ ମଜୁରିଆ କିଏ ପୁଣି ରାଜମିସ୍ତ୍ରୀ । ଖରା ମୁଣ୍ଡ ଉପରକୁ ଆସିଲାମାତ୍ରେ ସଭିଏଁ ଏକାଠି ହୁଅନ୍ତି ଦୁର୍ଯ୍ୟୋଧନ ମଉସାଙ୍କ ଚାଳିଆ ନିକଟରେ । ଆଉ ମଉସାଙ୍କୁ ବରାଦି ଦିଅନ୍ତି କଂସାଏ ପଖାଳ । ଯାହାକୁ ମଉସା ଅତି ସରାଗରେ ପରଶିଦିଅନ୍ତି । ସେଇଥି ପାଇଁ ଏହି ଚାଳିଆ ନିକଟରେ ଲାଗିଥାଏ ଗରିବ ଓ ଖଟିଖିଆଙ୍କ ଗହଳି । ଦୁର୍ଯ୍ୟୋଧନ ମଉସାଙ୍କ ଚାଳିଆ ସତ୍ୟନଗରରେ । ବର୍ତ୍ତମାନ ସମୟରେ ସବୁକିଛି ମହଙ୍ଗା । ଆଉ ଏହି ମହଙ୍ଗାରେ ମୂଲ୍ୟ ସୁହାଇଲାଭଳି ଖାଦ୍ୟ ଥାଳିଏ ଖାଇବା ବଡ଼ କଷ୍ଟ । ଦୁର୍ଯ୍ୟୋଧନ ମଉସା ସେହି ଖଟିଖିଆମାନଙ୍କୁ ଦେଖି ଖାଇବା ଦୋକାନ ଖୋଲିଛନ୍ତି । ଯେଉଁଠି ଅଳ୍ପ ମୂଲ୍ୟରେ ମନ ଖୁସିରେ ପେଟଭରି ଖାଇହୁଏ । ତାଙ୍କ ଦୋକାନରେ ସବୁଠାରୁ ମୁଖ୍ୟ ଖାଦ୍ୟ ପଖାଳ । ପଖାଳ ସହିତ ଆଳୁ ଭର୍ତ୍ତା, ଭଜା, ବାଇଗଣ ଚଟଣୀ, ଶାଗଭଜା ଖାଇବାକୁ ଦିଅନ୍ତି । ଏହା ବି ପଢ଼ନ୍ତୁ...ଆଜି ବିଶ୍ୱ ଘରଚଟିଆ ଦିବସ; ସକାଳକୁ ସୁନ୍ଦର କରେ ଘରଚଟିଆ ଏହା ବ୍ୟତୀତ ଯିଏ ଯେମିତି ପଖାଳ ସହିତ ଖାଇବାକୁ ଚାହିଁଲେ ଖାଇପାରିବେ । ଏହାବାଦ୍ ସେ ଭାତ, ଡାଲି, ଆମିଷ ଓ ନିରାମିଷ ତରକାରୀ ମଧ୍ୟ ଖାଦ୍ୟ ତାଲିକାରେ ରଖିଥାନ୍ତି । ଏଠାରେ ପାଖାଳର ମୂଲ୍ୟ ୨୦ ଟଙ୍କାରୁ ଆରମ୍ଭ ହୋଇଯାଏ । ଦୁର୍ଯ୍ୟୋଧନଙ୍କୁ ରୋଷେଇରେ ସହଯୋଗ କରନ୍ତି ତାଙ୍କ ଧର୍ମପତ୍ନୀ । ଏହି ଦମ୍ପତିଙ୍କ ସ୍ନେହବୋଳା ଖାଦ୍ୟ ପରଷିବା ଶୈଳୀ ଲୋକଙ୍କୁ ବେଶ୍ ପସନ୍ଦ ଆସିଥାଏ । ସେଥିପାଇଁ ବର୍ଷକ ବାର ମାସ ଲୋକଙ୍କ ଗହଳିରେ ଚଳଚଞ୍ଚଳ ଥାଏ ମଉସାଙ୍କ ଚାଳିଆ । ଗତ ୫୦ ବର୍ଷରୁ ଅଧିକ ସମୟ ହୋଇଯିବ ମଉସା ଓ ମାଉସୀ ଖଟିଖିଆଙ୍କ ଅନ୍ନଦାତା ପାଲଟିଛନ୍ତି । କେବଳ ଖଟିଖିଆ କାହିଁକି ପାଠପଢା ଛାତ୍ରଛାତ୍ରୀଙ୍କ ଗହଳି ମଧ୍ୟ ଏଠାରେ ଦେଖାଯାଏ । ସବୁଠାରୁ ବଡ଼କଥା ଦୋକାନରୁ ଯେତିକି ରୋଜଗାର ହୁଏ ଦୁହେଁ ଖୁବ୍ ଆନନ୍ଦର ସହିତ ଚଳିଥାନ୍ତି । ହସ ହସ ମୁହଁରେ ଦୁର୍ଯ୍ୟୋଧନ ମଉସା କୁହନ୍ତି, ଗ୍ରାହକ ମୋ ପାଇଁ ଭଗବାନ । ଯେତେବେଳେ ଗ୍ରାହକଟିଏ ଖାଦ୍ୟ ଖାଇସାରିଲା ପରେ ଆତ୍ମତୃପ୍ତିପାଆନ୍ତି ତାହା ମୋତେ ଆନନ୍ଦ ଦେଇଥାଏ ।

14 shares

😢

Samaja

Mar 20, 2026, 03:25 AM

ମଧ୍ୟପ୍ରାଚ୍ୟ ଯୁଦ୍ଧ ଶୀଘ୍ର ଶେଷ ହେବ, ଇସ୍ରାଏଲ ଜିତିବ ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁ

ଇସ୍ରାଇଲ:ମଧ୍ୟପ୍ରାଚ୍ୟ ଯୁଦ୍ଧକୁ ନେଇ ଇସ୍ରାଇଲ ପ୍ରଧାନମନ୍ତ୍ରୀଙ୍କ ବଡ ବୟାନ। ସେ କହିଛନ୍ତି ଖୁବଶୀଘ୍ର ସରୁଛି ଏହି ଯୁଦ୍ଧ। ଯୁଦ୍ଧରେ ଇସ୍ରାଇଲ ମଧ୍ୟ ଜିତୁଛି ବୋଲି କହିଲେ ବେଞ୍ଜାମିନ ନେତାନ୍ୟାହୁ। ମୋର ନାଁରେ ମିଛ ପ୍ରଚାର ହେଉଛି ।ମୁଁ ଜୀବିତ ଅଛି ଏବଂ ଆପଣମାନେ ସମସ୍ତେ ଏହାର ସାକ୍ଷୀ । ଇରାନର ପରମାଣୁ ଓ ମିଶାଇଲ ଶକ୍ତିକୁ ଶେଷ କରିବା ଆମର ଲକ୍ଷ୍ୟ। ସେ ଆହୁରି ମଧ୍ୟ କହିଛନ୍ତି, ଇରାନ ଶାସନ ବ୍ୟବସ୍ଥା କେବଳ ଇସ୍ରାଇଲ ପାଇଁ ନୁହେଁ । ଏହା ସାରା ବିଶ୍ଵପାଇଁ ବିପଦ।

100 shares

😢

Odisha Bhaskar

Mar 20, 2026, 03:09 AM

କାଉଣ୍ଟି ଚାମ୍ପିଅନ୍ସିପ୍ ଋତୁ ପୂର୍ବରୁ ବଲ୍ ଅଭାବ ହେତୁ ବିଶ୍ୱବ୍ୟାପୀ ଉତ୍ତେଜନା କ୍ରିକେଟ୍ ବିଶ୍ୱକୁ ପ୍ରଭାବିତ କରିଛି

ନୂଆଦିଲ୍ଲୀ:ଇରାନ, ଇସ୍ରାଏଲ ଏବଂ ଆମେରିକା ମଧ୍ୟରେ ଚାଲିଥିବା ଯୁଦ୍ଧ ବେଳକୁ ବେଳ ତୀବ୍ର ହେଉଛି ପଛେ, କମିବାର ନାଁ ଧରୁନି । ହଜାର ହଜାର ଜୀବନ ବି ଗଲାଣି । ସମଗ୍ର ପଶ୍ଚିମ ଏସୀୟ ଅଞ୍ଚଳ ଏବେ ଅଶାନ୍ତରେ ଭରି ରହିଛି । ଗୋଟିଏ ପଟେ, ବିଶାଳ ତେଲ ଏବଂ ଗ୍ୟାସ୍ ଟ୍ୟାଙ୍କର ସମୁଦ୍ରରେ ଫସି ରହିଛି; ଅନ୍ୟପଟେ, ହଜାର ହଜାର ଯାତ୍ରୀ ବିଭିନ୍ନ ବିମାନବନ୍ଦରରେ ଫସି ରହିଛନ୍ତି। ଏହି ପରିସ୍ଥିତିର ପ୍ରତିଫଳ ଏବେ ଧୀରେ ଧୀରେ ବିଶ୍ୱର ଅନ୍ୟାନ୍ୟ ଅଂଶରେ ପଡ଼ିବା ଆରମ୍ଭ କଲଣି । ଏବଂ ଏଥିରୁ ବାଦ୍ ପଡ଼ିନି କ୍ରିକେଟ ଜଗତ । ଇଂଲାଣ୍ଡରେ ଆସନ୍ତା ୩ ଏପ୍ରିଲ୍‌ରୁ ଆରମ୍ଭ ହେବାକୁ ଯାଉଥିବା କାଉଣ୍ଟି ଚ୍ୟାମ୍ପିୟନଶିପ୍ ସିଜନ୍ ପୂର୍ବରୁ ବଡ଼ ସମସ୍ୟା ଦେଖାଦେଇଛି। ସେଠାରେ କ୍ରିକେଟ୍ ବଲ୍‌ର ଅଭାବକୁ ନେଇ ଏବେ ସମସ୍ତଙ୍କ ଚିନ୍ତା ବଢ଼ିଗଲାଣି । ବ୍ରିଟିଶ ଖବରକାଗଜର ଏକ ରିପୋର୍ଟ ପ୍ରକାଶ କରିଛି ଯେ ଇଂଲଣ୍ଡ କ୍ରିକେଟ୍ ବୋର୍ଡ ଘରୋଇ କାଉଣ୍ଟି ଚାମ୍ପିଅନସିପ୍ ସିଜିନ୍ ପୂର୍ବରୁ ବଲ୍ ଅଭାବର ସମ୍ମୁଖୀନ ହେଉଛି, ଯାହା ଏପ୍ରିଲ୍ 3 ତାରିଖରେ ଆରମ୍ଭ ହେବାକୁ ଯାଉଛି। ଇଂରାଜୀ କାଉଣ୍ଟି ଚାମ୍ପିଅନସିପ୍‌ରେ 18 ଜଣ ଅଂଶଗ୍ରହଣକାରୀ ଦଳ ଅଛନ୍ତି ଏବଂ ସେମାନେ “ଡ୍ୟୁକ୍ସ” କ୍ରିକେଟ୍ ବଲ୍ ବ୍ୟବହାର କରନ୍ତି। ଏହି ବଲ୍‌ଗୁଡ଼ିକ ଇଂରାଜୀ କମ୍ପାନୀ ଡ୍ୟୁକ୍ସ ଦ୍ୱାରା ନିର୍ମିତ ହୋଇଥିଲେ ମଧ୍ୟ, ଦକ୍ଷିଣ ଏସିଆ ସେମାନଙ୍କର ଉତ୍ପାଦନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ – ଏକ ପ୍ରକ୍ରିୟା ଯାହା ବର୍ତ୍ତମାନ ଚାଲିଥିବା ସଂଘର୍ଷ ଦ୍ୱାରା ବାଧାପ୍ରାପ୍ତ ହେଉଛି। LNG ଗ୍ୟାସ ଉପରେ ଆକ୍ରମଣ, କତାର କହିଲା ଭୟଙ୍କର… ଟ୍ରମ୍ପଙ୍କ ବଡ଼ U-ଟର୍ନ! ଇରାନୀ ତେଲ ଉପରୁ… ବିଭ୍ରାଟର କାରଣ ରିପୋର୍ଟ ଅନୁଯାୟୀ, କାଉଣ୍ଟି ସିଜିନ୍ ପାଇଁ ବାର୍ଷିକ ପ୍ରାୟ 4,000 ରୁ 5,000 ବଲ୍ ବ୍ୟବହୃତ ହୁଏ, ଏବଂ ଏହି ବଲ୍‌ଗୁଡ଼ିକ ଦକ୍ଷିଣ ଏସିଆ (ପ୍ରାଥମିକ ଭାବରେ ଭାରତ) ରୁ ଆଣନ୍ତି। ଯଦିଓ ବଲ୍‌ରେ ବ୍ୟବହୃତ ଚମଡା ଏବଂ ଅନ୍ୟାନ୍ୟ କଞ୍ଚାମାଲ ଇଂଲଣ୍ଡରୁ ଯୋଗାଣ କରାଯାଏ, ଏହି ବଲ୍‌ଗୁଡ଼ିକ ଉପରେ ହାତ-ସିଲାଇ ଦକ୍ଷିଣ ଏସିଆରେ କରାଯାଏ। ଡ୍ୟୁକ୍ସର ମାଲିକ ଦିଲୀପ ଜାଜୋଡିଆ ଖବରକାଗଜକୁ କହିଛନ୍ତି ଯେ ପର୍ଯ୍ୟାପ୍ତ ପରିମାଣର ବଲ୍ ପୂର୍ବରୁ ପ୍ରସ୍ତୁତ ହୋଇସାରିଛି ଏବଂ ପଠାଯିବା ପାଇଁ ପ୍ରସ୍ତୁତ ଅଛି; ତଥାପି, ବର୍ତ୍ତମାନ ସାମ୍ନାକୁ ଆସୁଥିବା ଗୁରୁତ୍ୱପୂର୍ଣ୍ଣ ଲଜିଷ୍ଟିକ୍ ବାଧା ଏବଂ ପ୍ରତିବନ୍ଧକ ଯୋଗୁଁ ଏୟାରଲାଇନ୍ସଗୁଡ଼ିକ ବର୍ତ୍ତମାନ ସେଗୁଡ଼ିକୁ ପରିବହନ କରିପାରୁନାହାଁନ୍ତି। ସେ ଆହୁରି ଉଲ୍ଲେଖ କରିଛନ୍ତି ଯେ ବଲ୍ ଆମଦାନୀ କରିବାର ମୂଲ୍ୟ ପ୍ରତି କିଲୋଗ୍ରାମ ପିଛା 5 ପାଉଣ୍ଡରୁ ବଢି 15 ପାଉଣ୍ଡ ପର୍ଯ୍ୟନ୍ତ ବୃଦ୍ଧି ପାଇଛି। ସେ ଆହୁରି ମଧ୍ୟ କହିଛନ୍ତି ଯେ ସେମାନେ ଆବଶ୍ୟକ ବଲର କେବଳ 50 ପ୍ରତିଶତ ଯୋଗାଇ ପାରିବେ। ECB ଏହି ସମସ୍ୟାକୁ ଅସ୍ୱୀକାର କରିଛି ତଥାପି, ଇଂଲଣ୍ଡ କ୍ରିକେଟ୍ ବୋର୍ଡ ଏପରି କୌଣସି ସମସ୍ୟାର ଉପସ୍ଥିତିକୁ ଖାରଜ କରିଛି। ବୋର୍ଡ କହିଛି ଯେ ସେମାନେ ପୂର୍ବରୁ ପର୍ଯ୍ୟାପ୍ତ ପରିମାଣର ବଲ୍ ସଂଗ୍ରହ କରି ସମସ୍ତ କାଉଣ୍ଟି କ୍ଲବକୁ ବଣ୍ଟନ କରିଛନ୍ତି। ବୋର୍ଡ ସ୍ପଷ୍ଟ କରିଛି ଯେ କାଉଣ୍ଟି ଚାମ୍ପିଅନସିପ୍ ସିଜିନ୍ ପ୍ରଭାବିତ ହେବ ନାହିଁ କିମ୍ବା ଘରୋଇ ଟେଷ୍ଟ ସିଜିନ୍ ଉପରେ କୌଣସି ପ୍ରଭାବ ପଡ଼ିବ ନାହିଁ, ଯାହା ଜୁନ୍ 4 ରେ ଇଂଲଣ୍ଡ-ନ୍ୟୁଜିଲ୍ୟାଣ୍ଡ ସିରିଜ୍ ସହିତ ଆରମ୍ଭ ହେବାକୁ ଯାଉଛି।

9 shares

😢

Samaja

Mar 20, 2026, 03:01 AM

ମଧ୍ୟପ୍ରାଚ୍ୟ ବିବାଦ ବୃଦ୍ଧି ପାଇଛି ଇରାନ କତାର ଏବଂ ସାଉଦି ଆରବକୁ ଟାର୍ଗେଟ କରୁଛି

ତେହେରାନ, ୧୯ା୩: ମଧ୍ୟପ୍ରାଚ୍ୟ ଯୁଦ୍ଧ ଇତିମଧ୍ୟରେ ତୃତୀୟ ସପ୍ତାହରେ ପଦାର୍ପଣ କରିଛି। ଆମେରିକା ଓ ଇସ୍ରାଏଲ ପକ୍ଷରୁ ଇରାନ ଉପରେ ଆକ୍ରମଣ ସାମାନ୍ୟ ଧିମା ପଡିଥିବାବେଳେ ଇରାନ କିନ୍ତୁ ମଧ୍ୟପ୍ରାଚ୍ୟର ଏକାଧିକ ଆମେରିକା ସମର୍ଥିତ ରାଷ୍ଟ୍ର ଉପରେ ଆକ୍ରମଣକୁ ଜୋରଦାର କରିଛି। ଇରାନ ପକ୍ଷରୁ କାତାରର ରାସ୍‌ ଲାଫାନ୍‌ ସହରରେ ଥିବା ବିଶ୍ବର ବୃହତ୍ତମ ଗ୍ୟାସ୍‌ ଭଣ୍ଡାର ଉପରେ କ୍ଷେପଣାସ୍ତ୍ର ମାଡ କରାଯାଇଛି। ଫଳରେ ଏହି ଗ୍ୟାସ୍‌ ଭଣ୍ଡାର କ୍ଷତିଗ୍ରସ୍ତ ହେବାସହିତ ଉତ୍ପାଦନ ସମ୍ପୂର୍ଣ୍ଣ ବନ୍ଦ ଥିବା ଜଣାପଡିଛି। ଏହି ଗ୍ୟାସ୍‌ ଭଣ୍ଡାରରୁ ଉତ୍ପାଦନ ବନ୍ଦ ହୋଇଥିବାରୁ ଭାରତ ପାଇଁ ସମସ୍ୟା ସୃଷ୍ଟି କରିଛି। ଭାରତ କାତାରରୁ ୪୭ ପ୍ରତିଶତ ଗ୍ୟାସ୍‌ ଆମଦାନୀ କରିଥାଏ। ଅପରପକ୍ଷରେ ଇରାନ ପକ୍ଷରୁ ସାଉଦି ଆରବର ରାଜଧାନୀ ରିୟାଦ ଉପରେ ମଧ୍ୟ କ୍ଷେପଣାସ୍ତ୍ର ଆକ୍ରମଣ କରାଯାଇଛି। ରିୟାଦରେ ଏକାଧିକ ଇସଲାମିକ୍‌ ରାଷ୍ଟ୍ରର ବୈଦେଶିକ ମନ୍ତ୍ରୀଙ୍କ ସମ୍ମିଳନୀ ଚାଲିଥିବାବେଳେ ଇରାନର ଏଭଳି ଆକ୍ରମଣକୁ ସାଉଦି ଆରବ ଗୁରୁତ୍ବର ସହ ଗ୍ରହଣ କରିଛି। ଇରାନକୁ ଧମକ ଦେଇ ସାଉଦି ବିଦେଶ ମନ୍ତ୍ରୀ ପ୍ରିନ୍ସ ଫୈଜଲ ବିନ୍‌ ଫରହାନ ଅଲ୍‌ ସାଉଦ୍‌ କହିଛନ୍ତି ଯେ ଇରାନ ପକ୍ଷରୁ ବାରମ୍ବାର ଆକ୍ରମଣ କରାଯାଉଥିବାରୁ ସାଉଦି ଆରବର ଧୈର୍ଯ୍ୟଚ୍ୟୁତି ଘଟିଲାଣି। ଇରାନ ଯଦି ଏଭଳି ଆକ୍ରମଣ ବନ୍ଦ ନ କରେ ତେବେ ସାଉଦି ଆରବ ଏହି ଯୁଦ୍ଧରେ ସାମିଲ ହେବାକୁ ବାଧ୍ୟ ହେବ ବୋଲି ଫୈଜଲ ଧମକ ଦେଇଛନ୍ତି। ସୂଚନାଯୋଗ୍ୟ ଫେବୃଆରୀ ୨୮ରୁ ଆମେରିକା-ଇସ୍ରାଏଲ ଏବଂ ଇରାନ ମଧ୍ୟରେ ଯୁଦ୍ଧ ଆରମ୍ଭ ହେବାପରଠାରୁ ଇରାନ ସାଉଦି ଆରବ ଉପରେ ଏକାଧିକ ଥର ଆକ୍ରମଣ କରାଯାଇଛି। ମାର୍ଚ୍ଚ ୧ରେ ରିୟାଦ ବିମାନ ବନ୍ଦର ଓ ପ୍ରିନ୍ସ ସୁଲତାନ ବାୟୁସେନା ଘାଟି ଉପରେ କ୍ଷେପଣାସ୍ତ୍ର ମାଡ କରାଯାଇଥିବାବେଳେ ମାର୍ଚ୍ଚ ୨ରେ ରାସ୍‌ ତାନୁରା ତୈଳ ବିଶୋଧନାଗାର ଉପରେ ଡ୍ରୋନ ଆକ୍ରମଣ କରାଯାଇଥିଲା। ମାର୍ଚ୍ଚ ୮ରେ ଅଲ୍‌-ଖାର୍ଜସ୍ଥିତ ଏକ ଜନବସତି ଉପରେ ଡ୍ରୋନ ମାଡ ଯୋଗୁଁ ଦୁଇଜଣଙ୍କର ମୃତ୍ୟୁ ଘଟିଥିଲା। ମାର୍ଚ୍ଚ ୧୪ରେ କ୍ଷେପଣାସ୍ତ୍ର ମାଡରେ ପ୍ରିନ୍ସ ସୁଲତାନ ଘାଟିରେ ଥିବା ଆମେରିକାର ପାଞ୍ଚଟି ରିଫ୍ୟୁଏଲିଂ ଯୁଦ୍ଧ ବିମାନ କ୍ଷତିଗ୍ରସ୍ତ ହୋଇଥିଲା। ଅପରପକ୍ଷରେ ଇରାନ ବିପକ୍ଷ ଯୁଦ୍ଧ ଖର୍ଚ୍ଚ ବୃଦ୍ଧି ପାଉଥିବାରୁ ଆମେରିକାର ପ୍ରତିରକ୍ଷା ବିଭାଗ ପେଣ୍ଟାଗନ ପକ୍ଷରୁ ଅଧିକ ୨୦୦ ବିଲିୟନ ଡଲାର ଅର୍ଥ ମଞ୍ଜୁର କରିବାକୁ ଆମେରିକୀୟ କଂଗ୍ରେସକୁ ଅନୁରୋଧ କରାଯାଇଛି। କାତାରର ଗ୍ୟାସ୍‌ ଭଣ୍ଡାର ଉପରେ ଆକ୍ରମଣ ହେବା ପରେ ସେଠାରେ ଥିବା ଇରାନ ଦୂତାବାସର ମିଲିଟାରୀ ଓ ସିକ୍ୟୁରିଟି ପରାମର୍ଶଦାତାଙ୍କୁ ଚବିଶ ଘଣ୍ଟା ମଧ୍ୟରେ ଦେଶ ଛାଡିବାକୁ ନିର୍ଦେଶ ଦିଆଯାଇଛି। ଇରାନ ପକ୍ଷରୁ ହର୍ମୁଜ ପ୍ରଣାଳୀ ସମୁଦ୍ର ଶଯ୍ୟାରେ ବିଛାଯାଇଥିବା ଇଣ୍ଟରନେଟ କେବୁଲ କାଟିବାକୁ ଧମକ ଦିଆଯାଇଛି। ଇରାନ ଯଦି ଏହି ନିଷ୍ପତ୍ତିକୁ କାର୍ଯ୍ୟକାରୀ କରେ, ତେବେ ବିଶ୍ବରେ ଇଣ୍ଟରନେଟ ସେବା ଗୁରୁତର ବାଧାପ୍ରାପ୍ତ ହେବ ବୋଲି ଆଶଙ୍କା ଉପୁଜିଛି। ଲୋହିତ ସାଗର ଓ ହର୍ମୁଜ ପ୍ରଣାଳୀସ୍ଥିତ ସମୁଦ୍ର ଶଯ୍ୟାରେ ପ୍ରାୟ ୨୦ଟି ଇଣ୍ଟରନେଟ କେବୁଲ ବିଛାଯାଇଛି। ମଧ୍ୟପ୍ରାଚ୍ୟ ଯୁଦ୍ଧ ଯୋଗୁ ଗୁରୁବାର ଭାରତୀୟ ଷ୍ଟକ୍‌ ଏକ୍ସଚେଞ୍ଜ‌ ଉପରେ ପ୍ରତିକୂଳ ପ୍ରଭାବ ପଡିଛି। ସେନସେକ୍ସ ଓ ନିଫ୍‌ଟି ସୂଚକାଙ୍କା ଯଥେଷ୍ଟ ହ୍ରାସ ପାଇଥିବାବେଳେ ନିବେଶକାରୀ ଗୋଟିଏ ଦିନରେ ୧୨ ଲକ୍ଷ କୋଟି ଟଙ୍କାର ପୁଞ୍ଜି ହରାଇଛନ୍ତି।

24 shares

😢

Odisha Bhaskar

Mar 20, 2026, 02:47 AM

ଶକ୍ତି ସଙ୍କଟ ମଧ୍ୟରେ ପାକିସ୍ତାନ ଗଣତନ୍ତ୍ର ଦିବସ ପାଳନ ବାତିଲ କଲା

34 shares

😢

Prameya

Mar 20, 2026, 02:45 AM

ଗୁରୁତ୍ୱପୂର୍ଣ୍ଣ ସାମୁଦ୍ରିକ ମାର୍ଗରେ ଇରାନ୍ର ଆକ୍ରମଣକୁ ଅନ୍ତର୍ଜାତୀୟ ସମୁଦାୟ ନିନ୍ଦା କରିଛି

ନୂଆଦିଲ୍ଲୀ,୨୦/୦୩ :ଭୟଙ୍କର ରୂପ ନେଉଛି ମଧ୍ୟପ୍ରାଚ୍ୟ ଯୁଦ୍ଧ । ଇସ୍ରାଏଲ- ଆମେରିକା ଏବଂ ଇରାନ ମଧ୍ୟରେ ଯୁଦ୍ଧର ୨୧ ଦିନରେ ପହଞ୍ଚିଛି । ଏହି ଯୁଦ୍ଧ ମଧ୍ୟରେ ଅଦ୍ୟାବଧି ଇରାନକୁ ବିପୁଳ କ୍ଷୟକ୍ଷତି ହୋଇଛି । ହୋର୍ମୁଜ ପ୍ରଣାଳୀରେ ବଢୁଥିବା ଉତ୍ତେଜନା ମଧ୍ୟରେ ୟୁରୋପ ଏବଂ ଜାପାନ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇ ସଙ୍କେତ ଦେଇଛନ୍ତି । ବ୍ରିଟେନ, ଫ୍ରାନ୍ସ, ଜର୍ମାନୀ, ଇଟାଲୀ, ନେଦରଲ୍ୟାଣ୍ଡ ଏବଂ ଜାପାନ ଏକ ବିବୃତ୍ତି ଜାରି କରି କହିଛନ୍ତି ଯେ ସେମାନେ ଏହି ଗୁରୁତ୍ୱପୂର୍ଣ୍ଣ ସମୁଦ୍ର ପଥରେ ଜାହାଜଗୁଡିକରେ ସୁରକ୍ଷିତ ପଥ ସୁନିଶ୍ଚିତ କରିବାକୁ ପ୍ରସ୍ତୁତ । ଏହି ଦେଶଗୁ଼ଡିକ ଇରାନ ଦ୍ୱାରା ହୋଇଥିବା ସମ୍ପ୍ରତି ଆକ୍ରମଣକୁ ଦୃଢ ନିନ୍ଦା କରିଛନ୍ତି । ଏପରି ଆକ୍ରମଣ ବିଶ୍ୱ ଶକ୍ତି ଯୋଗାଣକୁ ଗମ୍ଭୀର ଭାବରେ ପ୍ରଭାବିତ କରିଛି । ବିବୃତ୍ତିରେ କୁହାଯାଇଛି ଯେ, ଏହି ଗୁରୁତ୍ୱପୂର୍ଣ୍ଣ ସମୁଦ୍ର ପଥରେ ଶକ୍ତି ବଜାର ସ୍ଥିରତା ଏବଂ ସ୍ୱାଭାବିକ ଯାତାୟତ ପ୍ରବାହ ସୁନିଶ୍ଚିତ କରିବାକୁ ସମସ୍ତ ଦେଶ ମିଳିତ ଭାବରେ କାର୍ଯ୍ୟ କରିବେ । ରଏଟର୍ସ ଅନୁଯାୟୀ, ବିବୃତ୍ତିରେ କତାର ଏବଂ ସାଉଦି ଆରବର ତୈଳ ଏବଂ ଗ୍ୟାସ ପ୍ଲାଣ୍ଟ ଉପରେ ହୋଇଥିବା ଆକ୍ରମଣକୁ ମଧ୍ୟ ନିନ୍ଦା କରାଯାଇଛି । କତାର ଏନର୍ଜି ଅନୁଯାୟୀ, ଆକ୍ରମଣରେ ସେମାନଙ୍କର ୧୭ ପ୍ରତିଶତ ଏଲଏନଜି ରପ୍ତାନୀ କ୍ଷମତାକୁ ପ୍ରଭାବିତ କରିଛି । ଯାହା ଫଳରେ ବାର୍ଷିକ ପ୍ରାୟ ୨୦ ବିଲିୟନ ଡଲାର ରାଜସ୍ୱ କ୍ଷତି ହୋଇଛି । ଶକ୍ତି ଉତ୍ପାଦନ ବୃଦ୍ଧି ଏବଂ ବଜାରକୁ ସ୍ଥିରତା କରିବା ପାଇଁ ଦେଶଗୁଡିକ ଉତ୍ପାଦକ ରାଷ୍ଟ୍ରଗୁଡିକ ସହିତ କାମ କରିବାକୁ ପ୍ରତିଶ୍ରୁତି ଦେଇଛନ୍ତି । ବିଶ୍ୱରେ ଅଶୋଧିକ ତୈଳ ଏବଂ ଏଲପିଜି ଯୋଗାଣର ଏକ ପ୍ରମୁଖ ପଥ, ହୋର୍ମୁଜ ପ୍ରଣାଳୀ ବର୍ତ୍ତମାନ ଗୁରୁତର ସଙ୍କଟରେ ରହିଛି । ଇରାନ ଦ୍ୱାରା ଡ୍ରୋନ୍‌ ଏବଂ ବିସ୍ଫୋରକ ଡଙ୍କା ବ୍ୟବହାର କରି ବାଣିଜ୍ୟ ଜାହାଜ ଉପରେ ଆକ୍ରମଣ ପରେ ପରିବହନ ପ୍ରାୟତଃ ବନ୍ଦ ହୋଇଯାଇଛି । ହୋର୍ମୁଜ ପ୍ରଣାଳୀ ବାହାରେ ଶହ ଶହ ଜାହାଜ ଫିସ ରହିଛି । ଯାହା ଫଳରେ ଭାରତ ସମେତ ଅନେକ ଦେଶକୁ ଯୋଗାଣ ବାଧାପ୍ରାପ୍ତ ହୋଇଛି ।ଯେତେବେଳେ ଇରାନ ଉପସାଗରୀୟ ଅଞ୍ଚଳରେ ତୈଳ ଏବଂ ଗ୍ୟାସ ସୁବିଧା ଉପରେ ପ୍ରତିଶୋଧମୂଳକ ଆକ୍ରମଣ ଆରମ୍ଭ କଲା କତାର ଏବଂ ସାଉଦି ଆରବର ପ୍ରମୁଖ ଶକ୍ତି କେନ୍ଦ୍ରଗୁଡିକୁ କ୍ଷତି ପହଞ୍ଚାଇଲା । ଉତ୍ପାଦନ ପ୍ରଭାବିତ ହେଲା । ଉତ୍ତେଜନା ଆହୁରି ବୃଦ୍ଧି ପାଇଲା । ଚାପ କମାଇବାକୁ ଅପିଲ୍-ଏହି ଦେଶଗୁଡ଼ିକ ସ୍ପଷ୍ଟ କରିଛନ୍ତି ଯେ ସେମାନେ ବିଶ୍ୱ ବଜାର ଉପରେ ଚାପ ହ୍ରାସ କରିବା ପାଇଁ ଉତ୍ପାଦନ ବୃଦ୍ଧି କରିବା ପାଇଁ ଶକ୍ତି ଉତ୍ପାଦନକାରୀ ଦେଶମାନଙ୍କ ସହିତ ମଧ୍ୟ କାମ କରିବେ । ସେମାନେ ଇରାନକୁ ତୁରନ୍ତ ଆକ୍ରମଣ ବନ୍ଦ କରିବା ଏବଂ ଆଞ୍ଚଳିକ ସ୍ଥିରତା ବଜାୟ ରଖିବା ପାଇଁ ମଧ୍ୟ ଅନୁରୋଧ କରିଛନ୍ତି। "ଆମେ କିଛି ଉତ୍ପାଦକ ଦେଶଙ୍କ ସହଯୋଗରେ ଉତ୍ପାଦନ ବୃଦ୍ଧି କରିବା ପାଇଁ ଅନ୍ୟାନ୍ୟ ପଦକ୍ଷେପ ନେବୁ ବୋଲି ବିବୃତ୍ତିରେ କୁହାଯାଇଛି । ଏହା ବି ପଢନ୍ତୁ...ଆମେରିକାର ଏଫ୍-୩୫ ବିମାନକୁ ଇରାନର ହମଲା, କ୍ଷତିଗ୍ରସ୍ତ ପରେ କଲା ଜରୁରି ଅବତରଣ ହୋର୍ମୁଜ ଦେଇ ସୁରକ୍ଷିତ ରାସ୍ତା ପାଇଁ ଏହି ଦେଶ ଗୁଡିକ ଚେତାବନୀ ଦେଇଛନ୍ତି କି ଆକ୍ରମଣର ପ୍ରଭାବ ଏହି ଅଞ୍ଚଳ ବାହାରେ ବହୁ ଦୂରରେ ଅନୁଭୂତ ହେବ । ବିବୃତ୍ତିରେ କୁହାଯାଇଛି ଯେ, ଇରାନର କାର୍ଯ୍ୟ ବିଶ୍ୱର ପ୍ରତ୍ୟେକ ଅଂଶର ଲୋକଙ୍କୁ ପ୍ରଭାବିତ କରିବ । ବିଶେଷ କରି ସବୁଠାରୁ ଦୁର୍ବଳ । ସାମୁଦ୍ରିକ ଯାତାୟତରେ ହସ୍ତକ୍ଷେପ ଏବଂ ଶକ୍ତି ଯୋଗାଣ ଶୃଙ୍ଖଳରେ ବାଧା ଆନ୍ତର୍ଜାତୀୟ ଶାନ୍ତି ଏବଂ ସୁରକ୍ଷା ପାଇଁ ସିଧାସଳଖ ବିପଦ ସୃଷ୍ଟି କରେ . ନାଗରିକ ଭିତ୍ତିଭୂମି ଉପରେ ଆକ୍ରମଣକୁ ସମ୍ପୂର୍ଣ୍ଣ ବନ୍ଦ କରିବାକୁ ଆହ୍ୱାନ କରାଯାଇଛି ।

35 shares

😢

Odisha Bhaskar

Mar 20, 2026, 02:33 AM

ଚୈତ୍ର ନବରାତ୍ରି ବ୍ରହ୍ମ ଯୋଗ, ରେବତୀ ନକ୍ଷତ୍ର, ଏବଂ ଭଗବାନ ଝୁଲେଲାଲଙ୍କ ଜନ୍ମ ବାର୍ଷିକୀରୁ ରାଶିଚକ୍ର ଚିହ୍ନଗୁଡ଼ିକ ମୁହଁର ପ୍ରଭାବ

16 shares

😊

Sambad

Mar 20, 2026, 02:30 AM

ମିଳିତ ଜାତିସଂଘର ବିଶ୍ୱ ସୁଖ ଦିବସ ପାଳନ; ପାରମ୍ପରିକ ଉତ୍ସବ ସହିତ ବିଶ୍ୱ ପାଖଲ ଦିବସ ପାଳନ କଲା ଓଡ଼ିଆ

ପ୍ରଭାତ କୁମାର ନନ୍ଦ ମାର୍ଚ୍ଚ ୨୦ ତାରିଖ ଅନ୍ତର୍ଜାତୀୟ ସ୍ତରରେ ଏକ ଗୁରୁତ୍ୱପୂର୍ଣ୍ଣ ଦିବସ। ଏହି ଦିନକୁ ବ୍ୟକ୍ତିଗତକଲ୍ୟାଣ, ସାମାଜିକ ସ୍ୱାସ୍ଥ୍ୟ ଓ ବିକାଶ ନିମିତ୍ତ ଉତ୍ସର୍ଗ କରାଯାଇଛି। ମିଳିତ ଜାତିସଂଘ ୨୦୧୨ ମସିହା ଜୁଲାଇ ୧୨ ତାରିଖରେ ମାନବ ଜୀବନର ଖୁସି ଓ କଲ୍ୟାଣ ନିମନ୍ତେ ‘ବିଶ୍ବ ଖୁସି ଦିବସ’ ପାଳନ କରିବା ଲାଗି ନିଷ୍ପତ୍ତି ନେଇଥିଲେ। ସଂଯୋଗ କ୍ରମେ ମାର୍ଚ୍ଚମାସ ୨୦ ତାରିଖକୁ ‘ବିଶ୍ୱ ପଖାଳ ଦିବସ’ ଭାବରେ ପାଳନ କରାଯାଉଛି। ୨୦୧୧ ମସିହାଠାରୁ ପୃଥିବୀର ବିଭିନ୍ନ ଦେଶରେ ଓଡ଼ିଆମାନେ ଓ ଅନ୍ୟ ଜନସମାଜ ଏହାକୁ ପାଳନ କରୁଛନ୍ତି। Pakhala Parab: ଓଡ଼ିଶାର ରୋଷେଇ ପରମ୍ପରାର ଦୁଇ ଦିନିଆ ଉତ୍ସବ ଆରମ୍ଭ ଓଡ଼ିଶା ବ୍ୟତୀତ ପଶ୍ଚିମବଙ୍ଗ, ଛତିଶଗଡ଼, ତାମିଲନାଡୁ, ଝାଡ଼ଖଣ୍ଡ, ଆସାମର ବହୁ ଲୋକ ପଖାଳ ଖାଇବାକୁ ଭଲ ପାଆନ୍ତି। ସୁଦୂର ୟୁରୋପ, ଆମେରିକା, ଆଫ୍ରିକା ପ୍ରଭୃତି ମହାଦେଶରେ ଓଡ଼ିଆମାନେ ପଖାଳ ଖାଇ ତା’ର ପ୍ରସିଦ୍ଧିକୁ ବିଶ୍ୱବ୍ୟାପୀ କରାଇଲେଣି। ଭାତ ରନ୍ଧା ହୋଇ ସାରିଲାପରେ ସେଥିରେ ପାଣି ମିଶାଇ ଗ୍ରହଣ କଲେ, ତାହାକୁ ସଜ ପଖାଳ କୁହାଯାଏ। ସେହି ପାଣି ମିଶା ଭାତକୁ ପରଦିନ ଗ୍ରହଣ କଲେ ତାହା ଅଧିକ ଅମ୍ଳଯୁକ୍ତ ହୋଇଥାଏ। ତାହାକୁ ବାସି ପଖାଳ କୁହାଯାଏ। ପଖାଳ ସହ ବିଭିନ୍ନ ଖାଦ୍ୟ ଦ୍ରବ୍ୟକୁ ମିଶ୍ରଣ କରି ଜିରା ପଖାଳ, ଦହିପଖାଳ, ଚାଇଁ ପଖାଳ, ପାଣି ପଖାଳ, ଅଦା ପଖାଳ, ସୁଗନ୍ଧି ବା ସୁବାସ ପଖାଳ, ଚିପୁଡ଼ା ପଖାଳ, ମିଠା ପଖାଳ, ଟଭା ପଖାଳ, ଘିଅ ପଖାଳ, ମଲ୍ଲୀଫୁଲ ପଖାଳ, ମେଥି ପଖାଳ ପ୍ରସ୍ତୁତ କରାଯାଇଥାଏ। Pakhala dibasa: ପଖାଳ ଦିବସ ହିଁ ଖୁସି ଦିବସ ଓଡ଼ିଶାରେ ଯେତେପ୍ରକାର ପଖାଳ ପ୍ରସ୍ତୁତ କରାଯାଇଥାଏ ତାହା ଅନ୍ୟତ୍ର ଦେଖାଯାଏ ନାହିଁ। ପଖାଳ ମହାପ୍ରଭୁଶ୍ରୀଜଗନ୍ନାଥଙ୍କରଅତି ପ୍ରିୟ ଆହାର। ପଖାଳ ଭଳି ସ୍ୱାସ୍ଥ୍ୟପ୍ରଦ ବ୍ୟଞ୍ଜନକୁ ମହାପ୍ରସାଦ ଶ୍ରେଣୀରେ ଅନ୍ତର୍ଭୁକ୍ତ କରାଯାଇ, ଛପନ ଭୋଗର ମହାତ୍ମ୍ୟ ଓ ଲୋକହିତକାରୀ ଭାବର ପ୍ରତିଷ୍ଠାକୁ ବହୁଗୁଣିତ କରାଯାଇଛି। ଓଡ଼ିଶାରେ ଦରିଦ୍ରଙ୍କଠାରୁ ଆରମ୍ଭକରି ଧନୀ ବ୍ୟକ୍ତି ପର୍ଯ୍ୟନ୍ତ ସମସ୍ତଙ୍କ ପାଇଁ ପଖାଳ ହେଉଛି ଅତିପ୍ରିୟ ଖାଦ୍ୟ। ସାଂସ୍କୃତିକ, ସ୍ୱାସ୍ଥ୍ୟଗତ, ସ୍ୱାଦଗତ ଓ ବ୍ୟଞ୍ଜନ ବିଳାସ ଦୃଷ୍ଟିରୁ ପଖାଳ ହେଉଛି ସମଗ୍ର ବିଶ୍ୱକୁ ଓଡ଼ିଆମାନଙ୍କ ସର୍ବୋତ୍ତମ ଉପହାର। ଏହି ଦୃଷ୍ଟିରୁ ବିଶ୍ୱ ପଖାଳ ଦିବସ ହିଁ ବିଶ୍ୱ ଖୁସି ଦିବସ।ମୋ: ୯୪୩୭୦୦୨୧୬୮

95 shares

😊

Prameya

Mar 20, 2026, 02:28 AM

ଭାରତୀୟ ସିନେମାରେ ରେକର୍ଡ ଭାଙ୍ଗି ଡେବ୍ୟୁ କଲା'ଧୁରନ୍ଧର 2 "

ମୁମ୍ୱାଇ,୨୦/୦୩: ଥିଏଟରକୁ ଆସିଛି ‘ଧୁରନ୍ଧର୍-୨’ । ଏଣିକି ସବୁ ରେକର୍ଡ ଭାଙ୍ଗିବ, ଯାହା ବିଷୟରେ କେହି ଭାବିନଥିବେ । ଫିଲ୍ମକୁ ନେଇ କ୍ରେଜ୍ ଗତ ବୁଧବାର ପେଡ୍ ପ୍ରିଭ୍ୟୁ ଶୋ’ରୁ ସ୍ପଷ୍ଟ ହୋଇଥିଲା । ସନ୍ଧ୍ୟାରେ ଦୁଇଟି ଶୋ’ରୁ ଫିଲ୍ମ ୪୩ କୋଟିକଲେକ୍ସନ୍ କରିଥିଲା । ଗୁରୁବାର ସକାଳୁ ଫିଲ୍ମର ଟିକଟ ବୁକିଂ ପ୍ଲାଟ୍ଫର୍ମରେ ରେସ୍ ଲାଗିଥିଲା । ଦିନରେ ମାତ୍ର ୧ ଘଣ୍ଟାରେ ୧ ଲକ୍ଷରୁ ଅଧିକ ଟିକଟ ବିକ୍ରି ହୋଇ ଏହା ‘ପୁଷ୍ପା-୨’ର ରେକର୍ଡ ଭାଙ୍ଗିଲା । ଟିକଟ ଚାହିଦା ଏତେ ବଢ଼ିଛି ଯେ ବକ୍ସ ଅଫିସ୍ରେ କଲେକ୍ସନ୍ ମିଟର ଉପରମୁହାଁ ହୋଇଛି । ଟ୍ରେଡ୍ ଟ୍ରାକିଂ ୱେବ୍ସାଇଟ ସ୍ୟାକ୍ନିଲ୍କ ଅନୁସାରେ, ଗତ ବୁଧବାର ସନ୍ଧ୍ୟାର ପେଡ୍ ପ୍ରିଭ୍ୟୁ ଶୋ’ର କଲେକ୍ସନ୍କୁ ମିଶାଇ ପ୍ରଥମ ଦିନ ସନ୍ଧ୍ୟା ସୁଦ୍ଧା ‘ଧୁରନ୍ଧର୍-୨’ର ନେଟ୍ କଲେକ୍ସନ୍ ୧୧୮ କୋଟି ଟପିଛି ।‘ପୁଷ୍ପା-୨’, ‘ଯବାନ’, ‘ପଠାନ’, ‘ଆନିମଲ’, ‘ସ୍ତ୍ରୀ’ ଓ ‘କେଜିଏଫ୍-୨’ ଭଳି ଫିଲ୍ମ ସବୁଠୁ ଶୀଘ୍ର ୧୦୦ କୋଟି ଆୟର ରେକର୍ଡ କରିଥିଲେ । ତେବେ ଏ ସମସ୍ତ ଫିଲ୍ମକୁ ୧୦୦ କୋଟି କଲେକ୍ସନ୍ ଲାଗି ୨ ଦିନ ଲାଗିଥିଲା । କିନ୍ତୁ ‘ଧୁରନ୍ଧର୍’ କେବଳ ପ୍ରିଭ୍ୟୁ ଶୋ’ ଓ ପ୍ରଥମ ଦିନରେ ଏହାକୁ ଟପିଛି । ଆହୁରି ପଢନ୍ତୁ-‘ଧୁରନ୍ଧର ୨’ OTT ରିଲିଜ : କେବେ ହେବ ରଣବୀର ସିଂହଙ୍କ ଫିଲ୍ମର ଷ୍ଟ୍ରିମିଂ ? ଅଦ୍ୟାବଧି କୌଣସି ହିନ୍ଦୀ ଫିଲ୍ମ ପ୍ରିଭ୍ୟୁ ଶୋ’ ସହିତ ପ୍ରଥମ ଦିନର କଲେକ୍ସନ୍କୁ ମିଶାଇ ୮୦ କୋଟି ଆୟ କରି ପାରିନଥିଲେ । ଗୁରୁବାର ସନ୍ଧ୍ୟା ସୁଦ୍ଧା ଫିଲ୍ମ ୯୦ କୋଟିରୁ ଅଧିକ କଲେକ୍ସନ୍ କରିଥିଲା । ଫିଲ୍ମକୁ ନେଇ ଅଭିନେତାଅଲ୍ଲୁ ଅର୍ଜୁନ କହିଛନ୍ତି, ଏହା ପ୍ରତି ଭାରତୀୟଙ୍କୁ ଗର୍ବିତ କରିବ । ରଣବୀର ଓ ଆର୍ମାଧବନଙ୍କ ପ୍ରଦର୍ଶନକୁ ସେ ପ୍ରଶଂସା କରିଛନ୍ତି । ତେବେ ଫିଲ୍ମର ଏକ ସିନ୍ରେ ପ୍ରଧାନମନ୍ତ୍ରୀ ମୋଦିଙ୍କୁ ଦେଖିବାକୁ ମିଳିଛି, ଯାହାକୁ ନେଇ ଦର୍ଶକଙ୍କ ମଧ୍ୟରେ ଚର୍ଚ୍ଚାବଢ଼ିଛି । ‘ଧୁରନ୍ଧର୍’ ଓ ଏହାର ସିକ୍ୱେଲର କପି ରାଇଟ୍-ସୁରକ୍ଷିତ ମର୍ଚାଣ୍ଡାଇଜ୍ର ଅନଧିକୃତ ବିକ୍ରି ଉପରେ ମାଡ୍ରାସ ହାଇକୋର୍ଟ ରୋକ ଲଗାଇଛନ୍ତି ।

58 shares

😢

Dharitri

Mar 20, 2026, 02:16 AM

ପାଖଲ ଏକ ପାରମ୍ପରିକ ଓଡ଼ିଆ ଖାଦ୍ୟ ଯାହା ଭାବପ୍ରବଣତା ସୃଷ୍ଟି କରିଥାଏ।

‘ପଖାଳ’ କେବଳ ଏକ ଖାଦ୍ୟ ନୁହେଁ, ବରଂ ଓଡ଼ିଆଙ୍କ ସହ ଜଡ଼ିତ ଏକ ଭାବପ୍ରବଣତା। ସାରା ବିଶ୍ୱରେ ଓଡ଼ିଆମାନେ ଯେଉଁଠି ଥାଆନ୍ତୁ ନା କାହିଁକି ପଖାଳ ପ୍ରତି ସବୁବେଳେ ରହିଆସିଛି ସେମାନଙ୍କ ଅତୁଟ ଆଗ୍ରହ। ବର୍ତ୍ତମାନର ଅତ୍ୟାଧୁନିକ ଯୁଗରେ ମଧ୍ୟ ଏହି ପାରମ୍ପରିକ ଖାଦ୍ୟ ନିଜର ସ୍ବାତନ୍ତ୍ର ବଜାୟ ରଖିବାରେ ସଫଳ ହୋଇଛି। ଧୀରେ ଧୀରେ ସହର ସଂସ୍କୃତିରେ, ଜନଜୀବନରେ ସାମିଲ ହୋଇଛିପଖାଳକଂସା। ଗାଁ ଚାଳଘରେ ରହି ଯାଇଥିବା ପଖାଳ ଏବେ ତାରକା ହୋଟେଲ ଏସି ରୁମ୍‌ରେ ଶୋଭାପାଉଛି। ପଖାଳର ମହକ ସବୁଆଡ଼େ ଅନୁଭୂତ ହେଉଛି। ଓଡ଼ିଆ ସଂସ୍କୃତିରେ ଏହାର ଗୁରୁତ୍ୱକୁ ଉପଲବ୍ଧି କରିବା ପାଇଁ ପ୍ରତିବର୍ଷ ମାର୍ଚ୍ଚ ୨୦କୁ ପଖାଳ ଦିବସ ଭାବେ ପାଳନ କରାଯାଉଛି। ଦ୍ୱିପ୍ରହର ହେଲେ ଏବେ ପ୍ରାୟ ହୋଟେଲ ଓ ରେଷ୍ଟୁରାଣ୍ଟରେ ପରଷାଯାଉଛି ଭଳିକି ଭଳି ପଖାଳକଂସା। ଏହାସାଙ୍ଗକୁ ଚୂନାମାଛ, ଶୁଖୁଆ ରାଇ, ଶୁଖୁଆପୋଡ଼ା, ଶାଗଭଜା, ବଢ଼ିଚୂରା, କଖାରୁଫୁଲ ପିଠା, ଚିଙ୍ଗୁଡ଼ି ଛେଚା, ବିଭିନ୍ନ ପ୍ରକାରର ମାଛଭଜା, ଆଳୁ ଭର୍‌ତା ଭଳି ଖାଣ୍ଟି ଓଡ଼ିଆ ଖାଦ୍ୟ ଗ୍ରାହକଙ୍କୁ ଟାଣି ନେଉଛି।ଏଇଠି ଖାଆନ୍ତୁ ପଖାଳ……ଖାଣ୍ଟି ଓଡ଼ିଆ ଖାଦ୍ୟ ପାଇଁ ସମଗ୍ର ଓଡ଼ିଶାରେ ପ୍ରସିଦ୍ଧି ଲାଭ କରିଥିବା ‘ଡାଲ୍‌ମା’ ସିତଲ୍‌ ହୋଟେଲ୍‌, ମେ’ଫେୟାର, ସ୍ବସ୍ତି ପ୍ରିମିୟମ୍‌, ଭୁବନେଶ୍ବରର ପଖାଳ ହବ୍‌ କୁହାଯାଉଥିବା ଏକାମ୍ର ହାଟ, ଚନ୍ଦ୍ରଶେଖରପୁର ଓ ଶହୀଦନଗରରେ ଥିବା ଓଡ଼ିଶା ହୋଟେଲ ଆଦି ସ୍ଥାନଗୁଡ଼ିକ ସୁସ୍ବାଦୁ ପଖାଳ ପାଇଁ ବେଶ୍‌ ପରିଚିତ। ସେହିଭଳି ରସୁଲଗଡ଼ରେ ଥିବା ‘ପଖାଳ’ ଟେଷ୍ଟ ଅଫ୍‌ ଓଡ଼ିଶା ରେଷ୍ଟୁରାଣ୍ଟ, ବମିଖାଲର ଆମ ଓଡ଼ିଶା ହୋଟେଲ, ପଟିଆରେ ଥିବା ଷୋହଳଅଣା ଓଡ଼ିଆ, ବାପୁଜୀ ନଗରରେ ଥିବା ଭାଇନା ହୋଟେଲ, ନନ୍ଦନକାନନ ରୋଡ୍‌ରେ ଥିବା ମାଲାବା ରେଷ୍ଟୁରାଣ୍ଟ ଭଳି ହୋଟେଲ ଓଡ଼ିଆ ଖାଦ୍ୟ ପରଷିବାରେ ବେଶ୍‌ ନାଁ କରିଛି।ତାରକା ହୋଟେଲରେ ପଖାଳ କ୍ରେଜ୍‌….ସହରବାସୀଙ୍କ ପଖାଳ ଖାଇବାର କ୍ରେଜ୍‌ ଦିନକୁ ଦିନ ବଢିଚାଲିଛି। ୨୦୧୧ରେ ପଖାଳ ଦିବସ ଆରମ୍ଭ ହେବାଠାରୁ ବର୍ତ୍ତମାନର ଯୁବପିଢ଼ିଙ୍କ ସହ ଅନ୍ୟାନ୍ୟ ବର୍ଗର ଲୋକ ମଧ୍ୟରେ ପଖାଳ ଖାଇବାର କ୍ରେଜ୍‌ ଅଧିକ ଦେଖୁବାକୁ ମିଳୁଛି। ସ୍ବସ୍ତି ପ୍ରିମିୟମ୍‌, ମେ’ ଫେୟାର, ହୋଟେଲ୍‌ କ୍ରାଉନ୍‌, କ୍ରିଷ୍ଟଲ୍‌ କ୍ରାଉନ୍‌, କଳିଙ୍ଗ ଅଶୋକ, ପ୍ରାଚୀ ଭଳି ତାରକା ହୋଟେଲ ଖରାଦିନ ପାଇଁ ସ୍ବତନ୍ତ୍ର ପଖାଳର ବ୍ୟବସ୍ଥା କରୁଛନ୍ତି। ଏପରି କି ବିଦେଶୀ ଖାଦ୍ୟଠାରୁ ପଖାଳର ମୂଲ୍ୟ ଅଧିକ ରହୁଛି।ପାନ୍ଥନିବାସରେଦହିଛୁଙ୍କ ପଖାଳ…ଓଡ଼ିଶାର ସମୃଦ୍ଧ ରୋଷେଇ ପରମ୍ପରା ଓ ପାରମ୍ପରିକ ଖାଦ୍ୟ ଶୈଳୀର ପ୍ରଚାର ପ୍ରସାର ପାଇଁ ପର୍ଯ୍ୟଟନ ବିଭାଗ ପକ୍ଷରୁ ଦୁଇଦିନିଆ ‘ପଖାଳ ପର୍ବ’ ପାଳନ ହେଉଛି। ଏଥିରେ ଦହିଛୁଙ୍କ ପଖାଳ, ଭୁର୍ସଙ୍ଗପତ୍ର, ଧନିଆ, ପୋଦିନା ସହ ଜିରା ଛୁଙ୍କ ହୋଇ ଜିରା ପଖାଳ ପ୍ରସ୍ତୁତ ହେଉଛି। ଦହି ପଖାଳର ଲୋକପ୍ରିୟତା ସବୁଠାରୁ ଅଧିକ ରହୁଛି। ଏଥିରେ ଅନ୍ୟ ଆଇଟମ୍‌ରେ ସାଦାରେ ବଡିଚୂରା,ଆଳୁ ଭର୍‌ତା, ଟମାଟୋ ଚଟଣି, ଆଚାର, ଶାଗଭଜା ରହୁଥିବା ବେଳେ ଆମିିଷରେ ମାଛଭଜା ଓ ଚିକେନ୍‌ ପକୋଡ଼ା ରହିଛି। ସ୍ବାସ୍ଥ୍ୟୋପକାରୀ ପଖାଳ ପଖାଳରେ ଅନେକ ପ୍ରକାର ସ୍ବାସ୍ଥ୍ୟୋପକାରୀ ଗୁଣ ଭରି ରହିଛି। ଆମ ଦେଶରେ ଏହା ଏକ ଅତି ପ୍ରିୟ ଖାଦ୍ୟ। ତେବେ ଏଥିରେ କ’ଣ କ’ଣ ଉପକାରୀ ଗୁଣ ରହିଛି ସେ ବିଷୟରେ ପୁଷ୍ଟିବିଜ୍ଞାନୀ ଡା. ନିତ୍ୟାନନ୍ଦ ସ୍ବାଇଁ କହନ୍ତି, ”ପଖାଳର ଜଳ ଅଂଶକୁ କୁହାଯାଏ ତୋରାଣି। ତୋରାଣି ପରିପାକ ତନ୍ତ୍ର ବା ପେଟ ପାଇଁ ବେଶ୍‌ ଉପକାରୀ। ଆମର ପାରମ୍ପରିକ ଖାଦ୍ୟ ପଖାଳ ଅନ୍ତନଳୀକୁ ସୁସ୍ଥ ରଖେ ଏବଂ ଶରୀରକୁ ଲୌହ ଯୋଗାଇଦିଏ। ବିଶେଷଭାବରେ ପଖାଳ ଗର୍ଭବତୀ ଏବଂ ଆମିନିଆ ରୋଗୀଙ୍କ ପାଇଁ ଖୁବ୍‌ ହିତକର। ଭାତକୁ ରାତି ସାରା ପାଣିରେ ଭିଜେଇ ରଖିବା ଦ୍ୱାରା ତାହା ପ୍ରାକୃତିକ ଉପାୟରେ ଫରମେଣ୍ଟେଡ ହୋଇଯାଏ। ତୋରାଣିରେ ବୃଦ୍ଧିପାଏ ଲାକ୍ଟିକ ଏସିଡ ବ୍ୟାକ୍ଟେରିଆ। ଏହି ବ୍ୟାକ୍ଟେରିଆ ପରିପାକତନ୍ତ୍ରକୁ ସୁସ୍ଥ ରଖିବା ସହ ରୋଗ ପ୍ରତିରୋଧକ ଶକ୍ତିକୁ ବୃଦ୍ଧି କରିଥାଏ। ଏହାବ୍ୟତୀତ ମାଟିହାଣ୍ଡିରେ ପ୍ରସ୍ତୁତ ପଖାଳ ମଧ୍ୟ ବେଶ୍‌ ଉପକାରୀ। ମାଟିପାତ୍ର ଛିଦ୍ରଯୁକ୍ତ ହୋଇଥିବାରୁ ବାୟୁ ଚଳାଚଳରେ ସୁବିଧା ହୁଏ ଏବଂ ବେଶି ଅକ୍ସିଜେନ ସଂସ୍ପର୍ଶରେ ଆସୁ ନ ଥିବାରୁ ଲାକ୍ଟୋବାସିଲଙ୍କ ସଂଖ୍ୟା ବୃଦ୍ଧିରେ ବ୍ୟାହତ ହୁଏ ନାହିଁ। ମାଟିପାତ୍ର ଯୋଗୁଁ ପଖାଳର ତାପମାତ୍ରା ୨୫-୩୫ ଡିଗ୍ରୀ ସେଲସିୟସ ରହିଥାଏ। ଅନ୍ୟପକ୍ଷରେ ମାଟିହାଣ୍ଡିରେ ଭାତରୁ କ୍ୟାଲସିୟମ, ମ୍ୟାଗ୍ନେସିୟମ ଏବଂ ଟ୍ରେସ ଏଲିମେଣ୍ଟ ବା ସୂକ୍ଷ୍ମ ଧାତୁସାର ବାହାରିବା ପ୍ରକ୍ରିୟାରେ ସହାୟକ ହୋଇଥାଏ। ତୋରାଣି ଶରୀରରେ ଜଳୀୟ ଅଂଶ ବୃଦ୍ଧି କରିବାରେ ସହାୟକ ହୋଇଥାଏ। ପଖାଳରେ ଥିବା ଲୁଣ ଶରୀରରୁ ଝାଳରେ ବାହାରି ଯାଉଥିବା ଲୁଣ ପରିମାଣକୁ ସନ୍ତୁଳିତ ରଖିଥାଏ। ଶାଗପଖାଳ ଖାଇଲେ ଶାଗରୁ ମିଳିଯାଏ ଅତିରିକ୍ତ ଲୌହ, ଭିଟାମିନ୍‌-ଏ, କ୍ୟାଲସିୟମ, ଫଲିକ୍‌ ଏସିଡ ଏବଂ ଭିଟାମିନ୍‌-ସି। ରିପୋର୍ଟ: ସୌମ୍ୟରଞ୍ଜନ ରାଉତ

91 shares

😊

Dharitri

Mar 20, 2026, 02:12 AM

ରାଜ୍ୟସଭା ସଦସ୍ୟ 32 ପ୍ରତିଶତଙ୍କ ବିରୋଧରେ ଅପରାଧିକ ମାମଲା ରହିଛି, 14 ପ୍ରତିଶତ ହେଉଛନ୍ତି କୋଟିପତି।

44 shares

😢

Dharitri

Mar 20, 2026, 02:06 AM

ପୁନର୍ବାସ ସହାୟତା ଅଭାବରୁ ବରଗଡ ଜବରଦଖଲ ଉଚ୍ଛେଦ ଅଭିଯାନ ଜାରି

ବରଗଡ଼,୨୦।୩(ପ୍ରେମାନନ୍ଦ ଖମାରୀ):ବରଗଡ଼ ସହରରେ ପର୍ଯ୍ୟାୟକ୍ରମେ ଜବରଦଖଲ ଉଚ୍ଛେଦ ପ୍ରକ୍ରିୟା ଚାଲିଛି। ରାସ୍ତା ପ୍ରଶସ୍ତୀକରଣ, ଡ୍ରେନ୍‌ ନିର୍ମାଣ ଏବଂ ଅନ୍ୟ ବିକାଶମୂଳକ ପ୍ରକଳ୍ପକୁ ଆଖି ଆଗରେ ରଖି ଏଭଳି ଉଚ୍ଛେଦ ଚାଲିଥିବା ପ୍ରଶାସନ ପକ୍ଷରୁ କୁହାଯାଉଛି। ଅନ୍ୟପଟେ ଉଚ୍ଛେଦରେ ପ୍ରଭାବିତ ହେଉଥିବା ଲୋକଙ୍କୁ ଥଇଥାନ କରାଯାଉ ନାହିଁ। ନିକଟ ଭବିଷ୍ୟତରେ ସେମାନଙ୍କୁ ଥଇଥାନ କରାଯିବ ବୋଲି ପ୍ରଭାବିତ ଲୋକଙ୍କୁ ପ୍ରଶାସନିକ ଅଧିକାରୀମାନେ ଆଶ୍ୱାସନା ଦେଉଛନ୍ତି। ମାତ୍ର ପ୍ରଭାବିତ ଲୋକେ ତାକୁ ସହଜରେ ବିଶ୍ୱାସକୁ ନେଉ ନାହାନ୍ତି ଏବଂ ଉଚ୍ଛେଦ ପୂର୍ବରୁ ଥଇଥାନ କରିବାକୁ ଦାବି କରିଛନ୍ତି। ଏଭଳି ଦାବି ନେଇ ଗୁରୁବାର ବରଗଡ଼ ପୌର ପରିଷଦ ଅନ୍ତର୍ଗତ ୱାର୍ଡ ନଂ-୧୪ ଅଧୀନ କେନାଲ ପଡ଼ାର ଶତାଧିକ ମହିଳା, ପୁରୁଷ ବରଗଡ଼ ଜିଲାପାଳ ଆଦିତ୍ୟ ଗୋୟଲଙ୍କୁ ଫେରାଦ ହୋଇଥିଲେ ଏବଂ ଉଚ୍ଛେଦ ପୂର୍ବରୁ ସେମାନଙ୍କୁ ଥଇଥାନ କରିବା ପାଇଁ ଗୁହାରି କରିଥିଲେ।ସୂଚନା ଅନୁଯାୟୀ, କେନାଲ ପଡ଼ାରେ ଜବରଦଖଲ ଉଚ୍ଛେଦ ହେବା ନେଇ ଗୁରୁବାର ସ୍ଥାନୀୟ ପୌର ପରିଷଦ ଗୁରୁବାର ଡାକବାଜି ଯନ୍ତ୍ରରେ ସୂଚନା ଦେଇଥିଲା। ୫ଦିନ ମଧ୍ୟରେ ଜବରଦଖଲରେ ଘରଦ୍ୱାର କରିଥିବା ଲୋକଙ୍କୁ ସେସବୁ ଖାଲି କରିବା ପାଇଁ ସୂଚନା ଦିଆଯାଇଥିଲା। ଏହି ସୂଚନା ପାଇବା ପରେ ପଡ଼ାବାସୀ ଚିନ୍ତିତ ହୋଇ ପଡ଼ିଛନ୍ତି। ଉକ୍ତ ପଡ଼ାରେ ରହୁଥିବା ଲୋକେ ଦାରିଦ୍ର୍ୟ ସୀମାରେଖା ତଳେ ଥିବାବେଳେ କୁଲି, ମଜୁରି କରି ପରିବାର ଗୁଜୁରାଣ ମେଣ୍ଟାଉଛନ୍ତି। ସେଠାରେ ଦୀର୍ଘବର୍ଷ ପୂର୍ବରୁ ଘରଦ୍ୱାର କରି ନିଜ ପିଲାଛୁଆଙ୍କୁ ସ୍ଥାନୀୟ ସ୍କୁଲ, କଲେଜରେ ପଢ଼ାଉ ଥିବାବେଳେ ପ୍ରତି ନିର୍ବାଚନରେ ଭାଗ ନେଇ ମତାଧିକାର ମଧ୍ୟ ସାବ୍ୟସ୍ତ କରି ଆସୁଛନ୍ତି। ସେହିପରି ପରିବାରରେ ଅନେକ ବୃଦ୍ଧାବୃଦ୍ଧ ମଧ୍ୟ ରହିଛନ୍ତି। ଏଭଳି ସ୍ଥିତିରେ ସେମାନଙ୍କୁ ଉଚ୍ଛେଦ କରାଗଲେ ସେମାନେ ନିଜର ପଢୁଆ ପିଲା, ଶିଶୁ ଏବଂ ପରିବାରର ବୃଦ୍ଧାବୃଦ୍ଧଙ୍କୁ ନେଇ କେଉଁଠି ଆଶ୍ରୟ ନେବେ ବୋଲି ପଡ଼ାବାସୀ ପ୍ରଶ୍ନ କରିଛନ୍ତି।ଅପରପକ୍ଷେ ସହର ମଧ୍ୟରେ ରହିଥିବା ଭଟଲି ଛକ ଏବଂ ସ୍ଥାନୀୟ ଲେଙ୍ଗୁ ମିଶ୍ର ଛକଠାରୁ ଲମ୍ବା ବିଲ୍‌ଡିଂ ଦେଇ ଅମ୍ବାପାଲିକୁ ସଂଯୋଗ କରୁଥିବା ରାସ୍ତାରେ ଦୀର୍ଘଦିନରୁ ଟ୍ରାଫିକ ସମସ୍ୟା ଲାଗି ରହିଥିବାବେଳେ ସେଠାକାର ଜବରଦଖଲକୁ ଏପର୍ଯ୍ୟନ୍ତ ଉଚ୍ଛେଦ କରାଯାଇ ପାରି ନାହିଁ। ଏହାକୁ ନେଇ ଉଚ୍ଛେଦ ପ୍ରକ୍ରିୟାରେ ପାତରଅନ୍ତର ନୀତି ଅବଲମ୍ବନ କରାଯାଉଥିବା ଲୋକେ ଅଭିଯୋଗ କରୁଛନ୍ତି। ପ୍ରକାଶଥାଉ କି, ଲେଙ୍ଗୁ ମିଶ୍ର ଛକଠାରୁ ଲମ୍ବା ବିଲ୍‌ଡିଂ ଦେଇ ଅମ୍ବାପାଲିକୁ ସଂଯୋଗ କରୁଥିବା ରାସ୍ତା ଜବରଦଖଲ ଉଚ୍ଛେଦ ମାମଲା ନ୍ୟାୟାଳୟରେ ବିଚାରାଧୀନ ରହିଛି। ତେବେ ପୂର୍ବରୁ ଏହି ସ୍ଥାନରେ ଜବରଦଖଲ ଉଚ୍ଛେଦ ସପକ୍ଷରେ ପୂର୍ବରୁ ନ୍ୟାୟାଳୟ ରାୟ ଦେଇଥିଲେ। ମାତ୍ର ଉଚ୍ଛେଦ ପ୍ରକ୍ରିୟାକୁ ନାନା ଆଳରେ ବିଳମ୍ବ କରାଯିବାରୁ ପ୍ରଭାବିତ ଲୋକେ ପୁଣି ନ୍ୟାୟାଳୟର ଦ୍ୱାରସ୍ଥ ହୋଇଥିଲେ। ଫଳରେ ଏହି ସ୍ଥାନରେ ଉଚ୍ଛେଦ ଅଟକି ରହିଥିବାବେଳେ ବିଚାର ପ୍ରକ୍ରିୟା ସରି ନ ଥିବାରୁ ସମୟ ଗଡ଼ି ଚାଲିଛି।

90 shares

😢

Dharitri

Mar 20, 2026, 02:05 AM

ମୂଲ୍ୟ ବିବାଦକୁ ନେଇ ଏଚଡିଏଫସି ବ୍ୟାଙ୍କର ଅଧ୍ୟକ୍ଷଙ୍କ ଇସ୍ତଫା

ନୂଆଦିଲ୍ଲୀ,୨୦।୩: ଏଚ୍‌ଡିଏଫ୍‌ସି ବ୍ୟାଙ୍କର ପାର୍ଟଟାଇମ୍‌ ଅଧ୍ୟକ୍ଷ ଅତନୁ ଚକ୍ରବର୍ତ୍ତୀ ବୁଧବାର ଅଚାନକ ନିଜ ପଦବୀରୁ ଇସ୍ତଫା ଦେଇଛନ୍ତି । ବ୍ୟାଙ୍କର ପ୍ରଶାସନ, ମନୋନୟନ ଓ ବେତନ କମିଟି ଅଧ୍ୟକ୍ଷଙ୍କୁ ପତ୍ର ଲେଖି ଅତନୁ ଦର୍ଶାଇଛନ୍ତି, ଗତ ୨ ବର୍ଷ ହେଲା ସେ ଦେଖିଆସୁଥିବା ବ୍ୟାଙ୍କର ବିଭିନ୍ନ ଘଟଣା ଓ କାର୍ଯ୍ୟଧାରା ତାଙ୍କର ବ୍ୟକ୍ତତିଗତ ମୂଲ୍ୟବୋଧ ଓ ନୈତିକତା ସହ ମେଳ ଖାଉନାହିଁ । ସେହି କାରଣରୁ ସେ ଇସ୍ତଫା ଦେବାକୁ ନିଷ୍ପତ୍ତି ନେଇଥିବା କହିଛନ୍ତି । ଅତନୁଙ୍କ ଇସ୍ତଫା ପରେ ରିଜର୍ଭ ବ୍ୟାଙ୍କ ଗୁରୁବାର କେକି ମିସ୍ତ୍ରିଙ୍କୁ ଅନ୍ତରୀଣ ପାର୍ଟଟାଇମ୍‌ ଅଧ୍ୟକ୍ଷ ଭାବେ ନିଯୁକ୍ତ କରିଛି। ଅତନୁଙ୍କ ଇସ୍ତଫାର କିଛି ଘଣ୍ଟା ମଧ୍ୟରେ ଶେୟାର ବଜାରରେ ନିବେଶକଙ୍କ ଶେୟାର ୧ ଲକ୍ଷ କୋଟି ଟଙ୍କା ହ୍ରାସ ପାଇଥିଲା। କାରବାର ଆରମ୍ଭରେ ବ୍ୟାଙ୍କ ଶେୟାର ମୂଲ୍ୟ ୭୭୦ ଟଙ୍କା ଥିବାବେଳେ ତାହା ୮.୬୬ ପ୍ରତିଶତ ହ୍ରାସ ପାଇଥିଲା, ଯାହାକି ୫୨ ସପ୍ତାହ ମଧ୍ୟରେ ସର୍ବନିମ୍ନ।

33 shares

😢

Sambad

Mar 20, 2026, 02:04 AM

ଓଡ଼ିଶାରେ ସହରାଞ୍ଚଳ ସ୍ୱାସ୍ଥ୍ୟ ଓ କଲ୍ୟାଣ କେନ୍ଦ୍ରର ପାଣ୍ଠି ଯୋଗାଣ ସମସ୍ୟାର ସମାଧାନ

74 shares

😐

Dharitri

Mar 20, 2026, 01:59 AM

ବରଗଡ଼ର ଅଧିଷ୍ଠାତ୍ରୀ ଦେବୀ ମା'ସମଲେଇଙ୍କ ସମ୍ମାନରେ ବସନ୍ତିକ ନବରାତ୍ର ପୂଜା ଆରମ୍ଭ

ବରଗଡ଼,୨୦।୩(ପ୍ରେମାନନ୍ଦ ଖମାରୀ): ବରଗଡ଼ର ଅଧିଷ୍ଠାତ୍ରୀ ଗ୍ରାମ୍ୟଦେବୀ ମା’ ସମଲେଇଙ୍କ ବାସନ୍ତୀକ ନବରାତ୍ର ପୂଜା ଚାଲିଛି ହୋଇଛି। ଦ୍ବିତୀୟ ଦିବସ ଶୁକ୍ରବାରରେ ଦେବୀ ବ୍ରହ୍ମଚାରିଣୀ ବେଶରେ ଦର୍ଶନ ଦେଇଛନ୍ତି । ଦେବୀଙ୍କୁ ଏହି ବେଶରେ ଦର୍ଶନ କରିବା ପାଇଁ ସକାଳୁ ଭକ୍ତମାନେ ଧୂପ, ଦୀପ, ଫୁଲ ଧରି ମନ୍ଦିରକୁ ପହଞ୍ଚି ମାଁ ସମଲେଶ୍ବରୀଙ୍କ ଦର୍ଶନ କରୁଛନ୍ତି। ଦେବୀଙ୍କ ପୀଠରେ ସକାଳୁ ଭକ୍ତଙ୍କ ସମାଗମ ହୋଇଛି।

35 shares

😊

Dharitri

Mar 20, 2026, 01:59 AM

ଇସ୍ରାଏଲ, ଆମେରିକା ଏବଂ ଇରାନ ସହିତ ଚାଲିଥିବା ବିବାଦ ମଧ୍ୟରେ ନେତାନ୍ୟାହୁ ପ୍ରମୁଖ ବିବୃତ୍ତି ଘୋଷଣା କରିଛନ୍ତି

ନୂଆଦିଲ୍ଲୀ,୨୦।୩: ଇସ୍ରାଏଲ, ଆମେରିକା ଏବଂ ଇରାନ ସହିତ ଚାଲିଥିବା ବିବାଦ ମଧ୍ୟରେ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଏକ ପ୍ରମୁଖ ବିବୃତ୍ତି ଜାରି କରିଛନ୍ତି । ପ୍ରଧାନମନ୍ତ୍ରୀ ନେତାନ୍ୟାହୁ କହିଛନ୍ତି ଯେ, ଇରାନ ଆଉ ୟୁରାନିୟମ ସମୃଦ୍ଧ କରିବା କିମ୍ବା ବାଲିଷ୍ଟିକ୍ କ୍ଷେପଣାସ୍ତ୍ର ନିର୍ମାଣ କରିବାର କ୍ଷମତା ରଖିନାହିଁ। ନେତାନ୍ୟାହୁ ଆହୁରି କହିଛନ୍ତି ଯେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଅନୁରୋଧରେ, ଇସ୍ରାଏଲ ଇରାନର ପ୍ରାକୃତିକ ଗ୍ୟାସ କ୍ଷେତ୍ର ଉପରେ ଆଉ କୌଣସି ଆକ୍ରମଣ କରିବାରୁ ନିବୃତ୍ତ ରହିବ । ପ୍ରଧାନମନ୍ତ୍ରୀ ନେତାନ୍ୟାହୁ କହିଛନ୍ତି, “ଆମର ତିନୋଟି ଲକ୍ଷ୍ୟ ଅଛି: ପ୍ରଥମତଃ, ପରମାଣୁ ବିପଦକୁ ଦୂର କରିବା; ଦ୍ୱିତୀୟତଃ, ବାଲିଷ୍ଟିକ୍ କ୍ଷେପଣାସ୍ତ୍ର ବିପଦକୁ ଦୂର କରିବା; ଏବଂ ତୃତୀୟତଃ, ଇରାନ ଲୋକଙ୍କ ପାଇଁ ଏପରି ପରିସ୍ଥିତି ସୃଷ୍ଟି କରିବା ଯାହା ସେମାନଙ୍କୁ ସେମାନଙ୍କର ସ୍ୱାଧୀନତା ହାସଲ କରିବାକୁ ଏବଂ ନିଜର ଭାଗ୍ୟ ନିର୍ଣ୍ଣୟ କରିବାକୁ ସକ୍ଷମ କରିବ। ଆମେ ଦଶନ୍ଧି ଧରି ଚେତାବନୀ ଦେଇଆସୁଛି ଯେ ସେମାନଙ୍କର ବାଲିଷ୍ଟିକ୍ କ୍ଷେପଣାସ୍ତ୍ର କାର୍ଯ୍ୟକ୍ରମ ଦୂର ଦୂରାନ୍ତର ଲକ୍ଷ୍ୟସ୍ଥଳକୁ ଆକ୍ରମଣ କରିବା ପାଇଁ ବ୍ୟବହୃତ ହେବ, ଏବଂ ଯଦି ଏହାକୁ ନିୟନ୍ତ୍ରଣ କରାନଯାଏ, ତେବେ ଏହା କେବଳ ଆରମ୍ଭ ହେବ।” ଇସ୍ରାଏଲ ପ୍ରଧାନମନ୍ତ୍ରୀ କହିଛନ୍ତି, “ଇରାନ ଏକ ଗୁରୁତ୍ୱପୂର୍ଣ୍ଣ ଅନ୍ତର୍ଜାତୀୟ ସାମୁଦ୍ରିକ ପଥ – ହୋର୍ମୁଜ୍ ଷ୍ଟ୍ରେଟକୁ ବନ୍ଦ କରି ବିଶ୍ୱକୁ ବ୍ଲାକମେଲ୍ କରିବାକୁ ଚେଷ୍ଟା କରୁଛି । ଏହା ସଫଳ ହେବ ନାହିଁ । ଇସ୍ରାଏଲ ନିଜ ଉପାୟରେ ଏବଂ ଗୁପ୍ତଚର ଆଦାନପ୍ରଦାନ ଭଳି ଅନ୍ୟାନ୍ୟ ଉପାୟରେ ହର୍ମୁଜ୍ ଷ୍ଟ୍ରେଟକୁ ଖୋଲା ରଖିବା ପାଇଁ ଆମେରିକାର ପ୍ରୟାସକୁ ସହାୟତା କରୁଛି । କଳ୍ପନା କରନ୍ତୁ ଯେ ଯଦି ଆୟାତୋଲ୍ଲା ଶାସନ ପାଖରେ ପରମାଣୁ ଯୁଦ୍ଧାସ୍ତ୍ର ସହିତ ସଜ୍ଜିତ ବାଲିଷ୍ଟିକ୍ କ୍ଷେପଣାସ୍ତ୍ର ଥାଏ, ତେବେ ସମଗ୍ର ବିଶ୍ୱକୁ କିପରି ବ୍ଲାକମେଲ୍ କରିପାରିବ ।” ଏହି ଭାଷଣ ସମୟରେ, ବେଞ୍ଜାମିନ୍ ନେତାନ୍ୟାହୁ ମଧ୍ୟ କହିଥିଲେ, “ମୁଁ ଜୀବିତ ଅଛି, ଏବଂ ଆପଣମାନେ ସମସ୍ତେ ଏହାର ସାକ୍ଷୀ। ରାଷ୍ଟ୍ରପତି ଟ୍ରମ୍ପଙ୍କ ନେତୃତ୍ୱରେ, ଆମେରିକା ଏବଂ ଇସ୍ରାଏଲ ଇରାନ ବିରୁଦ୍ଧରେ ମହାନ ସଂକଳ୍ପ ଏବଂ ଅତୁଳନୀୟ ଶକ୍ତି ସହିତ ଏକାଠି କାମ କରୁଛନ୍ତି। ‘ଅପରେସନ୍ ରାଇଜିଂ ଲାୟନ୍’ ଆୟାତୋଲ୍ଲା ଶାସନ ଦ୍ୱାରା ସୃଷ୍ଟି ହୋଇଥିବା ଅସ୍ତିତ୍ୱର ବିପଦକୁ ଦୂର କରିବା ପାଇଁ ଡିଜାଇନ୍ କରାଯାଇଛି। ଏହା ସେହି ଶାସନ ଯିଏ ୪୭ ବର୍ଷ ଧରି ଆମେରିକା, ଇସ୍ରାଏଲ ଏବଂ ଇରାନର ଲୋକଙ୍କ ବିରୁଦ୍ଧରେ ଯୁଦ୍ଧ କରିଆସୁଛି ।”

18 shares

😢

Prameya

Mar 20, 2026, 01:57 AM

ବଜ୍ରପାତ, କୁଆପଥର ବର୍ଷା ଏବଂ ପ୍ରବଳ ପବନ ସହ ବଜ୍ରପାତ ପାଇଁ ପ୍ରସ୍ତୁତ ଓଡ଼ିଶା

ଭୁବନେଶ୍ୱର,୨୦/୦୩: ଆଜି ୬ ଜିଲ୍ଲାରେ କାଳବୈଶାଖୀ ପ୍ରଭାବରେ ଝଡ଼ ବର୍ଷା ହୋଇପାରେ । ସୁନ୍ଦରଗଡ଼, ମୟୂରଭଞ୍ଜ, କେନ୍ଦୁଝର, ଝାରସୁଗୁଡ଼ା, ବରଗଡ଼ ଓ ସମ୍ବଲପୁର ପାଇଁ ଏହି ଆଶଙ୍କା ଅଛି । ଘଡ଼ଘଡ଼ି ସହ କୁଆପଥର ବର୍ଷା ହୋଇପାରେ । ଏହି ସବୁ ଜିଲ୍ଲା ପାଇଁ ପାଣିପାଗ ବିଭାଗ ଅରେଞ୍ଜ ୱାର୍ଣ୍ଣିଂ ଦେଇଛି । ୨୧ ତାରିଖ (ଶନିବାର) ମଧ୍ୟ ଉତ୍ତର ଓଡ଼ିଶା ଓ ଉପକୂଳ ଓଡ଼ିଶାର କିଛି ସ୍ଥାନରେ ଝଡ଼ବର୍ଷା ଆଶଙ୍କା ଅଛି । ପାଣିପାଗ ବିଭାଗ ଏଥିପାଇଁ ଅରେଞ୍ଜ ୱାର୍ଣ୍ଣିଂ ଜାରି କରିଛି । ପାଣିପାଗ ବିଭାଗର ପୂର୍ବାନୁମାନ କହୁଛି, ୨୦ ତାରିଖ ପାଇଁ ଅରେଞ୍ଜ ୱାର୍ଣ୍ଣିଂ ଜାରି ହୋଇଥିବା ୬ ଜିଲ୍ଲାରେ ଘଡ଼ଘଡ଼ି ଓ କୁଆପଥର ବର୍ଷା ସହିତ ୫୦ରୁ ୬୦ କିମି ବେଗରେ ପବନ ବହିପାରେ । ସେହିଭଳି ଉତ୍ତର ଓଡ଼ିଶା, ଆଭ୍ୟନ୍ତରୀଣ ଓଡ଼ିଶା ଏବଂ ଦକ୍ଷିଣ ଓଡ଼ିଶାର ବିଭିନ୍ନ ସ୍ଥାନରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ହୋଇପାରେ । ଏ ସବୁ ସ୍ଥାନରେ ୩୦ରୁ ୪୦ କିମି ବେଗରେ ପବନ ବହିବା ସମ୍ଭାବନା ଅଛି । ୨୧ରେ ଉପକୂଳ ଓଡ଼ିଶା, ଆଭ୍ୟନ୍ତରୀଣ ଓଡ଼ିଶା ଓ ଦକ୍ଷିଣ ଓଡ଼ିଶାର ଅନେକ ସ୍ଥାନରେ ଘଡ଼ଘଡ଼ି ସହ ବର୍ଷା ହୋଇପାରେ । ୨୫ ତାରିଖ ଯାଏ ଉତ୍ତର ଓଡ଼ିଶାରବିଭିନ୍ନ ସ୍ଥାନରେ ଘଡ଼ଘଡ଼ି ସହ ବର୍ଷା ସମ୍ଭାବନା ଅଛି । କାଳବୈଶାଖୀ ପ୍ରଭାବରେ ଅଚାନକ ଘଡ଼ଘଡ଼ି ଓ ବର୍ଷା ଆଶଙ୍କା ଥିବାରୁ ଲୋକେ ସୁରକ୍ଷିତ ସ୍ଥାନରେ ଆଶ୍ରୟ ନେବାକୁ ପରାମର୍ଶ ଦିଆଯାଇଛ । ଅଧିକ ପଢ଼ନ୍ତୁ :-ଟି-ସାର୍ଟରୁ ମିଳିଲା ଚୋରଙ୍କ ସୁରାକ୍ : ୩ ବାଇକ ଜବତ, ୨ ଗିରଫ ଗୁରୁବାର ଝାରସୁଗୁଡ଼ାରେ ଦିନ ତାପମାତ୍ରା ସର୍ବାଧିକ ୩୬.୮ ଡିଗ୍ରୀ ଥିଲା । ତାଳଚେରରେ ୩୬.୫, ବୌଦ୍ଧରେ ୩୫.୭, ଭଦ୍ରକ ଓ ହୀରାକୁଦରେ ୩୫.୫, ସୁନ୍ଦରଗଡ଼ରେ ତାପମାତ୍ରା ୩୫.୨ ଡିଗ୍ରୀ ଥିଲ

76 shares

😐

Prameya

Mar 20, 2026, 01:50 AM

ଜ୍ୟୋତିଷ ସମ୍ବନ୍ଧୀୟ ପୂର୍ବାନୁମାନ ମେଷ ଏବଂ ବୃଷ ରାଶିର ବ୍ୟକ୍ତିମାନେ ଭିନ୍ନ ଭିନ୍ନ ଆର୍ଥିକ ସ୍ଥିତିର ସମ୍ମୁଖୀନ ହେଉଛନ୍ତି।

69 shares

😐

Sambad

Mar 20, 2026, 01:46 AM

ପାଖଲ ଓଡ଼ିଶାର ପରମ୍ପରାର ଏକ ସାଂସ୍କୃତିକ ଆଧାର

ଭୁୁବନେଶ୍ୱର: ‘ଉତ୍କଳେ ପଖାଳ ସଞ୍ଜିବନୀ ସୁଧା, ହରେଏକସଙ୍ଗେ କ୍ଳାନ୍ତି, ତୃଷା, କ୍ଷୁଧା’। ‘ପଖାଳ’ ଓଡ଼ିଶାର ସଂସ୍କୃତି, ପରମ୍ପରା ସହ ଓତପ୍ରୋତ ଭାବେ ଜଡ଼ିତ। ମହାପ୍ରଭୁ ଶ୍ରୀଜଗନ୍ନାଥ ବିଶ୍ବରେ ଏକମାତ୍ର ଦେବତା ଯିଏ ଘିଅ ପଖାଳ ଖାଇ ନିଦ୍ରା ଯାଆନ୍ତି। ଆଜି ବି ଗାଁଠୁ ସହର ପର୍ଯ୍ୟନ୍ତ ପ୍ରତି ଘରେ ଲୋକମାନଙ୍କ ଜୀବନ ଶୈଳୀରେ ପଖାଳ ନିତିଦିନିଆ ଖାଦ୍ୟ ହୋଇରହିଛି। ଏବେ ଗାଁ’ଠାରୁ ସହର ଏବଂ ଝୁମ୍ପୁଡ଼ିିରୁ ତାରକାହୋଟେଲପର୍ଯ୍ୟନ୍ତ ସବୁଠି ମହକୁଛି ପଖାଳର ବାସ୍ନା। ଏଥିପାଇଁ ପ୍ରତିବର୍ଷ ମାର୍ଚ୍ଚ ୨୦ ତାରିଖରେ ପଖାଳ ଦିବସ ପାଳନ ହୋଇଆସୁଛି। Gangadhar : ଗଙ୍ଗାଧର ମେହେରଙ୍କ ମହାବିଶ୍ରାମ ଦିବସ ସଙ୍ଗୀତରେ ‘ପଖାଳ’ ପଖାଳ ଆମ ସାଂସ୍କୃତିକ ଉତ୍ସବ ଠାରୁ ଆରମ୍ଭ କରି ଗଳ୍ପ,କବିତା, ସଙ୍ଗୀତ ଏପରିକି ଆଧୁନିକ ରୢାପ୍‌ରେ ମଧ୍ୟ ସ୍ଥାନ ପାଇଛି। ସ୍ୱର୍ଗତ ବାଳକୃଷ୍ଣ ଦାଶ ‘ଆସ ଜୀବନ ଧନ ମୋର ପଖାଳ କଂସା....’ରେ ପଲ୍ଲୀ ଜୀବନ ଓ ଓଡ଼ିଆ ସଂସ୍କୃତିର ସ୍ୱତନ୍ତ୍ର ଛାପ ଛାଡ଼ିଯାଇଛନ୍ତି। ସେହିପରି ‘ଲୁଣ ଲଗେଇ ମୁଁ ପଖାଳ ଖାଉଛି’ ଭଜନ, ସମ୍ୱଲପୁରୀ ସଙ୍ଗୀତ ‘ପଖାଳ ଭାତରେ ଉଲି ଗୁଟେ ହେଲେ’ ଅଥବା ଆଲ୍‌ବମ୍‌ ସଙ୍ଗୀତ ‘ତୁ ମୋ ଦହି ପଖାଳ’ ଏହାରଭିନ୍ନଭିନ୍ନ ଭାବଧାରାକୁ ବୁଝାଉଛି। Oman-Arabian Sea: ଓମାନ ସାଗର-ଆରବ ସାଗରରେ ନୌସେନାର ଶକ୍ତି ପ୍ରଦର୍ଶନ: ବାଣିଜ୍ୟିକ ଜାହାଜ ପାଇଁ ନୌସେନାର ସ୍ୱତନ୍ତ୍ର ସୁରକ୍ଷା କବଚ ପାନ୍ଥନିବାସରେ ୮ କୁଇଣ୍ଟାଲ ପଖାଳ ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ଆଜି ପାନ୍ଥନିବାସରେପଖାଳପର୍ବ ଉଦ୍‌ଘାଟିତ ହୋଇଯାଇଛି। ଆସନ୍ତାକାଲି ପଖାଳକୁ ଗିନିଜ ବୁକ୍‌ ଅଫ୍‌ ଵାଲଡ୍‌ ରେକର୍ଡରେ ସ୍ଥାନ ଦେବା ପାଇଁ ୮ କୁଇଣ୍ଟାଲ ପଖାଳ ପ୍ରସ୍ତୁତ କରାଯିବ। ମାଇକେଲ୍‌ କିଚେନର ପ୍ରତିଷ୍ଠାତା ସେଫ୍‌ ମାଇକେଲ୍‌ଙ୍କ ତତ୍ତ୍ୱାବଧାନରେ ଏହି ପଖାଳ ସହିତ ଖାଇବା ପାଇଁ ୩୬୫ଟି ବ୍ୟଞ୍ଜନ ପ୍ରସ୍ତୁତ ହେବ। ଏଥିରେ ଓଡ଼ିଶା ବିଭିନ୍ନ ପ୍ରାନ୍ତର ଲୋକପ୍ରିୟ ବ୍ୟଞ୍ଜନ ସହିତ ଆଦିବାସୀ ଅଞ୍ଚଳର କାଇ ଚଟଣୀ, ଚିଙ୍ଗୁଡି ତାମ୍ପଡା, ହିଡିମିଚା ଶାଗ, ବହଲ ଶାଗ, ମେଥି ଶାଗ, ମଦରଙ୍ଗା ଶାଗ, ବିଭିନ୍ନ ପ୍ରକାର ଭର୍ତ୍ତା,ଭଜା, ପତ୍ରପୋଡ଼ା, ପଥରମୁଣ୍ଡି, ଖଅଙ୍ଗା, ଚିଙ୍ଗୁଡ଼ି ପରି ବିଭିନ୍ନ ଶୁଖୁଆରେ ବ୍ୟଞ୍ଜନ ପ୍ରସ୍ତୁତ ହେବ। ଏହି ଅବସରରେ ପଖାଳ ଉପରେ ବିଭିନ୍ନ ଆଲୋଚନାଚକ୍ରରେ ବିଭାଗର ନିର୍ଦ୍ଦେଶକ ଦୀପଙ୍କର ମହାପାତ୍ର, ଡା. ଅଶୋକ କୁମାର ମହାପାତ୍ର, ପ୍ରଫେସର ଶୀତିକଣ୍ଠ ମିଶ୍ର, ସନ୍ଦୀପ ମୁଖାର୍ଜୀ ପ୍ରମୁଖ ଯୋଗଦେଇ ପଖାଳର ମହତ୍ତ୍ୱ, ସଂସ୍କୃତି, ବ୍ରାଣ୍ଡିଂ ଆଦି ଉପରେ ଆଲୋଚନା କରିଥିଲେ। ଚଳଚଞ୍ଚଳ ହୋଟେଲରୁ ରେଷ୍ଟୁରାଣ୍ଟ ଭୁବନେଶ୍ୱର ପଖାଳ ହବ୍‌ କୁହାଯାଉଥିବା ଏକାମ୍ରହାଟସବୁବର୍ଷ ଭଳି ଏବର୍ଷ ମଧ୍ୟ ଗ୍ରାହକଙ୍କୁ ପଖାଳ ପରଷିବାକୁ ପ୍ରସ୍ତୁତ ହୋଇଛି। ହାଟ ମଧ୍ୟରେ ଥିବା କାକା ହୋଟେଲ ପକ୍ଷରୁ ପଖାଳ ସହିତ ଆମିଷ ଓ ନିରାମିଷର ବ୍ୟଞ୍ଜନ ରହୁଛି। ହାଟ ମଧ୍ୟରେ ଥିବା ‘କାକା ହୋଟେଲ’ର ଶ୍ରୀମୟ କିଶୋର ଜେନା କହିଛନ୍ତି, ପଖାଳ ପାଇଁ ବ୍ୟଞ୍ଜନ ଅନୁଯାୟୀ ସାଦା ଓ ଆମିଷର ବଡ଼ିଚୁରା, ନଡ଼ିଆ ବରା, ପଣସ ଭଜା, ଶାଗ ଭଜା, ତାଵା ମାଛକ, ଚିକେନ କସା, ଶୁଖୁଆ ରାଇ, ଭଜା ଆଦିକୁ ନେଇ ସ୍ୱତନ୍ତ୍ର ପଖାଳ ପ୍ଲେଟ୍‌ ପ୍ରସ୍ତୁତ କରାଯାଇଛି। ସେହିପରି ହୋଟେଲ ‘ଦେଶୀ ପତ୍ରପୋଡ଼ା’ର ଧୀରେନ୍ଦ୍ର ନାଥ ମାନସିଂହ କହିଛନ୍ତି ପଖାଳ ଦିବସ ପାଇଁ ସ୍ୱତନ୍ତ୍ର ପଖାଳ କଂସା ପ୍ରସ୍ତୁତି ହେଉଚି। ଛୁଙ୍କପଖାଳସହିତ ବିଭିନ୍ନ ପ୍ରକାର ଭର୍ତ୍ତା, ଭଜା, କଖାରୁ ଫୁଲ, ପଣସ ପିଠା, ଚିକେନ, ମଟନ, ଚୁନା ମାଛ, ଛତୁ ଆଦି ପତ୍ରପୋଡ଼ା, ରୋହି, ଭାକୁର ଭଳି ମାଛ ଭଜା ରହିଛି।

100 shares

😐