For You News in ଓଡ଼ିଆ

Odisha Bhaskar

Feb 4, 2026, 05:06 AM

ଓଡ଼ିଶାର ବାଳକର ବୀରତ୍ୱପୂର୍ଣ୍ଣ ଉଦ୍ଧାର ବୁଡ଼ି ଯିବାରୁ ପରିବାରକୁ ବଞ୍ଚାଇଲା 13 ବର୍ଷୀୟ ବାଳିକା

ଓଡିଶା ଭାସ୍କର:ଏକ ୧୩ ବର୍ଷର ବାଳକର ସାହସ ଏବେ ସାରା ବିଶ୍ବରେ ଚର୍ଚ୍ଚାର ବିଷୟ ପାଲଟି ଯାଇଛି। ଏତେ ଛୋଟ ବୟସର ପିଲା ହୋଇ ମଧ୍ୟ ସେ ତିନୋଟି ଜୀବନ ବଞ୍ଚାଇ ଉଦାହରଣ ପାଲଟି ଯାଇଛି। ଏହି ବାଳକଟି ୪ ଘଣ୍ଟା ଧରି ଲଗାତାର ସମୁଦ୍ର ସହ ସଙ୍ଘର୍ଷ କରି ନିଜ ପରିବାର ଲୋକଙ୍କ ଜୀବନ ବଞ୍ଚାଇଛି। ସମୁଦ୍ରରେ ବୁଡ଼ିଯାଉଥିବା ତାଙ୍କ ଛୋଟ ଭାଇଭଉଣୀ ଏବଂ ମାଆଙ୍କ ଜୀବନ ବଞ୍ଚାଇଛି। ଏହା ପରେ ସେ ଅନ୍ତର୍ଜାତୀୟ ଗଣମାଧ୍ୟମରେ ହିରୋ ପାଲଟିଛନ୍ତି। ତାଙ୍କ ପରିବାର ସମୁଦ୍ରରେ ବୁଡ଼ିଯାଉଥିଲେ। ସେମାନଙ୍କୁ ଉଦ୍ଧାର କରିବା ପାଇଁ ତାଙ୍କୁ ୪ ଘଣ୍ଟା ଧରି ପହଁରି କୂଳରେ ପହଞ୍ଚିବା ପରେ ସେ ପରିବାର ଲୋକେ ବିପଦରେ ଥିବା ସୂଚନା ଦେଇଥିଲେ। କୂଳରେ ପହଞ୍ଚିବା ପରେ ସେ କର୍ତ୍ତୃପକ୍ଷଙ୍କୁ ଜଣାଇଲେ, ଯାହା ଫଳରେ ପରିବାରକୁ ରକ୍ଷା କରାଯାଇପାରିଲା। ଏହି ଦେଶରେ ଏଯାଏଁ ପହଞ୍ଚିନି ଇଣ୍ଟରନେଟ୍,… ବର୍ଡରରେ ଲାଗିଥିବା କଣ୍ଟା ତାରରେ କାହିଁକି… ପୁରା ଘଟଣା ଜାଣିବା ପରେ ପରିବାର ଲୋକ ଚକିତ ହୋଇଗଲେ: ପିଲାଟିର ଘଟଣା ବିଷୟରେ ବର୍ଣ୍ଣନା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଲା। ପର୍ଥରୁ ଆସିଥିବା ପରିବାର ସକାଳେ ଏକ ହୋଟେଲରୁ ପ୍ୟାଡଲବୋର୍ଡ ଭଡା ନେଇଥିଲେ। ମଧ୍ୟାହ୍ନ ପୂର୍ବରୁ ଆରମ୍ଭ ହୋଇଥିବା ଏହି ଯାତ୍ରା ପ୍ରବଳ ପବନ ଏବଂ ଉଠୁଥିବା ଢେଉ ଯୋଗୁଁ ବିପଦପୂର୍ଣ୍ଣ ହୋଇଗଲା ଏବଂ ସେମାନେ ସମୁଦ୍ର ଭିତରକୁ ଭାସିଯାଇଥିଲେ। ତେର ବର୍ଷୀୟ ଅଷ୍ଟିନ ଆପଲବି ତା’ପରେ କୂଳକୁ ପହଁରକି ଆସିଥିଲେ ଓ ଉଦ୍ଧାରକାରୀ ଦଳଖୁ ଏବାବଦରେ ସୂଚନା ଦେଇଥିଲେ। ଏପରିକି ସେ ସମୟରେ ତାଙ୍କ ପାଖରେ ଲାଇଫ ଜ୍ଯାକେଟ ମଧ୍ୟ ନଥିଲା। ସେ କେବଳ ନିଜ ମନକୁ ଦୃଢ କରିଥିଲେ ଓ ନିଜ ପରିବାରକୁ ଉଦ୍ଧାର କରିବା ପାଇଁ ଭାବୁଥିବା କହିଥିଲେ।ଓ ସେ ସଫଳ ହୋଇଥିଲେ। ଏହି ପୁରା ଘଟଣା ଜଣାପଡିବା ପରେ ଉଦ୍ଧାରକାରୀ ଦଳ ସମୁଦ୍ର ଭିତରକୁ ଯାଇ ଖୋଜାଖୋଜି କରିଥିଲେ ଓ ତାଙ୍କ ମା, ଭଉଣୀ ଏବଂ ସାନ ଭାଇଙ୍କୁ ସେଠାରୁ ଉଦ୍ଦାର କରି ଆଣିଥିଲେ। ଅଷ୍ଟିନ କଣ କହିଥିଲା:ଅଷ୍ଟିନ୍ କହିଥିଲେ, “ଏହା ମୋ ଜୀବନର ସବୁଠାରୁ କଠିନ ନିଷ୍ପତ୍ତି ମଧ୍ୟରୁ ଗୋଟିଏ ଥିଲା।” ଯେତେବେଳେ ତାଙ୍କ ମାଆ କହିଲେ, “କୂଳକୁ ଯାଅ ଏବଂ ଆମକୁ ସାହାଯ୍ଯ ଦରକାର। ଏହା ବହୁତ ଗମ୍ଭୀର ଥିଲା ମୋ ପାଇଁ ତଥାପି ଆମେ ସାହାସ କରିଥିଲୁ।ଓ ମୁଁ କୁଳକୁ ଆସି ମୋର ପୁରା ପରିବାରକୁ ବଞ୍ଚାଇ ପାରିଛି।ମୋତେ ଅତ୍ଯନ୍ତ ଖୁସି ଲାଗୁଛି।

97 shares

😢

Odisha Bhaskar

Feb 4, 2026, 04:42 AM

ଗୁଗୁଲ୍ କିପରି ଟ୍ରେଣ୍ଡିଂ ବିଷୟଗୁଡ଼ିକୁ ଚିହ୍ନଟ କରେ ଏହାର ଉନ୍ନତ ପ୍ରଯୁକ୍ତିବିଦ୍ୟା ଉପରେ ଏକ ନଜର _

91 shares

😐

Dharitri

Feb 4, 2026, 04:18 AM

ଲୋଇସିଂହାର ଅଟଳ ବସ୍ ଷ୍ଟାଣ୍ଡ ସଂଘର୍ଷ ପରିଚାଳନା ସମ୍ବନ୍ଧୀୟ ସମସ୍ୟାର ସମାଧାନ ପାଇଁ ସମୀକ୍ଷା ବୈଠକ ଅନୁଷ୍ଠିତ

32 shares

😢

Odisha Bhaskar

Feb 4, 2026, 04:12 AM

ଉତ୍ତେଜନା ମଧ୍ୟରେ ଇରାନର ଡ୍ରୋନକୁ ଗୁଳି କରି ଖସାଇଦେଲା ଆମେରିକା

5 shares

😢

Prameya

Feb 4, 2026, 04:02 AM

ମାଗଣା ୟୁନିଫର୍ମ ସହିତ ପ୍ରାକ୍-ପ୍ରାଥମିକ ଶିକ୍ଷା ବୃଦ୍ଧି ପାଇଁ ଓଡ଼ିଶା ସରକାର ପଦକ୍ଷେପ ଆରମ୍ଭ କରିଛନ୍ତି

ଭୁବନେଶ୍ୱର, ୦୪/୦୨ : ରାଜ୍ୟର ପ୍ରାକ୍-ପ୍ରାଥମିକ ଶିକ୍ଷା ବ୍ୟବସ୍ଥାକୁ ଅଧିକ ସୁଦୃଢ଼ ଓ ଆକର୍ଷଣୀୟ କରିବା ପାଇଁ ଓଡ଼ିଶା ସରକାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି। ଏଣିକି ସରକାରୀ ବିଦ୍ୟାଳୟରେ ପଢୁଥିବା 'ଶିଶୁ ବାଟିକା'ର ଛାତ୍ରଛାତ୍ରୀଙ୍କୁ ମଧ୍ୟ ମାଗଣା ପୋଷାକ (ୟୁନିଫର୍ମ) ଓ ଆନୁଷଙ୍ଗିକ ସାମଗ୍ରୀ ଯୋଗାଇ ଦିଆଯିବ। ଫେବ୍ରୁଆରୀ ୧୫ ତାରିଖ ସୁଦ୍ଧା ଶିଶୁ ବାଟିକା ସହ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ୟୁନିଫର୍ମ ମିଳିବ। ଏନେଇ ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ (ଓସେପା) ପକ୍ଷରୁ ଏକ ଚିଠି ଜାରି ହୋଇଛି । ତୁରନ୍ତ ୨୦୨୫- ୨୬ ଶିକ୍ଷାବର୍ଷ ପାଇଁ ପିଲାଙ୍କୁ ୟୁନିଫର୍ମ ଦେବାକୁ ଓସେପା ସମସ୍ତ ଜିଲ୍ଲା ଶିକ୍ଷାଧିକାରୀଙ୍କୁ କଡା ଚେତାବନୀ ଦେଇଛି । ଓସେପା ଅତିରିକ୍ତ ନିର୍ଦ୍ଦେଶିକା (ସାଧାରଣ) ସଙ୍ଗୀତା ବେହେରାଙ୍କ ପକ୍ଷରୁ ଜାରି ପତ୍ର ଅନୁଯାୟୀ, ରାଜ୍ୟର ସମସ୍ତ ସରକାରୀ ଓ ସରକାରୀ ଅନୁଦାନପ୍ରାପ୍ତ ସ୍କୁଲରେ ପଢୁଥିବା ଛାତ୍ରଛାତ୍ରୀଙ୍କୁ ୟୁନିଫର୍ମ ମିଳିବ। ୨୦୨୫-୨୬ ଶିକ୍ଷାବର୍ଷ ପାଇଁ ପ୍ରତି ଶିଶୁ ପିଛା ୧,୦୦୦ ଟଙ୍କା ହିସାବରେ ପାଣ୍ଠି ମଞ୍ଜୁର କରାଯାଇଛି। ଏହି ଅର୍ଥରେ ଛାତ୍ରଛାତ୍ରୀଙ୍କୁ ଦୁଇ ହଳ ପୋଷାକ ସହିତ ଜୋତା, ମୋଜା, ଟି-ସାର୍ଟ, ଟ୍ରାକ୍ ପ୍ୟାଣ୍ଟ୍, ଟୋପି ଏବଂ ପରିଚୟ ପତ୍ର ପ୍ରଦାନ କରାଯିବ। ୟୁନିଫର୍ମ ବଣ୍ଟନ ପାଇଁ ମହିଳା ସ୍ୱୟଂ ସହାୟକ ଗୋଷ୍ଠୀ, ସ୍କୁଲ ପରିଚାଳନା କମିଟିକୁ ଦାୟିତ୍ୱ ମିଳିଛି । ଏହି କାମ ତଦାରଖ ପାଇଁ ଜିଲ୍ଲାପାଳଙ୍କ ଅଧ୍ୟକ୍ଷତାରେ ଜିଲ୍ଲାସ୍ତରୀୟ କମିଟି ଗଠନ କରାଯାଇଛି । କେବଳ ସେତିକି ନୁହେଁ, ପୋଷାକର ରଙ୍ଗ, ଲୋଗୋକୁ ଦୃଷ୍ଟି ଦେବାକୁ ପଡିବ । ଯେପରିକି ସେଥିରେ ତ୍ରୁଟି ନ ରୁହେ ସେଥିପ୍ରତି ଯତ୍ନବାନ ହେବାକୁ ଓସେପା ଜିଲ୍ଲା ଶିକ୍ଷାଧିକାରୀଙ୍କୁ ନିର୍ଦ୍ଦେଶ ଦେଇଛି। ଏହି କାର୍ଯ୍ୟକ୍ରମକୁ 'ଅତି ଜରୁରୀ' ବିଭାଗରେ ରଖାଯାଇଛି। ଜିଲ୍ଲା ଶିକ୍ଷା ଅଧିକାରୀ (DEO) ଏବଂ ଜିଲ୍ଲା ପ୍ରକଳ୍ପ ସଂଯୋଜକ (DPC) ମାନେ ଏହି ବଣ୍ଟନ ପ୍ରକ୍ରିୟାର ସିଧାସଳଖ ତଦାରଖ କରିବେ। ଜାତୀୟ ଶିକ୍ଷା ନୀତି (NEP 2020) ର ସଫଳ ରୂପାୟନ ଏବଂ ପ୍ରାକ୍-ପ୍ରାଥମିକ ସ୍ତରରେ ଶିକ୍ଷାର୍ଥୀଙ୍କ ସଂଖ୍ୟା ବୃଦ୍ଧି କରିବା ଲକ୍ଷ୍ୟରେ ସରକାର ଏହି ବଡ଼ ନିଷ୍ପତ୍ତି ନେଇଛନ୍ତି। ଏହି ଖବରଟିକୁ ପଢନ୍ତୁ-ମାର୍ଚ୍ଚ ୬ରୁ ପ୍ରଥମରୁ ଅଷ୍ଟମ ଶ୍ରେଣୀ ଯାଏ ବାର୍ଷିକ ପରୀକ୍ଷା, ୧୩ ଯାଏ ଦୁଇଟି ସିଟିଂରେ ଲିଖିତ

49 shares

😐

Dharitri

Feb 4, 2026, 03:52 AM

ବ୍ରାଜିଲର ଆଲାଗୋସ୍ ରାଜ୍ୟରେ ବସ୍ ଦୁର୍ଘଟଣାଗ୍ରସ୍ତ, 15 ମୃତ

ବ୍ରାଜିଲ,୪।୨: ବ୍ରାଜିଲରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛ। ଯେଉଁଥିରେ ୧୫ ଜଣଙ୍କର ମୃତ୍ୟୁ ହୋଇଛି। ଉତ୍ତର-ପୂର୍ବ ବ୍ରାଜିଲର ଆଲାଗୋଆସ ରାଜ୍ୟର ଏକ ଗ୍ରାମାଞ୍ଚଳରେ ଏହି ଦୁର୍ଘଟଣା ଘଟିଛି। ୬୦ ଜଣ ତୀର୍ଥଯାତ୍ରୀଙ୍କୁ ନେଇ ଯାଉଥିବା ଏକ ବସ୍‌ ଏକ ମୋଡ଼ ନେବା ସମୟରେ ରାସ୍ତାରୁ ଖସି ପଡ଼ି ଓଲଟି ପଡିଛି। ଏହି ଦୁର୍ଘଟଣାରେ ଶିଶୁ ଏବଂ ମହିଳା ସମେତ ୧୫ ଜଣଙ୍କର ମୃତ୍ୟୁ ହୋଇଛି। ବସ୍‌ ଓଲଟି ପଡ଼ିବା ପରେ କିଛି ଯାତ୍ରୀ ବାହାରକୁ ବାହାରି ଆସିଥିଲେ, ଅନ୍ୟମାନେ ବସ୍‌ ତଳେ ଚାପି ହୋଇ ଯାଇଥିଲେ। ଏକ କ୍ରେନ୍‌ ସାହାଯ୍ୟରେ ବସ୍‌ଟିକୁ ସିଧା କରାଯାଇଥିଲା ଏବଂ ଆହତମାନଙ୍କୁ ଡାକ୍ତରଖାନା ନିଆଯାଇଥିଲା, ଯେଉଁଥିରୁ ୧୫ ଜଣଙ୍କୁ ଡାକ୍ତର ମୃତ ଘୋଷଣା କରିଛନ୍ତି।

10 shares

😢

Sambad

Feb 4, 2026, 02:30 AM

ସ୍ମାର୍ଟଫୋନ୍ ରୁ ନୀଳ ଆଲୋକ କିପରି ଥାଇରଏଡ୍ କାର୍ଯ୍ୟକୁ ପ୍ରଭାବିତ କରେ ଏକ ମସ୍ତିଷ୍କ-ଶରୀର ସଂଯୋଗ

89 shares

😐

Sambad

Feb 4, 2026, 02:15 AM

ପ୍ରତିଶ୍ରୁତି ସତ୍ତ୍ୱେ ଭୁବନେଶ୍ୱରର ଅସ୍ଥାୟୀ ସ୍ଥାନାନ୍ତର ଷ୍ଟେସନକୁ ହଟାଇବାରେ ବି. ଏମ୍. ସି. ବିଫଳ

32 shares

😢

Dharitri

Feb 4, 2026, 02:11 AM

ସମୟୋଚିତ ନ୍ୟାୟ ପ୍ରଦାନ ପାଇଁ ସୁପ୍ରିମକୋର୍ଟଙ୍କ ଅନୁରୋଧ, ବିଳମ୍ବରେ ରାୟ ପ୍ରକାଶକୁ ସମାଲୋଚନା କଲେ

ନୂଆଦିଲ୍ଲୀ,୪ା୨: ହାଇକୋର୍ଟଗୁଡ଼ିକ ରାୟକୁ ପ୍ରକାଶ ନ କରି ମାସ ମାସ ଧରି ସଂରକ୍ଷିତ ରଖିବା ଅଭ୍ୟାସ ଏକ ଜଣାଶୁଣା ବେମାରି ବୋଲି ସୁପ୍ରିମକୋର୍ଟ ମଙ୍ଗଳବାର କହିବା ସହ ତାହାର ମୂଳୋତ୍ପାଟନ ହେବା ଜରୁରୀ ବୋଲି ମତ ଦେଇଛନ୍ତି। ଠିକ୍‌ ସମୟରେ ନ୍ୟାୟ ପ୍ରଦାନକୁ ସୁନିଶ୍ଚିତ କରିବାର ଆବଶ୍ୟକତା ଉପରେ ସର୍ବୋଚ୍ଚ ଅଦାଲତ ଜୋର୍‌ ଦେଇଛନ୍ତି।ଡିସେମ୍ବର ୪ରେ ଝାଡ଼ଖଣ୍ଡ ହାଇକୋର୍ଟ ଏକ ପିଟିଶନ୍‌କୁ ଖାରଜ କରି ମୌଖିକ ଭାବେ ରାୟ ଶୁଣାଇଥିଲେ ମଧ୍ୟ ଏପର୍ଯ୍ୟନ୍ତ ଉକ୍ତ ରାୟକୁ ଅପ୍‌ଲୋଡ୍‌ କରାଯାଇ ନାହିଁ। ଏହା ଉପରେ ଏକ ଆବେଦନର ଶୁଣାଣି ବେଳେ ଭାରତର ପ୍ରଧାନ ବିଚାରପତି (ସିଜେଆଇ) ସୂର୍ଯ୍ୟକାନ୍ତ, ଜଷ୍ଟିସ୍‌ ଜୟମାଲ୍ୟ ବାଗ୍‌ଚୀ ଏବଂ ବିପୁଲ ଏମ୍‌ ପାଞ୍ଚୋଲିଙ୍କ ଖଣ୍ଡପୀଠ ଉପରୋକ୍ତ ଟିପ୍ପଣୀ ଦେଇଛନ୍ତି। ପରବର୍ତ୍ତୀ ସପ୍ତାହ ଶେଷ ସୁଦ୍ଧା ଓକିଲଙ୍କୁ ସମ୍ପୂର୍ଣ୍ଣ ରାୟ ପ୍ରଦାନ କରିବାକୁ ଖଣ୍ଡପୀଠ କହିଛନ୍ତି। ପିଟିଶନ ଦାଏର କରିଥିବା ପକ୍ଷଙ୍କ ତରଫରୁ ବରିଷ୍ଠ ଆଇନଜୀବୀ ମୁକୁଲ ରୋହତଗୀ କହିଥିଲେ, ଏକପ୍ରକାର ମିଛ ସମର୍ଥନ ଚାଲିଥିବା ଭଳି ଲାଗୁଛି। ଆଇନ ଅଦାଲତ ସହ ମଧ୍ୟ ଏପରି ହେଉଛି ବୋଲି ସେ କହିଥିଲେ।କହିଥିଲେ, ୨ ପ୍ରକାର ବିଚାରପତି ଅଛନ୍ତି। ଗୋଟିଏ ପ୍ରକାର ବିଚାରପତି କଠିନ ପରିଶ୍ରମୀ ଏବଂ ସେ ସମସ୍ତଙ୍କ ବୟାନ ଶୁଣିବେ ଏବଂ ୧୦ରୁ ୧୫ଟି ମାମଲାରେ ରାୟ ସଂରକ୍ଷିତ ରଖିବେ। ଆଉ କେତେଜଣ ବିଚାରପତି ଏସବୁ ପରେ ରାୟ ପ୍ରଦାନ କରନ୍ତି ନାହିଁ। ଏହା ନ୍ୟାୟପାଳିକା ସମ୍ମୁଖରେ ଏକ ଆହ୍ବାନ ଏବଂ ଏକ ଜଣାଶୁଣା ବ୍ୟାଧି। ଏହାକୁ ବ୍ୟାପିବାକୁ ନ ଦେଇ ଚିକିତ୍ସା କରାଇବାକୁ ଏବଂ ମୂଳୋତ୍ପାଟନ କରିବାକୁ ହେବ ବୋଲି ସିଜେଆଇ କହିଛନ୍ତି। ଅନ୍ୟ ଏକ ପ୍ରଚଳିତ ଧାରା ହେଲା କେତେକ ମାମଲାରେ ଯୁକ୍ତି ଶୁଣାଣି ପରେ ଅଧିକ ନିର୍ଦ୍ଦେଶ ପାଇଁ ଏହାକୁ ପକାଇ ରଖାଯାଉଛି। ହାଇକୋର୍ଟ ମୁଖ୍ୟ ବିଚାରପତିମାନଙ୍କ ସହ ଆଗାମୀ ବୈଠକରେ ସିଜେଆଇ ଏହି ପ୍ରସଙ୍ଗ ଉଠାଇବେ ବୋଲି କହିଛନ୍ତି।

29 shares

😢

Dharitri

Feb 4, 2026, 02:07 AM

ଛତିଶଗଡ଼ରେ ତୁଚ୍ଛ ପ୍ରସଙ୍ଗକୁ ନେଇ ପ୍ରେମିକାଙ୍କୁ ହତ୍ୟା କଲା ପ୍ରେମିକ

ରାୟପୁର, ୪ା୨: ସାମାନ୍ୟ ମତାନ୍ତରକୁ କେନ୍ଦ୍ରକରି ଜଣେ ୨୨ ବର୍ଷୀୟା ପ୍ରେମିକା ତାଙ୍କ ୨୫ ବର୍ଷୀୟ ପ୍ରେମିକଙ୍କୁ ହତ୍ୟା କରିଛନ୍ତି। ଏଭଳି ଏକ ସ୍ପର୍ଶକାତର ଘଟଣା ଛତିଶଗଡ଼ ବିଳାସପୁର ଅଞ୍ଚଳରେ ଘଟିଛି। ୨୫ ବର୍ଷୀୟ କାମତା ସୂର୍ଯ୍ୟବଂଶୀ ଏଠାରେ ଏକ ହୋଟେଲରେ କାର୍ଯ୍ୟ କରିବା ସହିତ ଭଡ଼ା ଘରେ ରହୁଥିଲେ। କିଛି ଦିନ ପରେ ଇନ୍‌ଷ୍ଟାଗ୍ରାମରେ ତାଙ୍କର ୨୨ ବର୍ଷୀୟା ଯୁବତୀ ରୋଶ୍‌ନୀ ସୂର୍ଯ୍ୟବଂଶୀଙ୍କ ସହ ପରିଚୟ ହୋଇଥିଲା। ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା ବେଳେ ଅଚାନକ କାମତା ରୋଶ୍‌ନୀଙ୍କ ନମ୍ବର ଏବଂ ମେସେଜ୍‌ ବ୍ଲକ୍‌ କରିଦେଇଥିଲେ। ଏଥିରେ ଉତ୍‌କ୍ଷିପ୍ତ ହୋଇ ରୋଶ୍‌ନୀ କାମତାଙ୍କୁ ଭେଟିବା ସହ ତାଙ୍କ ଫୋନ୍‌ ମାଗିଥିଲେ। କିନ୍ତୁ ସେ ଫୋନ୍‌ ନ ଦେବାରୁ ରୋଶ୍‌ନୀ କାମତାଙ୍କ ଛାତିକୁ ଛୁରିରେ ଭୁସି ହତ୍ୟା କରିଥିଲେ।

42 shares

😢

Dharitri

Feb 4, 2026, 02:04 AM

ଜାଜପୁର ଜିଲ୍ଲାରେ 12 ବର୍ଷୀୟା ବାଳିକା ଗର୍ଭବତୀ ହେଲେ, କର୍ତ୍ତୃପକ୍ଷ ତଦନ୍ତ ଆରମ୍ଭ କଲେ

ରସୁଲପୁର,୪ା୨(ରଞ୍ଜିତ ରାଉତ):ଯାଜପୁର ଜିଲା କୁଆଖିଆ ଥାନା ଅଞ୍ଚଳରେ ଜଣେ ସପ୍ତମ ଶ୍ରେଣୀ ଛାତ୍ରୀ ମାତୃତ୍ୱଲାଭ କରିଛନ୍ତି। ଏହିଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି। ଘଟଣାକୁ ନେଇ ଛକବଜାରରେ ଲୋକେ ଟୁପୁରୁଟାପର ହେଉଛନ୍ତି। ଘଟଣାକୁ ଦୁଇଦିନ ବିତିବାକୁ ବସିଲାଣି, ହେଲେ ଏଦିଗରେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇ ନ ଥିବା ଜଣାଯାଇଛି। ଛାତ୍ରୀଙ୍କ ପରିବାର ଲୋକଲଜ୍ଜା ଯୋଗୁ ଘଟଣା ପ୍ରଘଟ କରିବାକୁ ଚାହୁନାହାନ୍ତି। ଅନ୍ୟପକ୍ଷରେ ସ୍ଥାନୀୟ ଅଞ୍ଚଳର କେତେଜଣ ଲୋକ ଏହାକୁ ଚପାଇ ଦେବାକୁ ଉଦ୍ୟମ କରୁଥିବା ସାଧାରଣରେ ଚର୍ଚ୍ଚା ହେଉଛି। ଦୁଇଦିନ ତଳେ ଛାତ୍ରୀ ପେଟ ଯନ୍ତ୍ରଣା ଅନୁଭବ କରିବାରୁ ପରିବାର ଲୋକେ ତାଙ୍କୁ ସ୍ଥାନୀୟ ଅଞ୍ଚଳର ଏକ ପ୍ରାଥମିକ ଚିକିତ୍ସା କେନ୍ଦ୍ରକୁ ଆଣିଥିଲେ। ସେଠାରେ ଡାକ୍ତର ସ୍ବାସ୍ଥ୍ୟ ପରୀକ୍ଷା କରିବାରୁ ସେ ଗର୍ଭବତୀ ଥିବା ଜଣାପଡ଼ିଥିଲା। ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଶିଶୁ ଜନ୍ମ କରାଇବା ସୁବିଧା ନ ଥିବା, ଗର୍ଭବତୀଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିବାରୁ ଡାକ୍ତର ଉନ୍ନତ ଚିକିତ୍ସା ପାଇଁ ତାଙ୍କୁ ଅନ୍ୟତ୍ର ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ। ଫଳରେ ପରିବାର ଲୋକେ ତାଙ୍କୁ ଯାଜପୁର ଜିଲାର ଏକ ସରକାରୀ ଡାକ୍ତରଖାନାରେ ଚିକିତ୍ସା କରାଇଥିଲେ। ସେଠାରେ ଛାତ୍ରୀ ଶିଶୁକନ୍ୟା ଜନ୍ମ ଦେଇଥିଲେ। ଛାତ୍ରୀ ଜଣକ ଡାକ୍ତରଖାନା ଚିକିତ୍ସିତ ହେଉଥିବା ସମୟରେ ଅନ୍ୟ ରୋଗୀ ଏ ସମ୍ପର୍କରେ ଅବଗତ ହୋଇଯିବାରୁ ଘଟଣାଟି ପ୍ରଘଟ ହୋଇଯାଇଥିଲା।

69 shares

😐

Sambad

Feb 4, 2026, 02:00 AM

ଗଳାରେ ସଂକ୍ରମଣ କାରଣ, ଲକ୍ଷଣ ଏବଂ ପ୍ରତିରୋଧ ରଣନୀତି

70 shares

😢

Odisha Bhaskar

Feb 4, 2026, 01:58 AM

ଜ୍ୟୋତିଷ ସମ୍ବନ୍ଧୀୟ ଅନ୍ତର୍ଦୃଷ୍ଟି 12ଟି ରାଶି ପାଇଁ ଆର୍ଥିକ ଲାଭ, ସ୍ୱାସ୍ଥ୍ୟ ସମ୍ବନ୍ଧୀୟ ଚିନ୍ତା ଏବଂ ପାରିବାରିକ ସୌହାର୍ଦ୍ଦ୍ୟ

64 shares

😐

Dharitri

Feb 4, 2026, 01:53 AM

ବାଲେଶ୍ୱର ଏବଂ ଭଦ୍ରକର ସାହିତ୍ୟିକ ଏବଂ ସ୍ୱାଧୀନତା ସଂଗ୍ରାମର ଐତିହ୍ୟ

ବାଲେଶ୍ୱର/ରେମୁଣା,୪।୨ (ବାଞ୍ଛାନିଧି ଦେ/ରବୀନ୍ଦ୍ର ମହାକୁଡ଼): ସାହିତ୍ୟ ଓ ସଂଗ୍ରାମ ପାଇଁ ବାଲେଶ୍ୱର ଓ ଭଦ୍ରକ ମାଟି ସୁପ୍ରସିଦ୍ଧ। ଅନେକ ବରପୁତ୍ରଙ୍କୁ ଜନ୍ମଦେଇ ଏ ମାଟି ଭାରତମାତାର ମୁଖ ଉଜ୍ଜ୍ୱଳ କରିଛି। ଏ ମାଟି କେବଳ ରନତ୍ଗର୍ଭା ନୁହେଁ, ବରଂ ଏ ମାଟିର ମା’ମାନେ ମଧ୍ୟ ରନତ୍ଗର୍ଭା। ଆଦି ଟିକାକାର ଜଗଦ୍‌ଗୁରୁ ଶ୍ରୀଧର ସ୍ବାମୀ, ଭକ୍ତକବି ଦୀନବନ୍ଧୁ ଦାସଙ୍କ ଠାରୁ ବ୍ୟାସକବି ଫକୀରମୋହନ ସେନାପତି, କବିବର ରାଧାନାଥ ରାୟ, ଉତ୍କଳକେଶରୀ ହରେକୃଷ୍ଣ ମହତାବ, କାନ୍ତକବି ଲକ୍ଷ୍ମୀକାନ୍ତ ମହାପାତ୍ର ଓ ଜାତୀୟ କବି ବାଞ୍ଛାନିଧି ମହାନ୍ତିଙ୍କ ପର୍ଯ୍ୟନ୍ତ ଅନେକ କବି ଓ କର୍ଣ୍ଣଧାର ଭାରତର ଉତ୍ତରପିଢ଼ି ପାଇଁ ଆଦର୍ଶ ପ୍ରତିଷ୍ଠା କରିଛନ୍ତି। ସ୍ବାଧୀନତା ସଂଗ୍ରାମରେ ବାଲେଶ୍ୱର ଓ ଭଦ୍ରକର ମହିଳାମାନଙ୍କ ଅଂଶଗ୍ରହଣ ଗୁରୁତ୍ୱପୂର୍ଣ୍ଣ ଥିଲା। ସରୋଜିନୀ ନାଇଡୁ, ଜାହ୍ନବୀ ଦେବୀ, କୋକିଳା ଦେବୀ, ସୁଭଦ୍ରା ମହତାବ ଓ ଗୋଦାବରୀ ଦେବୀ ସଂଗ୍ରାମର ଅଗ୍ରଭାଗରେ ରହି ନାରୀ ନେତୃତ୍ୱର ଗରିମା ବଢ଼ାଇଛନ୍ତି। ଏମାଟି ଲବଣ ସତ୍ୟାଗ୍ରହ ଓ ଭାରତଛାଡ଼ ଆନ୍ଦୋଳନ ତୀବ୍ରତା ତଥା ଦେଶୀୟ ରାଜ୍ୟ ମିଶ୍ରଣର ଜୀବନ୍ତ ସାକ୍ଷୀ ବୋଲି ମଙ୍ଗଳବାର ବାଲେଶ୍ୱର ଫକୀରମୋହନ ବିଶ୍ୱବିଦ୍ୟାଳୟର ଦ୍ୱାଦଶ ସମାବର୍ତ୍ତନ ଉତ୍ସବରେ ଯୋଗଦେଇ ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି। ଏହି ସମାବର୍ତ୍ତନ ଉତ୍ସବରେ କୁଳପତି ପ୍ରଫେସର ସନ୍ତୋଷ କୁମାର ତ୍ରିପାଠୀ ପ୍ରାରମ୍ଭିକ ସୂଚନା ଓ ବିଶ୍ୱବିଦ୍ୟାଳୟର ବିବରଣୀ ଉପସ୍ଥାପନ କରିଥିଲେ। ରାଷ୍ଟ୍ରପତି ଫକୀରମୋହନ ସେନାପତିଙ୍କ ସାହିତି୍ୟକ ଅବଦାନ ଓ କନ୍ୟା ଶିକ୍ଷା ପ୍ରଚାରରେ ତାଙ୍କର ଅଗ୍ରଣୀ ଭୂମିକାକୁ ସ୍ମରଣ କରିଥିଲେ। ସେ ଫକୀରମୋହନଙ୍କ ଅମରକୃତି ‘ରେବତୀ’ର ଗୁରୁତ୍ୱକୁ ଉଲ୍ଲେଖ କରି, ରେବତୀ କିପରି ଅନେକ ଅସୁବିଧା ସତ୍ତ୍ୱେ ଶିକ୍ଷା ପାଇଁ ସଂଘର୍ଷ କରିଥିଲେ ତାହା ବର୍ଣ୍ଣନା କରିଥିଲେ। ଫକୀର ମୋହନ ବିଶ୍ୱବିଦ୍ୟାଳୟର ଶିକ୍ଷା, ଗବେଷଣା, ସାମାଜିକ ସେବା ଓ ସମୁଦାୟ ସଂଲଗ୍ନତାରେ ଉଲ୍ଲେଖନୀୟ କାର୍ଯ୍ୟ ପାଇଁ ସେ ପ୍ରଶଂସା କରିଥିଲେ। ଛାତ୍ରୀଛାତ୍ରମାନଙ୍କୁ ନୀତି, ସତ୍ୟ ନିଷ୍ଠତା ଓ ସାମାଜିକ ଦାୟିତ୍ୱବୋଧ ଅତୁଟ ରଖିବାକୁ ଆହ୍ବାନ କରିଥିଲେ। କୁଳାଧିପତି ତଥା ରାଜ୍ୟପାଳ ହରିବାବୁ କମ୍ଭମ୍‌ପାଟି ଯୋଗଦେଇ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଶିକ୍ଷା ସମ୍ବନ୍ଧୀୟ ଉଲ୍ଲେଖନୀୟ ଭବିଷ୍ୟମୂଳକ ଯୋଜନା ଓ ଭିଜନ ସମ୍ପର୍କରେ କହିଥିଲେ। ଶିକ୍ଷା ସମାଜ ଉନ୍ନତିର ଶକ୍ତିଶାଳୀ ଉପକରଣ। ଛାତ୍ରୀଛାତ୍ରମାନଙ୍କୁ ଆଜୀବନ ଶିକ୍ଷାର୍ଥୀ ହୋଇ ରହିବା ଆବଶ୍ୟକ ବୋଲି ବକ୍ତବ୍ୟରେ କହିଥିଲେ। ଉଚ୍ଚଶିକ୍ଷା ଓ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ ରାଜ୍ୟରେ ଉଚ୍ଚଶିକ୍ଷାକୁ ସୁଦୃଢ଼ କରିବା ପାଇଁ ନୂତନ ପଦକ୍ଷେପ ଓ ନୀତି ସଂଶୋଧନ ବିଷୟରେ ଆଲୋକପାତ କରିଥିଲେ। ସମାରୋହରେ ଏମ୍‌ପି ପ୍ରତାପ ଚନ୍ଦ୍ର ଷଡଙ୍ଗୀ ମଞ୍ଚାସୀନ ଥିଲେ। ଏହି ଅବସରରେ ୧,୮୩୧ ଜଣ ସ୍ନାତକ ଓ ସ୍ନାତକୋତ୍ତର ଶ୍ରେଷ୍ଠ ଛାତ୍ରୀଛାତ୍ରଙ୍କୁ ଡିଗ୍ରୀ ଓ ପଦକ ପ୍ରଦାନ କରାଯାଇଥିଲା। ୧୦୧ଜଣକୁ ସ୍ବର୍ଣ୍ଣପଦକ ପ୍ରଦାନ କରାଯାଇଥିବା ବେଳେ ୮୯ ଜଣ ପି.ଏଚ୍‌ଡି. ଡିଗ୍ରୀଧାରୀଙ୍କୁ ସମ୍ମାନିତ କରାଯାଇଥିଲା। କ୍ରୀଡ଼ା କ୍ଷେତ୍ରରେ ଉତ୍କୃଷ୍ଟତା ପାଇଁ ଅନୁରାଧା ବିଶ୍ୱାଳ, ସାହିତ୍ୟ କ୍ଷେତ୍ରରେ ଅବଦାନ ପାଇଁ ଶାନ୍ତନୁ କୁମାର ଆଚାର୍ଯ୍ୟ, ଶାସ୍ତ୍ରୀୟ ଓଡ଼ିଶୀ ସଙ୍ଗୀତ କ୍ଷେତ୍ରରେ ଅବଦାନ ପାଇଁ ଗୁରୁ ଗୋପାଳ ଚନ୍ଦ୍ର ପାଣ୍ଡାଙ୍କୁ ସମ୍ମାନସୂଚକ ଡକ୍ଟରେଟ୍‌ ଉପାଧି ପ୍ରଦାନ କରାଯାଇଥିଲା।

42 shares

😊

Prameya

Feb 4, 2026, 01:47 AM

ମେଲବୋର୍ଣ୍ଣର ଅଷ୍ଟ୍ରେଲିଆ-ଭାରତୀୟ କମ୍ୟୁନିଟି ସେଣ୍ଟରରୁ ଗାନ୍ଧୀ ପ୍ରତିମୂର୍ତ୍ତି ଚୋରି

ନୂଆଦିଲ୍ଲୀ,୦୪/୦୨;ଅଷ୍ଟ୍ରେଲିଆ ମେଲବୋର୍ଣ୍ଣ ସହର ଅନ୍ତର୍ଗତ ରୋଭିଲ୍ଲେ ଠାରେ ଅଷ୍ଟ୍ରେଲୀୟ-ଭାରତୀୟ କମ୍ୟୁନିଟି ସେଣ୍ଟର ପକ୍ଷରୁ ପ୍ରତିଷ୍ଠା କରାଯାଇଥିବା ମହାତ୍ମା ଗାନ୍ଧୀଙ୍କର ଏକ ବ୍ରୋଞ୍ଜ ପ୍ରତିମୂର୍ତ୍ତିକୁ କେହି ଚୋରି କରିନେଇଯାଇଛି । ନୂଆଦିଲ୍ଳୀରେ ଥିବା ଇଣ୍ଡିଆନ କାଉନସିଲ ଫର କଲ୍ଚରାଲ ରିଲେସନ (ଆଇସିସିଆର) ପକ୍ଷରୁ ଏହି ପ୍ରତିମୂର୍ତ୍ତିଟି ଉପହାର ଭାବେ ଦିଆଯାଇଥିଲା । ଅଷ୍ଟ୍ରେଲିଆରେ ବସବାସ କରୁଥିବା ଭାରତୀୟ ସମୁଦାୟଙ୍କ ସଂସ୍କୃତି, ପରମ୍ପରା ଓ ଇତିହାସର ପ୍ରତୀକ ଥିଲା ଏହି ପ୍ରତିମୂର୍ତ୍ତି । ଏହି ପ୍ରତିମୂର୍ତ୍ତିଟିକୁ ସୋମବାର ବିଳମ୍ବିତ ରାତି ୧୨ଟା ୫୦ରେ କେହି ଚୋରି କରିନେଇଛି । ଏହା ସମ୍ପୂର୍ଣ୍ଣ ବ୍ରୋଞ୍ଜରେ ନିର୍ମିତ ହୋଇଥିଲା ବେଳେ ଓଜନ ଥିଲା ୪୨୬ କିଲୋଗ୍ରାମ । ଅଷ୍ଟ୍ରେଲିଆର ବିଭିନ୍ନ ଗଣମାଧ୍ୟମ ଓ ସୋସିଆଲ ମିଡିଆରେ ଏହାର ଭିଡିଓ ସାମ୍ନାକୁ ଆସିଛି । ସେଥିରେ ଦେଖିବାକୁ ମିଳିଛି କି ପ୍ରତିମୂର୍ତ୍ତିଟିର ପାଦ ଉପରୁ କେହି କାଟି ନେଇଛି । କେବଳ ପାଦର ଅଳ୍ପ କିଛି ଅଂଶ ବାକି ରହିଛି । ବିଦ୍ୟୁତ ଚାଳିତ କରତ ସହାୟତାରେ ତାକୁ କଟାଯାଇଥିବା ଅନୁମାନ କରାଯାଉଛି । ଭିକ୍ଟୋରିଆ ପୁଲିସର ନକ୍ସ କ୍ରାଇମ ଇନଭେଷ୍ଟିଗେସନ ୟୁନିଟ ଘଟଣାର ତଦନ୍ତ କରୁଛି । ୨୦୨୧ ନଭେମ୍ବର ୧୨ରେ ଅଷ୍ଟ୍ରେଲିଆ ପୂର୍ବତନ ପ୍ରଧାନମନ୍ତ୍ରୀ ସ୍କଟ ମୋରିସନ ଏହାର ଉଦ୍ଘାଟନ କରିଥିଲେ । ଉଦ୍ଘାଟନର ୨୪ ଘଣ୍ଟାରେ ଏହା ଭଙ୍ଗାରୁଜା କରାଯାଇଥିଲା । ଏହା ବି ପଢନ୍ତୁ...ଯୁବ ବ୍ୟବସାୟୀଙ୍କୁ ପିଟି ପିଟି ମାରି ଦେଲେ ଡେଲିଭରୀ ବୟେଜ୍ ; ଦୁଇ ଗିରଫ , ଜଣେ ଫେରାର

70 shares

😢

Sambad

Feb 4, 2026, 01:45 AM

ବେଆଇନ ପ୍ରବେଶ ଏବଂ ଆବାସ ପାଇଁ ନଅ ଜଣ ବାଂଲାଦେଶୀ ନାଗରିକଙ୍କୁ ଭାରତୀୟ କୋର୍ଟ ଦଣ୍ଡାଦେଶ ଦେଇଛନ୍ତି

ଭୁବନେଶ୍ବର:ଭାରତରେ ଅବୈଧ ଭାବେ ପ୍ରବେଶ କରିବା ଓ ଏଠାରେ ବସବାସ କରିବା ମାମଲାରେ ଭୁବନେଶ୍ୱର ଏସ୍‌ଡିଜେଏମ୍ ଅମିତ କୁମାର ଆଜି ୯ ଜଣ ବାଂଲାଦେଶୀ ନାଗରିକଙ୍କୁ ଦୋଷୀସାବ୍ୟସ୍ତ କରି ୨ ବର୍ଷ ସଶ୍ରମ କାରାଦଣ୍ଡ ସହିତ ୧୦ ହଜାର ଲେଖାଏଁ ଜରିମାନା ଆଦେଶ ଦେଇଛନ୍ତି। ଜରିମାନା ଅନାଦେୟ ଅଧିକ ୩ ମାସ ସଶ୍ରମ କାରାଦଣ୍ଡର ନିର୍ଦ୍ଦେଶ ଦେଇଛନ୍ତି। ଏସ୍‌ଟିଏଫ୍ ଥାନା କେସ୍ ନଂ-୦୬/୨୦୨୫ ଅନୁସାରେ ଅଭିଯୁକ୍ତମାନଙ୍କୁ ବିଦେଶୀ ଆଇନ, ୧୯୪୬ର ଧାରା ୧୪ ଆଧାରରେ ଦୋଷୀ ସାବ୍ୟସ୍ତ କରାଯାଇଛି। ସେମାନେ ହେଲେ ମହମ୍ମଦ ହାସିମ୍, ସଜିବ୍ ଖାନ୍, ଆଲ୍ଲମ୍ ଶେଖ, ମହମ୍ମଦ ଆଜିମ୍, ଦିଲାରା ଶେଖ୍, ମହମ୍ମଦ ସୋହା ତାଲୁକଦାର, କରିମା ବେଗମ୍, ମୋନିରା ବେଗମ୍ ଓ ସାହାନା ବେଗମ୍‌। ସମସ୍ତେ ବାଂଲାଦେଶର ବିଭିନ୍ନ ଜିଲ୍ଲାର ବାସିନ୍ଦା ଅଟନ୍ତି। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ପୁଲିସ ସୂଚନା ଅନୁସାରେ, ୨୦୨୫ ମସିହା ମାର୍ଚ୍ଚ ୮ରେ ବିଶ୍ୱସ୍ତ ସୂଚନା ଆଧାରରେ ଏସ୍‌ଟିଏଫ ଟିମ୍‌ ଭୁବନେଶ୍ୱର ରେଳଷ୍ଟେସନ୍‌ରୁ ଜଣେ ନାବାଳକ ସମେତ ୧୦ ଜଣବାଂଲାଦେଶୀନାଗରିକଙ୍କୁ ଅଟକ କରିଥିଲେ। ପଚାରାଉଚାରା ସମୟରେ ସେମାନେ ବିଭ୍ରାନ୍ତିକର ବୟାନ ଦେଇ ଖସି ପଳାଇବାକୁ ଚେଷ୍ଟା କରିଥିଲେ। ପାସ୍‌ପୋର୍ଟ, ଭିସା କିମ୍ବା କୌଣସି ବୈଧ ଯାତ୍ରା କାଗଜପତ୍ର ଦେଖାଇପାରି ନଥିଲେ। ସେମାନଙ୍କୁ ଗିରଫ କରି ପଚରାଉଚରା କରାଯିବାରୁ ସେମାନେ ଆସାମର ଜଙ୍ଗଲ ଅଞ୍ଚଳ ଦେଇ ରାତିରେ ଗୁପ୍ତ ଭାବେ ଭାରତରେ ପ୍ରବେଶ କରିଥିଲେ ବୋଲି ପୁଲିସ ଆଗରେ ସ୍ବୀକାର କରିଥିଲେ। ଏହାସହିତ ସେମାନେ ସେମାନଙ୍କ ପରିଚୟ ଲୁଚାଇ ଭୁବନେଶ୍ୱରରେ ରହି ଆସୁଥିଲେ। ଏହି ମାମଲାର ଶୁଣାଣି ସମୟରେ ୬ ଜଣ ସାକ୍ଷୀଙ୍କ ବୟାନ ସହ ୧୪ଟି ଗୁରୁତ୍ୱପୂର୍ଣ୍ଣ ଦଲିଲ୍‌ ଆଧାରରେ କୋର୍ଟ ସେମାନଙ୍କୁ ଦୋଷୀସାବ୍ୟସ୍ତ କରିଥିଲେ। Congress Questions: ବାଣିଜ୍ୟ ଚୁକ୍ତି ନେଇ କେନ୍ଦ୍ରକୁ କଂଗ୍ରେସର ୪ ପ୍ରଶ୍ନ

27 shares

😢

Sambad

Feb 4, 2026, 01:33 AM

ରାଷ୍ଟ୍ରପତିଙ୍କ ଶ୍ରୀମନ୍ଦିର ଗସ୍ତ, ମେଡ଼ିକାଲ କଲେଜରେ ଯକ୍ଷ୍ମା ରୋଗୀଙ୍କ ଆତ୍ମହତ୍ୟା

ଆମେ ଆମର ପାଠକଙ୍କୁ ପ୍ରତ୍ୟେକ ମୁହୂର୍ତ୍ତରେ ଖବର ସହିତ ଅପଡେଟ୍ କରିବାକୁ ଉଦ୍ୟମ କରୁଛୁ। ଆପଣଙ୍କ ପାଇଁ ସଦ୍ୟତମ ଏବଂ ବ୍ରେକିଂ ନ୍ୟୁଜ୍ ଆଣିବାକୁ ଆମେ ପ୍ରତିବଦ୍ଧ। ପ୍ରାରମ୍ଭିକ ସୂଚନା ମାଧ୍ୟମରେ ଏହି ଖବରକୁ ନିରନ୍ତର କ୍ରମାଗତ ଭାବେ ଅପ୍‌ଡେଟ୍‌ କରୁଛୁ। ସଦ୍ୟତମ ବ୍ରେକିଂ ନ୍ୟୁଜ୍ ଏବଂ ଅପଡେଟ୍ ପାଇଁsambad.inସହିତ ଯୋଡ଼ି ରୁହନ୍ତୁ। ପୁରୀ: ଶ୍ରୀମନ୍ଦିରରେ ରାଷ୍ଟ୍ରପତି,ଦ୍ରୌପଦୀ ମୁର୍ମୁ। ସେ ମହାପ୍ରଭୁଙ୍କ ଦର୍ଶନ କରିଛନ୍ତି। ଶାହଜାହାନପୁର: ରାତି ପ୍ରାୟ ୧୨ଟା ସମୟରେ ମେଡିକାଲ କଲେଜରେ ଭର୍ତ୍ତି ହୋଇଥିବା ଜଣେ ଯକ୍ଷ୍ମା ରୋଗୀ ଦ୍ୱିତୀୟ ମହଲାରୁ ଡେଇଁ ଆତ୍ମହତ୍ୟା କରିଥିଲେ। ସୀତାପୁରର ମାହୋଲିର ବାସିନ୍ଦା ଯୁବକ ଜଣକ ଜାନୁଆରି ୨୨ରେ ମେଡିକାଲ କଲେଜରେ ଭର୍ତ୍ତି ହୋଇଥିଲେ। ସେ ଦ୍ୱିତୀୟ ମହଲାରେ ଅବସ୍ଥିତ ଯକ୍ଷ୍ମା ୱାର୍ଡରେ ଚିକିତ୍ସାଧୀନ ଥିଲେ। ତାଙ୍କ ବାପା ତାଙ୍କ ସହିତ ଯତ୍ନ ପାଇଁ ଥିଲେ। ସେ କହିଥିଲେ ଯେ ପୁଅ ରାତିରେ ବିଛଣାରେ ଶୋଇଥିଲା। ସେ ମଧ୍ୟ ଶୋଇପଡ଼ିଥିଲେ। ପ୍ରାୟ ୧୨ଟା ସମୟରେ ୱାର୍ଡରେ ଶବ୍ଦ ହୋଇଥିଲା ଯେ କିଛି ରୋଗୀ ତଳକୁ ଡେଇଁ ପଡ଼ିଛନ୍ତି। ଯେତେବେଳେ ସେ ତାଙ୍କ ପୁଅକୁ ସେଠାରେ ପାଇଲେ ନାହିଁ। ସେ ଘଟଣାସ୍ଥଳକୁ ଯାଇ ଜାଣିବାକୁ ପାଇଲେ ଯେ ସେ ନିଜେ ଛାତରୁ ଡେଇଁ ଆତ୍ମହତ୍ୟା କରିଛନ୍ତି। ମୁମ୍ବାଇ: ମହାରାଷ୍ଟ୍ରର ସାଇବର ପୁଲିସ ସୋସିଆଲ ମିଡିଆ ପ୍ଲାଟଫର୍ମ 'ଏକ୍ସ' କୁ ଏକ ନୋଟିସ୍‌ ଜାରି କରିଛି। ଏହି ନୋଟିସରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସଙ୍କ ଡାଭୋସ ଗସ୍ତ ବିଷୟରେ ଏକ ବ୍ୟଙ୍ଗାତ୍ମକ ପୋଷ୍ଟ ସେୟାର କରିଥିବା ଏକ ଆକାଉଣ୍ଟକୁ ନିଷ୍କ୍ରିୟ କରିବାକୁ କୁହାଯାଇଛି। ପୁଲିସ ମଙ୍ଗଳବାର ଏହା ଘୋଷଣା କରିଛି। ଜାନୁଆରି ୨୦ ତାରିଖରେ ବିଶ୍ୱ ଅର୍ଥନୈତିକ ଫୋରମ ବାର୍ଷିକ ବୈଠକରେ ଯୋଗଦେବା ପାଇଁ ସ୍ୱିଜରଲ୍ୟାଣ୍ଡର ଡାଭୋସରେ ଥିବା ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରି ଏକ ପୋଷ୍ଟ 'ଏକ୍ସ'ରେ ସେୟାର କରାଯାଇଥିଲା, ଯାହାର ପ୍ରାୟ ୩୯,୦୦୦ ଅନୁସରଣକାରୀ ଅଛନ୍ତି। ମହାରାଷ୍ଟ୍ରରେ ସାଇବର ଅପରାଧ ପାଇଁ ମହାରାଷ୍ଟ୍ରର ନୋଡାଲ ଏଜେନ୍ସି ପୋଷ୍ଟକୁ ଆପତ୍ତିଜନକ ଏବଂ ଉତ୍ତେଜନାପୂର୍ଣ୍ଣ ବୋଲି ବର୍ଣ୍ଣନା କରିଥିବା ଅଭିଯୋଗ ପାଇବା ପରେ ଏହାର ବିଚାର କରିଥିଲା। ଏହା ପରେ ସାଇବର ୟୁନିଟ୍ ଜାନୁଆରି ୨୨ ରେ 'ଏକ୍ସ'କୁ ଏକ ନୋଟିସ ଜାରି କରିଥିଲା। ଯଦି ଏହା ଭାରତୀୟ ଆଇନ ପ୍ରବର୍ତ୍ତନ ଏଜେନ୍ସିଗୁଡ଼ିକର ନିର୍ଦ୍ଦେଶ ପାଳନ କରିବାରେ ବିଫଳ ହୁଏ ତେବେ କଠୋର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦେଇଥିଲା। ୱାସିଂଟନ: ଡୋନାଲ୍ଡ ଟ୍ରମ୍ପ ପ୍ରଶାସନ ଭାରତ ସହିତ ବାଣିଜ୍ୟ ଚୁକ୍ତିକୁ ସେମାନଙ୍କ ପାଇଁ ଲାଭଦାୟକ ବୋଲି ବର୍ଣ୍ଣନା କରିଛି। ଦାବି କରିଛି ଯେ ସେମାନେ ଦିଲ୍ଲୀରୁ ବହୁତ ଲାଭ ପାଇବେ। ଏକ ପ୍ରେସ ବ୍ରିଫିଂ ସମୟରେ, ହ୍ୱାଇଟ୍ ହାଉସର ପ୍ରେସ ସଚିବ କାରୋଲିନ୍ ଲେଭିଟ୍ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆମେରିକାରୁ ୫୦୦ ବିଲିୟନ ଡଲାର ମୂଲ୍ୟର ଶକ୍ତି, ପରିବହନ ଏବଂ କୃଷି ଉତ୍ପାଦ କ୍ରୟ କରିବାକୁ ପ୍ରତିଶ୍ରୁତି ଦେଇଛନ୍ତି। ସେ କହିଛନ୍ତି ଯେ ଏହା ଏକ ଗୁରୁତ୍ୱପୂର୍ଣ୍ଣ ଚୁକ୍ତି ଯାହା ଆମେରିକୀୟ ଶ୍ରମିକ, ବ୍ୟବସାୟ ଏବଂ ଗ୍ରାହକଙ୍କୁ ଲାଭ ଦେବ। ବାଣିଜ୍ୟ ଚୁକ୍ତିର ଅଂଶ ଭାବରେ ଭାରତ ଋଷରୁ ତୈଳ କ୍ରୟ ସ୍ଥଗିତ ରଖିବା ସମ୍ପର୍କରେ, ହ୍ୱାଇଟ୍ ହାଉସର ଜଣେ ମୁଖପାତ୍ର ଦାବି କରିଛନ୍ତି ଯେ ଭାରତ ଋଷରୁ ତୈଳ କ୍ରୟ ବନ୍ଦ କରିଦେଇଛି। ସେ କହିଛନ୍ତି, "ଭାରତ ଋଷ ତେଲ ନ କିଣିବାକୁ ପ୍ରତିଶ୍ରୁତି ଦେଇଛି। ଏହା ବ୍ୟତୀତ, ଭାରତ ମଧ୍ୟ ଆମେରିକାରୁ ତେଲ କ୍ରୟ କରିବାକୁ ପ୍ରତିଶ୍ରୁତି ଦେଇଛି। ଏହା ସହିତ, ପ୍ରଧାନମନ୍ତ୍ରୀ ମୋଦୀ ଆମେରିକାରେ ୫୦୦ ବିଲିୟନ ଡଲାର ନିବେଶ ପ୍ରତିଶ୍ରୁତି ଦେଇଛନ୍ତି। ନୂଆଦିଲ୍ଲୀ: ଭାରତୀୟ ବୈଦେଶିକ ମନ୍ତ୍ରୀ ସୁବ୍ରମଣ୍ୟମ ଜୟଶଙ୍କର ମଙ୍ଗଳବାର ଆମେରିକା ଗସ୍ତ କରିଛନ୍ତି। ଏହି ଗସ୍ତର ପ୍ରଥମ ଦିନରେ ସେ ଅର୍ଥ ସଚିବ ସ୍କଟ୍ ବେସାଣ୍ଟ ଏବଂ ବୈଦେଶିକ ସଚିବ ମାର୍କୋ ରୁବିଓଙ୍କ ସହିତ ଦୁଇଟି ଗୁରୁତ୍ୱପୂର୍ଣ୍ଣ ବୈଠକ କରିଛନ୍ତି। ଏହି ବୈଠକଗୁଡ଼ିକରେ ବାଣିଜ୍ୟ, ଶକ୍ତି, ପରମାଣୁ ସହଯୋଗ, ପ୍ରତିରକ୍ଷା, ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ ଏବଂ ପ୍ରଯୁକ୍ତିବିଦ୍ୟା ଭଳି କ୍ଷେତ୍ରରେ ଭାରତ ଏବଂ ଆମେରିକା ମଧ୍ୟରେ ସହଭାଗୀତାକୁ ଆହୁରି ମଜବୁତ କରିବା ଉପରେ ଆଲୋଚନା କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଆଲୋଚନା ପରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ସହିତ ଏକ ପ୍ରମୁଖ ବାଣିଜ୍ୟ ଚୁକ୍ତି ଘୋଷଣା କରିବାର ଗୋଟିଏ ଦିନ ପରେ ଜୟଶଙ୍କରଙ୍କ ତିନି ଦିନିଆ ଗସ୍ତ ହୋଇଛି। ଏହି ଚୁକ୍ତି ଅନୁଯାୟୀ ଭାରତୀୟ ସାମଗ୍ରୀ ଉପରେ ପାରସ୍ପରିକ ଶୁଳ୍କ ୨୫% ରୁ ୧୮% କୁ ହ୍ରାସ କରାଯାଇଛି, ଯାହା ତୁରନ୍ତ କାର୍ଯ୍ୟକାରୀ ହେବ। ଏଥେନ୍ସ: ଗ୍ରିସର ଏଜିଆନ୍ ସାଗରର ଚିଓସ୍ ଦ୍ୱୀପ ନିକଟରେ ମଙ୍ଗଳବାର ଏକ ବଡ଼ ଦୁର୍ଘଟଣା ଘଟିଛି। ତୁର୍କୀ ଉପକୂଳରୁ ପ୍ରବାସୀମାନଙ୍କୁ ନେଇ ଯାଉଥିବା ଏକ ଛୋଟ ଡଙ୍ଗା ଗ୍ରିକ୍ ତଟରକ୍ଷୀ ବାହିନୀର ପାଟ୍ରୋଲିଂ ଜାହାଜ ସହିତ ଧକ୍କା ହୋଇଥିଲା, ଯେଉଁଥିରେ ଅତି କମରେ ୧୪ ଜଣ ପ୍ରବାସୀ ପ୍ରାଣ ହରାଇଥିଲେ। ତଟରକ୍ଷୀ ବାହିନୀ ଅଧିକାରୀଙ୍କ ଅନୁଯାୟୀ, ଏହି ଘଟଣା ସେତେବେଳେ ଘଟିଥିଲା ଯେତେବେଳେ ସେମାନେ ଚିଓସ୍ ଅଭିମୁଖେ ଯାଉଥିବା ଏକ ସନ୍ଦେହଜନକ ଡଙ୍ଗାକୁ ଦେଖି ଏହାକୁ ଫେରିବାକୁ ନିର୍ଦ୍ଦେଶ ଦେଇଥିଲେ। ସରକାରୀ ଦାବି କରିଛନ୍ତି ଯେ ଚୋରା ଚାଲାଣକାରୀମାନେ ଜାଣିଶୁଣି ଡଙ୍ଗାକୁ ତଟରକ୍ଷୀ ବାହିନୀ ଜାହାଜ ଆଡ଼କୁ ବୁଲାଇ ଦେଇଥିଲେ, ଯାହା ଫଳରେ ଉଭୟଙ୍କ ମଧ୍ୟରେ ଏକ ବଡ଼ ଧକ୍କା ହୋଇଥିଲା। କିନ୍ତୁ ଦୁର୍ଘଟଣାର ପ୍ରକୃତ କାରଣ ଏପର୍ଯ୍ୟନ୍ତ ସ୍ୱାଧୀନ ଭାବରେ ନିଶ୍ଚିତ ହୋଇନାହିଁ। ନୂଆଦିଲ୍ଲୀ: ଦେଶର ସମତଳ ଅଞ୍ଚଳରେ ବର୍ତ୍ତମାନ ପ୍ରବଳ ଥଣ୍ଡା ଅନୁଭୂତ ହେଉଥିବା ବେଳେ, ପାହାଡ଼ି ରାଜ୍ୟଗୁଡ଼ିକରେ ତୁଷାରପାତ ଜାରି ରହିଛି। ଏହି ସମୟରେ, ପାଣିପାଗ ବିଭାଗ ଆଜି ଦିଲ୍ଲୀ-ଏନସିଆର ସମେତ ଅନେକ ରାଜ୍ୟରେ ପ୍ରବଳ ଥଣ୍ଡା ଏବଂ ଘନ କୁହୁଡ଼ିର ପୂର୍ବାନୁମାନ କରିଛି। ଉତ୍ତର ପ୍ରଦେଶ, ପଞ୍ଜାବ, ହରିୟାଣା ଏବଂ ରାଜସ୍ଥାନ ସମେତ ଉତ୍ତର ଭାରତରେ ଶୀତଳ ତରଙ୍ଗ ଆଶା କରାଯାଉଛି। ହିମାଚଳ ପ୍ରଦେଶ ଏବଂ ଉତ୍ତରାଖଣ୍ଡର ଉପର ଭାଗରେ ତୁଷାରପାତ ଆଶା କରାଯାଉଛି। ଆଜି ପାଗ କିପରି ରହିବ ତାହା ଆସନ୍ତୁ ଜାଣିବା।ପାଣିପାଗ ବିଭାଗ (ଆଇଏମଡି) ଆଜି ଦିଲ୍ଲୀ-ଏନସିଆରରେ ଘନ କୁହୁଡ଼ି ପାଇଁ 'ୟଲୋ ଆଲର୍ଟ' ଜାରି କରିଛି। ଆଜି ଏବଂ ଆସନ୍ତାକାଲି ରାଜଧାନୀରେ ମଧ୍ୟମ କୁହୁଡ଼ି ଅନୁମାନ କରାଯାଉଛି, ତାପମାତ୍ରା ୨୧ ଡିଗ୍ରୀ ସେଲସିୟସ୍ ଏବଂ ସର୍ବନିମ୍ନ ୯ ଡିଗ୍ରୀ ସେଲସିୟସ୍ ପହଞ୍ଚିବ ବୋଲି ଆଶା କରାଯାଉଛି। ଫେବ୍ରୁଆରି ୬, ୭ ଏବଂ ୮ ତାରିଖ ସକାଳେ ମଧ୍ୟମ କୁହୁଡ଼ିର ପୂର୍ବାନୁମାନ ମଧ୍ୟ କରାଯାଇଛି। ପାଣିପାଗ ବିଭାଗ ସକାଳ ଏବଂ ରାତି ସମୟରେ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଛି। ପୁରୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ସକାଳ ୬ଟା ୫୦ରେ ଲୋକଭବନରୁ ବାହାରି କାକୁଡ଼ିଖାଇଛକ ଦେଇ ବାଲିସାହିସ୍ଥିତ ଶ୍ବେତଗଙ୍ଗା ପୁଷ୍କରିଣୀରେ ପହଞ୍ଚିଛନ୍ତି। ସେ ଏଠାରେ ପିଣ୍ଡଦାନ କରିବେ। ପ୍ରାୟ ୩୦ ମିନିଟ୍‌ ପରେ ସେ ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀମନ୍ଦିର ଆସିବେ। ବାଲିସାହିରୁ ଶ୍ରୀମନ୍ଦିର ଆସିବା ପାଇଁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ସକାଳ ୭ଟା ୪୦ ମିନିଟ୍‌ରେ ସେ ସିଂହଦ୍ବାର ଦେଇ ଶ୍ରୀମନ୍ଦିରରେ ପ୍ରବେଶ କରିବେ। ସେଠାରେ ମହାପ୍ରଭୁଙ୍କୁ ଦର୍ଶନ କରିବେ। ଏଣୁ ଗୋପାଳବଲ୍ଲଭ ଭୋଗ ଶେଷ ହେବା ପର୍ଯ୍ୟନ୍ତ ଅର୍ଥାତ୍‌ ସକାଳ ୬ଟାରୁ ୧୦ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ସକାଳ ୭ଟା ୪୫ରୁ ୮ଟା ୧୦ ମଧ୍ୟରେ ସେ ମହାପ୍ରଭୁଙ୍କ ଦର୍ଶନ କରିବେ। ସେଠାରୁ ଆସିବା ପରେ ଲୋକଭବନରେ ଜଳପାନ ବ୍ୟବସ୍ଥା କରାଯାଇଛି। ସକାଳ ୯ଟା ୧୫ରେ ସେ ଲୋକଭବନ ଛାଡ଼ି ତାଳବଣିଆ ହେଲିପ୍ୟାଡ୍‌ ପହଞ୍ଚିବେ। ସେଠାରୁ ହେଲିକପ୍ଟର ଯୋଗେ ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଯିବେ।

95 shares

😐

Sambad

Feb 4, 2026, 01:30 AM

ବାୟୁ ପ୍ରଦୂଷଣ ସତର୍କତା ଏବଂ ନାଗରିକ ଦାୟିତ୍ୱ ଆବଶ୍ୟକ କରୁଥିବା ଏକ ନୀରବ ଘାତକ

25 shares

😢

Sambad

Feb 4, 2026, 01:15 AM

ଚନ୍ଦ୍ରଶେଖରପୁରରେ ଟ୍ରାଫିକ ବିଶୃଙ୍ଖଳା ଟ୍ରାଫିକ ନିୟନ୍ତ୍ରଣ ଅଭାବରୁ ଭିଡ଼ ଆହୁରି ଖରାପ ହେଲା

ଚନ୍ଦ୍ରଶେଖରପୁର: ସଂଜ ବୁଡ଼ୁବୁଡ଼ୁ କିଟ୍‌-କିସ୍‌ ରାସ୍ତାରେ ହେଉଥିବା ଅସମ୍ଭାଳ ଭିଡ଼ ଏକ ନିତିଦିନିଆ ସମସ୍ୟା। କିନ୍ତୁ କିଛି ଦିନ ହେଲା ଇନ୍‌ଫୋସିଟି ଥାନା ନିକଟ ଶିଖରଚଣ୍ଡୀଛକରେ ମଧ୍ୟାହ୍ନ ସମୟରେ ଟ୍ରାଫିକ୍ ଜାମ୍‌ ଲୋକଙ୍କୁ କଲବଲ କରୁଛି। ମଧ୍ୟାହ୍ନରେ ଭିଡ଼ ନିୟନ୍ତ୍ରଣ କରିବାକୁ ଏହି ଛକରେ କୌଣସି ଟ୍ରାଫିକ୍‌ କର୍ମଚାରୀ ରହୁ ନଥିବାରୁ ଲୋକମାନେ ଘଣ୍ଟାଘଣ୍ଟା ଧରି ଫସି ରହୁଛନ୍ତି। ବିଶେଷକରି ଏହି ଛକଟି ଗଡ଼ାଣିଆ ହୋଇଥିବାରୁ ଅନେକ ଗାଡ଼ି ଭିଡ଼ରେ ନିୟନ୍ତ୍ରଣ ହରାଇ ତଳକୁ ଗଡ଼ିଯାଉଛନ୍ତି ଏବଂ ଦୁର୍ଘଟଣାର କାରଣ ହେଉଛନ୍ତି। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ଏବେ ପଥରଗାଡ଼ିଆରୁ ଶିଖରଚଣ୍ଡୀ ରାସ୍ତା କଡ଼ରେ ପାଣି ପାଇପ୍ ବିଛାଯାଉଛି। ତେଣୁ ଗୋଟିଏ ପାର୍ଶ୍ବକୁ ଖୋଳି ଦିଆଯାଇଛି। ଫଳରେ ରାସ୍ତା ଅଣଓସାରିଆ ହୋଇଯାଇଛି। ତେଣୁ ଇନ୍‌ଫୋସିଟି, କିଟ୍, ପଥରଗାଡ଼ିଆ ଓ କିସ୍ ଦିଗରୁ ଆସୁଥିବା ଯାନବାହନ ଏହି ଛକରେ ଜାମ୍‌ କରୁଛନ୍ତି। ଏନେଇ ଅଭିଯୋଗ ହେବାରୁ କିଛି ଦିନ ପୂର୍ବେ ବିଡିଏ ଓବିଏମ୍‌ସିପକ୍ଷରୁ ରାସ୍ତାକଡ଼ର ଉଠାଦୋକାନୀମାନଙ୍କୁ ଉଚ୍ଛେଦ କରାଯାଇଥିଲା। ମାତ୍ର ତାହା ଟ୍ରାଫିକ୍‌ ଭିଡ଼ ସମସ୍ୟାର ସମାଧାନ କରିପାରିନାହିଁ। ଆଜି ଏହି ଛକରେ ଶିଖରଚଣ୍ଡୀକୁ ଆସିଥିବା କିଛି ପର୍ଯ୍ୟଟକ ବସ୍ ଭିଡ଼ରେ ଫସି ରହିବାରୁ ପ୍ରାୟ ଏକ ଘଣ୍ଟା ଧରି ଛକରେ ଯାତାୟାତ ଠପ୍‌ ହୋଇଯାଇଥିଲା। କିଟ୍ ସିକ୍ୟୁରିଟି କର୍ମଚାରୀ ଓ ସ୍ଥାନୀୟ ଥାନା ପିସିଆର୍‌ କର୍ମୀଙ୍କ ସହଯୋଗରେ ସମସ୍ୟାର ସମାଧାନ ହୋଇଥିଲା। Education: ପିଜିଟି ଶିକ୍ଷକଙ୍କ ଦିଗଦର୍ଶନ କର୍ମଶାଳାର ଆୟୋଜନ

36 shares

😢

Sambad

Feb 4, 2026, 01:00 AM

ବାଲି ମାଫିଆ ଉତ୍ତୋଳନ ଯୋଗୁଁ ମୟୂରଭଞ୍ଜ ଜିଲ୍ଲାର ଲାଇଫ୍ ଲାଇନ୍ ନଦୀ ଶୁଖିଗଲା

କୁଆମରା:ମୟୂରଭଞ୍ଜଜିଲ୍ଲାଗୋପବନ୍ଧୁନଗର ବ୍ଲକ୍‌ ଦେଇ ପ୍ରବାହିତ ସୋନ ନଈ ଏବେଠୁ ଶୁଖିଗଲାଣି। ବ୍ଲକ୍‌ ପାଇଁ ଜୀବନରେଖା ସାଜିଥିବା ନଦୀ ସଂକଟ ଦେଇ ଗତି କରୁଛି। ଯାହାକୁ ନେଇ ପରିବେଶବିତ୍‌ମାନେ ଉଦ୍‌ବେଗ ପ୍ରକାଶ କରିଛନ୍ତି। ଦିନ ଥିଲା, ବର୍ଷସାରା ସୋନ ନଦୀରେ ପାଣି ଭରପୂର ରହୁଥିଲା। ମାତ୍ର ବାଲିମାଫିଆଙ୍କ ଲୋଲୁପ ଦୃଷ୍ଟି ପଡ଼ିବା ଦିନଠୁ ନଦୀର ସ୍ଥିତି ବଦଳି ଯାଉଛି। ନଦୀରୁ ବ୍ୟାପକ ବାଲି ଉଠାଣ ହେବା ଯୋଗୁ ଜଳଧାରଣ କ୍ଷମତା କମି ଯାଉଛି। ଫଳରେ ବର୍ଷାଋତୁର ମାସେ ନ ଯାଉଣୁ ନଦୀ ଶୁଖିଯାଉଛି। ଉକ୍ତ ନଦୀର ଦୁଇ ପାର୍ଶ୍ବରେ ଜୟପୁର, ସାଇଁକୁଳା, ବରଡ଼ିହି ପଞ୍ଚାୟତର ଶତାଧିକ ଗ୍ରାମବାସୀ ରବିଋତୁରେ ଚାଷଜମି ଓ ନଦୀପଠାରେ ପରିବା ଚାଷ କରି ପରିବାର ପ୍ରତିପୋଷଣ କରୁଥିଲେ। ନଦୀର ଜଳ କମି ଯାଉଥିବାରୁ ଚାଷ ପାଇଁ ପ୍ରତିବନ୍ଧକ ସାଜିଛି। ବିଗତ ୫ ବର୍ଷ ହେଲା ନଦୀକୂଳରେ ଚାଷ କରିବାକୁ ଚାଷୀମାନେ ଆଉ ମନବଳାଉ ନାହାନ୍ତି। ଏବେ ନଦୀଗର୍ଭରେ ବିଶେଷ ବାଲି ଦେଖିବାକୁ ମିଳୁ ନାହିଁ। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ଫଳରେ ଏହାର ଜଳଧାରଣ କ୍ଷମତା କମି ଯାଉଛି। ପ୍ରତିଦିନ ଟ୍ରକ୍‌ ଓ ଟ୍ରାକ୍ଟର୍‌ ଯୋଗେ ବାଲି ଚାଲାଣ ହେଉଛି। ଗୋଟିଏପଟେ ବାଲି ଚାଲାଣ କରିମାଫିଆମାଲାମାଲ୍‌ ହେଉଥିବା ବେଳେ ଅନ୍ୟପଟେ ଜଳାଭାବରୁ ଚାଷୀକୁଳ ହତାଶ ହୋଇପଡ଼ିଛି। ନଦୀ ଅବବାହିକାରେ ଥିବା ଜନବସତି ଏବେ ବିପଦମୁହାଁ ହୋଇଛି। ଜୟପୁରରୁ କଣ୍ଟିସାହି ମଧ୍ୟରେ ୪ଟି ନିଲାମ ଘାଟ ଥିବା ବେଳେ ୮ରୁ ୧୦ଟି ସ୍ଥାନରେ ବେଆଇନ ବାଲି ଉଠୁଛି। ବର୍ଷକୁ ୫ ହଜାର ଟ୍ରିପ୍‌ ବାଲି ଉଠାଣ ନିୟମ ଥିଲେ ମଧ୍ୟ ବେଆଇନ ଭାବେ ୫୦ ହଜାର ଟ୍ରିପ୍‌ରୁ ଅଧିକ ବାଲି ଉଠାଣ ହେଉଛି।‌ ଫଳରେ ସରକାର ରାଜସ୍ବ ହରାଇବା ସହ ଜନଜୀବନ ପ୍ରତି ବିପଦ ଦେଖାଦେଉଛି। କର୍ତ୍ତୃପକ୍ଷ କଡ଼ା ପଦକ୍ଷେପ ଗ୍ରହଣ ନକଲେ, ଆଗାମୀ ଦିନରେ ନଦୀ ସତ୍ତା ହରାଇବ ବୋଲି ଆଶଙ୍କା ପ୍ରକାଶ ପାଇଛି। Horoscope 2026 February 04 : ଜାଣନ୍ତୁ ଆଜିରରାଶିଫଳ

62 shares

😢

Sambad

Feb 4, 2026, 12:56 AM

ସରକାରୀ ହସ୍ତକ୍ଷେପ ପାଇଁ ମାଓବାଦୀ ନେତାଙ୍କ ପରିବାରର ନିବେଦନ

ରାୟଗଡ଼ା/ବାଲିକୁଦା: ହିଂସା ଛାଡ଼ି ମୁଖ୍ୟସ୍ରୋତକୁ ଫେରିବା ପାଇଁ ମାଓନେତା ନିଖିଲ ଓ ପତ୍ନୀ ଇନ୍ଦୁସରକାରଙ୍କୁ ସର୍ତ୍ତମୂଳକ ଚିଠି ଜାରି କରିବା ପରେ ପୁଅର ଘରବାହୁଡ଼ାକୁ ନେଇ ଆଶାବାଦୀ ଅଛନ୍ତି ବାପା, ମାଆ।ଜଗତସିଂହପୁରଜିଲ୍ଲାବାଲିକୁଦା ଥାନା ତେନ୍ତୁଳିବେଲାରୀ ଗ୍ରାମରେ ରହୁଥିବା ନିଖିଲଙ୍କ ମାଆ ସରସ୍ବତୀ ରାଉତ, ବାପା ନରହରି ରାଉତ ପୁଅ, ବୋହୂଙ୍କୁ ଫେରାଇ ଆଣିବା ପାଇଁ ସରକାରଙ୍କୁ ଆକୁଳ ନିବେଦନ କରିଛନ୍ତି। ‘ସମ୍ବାଦ’ ପ୍ରତିନିଧିଙ୍କୁ ନିଖିଲଙ୍କ ମାଆ କୋହ ଭରା ସ୍ବରରେ କହିଛନ୍ତି, ବଡ଼ ପୁଅ ୧୬/୧୭ ବର୍ଷ ତଳେ କାହାକୁ କିଛି ନ କହି କୁଆଡ଼େ ଚାଲି ଯାଇଥିଲେ। ନିରଞ୍ଜନ ଓରଫ ନିଖିଲ ମାଓବାଦୀ ହୋଇଯାଇଥିବା ଲୋକେ କହୁଥିବା ବେଳେ ସେମାନଙ୍କ ପାଖରେ କୌଣସି ଖବର ନଥିବା କହିଛନ୍ତି। ପୁଅର ଫେରିବା ବାଟକୁ ଚାହିଁ ବାପା, ମାଆ ଭଙ୍ଗା ଘରେ ଦିନ ବିତାଉଛନ୍ତି। ମାଓ ନେତା ନିଖିଲକୁ ବାପା, ମାଆଙ୍କ ନିବେଦନଭଙ୍ଗା ଘରେ ବିତୁଛି ଜୀବନ, ଅଟକିଛି ଭାଇ ବାହାଘରସରକାରଙ୍କ ସହଯୋଗ ଲୋଡ଼ିଲେ ପରିବାରବର୍ଗ ଯିବା ପରଠାରୁ ନିଖିଲ ଯୋଗାଯୋଗରେ ନଥିବା ବେଳେ କାହାକୁ ପଚାରିଲେ କିଏ କିଛି କହି ପାରୁନାହାନ୍ତି। ପରିଣତ ବୟସରେ ଆମେ ଅନ୍ଧ ହୋଇ ବସିଛୁ। ସାନ ପୁଅର ବାହାଘର ମଧ୍ୟ ହୋଇପାରୁନି। ନିରଞ୍ଜନ ଫେରି ଆସିଲେ ଆମେ ଶାନ୍ତିରେ ରହିପାରିବୁ। ସରକାର ଦୁନିଆ ଲୋକଙ୍କୁ ସାହାଯ୍ୟ କରୁଛନ୍ତି, ମୋ ପୁଅକୁ ମଧ୍ୟ ସାହାଯ୍ୟ କରି ଭଲରେ ଫେରାଇ ଆଣିବାକୁ ନିଖିଲଙ୍କ ମାଆ ସରସ୍ବତୀ ସରକାରଙ୍କ ନିକଟରେ ନିବେଦନ କରିଛନ୍ତି। ବାପା ନରହରି, ଭାଇ ତ୍ରିଲୋଚନ ମଧ୍ୟ ସରକାରଙ୍କୁ ନେହୁରା ହୋଇଛନ୍ତି। Education: ପିଜିଟି ଶିକ୍ଷକଙ୍କ ଦିଗଦର୍ଶନ କର୍ମଶାଳାର ଆୟୋଜନ ସୂଚନାଯୋଗ୍ୟ, ମୁଖ୍ୟସ୍ରୋତକୁ ଫେରିବା ନେଇ ସୋମବାର ଗଣମାଧ୍ୟମ ଜରିଆରେ ସରକାର ଓ ପୁଲିସକୁ ଅପିଲ କରିଥିଲେ ଓଡ଼ିଶା-ଛତିଶଗଡ଼ ପୁଲିସର ମୋଷ୍ଟ୍ ୱାଣ୍ଟେଡ୍ ମାଓ ନେତା ନିଖିଲ। ପତ୍ନୀ ଇନ୍ଦୁ ସହ ଆତ୍ମସର୍ମପଣ ପାଇଁ ରଖିଥିଲେ ୪ ସର୍ତ୍ତ। ଦୀର୍ଘ ଦୁଇ ଦଶନ୍ଧିରୁ ଅଧିକ ସମୟ ଧରି ମାଓ କାର୍ଯ୍ୟକଳାପରେ ସମ୍ପୃକ୍ତ ଥିବା ନିଖିଲ ବଂଶଧାରା-ଘୁମୁସର-ନାଗାବଳୀ ଡିଭିଜନର ମୁଖ୍ୟ ଲିଡର୍‌ ତଥା ସିପିଆଇ ମାଓ ସଂଗଠନର ରାଜ୍ୟ କମିଟି ସଦସ୍ୟ ଭାବେ କାମ କରୁଛି। ରାୟଗଡ଼ା,କଳାହାଣ୍ଡି,କନ୍ଧମାଳଜିଲ୍ଲାରେ ବାଘୁନା ଡିଭିଜନ ସକ୍ରିୟ ରହିଛି। ୨୦୧୬ରେପୁଲିସ୍‌ଏନ୍‌କାଉଣ୍ଟର୍‌ରୁ ଅଳ୍ପକେ ବର୍ତ୍ତି ଯାଇଥିଲା ନିଖିଲ।

93 shares

😢

Sambad

Feb 4, 2026, 12:40 AM

ଆଙ୍ଗୁଲ ଜିଲ୍ଲା ଔଷଧୀୟ ବୃକ୍ଷଲତା ଏବଂ ଆୟୁର୍ବେଦିକ ସୁଯୋଗର ଏକ ଭଣ୍ଡାର

34 shares

😐

Sambad

Feb 4, 2026, 12:37 AM

କାରଦା ହରିହାଟ ମହୋତ୍ସବରେ ୟାଜପୁର ଜିଲ୍ଲାରେ ଗୋଷ୍ଠୀଗତ ଉତ୍ସାହର ଉତ୍ସବ ପାଳିତ

ପାଣିକୋଇଲି:ଯାଜପୁରଜିଲ୍ଲାକୋରେଇ ବ୍ଲକ୍‌ କରଦା ପଞ୍ଚାୟତ ହରିହାଟ ମେଳା ପଡ଼ିଆରେ ସପ୍ତାହେ ଧରି ଚାଲିଥିବା କରଦା ହରିହାଟ ମହୋତ୍ସବ ଉଦ୍‌ଯାପିତ ହୋଇଯାଇଛି। ଉଦ୍‌ଯାପନ ଉତ୍ସବରେ ସ୍ବତନ୍ତ୍ର ଅତିଥି ଭାବେ ଯୋଗ ଦେଇଥିବା ସିନେ ତାରକା ତଥା ବିଜେପି ନେତା ଅରିନ୍ଦମ ରାୟ ନିଜର ମନର କଥା କହିବା ସହ ନାଁ ନ ନେଇ ଶାଳକ ପ୍ରଣବ ପ୍ରକାଶ ଦାସ (ବବି)ଙ୍କୁ ଇଙ୍ଗିତ କରି ବର୍ଷିବା ସହିତ କୋରେଇ ବିଧାୟକ ଆକାଶ ଦାସନାୟକଙ୍କୁ ପ୍ରଶଂସାରେ ପୋତିଥିଲେ। ତେବେ ଏକ ସିନେମାର ସଂଳାପ ଛଳରେ ଶ୍ରୀରାୟ ଶାଳକଙ୍କୁ ଧୋଇଥିଲେ... ରାଜା ଝିଅ ସହ ହୋଇଗଲା ଭାବ... କହିଲି ମୋ ସାଂଗରେ ଲାଗେନା ଲାଗିଲୁ, ଏବେ ନାମ ‌ନେ... ବୋଲି କହିଥି‌ଲେ। ଅରିବିନ୍ଦଙ୍କ ଏହି ସଂଳାପରେ ସିଧାଳସଖ ସେ ବବିଙ୍କ ନାମ ନେଇନଥିଲେ ମଧ୍ୟ ଉପସ୍ଥିତ ଦର୍ଶକମାନଙ୍କ ତାଳିମାଡ଼ରେ ପୂରା ମହୋତ୍ସବ ପଡ଼ିଆ କମ୍ପି ଉଠିଥିଲା। ନିଜ ଶାଳକଙ୍କୁ ଆକ୍ଷେପ କରି ସେ ଏଭଳି କହୁଥିବା ଦର୍ଶକ ବୁଝିଯାଇଥିଲେ। ଶ୍ରୀ ରାୟ କହିଥିଲେ, ଯାଜପୁର ସହ ତାଙ୍କର ନିବିଡ଼ି ସଂପର୍କ ରହିଛି। ହେଲେ ସେ ଦୁଇବର୍ଷ ହେଲା ଏଠାକୁ ଆସିନାହାନ୍ତି। ଏଭଳି କହି ତାଙ୍କ ମନରେ ଥିବା ଆକ୍ରୋଶକୁ ସାମନାକୁ ଆଣିଥିଲେ। କେବଳ କୋରେଇ ବିଧାୟକ ଆକାଶ ଭାଇଙ୍କ ଡାକରାରେ ଓ ଏଠାକାର ଲୋକଙ୍କ ଭଲପାଇବା ତାଙ୍କୁ ଏଠାକୁ ଟାଣିଆଣିଥିବା ସେ କହିଥିଲେ। Swachh Bharat Mission: ସହରାଞ୍ଚଳ ପରିମଳ ବ୍ୟବସ୍ଥାକୁ ସୁଦୃଢ଼ କରିବ ଓଡ଼ିଶା ବବିଙ୍କ ଉପରେ ବର୍ଷିଲେ ଭିଣୋଇ ଅରିନ୍ଦମମାନବରୂପୀ ରାବଣଙ୍କୁ କୋରେଇବାସୀ ଗ୍ରହଣ କରିବେନି: ଆକାଶ ବବିଙ୍କୁ ଆକ୍ଷେପ କହି ଅରିନ୍ଦମ କହିଥିଲେ, ପୂର୍ବରୁ ସାରା ରାଜ୍ୟକୁ ନିୟନ୍ତ୍ରଣରେ ରଖୁଥିବା ବ୍ୟକ୍ତିଙ୍କ ଅବସ୍ଥା ଏବେ କେମିତି ଅଛି ଆପଣମାନେ ଭଲ ଭାବରେ ଜାଣିଛନ୍ତି। ଗତ ନିର୍ବାଚନରେ କୋରେଇରେ କଳାଟଙ୍କା କାମ ଦେଲାନି। ନିଜ ମା’ଙ୍କୁ ନିର୍ବାଚନ ହାରିବାକୁ ପଡ଼ିଲା। ଅହଂକାର କେବେ ସବୁଦିନ ରହିନାହିଁ। ସମୟ ବଡ଼ ବଳବାନ। କୋରେଇବାସୀଙ୍କ ଭଲପାଇବା ଯୋଗୁଁ ଆକାଶ ଭାଇ ଅହଂକାରୀ ପରିବାରକୁ ଏଠାରୁ ହଟାଇ ଦେଇଛନ୍ତି। ସେହିପରି କୋରେଇର ଭୋଟରଙ୍କୁ ସେ ପ୍ରଶଂସା କରିଥିଲେ। କୋରେଇବାସୀ ଖଟ ମୁଣ୍ଡାନ୍ତି ନାହିଁ, ମୁଣ୍ଡ ଖଟାନ୍ତି ବୋଲି କହିଥିଲେ। ଭ୍ରଷ୍ଟାଚାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ହେବା ଦରକାର ବୋଲି ଅରିନ୍ଦମ କହିଥିଲେ। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ଅନ୍ୟତମ ଅତିଥି ଭାବେ କୋରେଇବିଧାୟକଆକାଶ ଦାସନାୟକ କହିଥିଲେ, ସ୍ନେହ ଓ ପ୍ରେମର ମିଳନସ୍ଥଳ ହେଉଛି ମହୋତ୍ସବ। ମହୋତ୍ସବ ଦ୍ବାରା ଭାଇଚାରା ସୃଷ୍ଟି ହୁଏ। କେତେଜଣ ମାନବରୂପୀ ରାବଣ କୋରେଇରେ ବୁଲି ବୁଲି କାର୍ଯ୍ୟକ୍ରମ ଭଣ୍ତୁର କରିବାକୁ ଚେଷ୍ଟା କରୁଛନ୍ତି। ସେଥିରେ ସେମାନେ ସଫଳ ହେବେ ନାହିଁ। କୋରେଇବାସୀ ଗତ ନିର୍ବାଚନରେ ବାହାରୁ ଆସିଥିବା ପ୍ରାର୍ଥୀ ତଥା ଯେଉଁମାନଙ୍କ କୋରେଇ ପ୍ରତି ଅବଦାନ ନାହିଁ ସେମାନଙ୍କୁ ବିତାଡ଼ିତ କରିଛନ୍ତି ବୋଲି କହିଥିଲେ। ଅରିନ୍ଦମଙ୍କ ସଂଳାପ ଓ ତାଙ୍କ ଉପସ୍ଥିତିରେ ଆକାଶ, ବବିଙ୍କୁ ଟାର୍ଗେଟ କରିବା ଓ ପ୍ରତିଦ୍ବନ୍ଦ୍ବୀ ପ୍ରାର୍ଥୀଙ୍କୁ ବାହାର ଲୋକ ବୋହି କହିବା ଆଦି ଘଟଣାକୁ ନେଇ ବେଶ ଚର୍ଚ୍ଚା ହେଉଛି। ଅରନ୍ଦିମଙ୍କ ସହିତ ବବିଙ୍କ ପରିବାରିକ ସଂପର୍କକୁ ନେଇ ରହିଥିବା ଫାଟ ଏଥିରୁ ଜଳ ଜଳ ‌ହୋଇ ବାହାରକୁ ଆସିଛି। ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ବଡ଼ଚଣା ବିଧାୟକ ଅମର କୁମାର ନାୟକ, ଧର୍ମଶାଳା ବିଧାୟକ ହିଂମାଶୁ କୁମାର ସାହୁ, ଜିଲ୍ଲା ପରିଷଦ ଅଧ୍ୟକ୍ଷା ନଳିନୀପ୍ରଭା ଜେନା, ଉପାଧ୍ୟକ୍ଷ ଗଣେଶ୍ବର ବରାଳ, ବିଜେପି କରଦା ପଞ୍ଚାୟତ ସଭାପତି କାର୍ତ୍ତିକ ଚନ୍ଦ୍ର ସାହୁ, ମହୋତ୍ସବ କମିଟି ସଭାପତି ପ୍ରମୋଦ କୁମାର ମହାପାତ୍ର ପ୍ରମୁଖ ଉପସ୍ଥିତ ଥିଲେ। ସମ୍ପାଦକ ବିଶ୍ବନାଥ ପଣ୍ତା କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସଭ୍ୟ ସୁଧାଶଙ୍କର ବିଶ୍ବାଳ ଧନ୍ୟବାଦ ଦେଇଥିଲେ।

75 shares

😊

Sambad

Feb 4, 2026, 12:25 AM

ସମ୍ବାଦ ସାହିତ୍ୟ ପକ୍ଷ ସାହିତ୍ୟ ମହୋତ୍ସବ ପ୍ରବନ୍ଧଗୁଡ଼ିକର ପାଠ୍ୟଗତ ବୈଶିଷ୍ଟ୍ୟ ଅନ୍ୱେଷଣ କରେ

60 shares

😐

Sambad

Feb 4, 2026, 12:10 AM

ବାଣିଜ୍ୟ ଉପରେ ମିଳିତ ବିବୃତି ଜାରି କରିବେ ଭାରତ ଓ ଆମେରିକା, କୃଷି ସ୍ୱାର୍ଥର ସୁରକ୍ଷା ପାଇଁ ମନ୍ତ୍ରୀଙ୍କ ଆଶ୍ୱାସନା

4 shares

😊

Sambad

Feb 3, 2026, 11:45 PM

ବାର୍ଷିକ ପରୀକ୍ଷା ପାଇଁ ପ୍ରସ୍ତୁତ ହେଉଛି ଓଡ଼ିଶା ମାଧ୍ୟମିକ ଶିକ୍ଷା ବୋର୍ଡ

82 shares

😐

Sambad

Feb 3, 2026, 11:20 PM

ଲଦାଖର କାଙ୍ଗ୍ରି ପର୍ବତକୁ ଜୟ କଲେ ଓଡ଼ିଶାର ଯୁବ ପର୍ବତାରୋହୀ

ଭୁବନେଶ୍ବର:କେନ୍ଦୁଝରଜିଲ୍ଲାଯୋଡ଼ା ବ୍ଲକ୍‌ର କାଶିଆ ଗାଁ ବାସିନ୍ଦା ତଥା ରାଜ୍ୟର ଯୁବ ଓ ଉଦୀୟମାନ ପର୍ବତାରୋହୀ ଦୀପକ ମହାନ୍ତ ଲଦାଖସ୍ଥିତ ୬୦୭୦ ମିଟର ଉଚ୍ଚତା ବିଶିଷ୍ଟ ମାଉଣ୍ଟ୍‌ କଙ୍ଗ୍ରିକୁ ସଫଳତାର ସହ ଆରୋହଣ କରିଛନ୍ତି। ଏହି ଦୁଃସାହସିକ ଅଭିଯାନ ଲାଗି ଦୀପକ ଜାନୁଆରି ୧୭ ତାରିଖରୁ ବାହାରି ୧୯ ତାରିଖରେ ଲେହସ୍ଥିତ ବେସ୍‌ କ୍ୟାମ୍ପରେ ପହଞ୍ଚିଥିଲେ। ସେଠାରୁ ୧୯ ତାରିଖ ଦିନ ଶିଖର ଛୁଇଁବା ଅଭିଯାନ ଆରମ୍ଭ କରି ୨୨ ତାରିଖ ଅପରାହ୍ଣ ୧୨.୩୦ରେ ସଫଳ ହୋଇଥିଲେ। ଏହା ପୂର୍ବରୁ ଶ୍ରୀ ମହାନ୍ତ ଗତବର୍ଷ ହିମାଚଳପ୍ରଦେଶର ମାଉଣ୍ଟ୍‌ ୟୁନମ (୬୧୫୦ ମିଟର) ଏବଂ ୨୦୨୨ ମସିହାରେ ମାଉଣ୍ଟ୍‌ ସେଥିଦାର (୫୮୦୦)କୁ ସଫଳତାର ସହ ଆରୋହଣ କରି ସାରିଛନ୍ତି। ପର୍ବତାରୋହଣର ମୌଳିକ ଓ ଉଚ୍ଚସ୍ତରୀୟ ପାଠ୍ୟକ୍ରମ ଶେଷ କରିସାରିଥିବା ଦୀପକ ଆଗାମୀ ସମୟରେ ବିଶ୍ବର ସର୍ବୋଚ୍ଚ ଗିରିଶୃଙ୍ଗ ମାଉଣ୍ଟ ଏଭରେଷ୍ଟ ଆରୋହଣ କରିବାକୁ ଲକ୍ଷ୍ୟ ରଖିଛନ୍ତି। ଏହି ସଫଳତା ଲାଗି ତାଙ୍କୁ କ୍ରୀଡ଼ା ବିଭାଗ ପକ୍ଷରୁ ସୋମବାର ସ୍ବତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଛି। ଏହି ଅବସରରେ ଅତିରିକ୍ତ ସଚିବ ବିଜୟ କୁମାର ସ୍ବାଇଁ, ଏଭରେଷ୍ଟ ବିଜେତା ତଥା ‘ଆସା’ ଫାଉଣ୍ଡେସନ୍‌ର ସଂପାଦକ ଗଣେଶ ଚନ୍ଦ୍ର ଜେନା, କାର୍ଯ୍ୟକ୍ରମ ଅଧିକାରୀ ହରେଶ କୁମାର ମିଶ୍ର ପ୍ରମୁଖ ଉପସ୍ଥିତ ଥିଲେ। ‘ଆସା’ର କାର୍ଯ୍ୟକାରୀ ସଭାପତି ଅଶୋକ ମହାନ୍ତି, ଉପସଭାପତି ଶକ୍ତିରଞ୍ଜନ ମହାନ୍ତି, ବିକ୍ରମ କିଶୋର ଦାସ, ବିଜୟ କୁମାର ସାସମଲ ଓ କ୍ଷୀରୋଦ କୁମାର ଷଣ୍ଡ ପ୍ରମୁଖ ଅଭିନନ୍ଦନ ଜଣାଇଛନ୍ତି। Swachh Bharat Mission: ସହରାଞ୍ଚଳ ପରିମଳ ବ୍ୟବସ୍ଥାକୁ ସୁଦୃଢ଼ କରିବ ଓଡ଼ିଶା ହରାଇପାରନ୍ତି ଦୁଇଟି ଅଙ୍ଗୁଳି ମାଉଣ୍ଟ୍‌ କାଙ୍ଗ୍ରିକୁ ସଫଳତାର ସହ ଆରୋହଣ କରି ଓଡ଼ିଶା ପାଇଁ ଗର୍ବ ଓ ଗୌରବ ଆଣିଥିବା ଦୀପକ କିନ୍ତୁ ଏବେ ଗୁରୁତର ସ୍ବାସ୍ଥ୍ୟଗତ ସମସ୍ୟାରେ ପଡ଼ିଛନ୍ତି। ଶିଖର ଛୁଇଁ ଫେରି ବେସ୍‌କ୍ୟାମ୍ପକୁ ଫେରିଲା ବେଳେ ହଠାତ୍‌ ପାଗ ବିଗିଡ଼ି ଯାଇତାପମାତ୍ରାଶୂନରୁ ୩୫ ଡିଗ୍ରି ତଳକୁ ଖସି ଯିବାରୁ ତାଙ୍କର ପାଞ୍ଚଟି ହାତ ଅଙ୍ଗୁଳି ଫ୍ରଷ୍ଟ୍‌ ବାଇଟ୍‌ ବା ଶୀତଦଂଶନର ଶିକାର ହୋଇଛି। ଏଗୁଡ଼ିକ ଏବେ ପ୍ରତିକ୍ରିୟା ବିହୀନ ସ୍ଥିତିରେ ରହିଛି। ଲେହରେ ଆଶୁ ଚିକିତ୍ସା କରି ପରେ ଭୁବନେଶ୍ବର ଏମ୍ସ ଓ କଟକସ୍ଥିତ ଏସ୍‌ସିବି ମେଡିକାଲ କଲେଜ୍‌ରେ ଚିକିତ୍ସିତ ହେଉଛନ୍ତି ସେ। ତେବେ ମାତ୍ରାଧିକ ଥଣ୍ଡା ପାଇଁ ପ୍ରଭାବିତ ପାଞ୍ଚଟି ଆଙ୍ଗୁଠି ଭିତରୁ ଦୁଇଟିକୁ କାଟିବାକୁ ପଡ଼ିପାରେ ବୋଲି ଡାକ୍ତରମାନେ ତାଙ୍କୁ ଜଣାଇଛନ୍ତି। ଔଷଧ ସେବନ ଜାରି ରଖିବା ସହ ୯ ତାରିଖରେ ପୁନଃ ସ୍ଥିତି ମୂଲ୍ୟାୟନ କରିବାକୁ ପରାମର୍ଶ ଦେଇଛନ୍ତି। ଯାହା ଦୀପକଙ୍କୁ ଚିନ୍ତା ଓ ବିଷାଦରେ ପକାଇଛି। ତାଙ୍କ ପର୍ବତାରୋହଣ କ୍ୟାରିୟର୍‌ ମଧ୍ୟ ଏହା ଦ୍ବାରା ପ୍ରଭାବିତ ହେବାର ଯଥେଷ୍ଟ ଆଶଙ୍କା ରହିଛି। ଏଥିନେଇ ଦୀପକଙ୍କ ପାଇଁ ଉନ୍ନତ ଚିକିତ୍ସା ବ୍ୟବସ୍ଥା ସହ ସହାୟତାର ହାତ ବଢ଼ାଇବାକୁ ‘ଆସା’ ସଂପାଦକ ତଥା ରାଜ୍ୟରେ ପର୍ବତାରୋହଣର ବିକାଶ ପାଇଁ ନିରନ୍ତର ପ୍ରୟାସ କରି ଆସୁଥିବା ଏଭରେଷ୍ଟର୍‌ ଗଣେଶ ଜେନା ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି। Horoscope 2026 February 04 : ଜାଣନ୍ତୁ ଆଜିରରାଶିଫଳ

73 shares

😊

Sambad

Feb 3, 2026, 10:35 PM

ଜାତୀୟ ପାରା ତୀରନ୍ଦାଜୀ ପ୍ରତିଯୋଗିତାରେ ଦୁଇଟି ପଦକ ଜିତିଲେ ଅଙ୍ଗହୀନ ତୀରନ୍ଦାଜ ପାୟଲ ନାଗା

ଭୁବନେଶ୍ବର: ପଞ୍ଜାବର ପତିଆଲାରେ ଚାଲିଥିବା ସପ୍ତମ ଜାତୀୟ ପାରା ତୀରନ୍ଦାଜି ପ୍ରତିଯୋଗିତାରେଓଡ଼ିଶାପାୟଲ ନାଗା ଦୁଇଟି ପଦକ ଜିତି ଇତିହାସ ରଚିଛନ୍ତି। ରୢାଙ୍କିଂ ରାଉଣ୍ଡରେ ରୌପ୍ୟ ଏବଂ ବ୍ୟକ୍ତିଗତ ଇଭେଣ୍ଟ୍‌ରେ କାଂସ୍ୟ ଜିତି ରାଜ୍ୟ ପାଇଁ ଗୌରବ ଆଣିଛନ୍ତି। ପିଲାଦିନେ ଏକ ଦୁର୍ଘଟଣାରେ ପାୟଲଙ୍କ ଦୁଇଟି ଯାକ ହାତ ଓ ଗୋଡ଼ ନଷ୍ଟ ହୋଇଯାଇଥିଲା। ବହୁ ଘାତ ପ୍ରତିଘାତ ଭିତରେ ଏହାକୁ ନ ଦେଖି ସେ ତୀରନ୍ଦାଜ ହୋଇପାରିଛନ୍ତି। ଅଙ୍ଗବିହୀନ ତୀରନ୍ଦାଜି ପ୍ରତିଯୋଗିତାରେ ସେ ଖେଳି ନିଜର ଚମକ ଦେଖାଇଛନ୍ତି। Swachh Bharat Mission: ସହରାଞ୍ଚଳ ପରିମଳ ବ୍ୟବସ୍ଥାକୁ ସୁଦୃଢ଼ କରିବ ଓଡ଼ିଶା କଠୋର ତାଲିମ ନେଇ ନିଜକୁ ବିକଶିତ କରିଛନ୍ତି ସେ। ଅସାଧାରଣ ସନ୍ତୁଳନ ଓ ଅନନ୍ୟ ତୀରଚାଳନା କୌଶଳ ବ୍ୟବହାର କରି ସେ ପାରାଅଲିମ୍ପିକ୍ପଦକଏବଂ ଅର୍ଜୁନ ପୁରସ୍କାର ବିଜେତାଙ୍କ ସହ ତାଳଦେଇ ଏହି ପ୍ରତିଯୋଗିତାରେ ନିଜର ଶ୍ରେଷ୍ଠ ପ୍ରଦର୍ଶନ ଦେଇଛନ୍ତି। ଏହି ଜାତୀୟ ପ୍ରତିଯୋଗିତା ଖାଲି ତାଙ୍କୁ ପଦକ ଦେଇନି, ତାଙ୍କ ମନୋବଳକୁ ବି ବଢ଼ାଇଛି। ପ୍ରଶିକ୍ଷକ କୁଲଦୀପ ବିଦ୍ବାନ କହିଛନ୍ତି ଯେ ‘‘ପାୟଲଙ୍କ ଦୃଢ଼ ନିଷ୍ପତ୍ତି ଓ ନିର୍ଭୀକ ମାନସିକତା ଆଗକୁ ବଢ଼ାଇବାରେ ସାହାଯ୍ୟ କରିଛି। ତାଙ୍କର ଏହି ସଫଳତା ପ୍ରମାଣ କରିଛି ଯେ ଲକ୍ଷ୍ୟ କେବଳ ଶରୀରକୁ ନେଇ ନୁହେଁ, ମନରେ ରହିବା ଦରକାର।’’ Horoscope 2026 February 04 : ଜାଣନ୍ତୁ ଆଜିରରାଶିଫଳ

77 shares

😊

Sambad

Feb 3, 2026, 09:59 PM

16ତମ ଅର୍ଥ ଆୟୋଗ ରିପୋର୍ଟ ରାଜ୍ୟଗୁଡ଼ିକ ନୂଆ ଫର୍ମୁଲା ସହିତ ଆର୍ଥିକ ବର୍ଷ 2026-27 ପାଇଁ ପାଣ୍ଠି ଆବଣ୍ଟନ କରିଛନ୍ତି

ଭୁବନେଶ୍ବର:ଅର୍ଥମନ୍ତ୍ରୀନିର୍ମଳା ସୀତାରମଣ ବଜେଟ୍‌ ଉପସ୍ଥାପନ ଦିନ ସଂସଦରେ ଷୋଡ଼ଶ ଅର୍ଥ ଆୟୋଗ ରିପୋର୍ଟ ଉପସ୍ଥାପନ କରିଛନ୍ତି। ଷୋଡ଼ଶ ଅର୍ଥ ଆୟୋଗ ରାଜ୍ୟଗୁଡ଼ିକୁ ୪୧ ପ୍ରତିଶତ ଅର୍ଥ ସ୍ଥାନାନ୍ତର ନେଇ ସୁପାରିସ କରିଛନ୍ତି। ସେହି ଅନୁଯାୟୀ ରାଜ୍ୟଗୁଡ଼ିକୁ ୨୦୨୬-୨୭ ଆର୍ଥିକବର୍ଷ ପାଇଁ ଅର୍ଥ ଆବଣ୍ଟନ କରାଯାଇଛି। ବିଭିନ୍ନ ରାଜ୍ୟ ମଧ୍ୟରେ କେନ୍ଦ୍ରୀୟ ସମ୍ବଳ ବଣ୍ଟନ ନେଇ ରହିଥିବା ଫର୍ମୁଲା ବା ସୂତ୍ରରେ ଷୋଡ଼ଶ ଅର୍ଥ ଆୟୋଗ କେତେକ ପରିବର୍ତ୍ତନ ଆଣିଛନ୍ତି। ପଞ୍ଚଦର୍ଶ ଅର୍ଥ ଆୟୋଗ ଫର୍ମୁଲା ଅନୁସାରେ, ଓଡ଼ିଶାକୁ ୪.୫୨୮ ପ୍ରତିଶତ ଅର୍ଥ ମିଳିଥିଲା। କିନ୍ତୁ ଷୋଡ଼ଶ ଅର୍ଥ ଆୟୋଗରେ ଏହା ୨୦୨୬-୨୭ ଆର୍ଥିକବର୍ଷରେ ୪.୪୨ ପ୍ରତିଶତକୁ ହ୍ରାସ ପାଇଛି। ବିଭିନ୍ନ ରାଜ୍ୟ ମଧ୍ୟରେ ସମ୍ବଳ ବଣ୍ଟନ ପାଇଁ ଯେଉଁ ଫର୍ମୁଲା ଗ୍ରହଣ ହୋଇଛି ସେଥିରେ ପ୍ରଥମ ଥର ପାଇଁ ‌ ରାଜ୍ୟର ମୋଟ ଘରୋଇ ଉତ୍ପାଦ (ଜିଏସ୍‌ଡିପି)କୁ ସାମିଲ କରାଯାଇଛି। ଅର୍ଥାତ୍‌ ଦେଶର ମୋଟ ଘରୋଇ ଉତ୍ପାଦ (ଜିଡିପି)ରେ ଜିଏସ୍‌ଡିପିର ଯୋଗଦାନକୁ ୧୦ ପ୍ରତିଶତ ଗୁରୁତ୍ବ ଦିଆଯାଇଛି। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ଏଥିସହିତ ଆୟ ପାର୍ଥକ୍ୟକୁ ପଞ୍ଚଦର୍ଶ ଅର୍ଥ ଆୟୋଗ ୪୫ ପ୍ରତିଶତ ଗୁରୁତ୍ବ ଦେଇଥିବାବେଳେ ଏଥର ଏହାକୁ ୪୨.୫ ପ୍ରତିଶତକୁ କମାଇ ଦିଆଯାଇଛି। ଜନସଂଖ୍ୟାକୁ ଦିଆଯାଉଥିବା ଗୁରୁତ୍ବକୁ ୧୫ ପ୍ରତିଶତରୁ ବୃଦ୍ଧି କରାଯାଇ ୧୭.୫ ପ୍ରତିଶତ ରଖାଯାଇଛି। ଅନ୍ୟପକ୍ଷରେ ଡେମୋଗ୍ରାଫି ବା ଜନସଂଖ୍ୟାର ଉତ୍ତମ ପରିଚାଳନାକୁ ପୂର୍ବଥର ୧୨.୫ ପ୍ରତିଶତ ଗୁରୁତ୍ବ ଦିଆଯାଇଥିବାବେଳେ ନୂଆ ଫର୍ମୁଲାରେ ତାହାକୁ ୧୦ ପ୍ରତିଶତକୁ ହ୍ରାସ କରାଯାଇଛି। ଏହା ଦ୍ବାରା ଜନସଂଖ୍ୟା ପରିଚାଳନା କ୍ଷେତ୍ରରେ ଭଲ ପ୍ରଦର୍ଶନ କରୁଥିବା ରାଜ୍ୟଗୁଡ଼ିକ ନିରୁତ୍ସାହିତ ହେବେ। ଭୌଗୋଳିକ ଅଞ୍ଚଳକୁ ଗତ ଅର୍ଥ ଆୟୋଗ ୧୫ ପ୍ରତିଶତ ଗୁରୁତ୍ବ ଦେଇଥିବାବେଳେ ଏଥର ତାହାକୁ ୧୦ ପ୍ରତିଶତକୁ ହ୍ରାସ କରାଯାଇଛି। ଗତ ଅର୍ଥ ଆୟୋଗରେ ଟିକସ ଓ ବିତ୍ତୀୟ କ୍ଷେତ୍ରରେ ହେଉଥିବା ଅଗ୍ରଗତିକୁ ୨.୫ ପ୍ରତିଶତ ଗୁରୁତ୍ବ ଦିଆଯାଉଥିବାବେଳେ ଏଥର ତାହାକୁ ଉଠାଇ ଦିଆଯାଇଛି। ଜଙ୍ଗଲର ଗୁରୁତ୍ବକୁ ପୂର୍ବବତ୍‌ ୧୦ ପ୍ରତିଶତରେ ସ୍ଥିର ରଖାଯାଇଛି। ପ୍ରଥମ ଥର ପାଇଁ ଅର୍ଥ ଆୟୋଗ ରାଜସ୍ବ ନିଅଣ୍ଟ ଅନୁଦାନ ଏବଂ ନିର୍ଦ୍ଦିଷ୍ଟ ରାଜ୍ୟଭିତ୍ତିକ ଅନୁଦାନ ବ୍ୟବସ୍ଥାକୁ ଉଠାଇ ଦେଇଛନ୍ତି। ଏହାକୁ ବିଶେଷଜ୍ଞମାନେ ନାପସନ୍ଦ କରିଛନ୍ତି। ବଦଳିଲା ସମାନ୍ତରାଳ ଆବଣ୍ଟନ ସୂତ୍ର, ରାଜ୍ୟର ଦାବିକୁ ଅଣଦେଖା ଅର୍ଥନୀତିଜ୍ଞଙ୍କ ମତରେ, ସମାନ୍ତରାଳ ଆବଣ୍ଟନ ବ୍ୟବସ୍ଥାରେ ହୋଇଥିବା ପରିବର୍ତ୍ତନ ଦ୍ବାରା ଓଡ଼ିଶାକୁ କମ୍‌ ରାଜସ୍ବ ମିଳିବ। ଜନସଂଖ୍ୟା ଓ ଅନ୍ୟାନ୍ୟ ବିଷୟକୁ ଦିଆଯାଉଥିବା ଗୁରୁତ୍ବ ପ୍ରତିଶତରେ ପରିବର୍ତ୍ତନ ଅଣାଯାଇଥିବାରୁ ରାଜ୍ୟଗୁଡ଼ିକର ଭାଗ ମଧ୍ୟ ଏପଟସେପଟ ହେବ। ନୂଆ ଫର୍ମୁଲାରେ ଦକ୍ଷିଣ ଏବଂ ପଶ୍ଚିମ ଭାରତର ରାଜ୍ୟଗୁଡ଼ିକ ଅଧିକ ଅଂଶ ପାଇବେ। ଗତ ପ୍ରାୟ ଦୁଇ ଦଶନ୍ଧି ହେଲା ଏକାଧିକ ଅର୍ଥ କମିସନଙ୍କ ସୁପାରିସରେ ଓଡ଼ିଶାର ଭାଗ କମିବାରେ ଲାଗିଛି। ବିତ୍ତୀୟ ଶୃଙ୍ଖଳା, ବଜେଟ୍‌ ପରିଚାଳନା (ଏଫ୍‌ଆର୍‌ବିଏମ୍‌) ଆଇନ ଓ ଅର୍ଥ କମିସନଙ୍କ ଦ୍ବାରା ଧାର୍ଯ୍ୟ ସମସ୍ତ ମାନଦଣ୍ଡ ପୂରଣ କରୁଥିବା ଓଡ଼ିଶା ପ୍ରତି ଏହା ଅତ୍ୟନ୍ତ ଦୁର୍ଭାଗ୍ୟଜନକ। Swachh Bharat Mission: ସହରାଞ୍ଚଳ ପରିମଳ ବ୍ୟବସ୍ଥାକୁ ସୁଦୃଢ଼ କରିବ ଓଡ଼ିଶା ବିଶେଷଜ୍ଞ ଆହୁରି କହିଛନ୍ତି, କେନ୍ଦ୍ରରୁ କମ୍‌ ଅର୍ଥ ମିଳିବା ଆଶଙ୍କା ଥିବାରୁ ରାଜ୍ୟ ସରକାରଙ୍କୁ ବିକାଶମୂଳକ ଯୋଜନା ପାଇଁ ବଜାରଋଣଉପରେ ଅଧିକ ମାତ୍ରାରେ ନିର୍ଭର କରିବାକୁ ପଡ଼ିପାରେ। ଏପରି ପରିସ୍ଥିତିରେ ନିଜସ୍ବ ରାଜସ୍ବ ବୃଦ୍ଧିର ଉତ୍ସ ବାହାର କରିବାକୁ ହେବ। ଏଥିସହିତ ପୌରସଂସ୍ଥା ଓ ପଞ୍ଚାୟତିରାଜ ସଂସ୍ଥା ପାଇଁ ଏକ ଉତ୍ସର୍ଗୀକୃତ ଅନୁଦାନ ପାଇଁ ଦାବି କରିଥିଲା। ସେହିଭଳି ଓଡ଼ିଶା ବାରମ୍ବାର ବାତ୍ୟା ଓ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟର ମୁକାବିଲା କରୁଥିବାରୁ ରାଜ୍ୟ ବିପର୍ଯ୍ୟୟ ପ୍ରଶମନ ପାଣ୍ଠି (ଏସ୍‌ଡିଆର୍‌ଏଫ୍‌)କୁ କେନ୍ଦ୍ର ପ୍ରଦାନ କରୁ ବୋଲି ଦାବି କରିଥିଲା। ଏସବୁକୁ ଅଣଦେଖା କରାଯାଇଛି।

94 shares

😐

Sambad

Feb 3, 2026, 09:59 PM

ବିଶୃଙ୍ଖଳିତ ଆଚରଣ ପାଇଁ ବିରୋଧୀ ଦଳର 8 ଜଣ ସାଂସଦ ଲୋକସଭାରୁ ନିଲମ୍ବିତ

ନୂଆଦିଲ୍ଲୀ:ଲୋକସଭାରେ ବିଶୃଙ୍ଖଳିତ ଆଚରଣ ପ୍ରଦର୍ଶନ କରି ଗୃହ କାର୍ଯ୍ୟରେ ବାରମ୍ବାର ବାଧା ସୃଷ୍ଟି କରିଥିବାରୁ ଏବଂ ବାଚସ୍ପତିଙ୍କ ଉପରକୁ କାଗଜ ଚିରି ଫିଙ୍ଗିଥିବାରୁ ଆଜି ୮ ଜଣ ବିରୋଧୀ ସାଂସଦଙ୍କୁ ଗୃହରୁ ନିଲମ୍ବିତ କରାଯାଇଛି। ମଙ୍ଗଳବାର ଗୃହକାର୍ଯ୍ୟ ଆରମ୍ଭ ହେଉ ହେଉ ବିରୋଧୀ ଦଳ ନେତା ରାହୁଲ ଗାନ୍ଧୀ ଲଗାତାର ଦ୍ବିତୀୟ ଦିନରେ ପୂର୍ବତନ ସେନାମୁଖ୍ୟ ନରବଣେଙ୍କ ଅପ୍ରକାଶିତ ଆତ୍ମଜୀବନୀର କିଛି ଅଂଶ ପଢ଼ିବାକୁ ଚେଷ୍ଟା କରିଥିଲେ, ଯେଉଁଥିରେ ଲଦାଖ ବିବାଦ ସଂକ୍ରାନ୍ତରେ ଉଲ୍ଲେଖ ରହିଛି। କିନ୍ତୁ ରାହୁଲ ଗାନ୍ଧୀଙ୍କୁ ଏଥିପାଇଁ ଅନୁମତି ନ ମିଳିବାରୁ ବିରୋଧୀ ସାଂସଦମାନେ ଏହାର ତୀବ୍ର ବିରୋଧ କରି ଗୃହରେ ହୋହଲ୍ଲା କରିଥିଲେ। ସେମାନେ ମଧ୍ୟ ବାଚସ୍ପତିଙ୍କ ଉପରକୁ କାଗଜ ଚିରି ଫିଙ୍ଗିଥିଲେ। ଫଳରେ ବାଚସ୍ପତିଙ୍କୁ ବାରମ୍ବାର ଗୃହ ମୁଲତବୀ ରଖିବାକୁ ପଡ଼ିଥିଲା। ତେବେ ଅପରାହ୍ଣ ୩ଟାରେ ଗୃହ କାର୍ଯ୍ୟ ଆରମ୍ଭ ହେବା ପରେ ଲୋକସଭାରେ ଅଧ୍ୟକ୍ଷ ଆସନରେ ଥିବା ଦିଲୀପ ସାଇକା ୮ ଜଣ କଂଗ୍ରେସ ସାଂସଦଙ୍କୁ ଗୃହରୁ ନିଲମ୍ବିତ କରିଥିଲେ। ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ବଜେଟ୍‌ ଅଧିବେଶନର ବାକି ଦିବସଗୁଡ଼ିକ ପାଇଁ ସେମାନଙ୍କୁ ନିଲମ୍ବିତ କରାଯାଇଥିବା କହିଛନ୍ତି। ଗୃହରେ ବାଚନିକ ଭୋଟ୍‌‌ରେ ଏ ନେଇ ଏକ ପ୍ରସ୍ତାବ ଗୃହୀତ ହୋଇଛି ବୋଲି ରିଜିଜୁ କହିଛନ୍ତି। Swachh Bharat Mission: ସହରାଞ୍ଚଳ ପରିମଳ ବ୍ୟବସ୍ଥାକୁ ସୁଦୃଢ଼ କରିବ ଓଡ଼ିଶା ନିଲମ୍ବିତ ସାଂସଦମାନେ ହେଉଛନ୍ତି ଅମରିନ୍ଦର ସିଂହ ରାଜା ୱାରିଙ୍ଗ, ମାଣିକମ୍ ଟାଗୋର, ଗୁରଜିତ ସିଂହ ଔଜଲା, ହିବି ଏଡେନ୍‌, ସି କିରଣ କୁମାର ରେଡ୍ଡୀ, ପ୍ରଶାନ୍ତ ୟଦାଅରାଓ ପାଡୋଲ, ଏସ୍‌ ଭେଙ୍କଟେଶ ଓ ଡିନ୍‌ କୁରିୟାକୋସ। ତେବେ ସାଂସଦଙ୍କ ନିଲମ୍ବନକୁ ବିରୋଧ କରି ରାହୁଲ ଗାନ୍ଧୀଙ୍କ ନେତୃତ୍ବରେ କଂଗ୍ରେସ ନେତାମାନେ ଆଜି ସଂସଦ ବାହାରେ ବିକ୍ଷୋଭ ପ୍ରଦର୍ଶନ କରିଛନ୍ତି। ନିଲମ୍ବିତ ସାଂସଦମାନେ ସାମ୍ବାଦିକଙ୍କୁ କହିଛନ୍ତି, ରାହୁଲ ଗାନ୍ଧୀଙ୍କୁ କହିବାକୁ ଅନୁମତି ମିଳିଲାନି। ତାଙ୍କ ନିକଟରେ ପ୍ରମାଣ ଥିଲେ ସୁଦ୍ଧା ଏବଂ ସେ ଏହାକୁ ଗୃହରେ ଦାଖଲ କରିଥିଲେ ସୁଦ୍ଧା ତାଙ୍କୁ କହିବାକୁ ଦିଆଯାଇନି। ଆମେ ଏହାକୁବିରୋଧ କରି କାଗଜ ଚିରିଲୁ। ଏହା କ’ଣ ନିଲମ୍ବନ କରିବା ଭଳି ଅପରାଧ କି ବୋଲି ସେମାନେ ପ୍ରଶ୍ନ କରିଛନ୍ତି। ବିଜେପି ସାଂସଦ ଅନୁରାଗ ଠାକୁର ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା କରିଛନ୍ତି। ରାହୁଲ ଗଣତନ୍ତ୍ର ଓ ସଂସଦକୁ ଅପମାନିତ କରିଥିବା ସେ କହିଛନ୍ତି। ନିଲମ୍ବିତ ସାଂସଦଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରି ବିଜେପି ଔପଚାରିକ ଭାବେ ଏକ ଅଭିଯୋଗ ଦାଖଲ କରିବ ବୋଲି ଠାକୁର କହିଛନ୍ତି। Congress Questions: ବାଣିଜ୍ୟ ଚୁକ୍ତି ନେଇ କେନ୍ଦ୍ରକୁ କଂଗ୍ରେସର ୪ ପ୍ରଶ୍ନ ଉଲ୍ଲେଖଯୋଗ୍ୟ, ଆଜି ଲଗାତାର ଦ୍ବିତୀୟ ଦିନରେ ଗୃହକାର୍ଯ୍ୟରେ ବାଧା ଉପୁଜିଛି। ପୂର୍ବାହ୍ଣ ୧୧ଟାରେ ଗୃହକାର୍ଯ୍ୟ ଆରମ୍ଭ ହେବାର ମାତ୍ର କିଛି ମିନିଟ୍ ମଧ୍ୟରେ ଗୃହ ମୁଲତବୀ ହୋଇଥିଲା। ଏହାପରେ ଅପରାହ୍ଣ ୧୨ଟାରେ ଗୃହକାର୍ଯ୍ୟ ଆରମ୍ଭ ହୋଇଥିଲେ ସୁଦ୍ଧା ମାତ୍ର କିଛି ମିନିଟ୍‌ ମଧ୍ୟରେ ପୁଣିଥରେ ଅପରାହ୍ଣ ୨ଟା ପର୍ଯ୍ୟନ୍ତ ମୁଲତବୀ ରଖାଯାଇଥିଲା। ବାରାଣସୀର ମଣିକର୍ଣ୍ଣିକା ଘାଟରେ ଉଚ୍ଛେଦ ଅଭିଯାନ ଏବଂ ଆମେରିକା ରାଷ୍ଟ୍ରପତିଙ୍କ ଦ୍ବାରା ଭାରତ-ଆମେରିକା ଚୁକ୍ତି ଘୋଷଣାକୁ ବିରୋଧ କରି ଆଜି ବିରୋଧୀ ସାଂସଦମାନେ ଗୃହରେ ସ୍ଲୋଗାନ ଦେଇ ପ୍ରବଳ ହୋହଲ୍ଲା କରିଥିଲେ। ସେମାନେ ଗୃହର ମଧ୍ୟଭାଗକୁ ଯାଇ ‘ସରେଣ୍ଡର ମୋଦୀ’ ସ୍ଲୋଗାନ୍‌ ଦେଇଥିଲେ। ଅସନ୍ତୋଷ ଝାଡ଼ିଲେ ରାହୁଲ ନୂଆଦିଲ୍ଲୀ: ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଆଜି ବର୍ଷିଛନ୍ତି। ଭାରତ-ଆମେରିକା ବାଣିଜ୍ୟ ଚୁକ୍ତି ସଂକ୍ରାନ୍ତରେ ସଂସଦ ବାହାରେସାମ୍ବାଦିକଙ୍କୁ ରାହୁଲ କହିଛନ୍ତି, ପ୍ରଧାନମନ୍ତ୍ରୀ ପ୍ରବଳ ଚାପ‌ରେ ଆମେରିକା ସହ ବାଣିଜ୍ୟ ଚୁକ୍ତି ସ୍ବାକ୍ଷର କରିଛନ୍ତି। ଗତ ୪ ମାସ ଧରି ବାଣିଜ୍ୟ ଚୁକ୍ତି ସ୍ବାକ୍ଷର ହୋଇପାରି ନ ଥିଲା। ଏଥିରେ କୌଣସି ପରିବର୍ତ୍ତନ ମଧ୍ୟ ହୋଇନାହିଁ। ହଠାତ୍‌ ସନ୍ଧ୍ୟାରେ ଏହି ଚୁକ୍ତି ସ୍ବାକ୍ଷର ହେବାର କାରଣ ମୁଁ ଜାଣେ ଏବଂ ନରେନ୍ଦ୍ର ମୋଦୀ ମଧ୍ୟ ଜାଣନ୍ତି। ରାହୁଲ କହିଛନ୍ତି, ଜନସାଧାରଣଙ୍କୁ ଏହି ବିଷୟରେ ଚିନ୍ତା କରିବାର ଆବଶ୍ୟକତା ରହିଛି। ପ୍ରଥମ ଥର ପାଇଁ ବିରୋଧୀ ଦଳ ନେତାଙ୍କୁ ରାଷ୍ଟ୍ରପତିଙ୍କ ଭାଷଣ ଉପରେ କହିବାକୁ ଅନୁମତି ଦିଆଗଲା ନାହିଁ।

93 shares

😢

Sambad

Feb 3, 2026, 09:59 PM

ମୁମ୍ବାଇ ବିମାନ ବନ୍ଦର ମଝିରେ ବିମାନ ଧକ୍କା ଏୟାର ଇଣ୍ଡିଆ ଏବଂ ଇଣ୍ଡିଗୋ ଘଟଣାରେ କେହି ମୃତାହତ ହୋଇନାହାନ୍ତି

ମୁମ୍ବାଇ:ମୁମ୍ବାଇର ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନ ବନ୍ଦରରେ ମଙ୍ଗଳବାର ଏୟାର୍ ଇଣ୍ଡିଆର ଏକ ବିମାନ ଓ ଏକ ଇଣ୍ଡିଗୋ ବିମାନର ଡେଣା ଭିତରେ ଧକ୍କା ହୋଇଛି। ସୌଭାଗ୍ୟବଶତଃ ଏଥିରେ କୌଣସି କ୍ଷୟକ୍ଷତି ହୋଇନାହିଁ। ଦୁର୍ଘଟଣା ପରେ ବେସାମରିକ ବିମାନ ଚଳାଚଳ ମହାନିର୍ଦ୍ଦେଶାଳୟ (ଡିଜିସିଏ)ର ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ। ଏୟାର୍ ଇଣ୍ଡିଆ କହିଛି ଯେ ଘଟଣା ଘଟିବା ସମୟରେ ଏହାର ବିମାନ ଟ୍ୟାକ୍ସିୱେରେ ଉଡ଼ାଣ ପାଇଁ ଅପେକ୍ଷା କରିଥିଲା। ମୁମ୍ବାଇରୁ କୋଏମ୍ବାଟୁର ଅଭିମୁଖେ ଯିବାକୁ ଥିବା ବିମାନ ଏଆଇ୨୭୩୨ ଉଡ଼ାଣ ପୂର୍ବରୁ ଟ୍ୟାକ୍ସିୱେରେ ଅପେକ୍ଷା କରୁଥିବା ସମୟରେ ଇଣ୍ଡିଗୋ ବିମାନର ଡେଣା ସଂସ୍ପର୍ଶରେ ଆସିଥିଲା। ଯାହାଫଳରେ ଆମ ବିମାନର ଡେଣା କ୍ଷତିଗ୍ରସ୍ତ ହୋଇଛି। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ବୈଷୟିକ ଯାଞ୍ଚ ପାଇଁ ଉଭୟ ବିମାନକୁ ଭୂଶାୟୀ କରାଯାଇଛି।ଏୟାର୍ ଇଣ୍ଡିଆର ବିବୃତିରେ କୁହାଯାଇଛି ଯେ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ଓହ୍ଲାଇ ଦିଆଯାଇଛି ଏବଂ ଆମର ଗ୍ରାଉଣ୍ଡ ଟିମ୍ ସେମାନଙ୍କୁ ଶୀଘ୍ର ଗନ୍ତବ୍ୟସ୍ଥଳରେ ପହଞ୍ଚାଇବା ପାଇଁ ବିକଳ୍ପ ବ୍ୟବସ୍ଥା କରୁଛନ୍ତି। ଇଣ୍ଡିଗୋ ମଧ୍ୟ ଏହି ଦୁର୍ଘଟଣା ବିଷୟରେ ସବିଶେଷ ତଥ୍ୟ ପ୍ରଦାନ କରିଛି। ଏଥିରେ କୁହାଯାଇଛି, ବିମାନ ହାଇଦ୍ରାବାଦରୁ ମୁମ୍ବାଇ ପହଞ୍ଚି ଅବତରଣ କରିବା ପରେ ଟ୍ୟାକ୍ସିଂ ସମୟରେ ଏୟାର୍ ଇଣ୍ଡିଆ ବିମାନର ଡେଣା ସଂସ୍ପର୍ଶରେ ଆସିଥିଲା। ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି ଏବଂ ପାର୍କିଂ ପରେ ସେମାନଙ୍କୁ ଓହ୍ଲାଇ ଦିଆଯାଇଛି। ବିମାନଟିର ରକ୍ଷଣାବେକ୍ଷଣ ଯାଞ୍ଚ ଚାଲିଛି। Education: ପିଜିଟି ଶିକ୍ଷକଙ୍କ ଦିଗଦର୍ଶନ କର୍ମଶାଳାର ଆୟୋଜନ

8 shares

😢

Sambad

Feb 3, 2026, 09:59 PM

ଛଅ ବର୍ଷ ପରେ ବି କଟକର ଚିଟ୍ଫଣ୍ଡ୍ ଦୁର୍ନୀତି ତଦନ୍ତ ଅମୀମାଂସିତ

କଟକ: ଚିଟ୍‌ଫଣ୍ଡ ଦୁର୍ନୀତି ଘଟଣାର ବିଚାରବିଭାଗୀୟ ତଦନ୍ତ ବନ୍ଦ ହେବାକୁ ୬ ବର୍ଷ ପୂରିଛି। ପୂର୍ବବିଜେଡିସରକାର ଅଧାରୁ ଚିଟ୍‌ଫଣ୍ଡ ତଦନ୍ତକୁ ବନ୍ଦ କରି ଦେଇଥିଲେ। ନୂଆ ସରକାର ଆସିବା ପରେ ମଧ୍ୟ ବିଚାରବିଭାଗୀୟ ତଦନ୍ତ ପ୍ରସଙ୍ଗ ଶୀତଳଭଣ୍ଡାରରେ ରହିଯାଇଛି। କମିସନଙ୍କ ତଦନ୍ତ ରିପୋର୍ଟ ଏବେ ବି ରହସ୍ୟ ହୋଇ ରହିଛି। ଚିଟ୍‌ଫଣ୍ଡ ଦୁର୍ନୀତି ଘଟଣାର ବିଚାରବିଭାଗୀୟ ତଦନ୍ତ ପାଇଁ ତତ୍କାଳୀନ ସରକାର ୨୦୧୩ ଜୁଲାଇ ୯ରେ ଜଣିକିଆ କମିସନ ଗଠନ କରିଥିଲେ। ପ୍ରଥମରୁ ୫ଟି ପ୍ରସଙ୍ଗରେ ତଦନ୍ତ ପାଇଁ କମିସନଙ୍କୁ ଦାୟିତ୍ବ ପ୍ରଦାନ କରାଯାଇଥିଲା। ଏହାପରେ ପୂର୍ବ ଟର୍ମସ୍ ଅଫ୍ ରେଫରେନ୍ସରେ ଆଉ ଏକ ପ୍ରସଙ୍ଗ ଯୋଡ଼ି ୨୦୧୫ ଫେବ୍ରୁଆରି ୨୦ରେ ବିଜ୍ଞପ୍ତି ପ୍ରକାଶ କରାଯାଇଥିଲା। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ କମିସନଙ୍କ କାର୍ଯ୍ୟକାଳ ବିଭିନ୍ନ ସମୟରେ ବୃଦ୍ଧି କରାଯାଇଥିବା ବେଳେ ଶେଷ ଥର ୨୦୧୯ ଅଗଷ୍ଟ ୨ରେ ସରକାର ବିଜ୍ଞପ୍ତି ପ୍ରକାଶ କରି ୬ ମାସ କାର୍ଯ୍ୟକାଳ ବୃଦ୍ଧି କରିଥିଲେ। ୨୦୧୫ ‌ଫେବ୍ରୁଆରି ୨୦ର ଟର୍ମସ୍ ଅଫ୍ ରେଫରେନ୍ସରେ ସଂଶୋଧନ କରି ସରକାର ୨୦୧୯ ଡିସେମ୍ବର ୧୧ରେ ବିଜ୍ଞପ୍ତି ପ୍ରକାଶ କରିଥିଲେ। ପୂର୍ବରୁ ପ୍ରକୃତ ଜମାକାରୀଙ୍କୁ ଚିହ୍ନଟ କରାଯିବ ବୋଲି ଟର୍ମସ୍ ଅଫ୍ ରେଫରେନ୍ସରେ ରହିଥିଲା। କିନ୍ତୁ ୨୦୧୯ ଡିସେମ୍ବର ୧୧ରେ ପ୍ରକାଶିତ ସଂଶୋଧିତ ବିଜ୍ଞପ୍ତିରେ ଜମାକାରୀ ବଦଳରେ କ୍ଷୁଦ୍ର ଜମାକାରୀ ବୋଲି ଉଲ୍ଲେଖ କରାଯାଇଥିଲା। କମିସନ୍‌ ପ୍ରାୟ ୪ ଲକ୍ଷ ୯୭ ହଜାର ୮ଶହ କ୍ଷୁଦ୍ର ଜମାକାରୀଙ୍କୁ ଚିହ୍ନଟ କରି ସରକାରଙ୍କୁ ସାତଟି ଅନ୍ତରୀଣ ରିପୋର୍ଟ ପ୍ରଦାନ କରିଥିଲେ। ୨୧ଶହରୁ ଅଧିକ କ୍ଷୁଦ୍ର ଜମାକାରୀ କମିସନଙ୍କ ଜରିଆରେ ସେମାନଙ୍କ ଜମା ଟଙ୍କା ଫେରସ୍ତ ପାଇଥିଲେ। Horoscope 2026 February 04 : ଜାଣନ୍ତୁ ଆଜିରରାଶିଫଳ ବହୁ କ୍ଷତିଗ୍ରସ୍ତ ଜମାକାରୀ ୨୦୧୩ରେ ସତ୍ୟପାଠ ଦାଖଲ କରି ନଥିଲା ବେଳେ କମିସନ ୨୦୧୮ ନଭେମ୍ବର ୧୩ରେ ସାନି ବିଜ୍ଞପ୍ତି ପ୍ରକାଶ କରି ୨୦୧୯ ଜାନୁଆରି ୩୧ ସୁଦ୍ଧାସତ୍ୟପାଠଦାଖଲ ପାଇଁ ସୁଯୋଗ ଦେଇଥିଲେ। ଦ୍ବିତୀୟ ପର୍ଯ୍ୟାୟରେ ପ୍ରାୟ ୭ ଲକ୍ଷ କ୍ଷତିଗ୍ରସ୍ତ ଜମାକାରୀ ସତ୍ୟପାଠ ଦାଖଲ କରିଥିଲେ। କିନ୍ତୁ ୨୦୨୦ ‌ଫେବ୍ରୁଆରି ୪ରୁ ଜଷ୍ଟିସ୍‌ ମଦନ ମୋହନ ଦାସ କମିସନଙ୍କ କାର୍ଯ୍ୟକାଳ ‌ଶେଷ ହୋଇଥିବା ବେଳେ ଏହା ଆଉ ବୃଦ୍ଧି କରାଯାଇ ନଥିଲା। ‌ଏଭଳି ପରିସ୍ଥିତିରେ ବକ୍ସିବଜାର ପୁଲିସଲାଇନ୍‌ସ୍ଥିତ ତଦନ୍ତ କମିସନଙ୍କ କାର୍ଯ୍ୟାଳୟରେ ୨୦୨୦ରୁ ତାଲା ପଡ଼ିଛି। କାର୍ଯ୍ୟାଳୟରେ ନୂଆ ଓ ପୁରୁଣା ସତ୍ୟପାଠ ସବୁ ପଡ଼ି ରହିଛି। ଆସବାବପତ୍ର, କମ୍ପ୍ୟୁଟର, ପ୍ରିଣ୍ଟର, ଜେରକ୍ସ ମେସିନ୍‌, ଫ୍ୟାକ୍ସ, ଏସି, ଗୁରୁତ୍ବପୂର୍ଣ୍ଣ ନଥିପତ୍ରରେ ଗଛଲତା ମାଡ଼ି ଗଲାଣି। ଉଇ ଲାଗି, ପାଣି ପବନ ଖାଇ ନଷ୍ଟ ହୋଇଗଲାଣି। ଚିଟ୍‌ଫଣ୍ଡ ତଦନ୍ତ କମିସନଙ୍କ ୭ଟି ଅନ୍ତରୀଣ ରିପୋର୍ଟରେ କ୍ଷତିଗ୍ରସ୍ତ ଜମାକାରୀଙ୍କ ପ୍ରସଙ୍ଗରେ କଣ ତଥ୍ୟ ରହିଛି ତାହା ଏବେ ବି ଅସ୍ପଷ୍ଟ। ଚିଟ୍‌ଫଣ୍ଡ ତଦନ୍ତ ପାଇଁ ୬.୧୯ କୋଟି ଟଙ୍କାରୁ ଅଧିକ ସରକାରୀ ତହବିଲରୁ ଖର୍ଚ୍ଚ ହୋଇଛି। କମିସନ ଅଫ୍‌ ଇନ୍‌କ୍ବାରି ଆଇନ ଅନୁସାରେ ସରକାର ତଦନ୍ତ କମିିସନ ରିପୋର୍ଟ ବିଧାନସଭାରେ ଉପସ୍ଥାପନ କରିବା କଥା। କିନ୍ତୁ ଏ ପ୍ରସଙ୍ଗରେ ସରକାର ଏବେ ବି ନିରବ ରହିଛନ୍ତି।

7 shares

😢

Sambad

Feb 3, 2026, 09:59 PM

ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପୁରୀ ଲୋକ ଭବନ ଏବଂ ବାଲିସାହି ମନ୍ଦିର ଗସ୍ତ

ପୁରୀ:ପୁରୀଲୋକଭବନରେ ପହଞ୍ଚିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଅପରାହ୍ଣ ୪ଟା ୪୬ ମିନିଟ୍‌ରେ ତାଳବଣିଆ ହେଲିପ୍ୟାଡ୍‌ରେ ଅବତରଣ କରିବା ପରେ ତାଙ୍କୁ କଡ଼ା ସୁରକ୍ଷା ବଳୟରେ ଲୋକଭବନକୁ ନିଆଯାଇଛି। ସେ ସେଠାରେ ରାତ୍ରିଯାପନ କରିବେ। ଆସନ୍ତାକାଲି ସକାଳ ୬ଟା ୫୦ରେ ଲୋକଭବନରୁ ବାହାରି କାକୁଡ଼ିଖାଇଛକ ଦେଇ ବାଲିସାହିସ୍ଥିତ ଶ୍ବେତଗଙ୍ଗା ପୁଷ୍କରିଣୀରେ ପହଞ୍ଚି ପିଣ୍ଡଦାନ କରିବେ। ସକାଳ ୬ଟାରୁ ୧୦ଟା ସର୍ବସାଧାରଣ ଦର୍ଶନ ବନ୍ଦ ପ୍ରାୟ ୩୦ ମିନିଟ୍‌ ପରେ ସେ ମହାପ୍ରଭୁଙ୍କ ଦର୍ଶନ ପାଇଁ ଶ୍ରୀମନ୍ଦିର ଆସିବେ। ବାଲିସାହିରୁଶ୍ରୀମନ୍ଦିରଆସିବା ପାଇଁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ସକାଳ ୭ଟା ୪୦ ମିନିଟ୍‌ରେ ସେ ସିଂହଦ୍ବାର ଦେଇ ଶ୍ରୀମନ୍ଦିରରେ ପ୍ରବେଶ କରିବେ। ସେଠାରେ ମହାପ୍ରଭୁଙ୍କୁ ଦର୍ଶନ କରିବେ। ଏଣୁ ଗୋପାଳବଲ୍ଲଭ ଭୋଗ ଶେଷ ହେବା ପର୍ଯ୍ୟନ୍ତ ଅର୍ଥାତ୍‌ ସକାଳ ୬ଟାରୁ ୧୦ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି। ସକାଳ ୭ଟା ୪୫ରୁ ୮ଟା ୧୦ ମଧ୍ୟରେ ସେ ମହାପ୍ରଭୁଙ୍କ ଦର୍ଶନ କରିବେ। ସେଠାରୁ ଆସିବା ପରେ ଲୋକଭବନରେ ଜଳପାନ ବ୍ୟବସ୍ଥା କରାଯାଇଛି। ସକାଳ ୯ଟା ୧୫ରେ ସେ ଲୋକ ଭବନ ଛାଡ଼ି ତାଳବଣିଆ ହେଲିପ୍ୟାଡ୍‌ ପହଞ୍ଚିବେ। ସେଠାରୁ ହେଲିକପ୍ଟର ଯୋଗେମୟୂରଭଞ୍ଜଜିଲ୍ଲାର ରାଇରଙ୍ଗପୁର ଯିବେ।

61 shares

😐

Sambad

Feb 3, 2026, 09:59 PM

ଏ. ଏସ୍. ଓ. ପରୀକ୍ଷା ପ୍ରଶ୍ନପତ୍ର ଲିକ୍ ମାମଲାରେ ସମ୍ପୃକ୍ତ ପୋଲିସ ଏସ୍. ଆଇ. ଏବଂ ଅନ୍ୟ ପାଞ୍ଚ ଜଣ ଅଟକ

କଟକ:ହାଇକୋର୍ଟଏଏସ୍ଓ‌ ପରୀକ୍ଷା ପ୍ରଶ୍ନ ଉତ୍ତର ଭାଇରାଲ୍ ଘଟଣାରେ ପୂର୍ବରୁ ପୁଲିସ ଏସ୍ଆ‌ଇ ଓ ଓଟିଇଟି ପରୀକ୍ଷା କେଳେଙ୍କାରୀରେ ସାମିଲ ଥିବା ୫ ଜଣଙ୍କୁ ଯୋଡ଼ିବାକୁ ଯାଉଛି ଲାଲବାଗ ଥାନା ପୁଲିସ। ସିବିଆଇ ଓ କ୍ରାଇମବ୍ରାଞ୍ଚ ନିକଟରୁ ଏ ସଂକ୍ରାନ୍ତ ଦସ୍ତାବିଜ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି। ଅନ୍ୟପଟେ ଏହି ୫ ଅଭିଯୁକ୍ତଙ୍କୁ ଏଏସ୍ଓ‌ କେଳେଙ୍କାରୀ ଘଟଣାରେ ପୁଲିସ ରିମାଣ୍ଡରେ ନେବା ପ୍ରକ୍ରିୟା ଆରମ୍ଭ ହୋଇଥିବା ଲାଲବାଗ ଥାନା ପୁଲିସ ପକ୍ଷରୁ ସୂଚନା ମିଳିଛି। Congress: କଂଗ୍ରେସର ଘୋଷଣା: ଜଗତସିଂହପୁରରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ ହାଇକୋର୍ଟର ଏଏସ୍ଓ‌-୨୦୨୪ ମୁଖ୍ୟ ଲିଖିତ ପରୀକ୍ଷା ୨୦୨୫ ଜୁଲାଇରେ ଅନୁଷ୍ଠିତ ହୋଇଥିଲା। ଏହି ପରୀକ୍ଷାର ପ୍ରଶ୍ନପତ୍ର ପ୍ରସ୍ତୁତି ଦାୟିତ୍ବ ନେଇଥିଲା ଭୁବନେଶ୍ବରର ଘରୋଇ ସଂସ୍ଥା ସିଲିକନ ଟେକ୍ ପ୍ରାଇଭେଟ୍ ଲିମିଟେଡ। କିନ୍ତୁ ଏହି ପ୍ରଶ୍ନପତ୍ରର ମଡେଲ୍ ଉତ୍ତର ପଞ୍ଚସଫ୍ଟ ଟେକ୍ନୋଲୋଜି ପ୍ରାଇଭେଟ୍ ଲିମିଟେଡ୍‌ର ମାଲିକ ଶଙ୍କର ପୃଷ୍ଟି ଗ୍ୟାଙ୍ଗ ହାତରେ ଲାଗିଥିଲା। ପରେ ୭୦ ପ୍ରାର୍ଥୀଙ୍କୁ ପ୍ରଶ୍ନ ଉତ୍ତର ବିକ୍ରି କରାଯାଇଥିଲା। ତେବେ ଏହି ମାମଲାରେ ସିଲିକନ୍ ମାଲିକ ସୁରେଶ ନାୟକ ଓ ପଞ୍ଚସଫ୍ଟ ମାଲିକ ଶଙ୍କରର ସମ୍ପୃକ୍ତି ନେଇ ପୁଲିସକୁ ପ୍ରାଥମିକ ତଦନ୍ତ ସମୟରେ ପ୍ରମାଣ ଲାଗିଥିବାରୁ ସେମାନଙ୍କୁମିଶାଇ ୫ ଜଣଙ୍କୁ ପୁଲିସ ଏହି ମାମଲାରେ ରିମାଣ୍ଡରେ ନେବାକୁ ଯାଉଛି। ଏଥିପାଇଁ ଲାଲବାଗ ଥାନା ପୁଲିସ କଟକ ସଦର ଏସ୍‌ଡିଜେଏମ୍‌ କୋର୍ଟ ମାଧ୍ୟମରେ ଭୁବନେଶ୍ବର ସିବିଆଇ ସ୍ବତନ୍ତ୍ର କୋର୍ଟରେ ଆବେଦନ କରିବାକୁ ଯାଉଛି। ଅନୁମତି ମିଳିବା ପରେ ପୁଲିସ ଉକ୍ତ ୫ ଜଣଙ୍କୁ ଥାନାକୁ ଆଣି ପଚରାଉଚରା କରିବ। Congress Questions: ବାଣିଜ୍ୟ ଚୁକ୍ତି ନେଇ କେନ୍ଦ୍ରକୁ କଂଗ୍ରେସର ୪ ପ୍ରଶ୍ନ କୋଚିଂ ସେଣ୍ଟରରେ ପ୍ରାର୍ଥୀଙ୍କୁ ଏକାଠି କରୁଥିଲା ଜ୍ୟୋତିର୍ମୟୀ ଏବେ ଉଭୟ ଶଙ୍କର ଓ ସୁରେଶ ଜେଲ୍‌ରେ ଥିବାରୁ ସେମାନଙ୍କୁ ଲାଲବାଗ ଥାନାପୁଲିସକୋର୍ଟଙ୍କ ଅନୁମତି ବଳରେ ରିମାଣ୍ଡରେ ଆଣି ଏଏସ୍ଓ‌ ପ୍ରଶ୍ନ ଉତ୍ତର କେଳେଙ୍କାରୀର ଗୁମର ଖୋଲିବାକୁ ଯାଉଛି। ପ୍ରାଥମିକ ପର୍ଯ୍ୟାୟରେ ଯେଉଁ ୬ ଜଣ ଗିରଫ ହୋଇ ଜେଲ୍ ଯାଇଛନ୍ତି, ସେମାନଙ୍କ ମଧ୍ୟରେଗଞ୍ଜାମଜିଲ୍ଲାହିଞ୍ଜିଳିର ଜ୍ୟୋତିର୍ମୟୀ ସାହୁ କୋଚିଂ ସେଣ୍ଟରରେ ୭୦ ପ୍ରାର୍ଥୀଙ୍କୁ ଏକାଠି କରିବାରେ ପ୍ରମୁଖ ଭୂମିକା ତୁଲାଇଥିବା ପୁଲିସ ତଦନ୍ତ ସମୟରେ ଜାଣିବାକୁ ପାଇଛି। ଉଭୟ ଖାନନଗର ଓ ପୋଖରୀପୁଟରେ ପ୍ରାର୍ଥୀଙ୍କୁ ଏକାଠି କରିଥିବା ଭଳି ବଡ଼ ଭୂମିକା ତୁଲାଇଥିବା ପୁଲିସ ତଦନ୍ତ ସମୟରେ ଜାଣିବାକୁ ପାଇଛି।

49 shares

😐

Sambad

Feb 3, 2026, 09:50 PM

ସମ୍ବଲପୁରରେ ସି. ବି. ଆଇ. ଚଢ଼ଉ, ତାଲାବିରା କୋଇଲା ଖଣି ଦୁର୍ନୀତିରେ ଗ୍ରାମବାସୀଙ୍କୁ ପଚରାଉଚରା

ସମ୍ବଲପୁର: ତଲାବିରା କୋଇଲା ଖଣି ଦୁର୍ନୀତିରେନୂଆଦିଲ୍ଲୀରୁ ଆସିଥିବା ସିବିଆଇର ଦୁଇଜଣିଆ ଟିମ୍‌ ଆଜି ଦିନ ସାରା ତନାଘନା ଚଳାଇଛି। ସମ୍ବଲପୁରଜିଲ୍ଲାରେଙ୍ଗାଲି ବ୍ଲକ୍‌ ଖିଣ୍ଡା ପଞ୍ଚାୟତ କାର୍ଯ୍ୟାଳୟରେ ଗ୍ରାମବାସୀଙ୍କୁ କୋଇଲା ଦୁର୍ନୀତି ସଂକ୍ରାନ୍ତରେ ପଚରାଉଚରା କରାଯାଇଛି। ତଦନ୍ତକାରୀ ଅଧିକାରୀ ଇନ୍‌ସପେକ୍ଟର ରବିରାଜ ଖଟିକଙ୍କ ନେତୃତ୍ବରେ ଆସିଥିବା ଟିମ୍‌ ଖିଣ୍ଡାର ହେମନ୍ତ ରାଉତ ଓ ତଲାବିରାର ପଦ୍ମଲୋଚନ ଧରଙ୍କ ସହିତ ୧୭ ଜଣ ଗ୍ରାମବାସୀଙ୍କୁ ଗତ ୨୦୧୦ ମସିହାରେ ହୋଇଥିବା ତଲାବିରା-୧ ଖଣିରୁ କୋଇଲା ଖନନ ସଂପର୍କିତ ଜନଶୁଣାଣି ସଂପର୍କରେ ପଚରାଉଚରା କରିଥିଲା। Horoscope 2026 February 04 : ଜାଣନ୍ତୁ ଆଜିରରାଶିଫଳ ସେବେ ଖିଣ୍ଡାରେ ହୋଇଥିବା ଜନଶୁଣାଣିରେ ସ୍ଥାନୀୟ ଲୋକେ ପ୍ରବଳ ବିରୋଧ କରିଥିଲେ। ଖିଣ୍ଡା ଜନଶୁଣାଣି ବିଫଳ ହେବା ପରେ ରେଙ୍ଗାଲିରେ ଜନଶୁଣାଣି କରାଯାଇଥିଲା। ମାତ୍ରାଧିକ କୋଇଲା ଉତ୍ପାଦନ ଯୋଗୁଁ ପ୍ରଦୂଷଣ ବୃଦ୍ଧି ପାଉଥିବାରୁ ‌ଲୋକେ ବିରୋଧ କରିଥିଲେ। ସେହି ସମୟରେ ସ୍ଥାନୀୟ ଲୋକେ କୋଲ୍‌ ଇଣ୍ଡିଆ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ। ମାତ୍ର କୌଣସି କାର୍ଯ୍ୟାନୁଷ୍ଠାନ ନିଆନଯିବାରୁ ୨୦୧୪ ମସିହାରେ ଗ୍ରାମବାସୀ ପୁଣି ଅଭିଯୋଗ କରିଥିଲେ। ସିବିଆଇ ଅଧିକାରୀମାନେ ଉକ୍ତ ଅଭିଯୋଗପତ୍ରରେ ଥିବା ଦସ୍ତଖତ ସେମାନଙ୍କର କି ନୁହେଁ, ହିଣ୍ଡାଲକୋ ଇଣ୍ଡଷ୍ଟ୍ରିଜ୍ ଅନୁମତିଠାରୁ ଅଧିକ କୋଇଲା ଉତ୍ପାଦନ କରିଛି କି? ପରିବେଶ ଉପରେ ଏହାର କ’ଣ ପ୍ରଭାବ ପଡ଼ିଛି? ଏଭଳି ଅନେକ ପ୍ରଶ୍ନ ପଚାରିଥିଲେ। ଆଜି କେତେକ ବ୍ୟକ୍ତି ଆସିପାରିନଥିଲେ। ବାକି ରହିଯାଇଥିବା ଲୋକଙ୍କୁ ଆସନ୍ତାକାଲି ପଚରାଉଚରା କରାଯିବ ବୋଲି ଜଣାପଡ଼ିଛି। ସିବିଆଇ ଟିମ୍‌ ଆସନ୍ତାକାଲି ତଲାବିରା-୧ ଖଣି ଅଞ୍ଚଳ ପରିଦର୍ଶନ କରିବାର କାର୍ଯ୍ୟକ୍ରମ ମଧ୍ୟ ରହିଛି। Education: ପିଜିଟି ଶିକ୍ଷକଙ୍କ ଦିଗଦର୍ଶନ କର୍ମଶାଳାର ଆୟୋଜନ ଉଲ୍ଲେଖଯୋଗ୍ୟ ଯେ ଗତ ଫେବ୍ରୁଆରି ୧୯୯୪ ମସିହାରେ ଇଣ୍ଡଲ୍‌ (ଇଣ୍ଡିଆନ୍‌ ଆଲୁମିନିୟମ କଂପାନି) ତଥା ବର୍ତ୍ତମାନର ହିଣ୍ଡାଲକୋ ଇଣ୍ଡଷ୍ଟ୍ରିଜକୁ ତଲାବିରା-୧ ‌କୋଇଲାଖଣିଆବଣ୍ଟନ କରାଯାଇଥିଲା। ଯେତିକି କୋଇଲା ଖନନ ପାଇଁ ଅନୁମତି ମିଳିଥିଲା, ହିଣ୍ଡାଲକୋ ଇଣ୍ଡଷ୍ଟ୍ରିଜ ତା’ଠାରୁ ବହୁ ଅଧିକ ପରିମାଣର କୋଇଲା ଖନନ କରିଥିବା ନେଇ ଅଭିଯୋଗ ହୋଇଥିଲା। ଏପରିକି, ସରକାରଙ୍କ ପକ୍ଷରୁ ଦିଆଯାଉଥିବା ଆବଶ୍ୟକ ଅନୁମତି ବିନା କଂପାନି କୋଇଲା ଖନନ କରିଥିଲା। ପରେ ସିବିଆଇ କେତେକ ଅଜ୍ଞାତ ସରକାରୀ ଅଧିକାରୀ ଓ ହିଣ୍ଡାଲକୋ ଇଣ୍ଡିଷ୍ଟ୍ରିଜ୍‌ ବିରୋଧରେ ମାମଲା ରୁଜୁ କରିଥିଲେ ଓ ୨୦୧୫ ମସିହାରେ ମୁମ୍ବାଇ ସମେତ ସମ୍ବଲପୁର ଜିଲ୍ଲାର ୪ଟି ଜାଗାରେ ଚଢ଼ଉ କରାଯାଇଥିଲା। ୨୦୨୨ ମସିହାରେ ପୁଣି ସିବିଆଇ ପକ୍ଷରୁ ତନଘନା କରାଯାଇଥିଲା। ହିଣ୍ଡାଲକୋ ଇଣ୍ଡଷ୍ଟ୍ରିଜ ପରେ ଜିଏମ୍‌ଆର୍‌ ଏନର୍ଜି କଂପାନିକୁ ତଲାବିରା ଖଣି ଆବଣ୍ଟନ କରାଯାଇଥିଲା। ଉକ୍ତ କଂପାନି କିଛି ବର୍ଷ କୋଇଲା ଉତ୍ପାଦନ କରିବା ପରେ ଏବେ ଉକ୍ତ କୋଇଲା ଖଣି ବନ୍ଦ ରହିଛି।

62 shares

😢

Sambad

Feb 3, 2026, 07:10 PM

ଜଗତସିଂହପୁର ଜିଲ୍ଲା କଂଗ୍ରେସ 80 ଜଣିଆ ଦଳ ଘୋଷଣା କଲା

ଜଗତସିଂହପୁର(ଶୁଭକାନ୍ତ ପଢ଼ିଆରୀ):ଜଗତସିଂହପୁରଜିଲ୍ଲାକଂଗ୍ରେସର ନୂତନ ସଭାପତି ନିର୍ବାଚିତ ହେବାର ପ୍ରାୟ ଦୁଇ ମାସ ପରେ ବିଶାଳ ଟିମ୍ ଘୋଷଣା କରାଯାଇଛି। ଜିଲ୍ଲାର ବିଭିନ୍ନ ପଦପଦବୀରେ ୮୦ ଜଣଙ୍କୁ ନିଯୁକ୍ତ ଦିଆଯାଇଛି। ସେଥିରେ ୧୧ ଉପସଭାପତି, ୧୧ ସାଧାରଣ ସମ୍ପାଦକ, ୨୧ ସମ୍ପାଦକ ରହିଛନ୍ତି। ୬ ବ୍ଲକ ଓ ୨ ପୌରାଞ୍ଚଳ ସଭାପତିଙ୍କ ନାଁ ମଧ୍ୟ ଘୋଷଣା କରାଯାଇଛି। ପ୍ରଦେଶ କଂଗ୍ରେସ କମିଟି ପକ୍ଷରୁ ଆଜି ସନ୍ଧ୍ୟାରେ ଏ ନେଇ ବିଜ୍ଞପ୍ତି ପ୍ରକାଶ ପାଇଛି। ମିଳିଥିବା ସୂଚନା ଅନୁସାରେ, ଉପସଭାପତି ଭାବେ ଦ୍ବିଜରାଜ ଦାସ, ରାଜକିଶୋର ସାହୁ, ପ୍ରଶାନ୍ତ ଦାସ, ଅକ୍ଷୟ କୁମାର ମହାନ୍ତି, ସୁବ୍ରତ କୁମାର ରାୟ, ଅମ୍ବିକା ପ୍ରସାଦ ଦାସ, ଏମଡି. ଅବଦୁଲ ଵାହିଦ, ଅଶ୍ବିନୀ କୁମାର ସ୍ବାଇଁ, ବଲ୍ଲଭ ନନ୍ଦ ସ୍ବାଇଁ, ନିତ୍ୟାନନ୍ଦ ଦାସ, ଧ୍ବଜରାଜ ଖଣ୍ଡୁଆଳଙ୍କୁ ନିଯୁକ୍ତ କରାଯାଇଛି। ସେହିପରି ସାଧାରଣ ସମ୍ପାଦକ ଭାବେ ସାଧୁଚରଣ ସାହୁ, ବିଦ୍ୟାଧର ବାରିକ, ଅଶୋକ କୁମାର ଜେନା, ଶୁଭ ନାରାୟଣ ନାୟକ, ସୌମ୍ୟଜିତ ଦାସ, ଜାନକୀ ମହାରଥ, ଧନଞ୍ଜୟ ସୁତାର, ପ୍ରଶାନ୍ତ କୁମାର ବେହେରା, ଅବନୀକାନ୍ତ ମହାରଣା, ଆର୍ତ୍ତବନ୍ଧୁ ବିଶ୍ବାଳ ଓ ନାଥ କାଣ୍ଡି। ସେହିପରି ସମ୍ପାଦକ ଭାବେ ପ୍ରହ୍ଲାଦ ବିଶ୍ବାଳ, ବିମଳ କୁମାର ସେଠୀ, ଦିଲ୍ଲୀପ କୁମାର ମାହାର, ମନୋରଞ୍ଜନ ଜେନା, ଦେବୀପ୍ରସାଦ ପରିଡ଼ା, ବୃନ୍ଦାବନ ପ୍ରଧାନ, ସୂର୍ଯ୍ୟକାନ୍ତ ସାହୁ, ମନୋଜ କୁମାର ଦାସ, ରୂପଶ୍ରୀ ରାଗିଣୀ ଦାସ, ମନମୋହନ ଗୋଚ୍ଛାୟତ, ଅଞ୍ଜନ କୁମାର ଜେନା, ବାବୁଲି ପଟ୍ଟନାୟକ, ବସନ୍ତ ନାୟକ, ସରୋଜିନୀ ପରିଜା, ପବିତ୍ର କୁମାର ମନ୍ତ୍ରୀ, ସରୋଜ କୁମାର ପ୍ରଧାନ, ଜିତୁ ନାରାୟଣ ସାହୁ, ସୌଭାଗ୍ୟ ରଞ୍ଜନ ବିଶ୍ବାଳ, ଗଙ୍ଗାଧର ନାୟକ, ପ୍ରଦୀପ ସାମଲ, ଅମିତା ରଥ ନିଯୁକ୍ତି ପାଇଛନ୍ତି। ସ୍ବତନ୍ତ୍ର ସଦସ୍ୟ ଭାବେ ରଞ୍ଜିବ ବିଶ୍ବାଳ, ଲଲାଟେନ୍ଦୁ ମହାପାତ୍ର, ନଟବର ବାରିକ, ବିଷ୍ଣୁଚରଣ ବାରିକ, ପ୍ରତିମା ମଲ୍ଲିକ, ନଳିନୀ କୁମାର ସ୍ବାଇଁ, ହିମାଂଶୁ ଭୂଷଣ ମଲ୍ଲିକ, ନିରଞ୍ଜନ ନାୟକ, ଅଜୟ କୁମାର ମହାପାତ୍ର ରହିଛନ୍ତି। ଜଗତସିଂହପୁର ପୌରାଞ୍ଚଳ ପାଇଁ ପ୍ରଶାନ୍ତ ମହାପାତ୍ର ଓ ପାରାଦୀପ ପୌରାଞ୍ଚଳ ପାଇଁ କେଦାରନାଥ ବିଶ୍ବାଳ ସଭାପତି ରହିଛନ୍ତି। ଜଗତସିଂହପୁର ବ୍ଲକ ପାଇଁ ଜ୍ଞାନରଞ୍ଜନ ପୃଷ୍ଟି, ନାଉଗାଁ ବ୍ଲକର ବିଚିତ୍ରାନନ୍ଦ ଲେଙ୍କା, ଏରସମାର ପିନାକୀ ନାରାୟଣ ଦାସ, ରଘୁନାଥପୁର ବ୍ଲକର ଆର୍ତ୍ତତ୍ରାଣ ପଣ୍ଡା, ବିରିଡ଼ିର ପ୍ରିୟବ୍ରତ ମିଶ୍ର, ତିର୍ତ୍ତୋଲ ବ୍ଲକ ପାଇଁ ସଫି ଆଜାମ୍ ସଭାପତି ଭାବେ ନିଯୁକ୍ତ ହୋଇଛନ୍ତି। ବିଶ୍ବଜିତ ପୋଥାଳ କୋଷାଧ୍ୟକ୍ଷ ହୋଇଥିବା ବେଳେ ୧୯ ଜଣ କାର୍ଯ୍ୟକାରିଣୀ ସଦସ୍ୟ ରହିଛନ୍ତି। ଏହା ପରେ ଯୁବ, ଛାତ୍ର, ମହିଳା ଟିମ୍ ଗଠନ ହେବ ବୋଲି ଜଣାପଡ଼ିଛି।

92 shares

😐

Sambad

Feb 3, 2026, 06:35 PM

ଜ୍ୟୋତିଷ ସମ୍ବନ୍ଧୀୟ ଅନ୍ତର୍ଦୃଷ୍ଟି ମେଷ, ମିଥୁନ, ଏବଂ କର୍କଟ ସଫଳତାର ପଥ

ମେଷ: କାରବାରରେ ଭାବିଚିନ୍ତି ଆଗକୁ ବଢ଼ନ୍ତୁ। ଆବଶ୍ୟକତା ଠାରୁ କାହାରିକୁ ଅଧିକ ଭରସା କରନ୍ତୁ ନାହିଁ। ଋଣ ପାଇଁ ଆବେଦନ କରିଥିଲେ ଆଜି ଆପଣଙ୍କୁ ସୀକୃତି ମିଳିବ। ଶରୀର ସୁସ୍ଥ ରହିବ। ‌ ବୃଷ: ଧର୍ମକାର୍ଯ୍ୟ ଆଡ଼କୁ ମନ ଢ଼ଳି ରହିବ। ବ୍ୟକ୍ତିଗତ ଜୀବନରେ ଦାୟିତ୍ବ ବଢ଼ିପାରେ। ବୈବାହିକ ଜୀବନରେ ସୁଖ ବୃଦ୍ଧି ହେବ। ଆମଦାନି ବୃଦ୍ଧି ଲାଗି କୌଣସି ନୂଆ ଯୋଜନା ଆପଣଙ୍କ ମସ୍ତିଷ୍କରେ ଆସିବ। ‌ ମିଥୁନ: ବ୍ୟବସାୟୀଙ୍କ କାମରେ ଅନୁକୂଳତା ବନି ରହିବ। ସନ୍ତାନ ପକ୍ଷରୁ ଖୁସି ଖବର ପାଇବେ। ପ୍ରତିଯୋଗୀ ପରୀକ୍ଷା ପାଇଁ ଲାଗି ରହିଥିବା ଛାତ୍ରଛାତ୍ରୀଙ୍କୁ ନିଜର ଲକ୍ଷ୍ୟସ୍ଥଳରେ ପହଞ୍ଚିବାର ସଫଳତା ମିଳିବ। କର୍କଟ: ନୂଆ ବ୍ୟବସାୟ ଆରମ୍ଭ ଆପଣଙ୍କ ଲାଗି ଫଳଦାୟୀ ହେବ। ଆର୍ଥିକ ସ୍ଥିତିରେ ସୁଦୃଢ଼ ଆସିବ। ବେକାରଙ୍କୁ ରୋଜଗାରର ମଉକା ମିଳିବ। କାର୍ଯ୍ୟକ୍ଷେତ୍ରରେ ନିଜର କାମ ଅନ୍ୟମାନଙ୍କ ଦ୍ବାରା କରିନେବାର ସଫଳ ରହିବେ। ସିଂହ: କୌଣସି ନିଣ୍ଣୟ ନେବା ପୂର୍ବରୁ ପରିବାର ଲୋକଙ୍କ ମତ ନିଅନ୍ତୁ। ସରକାରୀ ଚାକିରିଆଙ୍କୁ ପଦୋନ୍ନତି ମିଳିବ। ଆପଣଙ୍କ ସ୍ବାସ୍ଥ୍ୟ ଭଲ ରହିବ। ଦାମ୍ପତ୍ୟ ଜୀବନରେ ଶାନ୍ତି ବଜାୟ ରହିବ। କନ୍ୟା: ଅଫିସ କାମରେ ଆପଣ ବ୍ୟସ୍ତ ରହିବେ। ଇଂଜିନିୟରଙ୍କୁ ଭଲ ଜାଗାରେ ଚାକିରି ମିଳିବ। ବେପାରରେ ଲାଭ ହେବ। ଆବଶ୍ୟକତା ଅନୁସାରେ ଖର୍ଚ୍ଚ କରନ୍ତୁ। ଦାମ୍ପତ୍ୟ ଜୀବନ ପ୍ରୀତିକର ହେବ। ତୁଳା: ଘରୁ କାମରେ ବାହାରୁଥିବା ବେଳେ ବନ୍ଧୁ ଠାରୁ ଫୋନକୋଲ୍ ଆସିବ। ଜୀବନକୁ ଭଲ ଢ଼ଙ୍ଗରେ ଜିଇଁବା ପାଇଁ ପ୍ରୟାସ କରିବେ। ଆପଣଙ୍କ ଭାଗ୍ୟର ଦ୍ବାର ଖୋଲିବ। ପ୍ରେମ ସମ୍ବନ୍ଧ ନିବିଡ଼ ହେବ। ବିଛା: ଦାମ୍ପତ୍ୟ ଜୀବନରେ ଲାଗି ରହିଥିବା ମତଭେଦ ଦୂର ହେବ। ପୁତ୍ର ପକ୍ଷରୁ ଆପଣଙ୍କୁ ସୁଖ ମିଳିବ। ରାଜନୀତିରେ ଥିବା ଲୋକ କୌଣସି ସମାରୋହକୁ ଯିବାର ମଉକା ପାଇବେ।‌ ଧନୁ: ଧର୍ମକାର୍ଯ୍ୟରେ ମନ ଲାଗିବ। ଅଫିସରେ କୌଣସି କଥାକୁ ନେଇ ମାନସିକ ସ୍ଥିତି ଖରାପ ହୋଇପାରେ। ବନ୍ଧୁ ସହିତ ବାହାରକୁ ବୁଲି ଯିବେ। ସୋସିଆଲ ମିଡ଼ିଆରେ ଆପଣଙ୍କର ବନ୍ଧୁ ବଢ଼ିବେ। ‌ ମକର: ଆପଣଙ୍କର କୌଣସି କାମର ପ୍ରଶଂସା ହେବ। ମହିଳାମାନେ ବ୍ୟବସାୟ ଆରମ୍ଭ କରିବା ଲାଗି ଭଲ ଯୋଗ ଅଛି। ଜୀବନସାଥୀ ସହ ଲାଗି ରହିଥିବା ଭୁଲ୍ ବୁଝାମଣା ଦୂର ହେବ। କୁମ୍ଭ: ପେସାଦାର ବ୍ୟବସାୟୀ ଡ଼ିଲ୍ ହସ୍ତାକ୍ଷର କରିବେ। ଅଧ୍ୟାପକଙ୍କ ଲାଗି ଦିନଟି ଲାଭଦାୟକ ରହିବ। ଭାଇ ଭଉଣୀଙ୍କ ସହିତ ଖୁବ୍ ମନୋରଂଜନ କରିବେ। ବୈବାହିକ ଜୀବନ ସୁଖମୟ ରହିବ। ମୀନ: ଆପଣ କୌଣସି ଖୁସି ଖବର ପାଇବେ। ଦାମ୍ପତ୍ୟ ଜୀବନରେ ପ୍ରସନ୍ନତା ରହିବ। ଛାତ୍ରଙ୍କର ଅଧୁରା କାମ ସହପାଠୀଙ୍କ ସାହାଯ୍ୟରେ ପୂରା କରିବେ। ପ୍ରିୟଜନଙ୍କ ଠାରୁ ଉପହାର ପାଇବେ।

47 shares

😊

Dharitri

Feb 3, 2026, 06:33 PM

କାନ୍ଧମାଲ ଜିଲ୍ଲାରେ ତୁଷାର 2026 ଶୀତକାଳୀନ ମହୋତ୍ସବର ଉଦଘାଟନ

ଜି.ଉଦୟଗିରି, ୩।୨(ଚିନ୍ମୟ କୁମାର ସେଠି): କନ୍ଧମାଳ ଜିଲା ଜି.ଉଦୟଗିରି ସହରର ଶ୍ରୀରାମପଦା ସ୍ଥିତ କଳିଙ୍ଗ ମିନି ଷ୍ଟାଡିୟମରେ ୫ଦିନ ବ୍ୟାପି ଅନୁଷ୍ଠିତ ହେଉଥିବା ଜି.ଉଦୟଗିରି ଶୀତ ମହୋତ୍ସବ “ତୁଷାର ୨୦୨୬” ହଜାର ହଜାର ଲୋକଙ୍କ ଉପସ୍ଥିତି ସହ ବର୍ଣ୍ଣାଢ୍ୟ ପରିବେଶରେ ଉଦଘାଟିତ ହୋଇଯାଇଛି। ଉତ୍ସବ କମିଟି ର ସଭାପତି ଜ୍ଞାନ ଚନ୍ଦ୍ର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଫୁଲବାଣୀ ବିଧାୟକ ଉମାଚାରଣ ମଲିକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ କନ୍ଧମାଳ ଜିଲା ପରିଷଦ ଉପାଧ୍ୟକ୍ଷ ସାଧବାଣୀ ନାୟକ, ବ୍ଲକ ଅଧ୍ୟକ୍ଷା ସୁଷମା ପ୍ରଧାନ, ଏନଏସି ଅଧ୍ୟକ୍ଷା ସୁଶ୍ରୀ ଦେବସ୍ମିତା ଶତପଥୀ, ଜିଲା ପରିଷଦ ସଭ୍ୟା ଲିଲିମା ପ୍ରଧାନ, ସ୍ଥାନୀୟ ବିଡ଼ିଓ ସତ୍ୟନାରାୟଣ ମିଶ୍ର, ଏନଏସି ନିର୍ବାହୀ ଅଧିକାରୀ ଆଶୁତୋଷ ଗୌରବ କର,ତହସିଲଦାର ରଞ୍ଜନ ସାହୁ, ସ୍ଥାନୀୟ ଆଇଆଇସି ବିଜୟ କୁମାର ସ୍ୱାଇଁ ଏବଂ ମୁଖ୍ୟ ବକ୍ତା ଭାବେ ବରିଷ୍ଠ ସାମ୍ବାଦିକ ଶିଶିର ପଟ୍ଟନାୟକ ଯୋଗ ଦେଇ ପ୍ରଥମେ ଜଗତର ନାଥ ମହାପ୍ରଭୁ ଜଗନ୍ନାଥ ପ୍ରତିମୂର୍ତ୍ତୀ ନିକଟରେ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମ ର ଶୁଭାରମ୍ଭ ହୋଇଥିଲା। ସ୍ଥାନୀୟ ଅଞ୍ଚଳର ଶିକ୍ଷକ ଶିକ୍ଷୟତ୍ରୀ ମାନେ ସ୍ୱାଗତ ସଙ୍ଗୀତ ପରିବେଷଣ କରିଥିବା ବେଳେ ଅତିଥି ମାନେ ଶୀତ ମହୋତ୍ସବ ତୁଷାର ସଂସ୍କୃତି ପରମ୍ପରା ର ମିଳନ ସ୍ଥଳ ରେ ଭାଇଚାରା ର ଅପୂର୍ବ ମିଳନ ଶୀତୁଆ ସନ୍ଧ୍ୟାକୁ ସମସ୍ତ ଅଞ୍ଚଳବାସୀ ବହୁସଂଖ୍ୟାରେ ଉପସ୍ଥିତ ରହି ଉପଭୋଗ କରିଥିଲେ। ସ୍ଥାନୀୟ ବରାଳ ଦେବୀ ମନ୍ଦିର ରୁ ପୂଜାର୍ଚନା ପରେ ମହୋତ୍ସବ ମଶାଲ ଶୋଭାଯାତ୍ରାରେ କଳାହାଣ୍ଡି କଟାପାଙ୍କ ଅଭିନୟ ଦେଖିବାକୁ ପ୍ରବଳ ଭିଡ଼ ହୋଇଥିଲା। ଏହି ମହୋତ୍ସବ ଜି.ଉଦୟଗିରି ଅଞ୍ଚଳରେ ପ୍ରଥମ ଥର ଆୟୋଜିତ ହୋଇଥିବା ବେଳେ ପ୍ରବଳ ଭିଡ଼ ଦେଖିବାକୁ ମିଳିଥିଲା ।

40 shares

😐

Samaja

Feb 3, 2026, 06:31 PM

କଟକର ଏକ ଯୁବ ଗୋଷ୍ଠୀ ଗାୟକଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି।

ସମାଜ ଲାଇଭ ଡେସ୍କ : ମେଲୋଡ଼ି ଅନୁଷ୍ଠାନ କଳାକାରଙ୍କୁ ଅସଦାଚରଣ ସହ ମାଡ଼ ଅଭିଯୋଗ । ଥାନାରେ ମାମଲା ପରେ ପୋଲିସର ତନାଘନା । ଏଭଳି ଘଟଣା ଘଟିଛି କଟକ ଜିଲ୍ଲା ତିଗିରିଆ ଥାନା ପାଳପୁଟ ଗାଁରେ । ଘଟଣା ଅନୁସାରେ ନାଚ ସାରି ଫେରୁଥିବା ସମୟରେ ମେଲୋଡି କଳାକାରଙ୍କୁ ରାସ୍ତାରେ କିଛି ଦୁବୃର୍ତ୍ତ ଅଟକାଇଥିଲେ । ତିଗିରିଆ ଥାନା ଶୁଣ୍ଠିପାଳ ଗାଁକୁ ମେଲୋଡି ପାଇଁ କଳାକାର ଆସିଥିଲେ। ରାତିରେ ମେଲୋଡ଼ି ସାରି ଫେରୁଥିବା ବେଳେ ପାଳପୁଟ ଗାଁର କିଛି ଯୁବକ ସେମାନଙ୍କୁ ଅଟକାଇ ଅସଦାଚରଣ କରିବା ସହ ଟଙ୍କା, ସୁନା ଚେନ ଛଡ଼ାଇବା ଅଭିଯୋଗ ହୋଇଛି । ଏହା ସହ ସେମାନଙ୍କୁ ମାଡ଼ ମାରିଥିବା ସେମାନେ ତିଗିରିଆ ଥାନାରେ ଅଭିଯୋଗ କରିଛନ୍ତି।

74 shares

😢

Samaja

Feb 3, 2026, 06:30 PM

ଗୁଜରାଟ ଜଏଣ୍ଟ୍ସକୁ ହରାଇ କ୍ରମାଗତ ଚତୁର୍ଥ ଥର ପାଇଁ ଡବ୍ଲ୍ୟୁ. ପି. ଏଲ୍. ଫାଇନାଲ୍ରେ ପହଞ୍ଚିଲା ଦିଲ୍ଲୀ ରାଜଧାନୀ

ସମାଜ ଲାଇଭ ଡେସ୍କ :ମଙ୍ଗଳବାର ଦିନ ଭଦୋଦରାର ବିସିଏ ଷ୍ଟାଡିୟମରେ ଏଲିମିନେଟରରେ ଗୁଜରାଟ ଜାଏଣ୍ଟସକୁ ୭ ୱିକେଟରେ ପରାସ୍ତ କରି ଦିଲ୍ଲୀ କ୍ୟାପିଟାଲ୍ସ ଲଗାତାର ଚତୁର୍ଥ ମହିଳା ପ୍ରିମିୟର ଲିଗ୍ ଫାଇନାଲରେ ପ୍ରବେଶ କରିଛି। ଟସ୍ ଜିତିବା ପରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇ ଡିସି ଅଧିନାୟକ ଜେମିମା ରୋଡ୍ରିଗ୍ସ ସ୍ଥିର କରିଥିଲେ। ପ୍ରଥମେ ଗୁଜରାଟ ଜାଏଣ୍ଟସ ବ୍ୟାଟିଂ କରି ୭ ୱିକେଟ ହରାଇ ୧୬୮ ରନ ସଂଗ୍ରହ କରିଥିଲା। । ବେଥ୍ ମୁନିଙ୍କ ଅପରାଜିତ ୬୨ ରନ କରିଥିଲେ , ଜବାବରେ, ଦିଲ୍ଲୀ କ୍ୟାପିଟାଲ୍ସ ୧୫ ଓଭର ୪ଟି ବଲରେ ୩ ୱିକେଟ ହରାଇ ୧୬୯ ରନ୍ କରି ବିଜୟୀ ହୋଇଛି। ଓପନର ଶାଫାଲି ବର୍ମା (୨୧ ବଲ୍ ରୁ ୩୧) ଏବଂ ଲିଜେଲ ଲି (୨୪ ବଲ୍ ରୁ ୪୩) ଏକ ଧମାକାଦାର ଆରମ୍ଭ ଦେଇଥିଲେ। ପରେ ଜେମିମାହ ରଡ୍ରିଗ୍ସ ୨୩ ବଲ୍ ରୁ ୪୧ ରନ୍ ର ଗୁରୁତ୍ୱପୂର୍ଣ୍ଣ ଇନିଂସ ଖେଳି ଦଳକୁ ବିଜୟ କରିଥିଲେ। । ଗୁରୁବାର ୫ ଫେବୃଆରୀ ରେ ଦିଲ୍ଲୀ କ୍ୟାପିଟାଲ୍ସ ୨୦୨୬ର ଫାଇନାଲରେ ଡିସି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ସହିତ ମୁକାବିଲା କରିବ।

99 shares

😊

Sambad

Feb 3, 2026, 03:25 PM

ଭାରତ ବିପକ୍ଷ ସମ୍ଭାବ୍ୟ ମ୍ୟାଚ୍କୁ ନେଇ ଆର୍ଥିକ କ୍ଷତି ଏବଂ ଆଇନଗତ କାର୍ଯ୍ୟାନୁଷ୍ଠାନ ନେଇ ପାକିସ୍ତାନ କ୍ରିକେଟ୍ ବୋର୍ଡ ଚେତାବନୀ ଦେଇଛି।

ନୂଆଦିଲ୍ଲୀ: ଭାରତ ବିପକ୍ଷ ବିଶ୍ବକପ୍‌ ମ୍ୟାଚ୍‌କୁ ବର୍ଜନ କଲେ ପାକିସ୍ତାନ କ୍ରିକେଟ୍ ବୋର୍ଡ ଆର୍ଥିକ କ୍ଷତି ସହିବା ସହ ଆଇନଗତ କାର୍ଯ୍ୟାନୁଷ୍ଠାନର ମଧ୍ୟ ସମ୍ମୁଖୀନ ହେବ। ବିଶ୍ବକପ୍‌ର ପ୍ରସାରଣ ଅଧିକାର କିଣିଥିବା ଜିଓ ହଟ୍‌ଷ୍ଟାର୍‌ ମଙ୍ଗଳବାର ଏହି ସଙ୍କେତ ଦେଇଛି। ମ୍ୟାଚ୍‌ ବର୍ଜନ କଲେ କାଠଗଡ଼ାକୁ ଆସିବାକୁ ପ୍ରସ୍ତୁତ ରୁହ ବୋଲି ପିସିବିକୁ ଏହି କଂପାନି ଅନୌପଚାରିକ ଭାବେ ଧମକ ଦେଇଛି। ସେହିଭଳି ଆଇସିସି ମଧ୍ୟ ପିସିବିକୁ ମିଳିବାକୁ ଥିବା ପାଖାପାଖି ୩୫ ନିୟୁତ ଡଲାର ବା ୩୧୬ କୋଟି ଟଙ୍କାକୁ ଅଟକାଇ ଦେବାର ସଙ୍କେତ ଦେଇଛି। କାରଣ ବିଶ୍ବକପ୍‌ର ପ୍ରସାରଣ ଅଧିକାର ବିକ୍ରି କଲା ବେଳେ ସବୁମ୍ୟାଚ୍‌ ପାଇଁ ଆଇସିସି ଚୁକ୍ତି କରିଥିଲା। ସେଥିରେ ଫେବ୍ରୁଆରି ୧୫ର ଭାରତ-ପାକିସ୍ତାନ ମ୍ୟାଚ୍‌ ମଧ୍ୟ ସାମିଲ ଥିଲା। ଏହି ମ୍ୟାଚ୍‌ ସର୍ବାଧିକ ରାଜସ୍ବ ଅର୍ଜନ କରିବାର କ୍ଷମତା ରଖୁଥିଲା। ବାଂଲାଦେଶ ନିର୍ବାଚନ ଲାଗି ଏସବୁ ଖେଳବାଂଲାଦେଶରେ ଏବେ ଭାରତ ବିରୋଧୀ ଲହର ଚାଲିଛି। ମୌଳବାଦୀ ଓ କଟ୍ଟରପନ୍ଥୀମାନେ ଏହି ଦେଶକୁ ଏକପ୍ରକାର କବ୍‌ଜାକୁ ନେଇ ଯାଇଛନ୍ତି। ପୁଣି ଫେବ୍ରୁଆରି ୧୨ରେ ସେଠାକାର ସାଧାରଣ ନିର୍ବାଚନ ହେବାର ଅଛି। ଏଭଳି ଗୋଳମାଳିଆ ସ୍ଥିତିରୁ ଫାଇଦା ଉଠାଇବାକୁ ପାକିସ୍ତାନ ମସୁଧା କରୁଛି। ବାଂଲାଦେଶରେ ପାକ୍‌ ସମର୍ଥିତ ସରକାର ଅବସ୍ଥାପିତ କରିବାକୁ ଚାହୁୁଛି। ଏଣୁ କ୍ରିକେଟ୍‌କୁ ଏଥିଲାଗି ହାତବାରିସି କରିଛି। ଆହୁରି ପଢନ୍ତୁ:Air India Switch Cutoff: ଏୟାର୍ ଇଣ୍ଡିଆର ଇନ୍ଧନ ସୁଇଚ୍ କଟ୍‌ଅଫ୍ ଭୟ: କ’ଣ ହୋଇଥିଲା କହିଲା ଡିଜିସିଏ ପାକିସ୍ତାନର ଆଭ୍ୟନ୍ତରୀଣ ବ୍ୟାପାର ମନ୍ତ୍ରୀ ମୋହସିନ ନକ୍‌ଭୀ ନିଜ ଦେଶର କ୍ରିକେଟ୍ ବୋର୍ଡର ମୁଖ୍ୟ ଥିବାରୁ ବିଶ୍ବକପ୍‌ ମ୍ୟାଚ୍‌କୁ ବର୍ଜନ କରି ବାଂଲାଦେଶ କ୍ରିକେଟ୍‌ ବୋର୍ଡକୁ ମିଛମିଛିକା ନୈତିକ ସମର୍ଥନ ଦେବାର ନାଟକ କରୁଛନ୍ତି। ତେବେ ଥରେ ବାଂଲାଦେଶ ନିର୍ବାଚନ ଶେଷ ହୋଇଗଲେ ସେ ନିଜ ସ୍ବର ପରିବର୍ତ୍ତନ କରିବାର ଯଥେଷ୍ଟ ସମ୍ଭାବନା ରହିଛି ବୋଲି କେତେକ ରାଜନୈତିକ ବିଶେଷଜ୍ଞ ମତ ପ୍ରକାଶ କରିଛନ୍ତି।

57 shares

😢

Sambad

Feb 3, 2026, 03:19 PM

ଅଗରପାରା ଜିଲ୍ଲାର ବିଭିନ୍ନ ଗ୍ରାମରୁ ଦମ୍ପତିଙ୍କୁ ଏକତ୍ର କରି ବୈଦିକ ସମାରୋହ

ଆଗରପଡ଼ା: ବାଲେଶ୍ବରଜିଲ୍ଲାଆଗରପଡ଼ା ଥାନା ଅନ୍ତର୍ଗତ ଆଡ଼ିଆ ପଞ୍ଚାୟତ ଓଲଡାଙ୍ଗ ଗ୍ରାମର ସୁଦର୍ଶନ ପଣ୍ଡାଙ୍କ ପୁଅ ଜ୍ୟୋତିରଂଜନ ବୈଦିକ ରୀତିରେଭଦ୍ରକଗ୍ରାମାଞ୍ଚଳ ଥାନା ଅନ୍ତର୍ଗତ ବନ୍ତ ବ୍ଲକ ରାମପୁର ପଞ୍ଚାୟତ ବାଲୋଶାସନ ଗ୍ରାମର ସୁରେନ୍ଦ୍ର ପଣ୍ଡାଙ୍କ ଜ୍ୟେଷ୍ଠ କନ୍ୟା ସୁଭଦ୍ରା(୨୧)ଙ୍କୁ ବିବାହ କରିଥିଲେ। ଦାବି ମୁତାବକ ଆବଶ୍ୟକୀୟ ଯୌତୁକ କନ୍ୟାଘର ପକ୍ଷ ପ୍ରଦାନ କରିଥିଲେ। ବିବାହର କିଛିମାସ ପରେ ଆହୁରି ଅଧିକ ଲକ୍ଷେ ଟଙ୍କା ଆଣିବାକୁ ଦାବି କରି ଶ୍ୱଶୁର ଘର ଲୋକେ ତାଙ୍କୁ ଶାରୀରିକ ତଥା ମାନସିକ ଯନ୍ତ୍ରଣା ଦେଉଥିଲେ ବୋଲି ଥାନାରେ ତାଙ୍କ ମା ତିଳତ୍ତମା ପଣ୍ଡାଙ୍କ ଅଭିଯୋଗରୁ ଜଣାପଡିଛି। ଏପରିକି ନିର୍ଯ୍ୟାତନାକୁ ସହ୍ୟ କରି ନପାରି ସୁଭଦ୍ରା ବାପଘରକୁ ପଳାଇ ଆସୁଥିଲେ ଓ ପରେ ବୁଝାସୁଝା କରି ସୁଭଦ୍ରାଙ୍କୁ ତାଙ୍କ ଦିଅର ଶ୍ବଶୁର ଘରକୁ ନେଇ ଆସିଥିଲେ। ଗତ ୨ ତାରିଖ ଦିନ ଅପରାହ୍ନରେ ସୁଭଦ୍ରା ଆତ୍ମହତ୍ୟା କରିଛନ୍ତି ବୋଲି ଖବର ପାଇ ବାପଘର ଲୋକେ ଆସି ଆଗରପଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆସି ସୁଭଦ୍ରାଙ୍କ ମୃତ୍ୟୁ ଘଟିଛି ଓ ତାଙ୍କ ଶ୍ୱଶୁର ଘର ଲୋକେ କେହି ନ ଥିବାର ଦେଖିବାକୁ ପାଇଥିଲେ। ଝିଅକୁ ମାରି ଦିଆ ଯାଇଛି ବୋଲି ଅଭିଯୋଗ କରି ମୃତାଙ୍କ ମାଆ ତିଳୋତ୍ତମା ଥାନାରେ ଅଭିଯୋଗ ଦେଇଥିଲେ। ଥାନା କେସନଂ ୨୩/୨୬ରେ ମାମଲା ରୁଜ୍ଜୁ କରି ପୁଲିସ ଅଭିଯୁକ୍ତ ଶାଶୁ ନୟନାଙ୍କୁ ଗିରଫ କରି କୋର୍ଟ ଚାଲାଣ କରିଛି ଓ ଅନ୍ୟ ଅଭିଯୁକ୍ତ ସ୍ୱାମୀ ଜ୍ୟୋତିରଂଜନ, ଦିଅର ତପନ, ଶ୍ଵଶୁର ସୁଦର୍ଶନ ଫେରାର ଥିବାରୁ ଗିରଫ କରାଯାଇ ପାରି ନାହିଁ ବୋଲି ଥାନାଧିକାରୀ ଇଭାରାଣୀ ପରିଡା ଗଣମାଧ୍ୟମ ପ୍ରତିନିଧିମାନଙ୍କୁ ସୂଚନା ଦେଇଛନ୍ତି। ସୁଭଦ୍ରା ମଧ୍ୟ ୩ ମାସର ଗର୍ଭବତୀ ଥିଲେ। ସ୍ୱାସ୍ଥ୍ୟ କେନ୍ଦ୍ରରେ ଏସଡିପିଓ ଅରବିନ୍ଦ ମୁଦୁଲି ପହଞ୍ଚି ଆଗରପଡା ପୁଲିସ ସହଯୋଗରେ ଅଧିକ ତଦନ୍ତ ଜାରି ରଖିଛନ୍ତି।

62 shares

😐

Sambad

Feb 3, 2026, 03:17 PM

ଶିଶୁ ବଳାତ୍କାର ମାମଲା ମଧ୍ୟରେ ବିବାହ ସହାୟତା କାର୍ଯ୍ୟକ୍ରମର ଶୁଭାରମ୍ଭ କଲେ ଓଡ଼ିଶା ମୁଖ୍ୟମନ୍ତ୍ରୀ

24 shares

😢

Sambad

Feb 3, 2026, 03:16 PM

ମେଲବର୍ଣ୍ଣରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଚୋରି ଘଟଣାକୁ ଭାରତ ନିନ୍ଦା କରିଛି, ତୁରନ୍ତ କାର୍ଯ୍ୟାନୁଷ୍ଠାନ ଦାବି କରିଛି

ନୂଆଦିଲ୍ଲୀ: ଅଷ୍ଟ୍ରେଲିଆର ମେଲବର୍ଣ୍ଣରେ ଜାତିର ଜନକ ମହାତ୍ମା ଗାନ୍ଧୀଙ୍କର ଏକ କାଂସ୍ୟ ପ୍ରତିମୂର୍ତ୍ତି ଚୋରି ହେବା ଘଟଣାକୁ ଭାରତ କଡ଼ା ନିନ୍ଦା କରିଛି। ବିଦେଶ ବ୍ୟାପାର ମନ୍ତ୍ରାଳୟ କହିଛି ଯେ, ଭାରତ ଉକ୍ତ ପ୍ରସଙ୍ଗକୁ ଅଷ୍ଟ୍ରେଲୀୟ କର୍ତ୍ତୃପକ୍ଷଙ୍କ ନିକଟରେ ଦୃଢ଼ଭାବେ ଉଠାଇଛି ଏବଂ ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଅନୁରୋଧ କରିିଛି। ଅଷ୍ଟ୍ରେଲିଆ ପୁଲିସ ଉକ୍ତ ଘଟଣାରେ ତଦନ୍ତ ଆରମ୍ଭ କରିଛି। ବିଦେଶ ବ୍ୟାପାର ମୁଖପାତ୍ର ରଣଧୀର ଜୈସ୍ବାଲ କହିଛନ୍ତି, ଅଷ୍ଟ୍ରେଲିଆରେ ୩ ଜଣ ଦୁର୍ବୃତ୍ତଙ୍କ ଦ୍ବାରା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭଙ୍ଗାରୁଜା ଘଟଣାକୁ ଭାରତ କଡ଼ା ନିନ୍ଦା କରୁଛି ଏବଂ ଉକ୍ତ ଘଟଣାରେ ତଦନ୍ତ ଦାବି କରୁଛି। ଏହି ଘଟଣା ପାଇଁ ଯେଉଁମା‌ନେ ଦାୟୀ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଭାରତ ଦାବି କରିଛି। ଆହୁରି ପଢନ୍ତୁ:Maoists: ଟପ୍‌ ମାଓ ନେତା ନିଖିଲକୁ ଫେରାଇ ଆଣିବାକୁ ଆକୁଳ ନିବେଦନ କଲେ ମା-ବାପା ଅଷ୍ଟ୍ରେଲିଆ ଟୁଡେ ଅନୁଯାୟୀ, ଉକ୍ତ ପ୍ରତିମୂର୍ତ୍ତିଟିକୁ ଆଇସିସିଆର (ଇଣ୍ଡିଆନ କାଉନସିଲ ଫର୍ କଲ୍‌ଚରାଲ୍‌ ରିଲେସନ୍‌ସ) ଦ୍ବାରା ଉପହାର ଭାବେ ଦିଆଯାଇଥିଲା ଏବଂ ଅଷ୍ଟ୍ରେଲିଆର ପୂର୍ବତନ ପ୍ରଧାନମନ୍ତ୍ରୀ ସ୍କଟ୍‌ ମରିସନ୍‌ ଏହାକୁ ୨୦୨୧ ନଭେମ୍ବର ୧୨ ତାରିଖରେ ଉନ୍ମୋଚନ କରିଥିଲେ। ରୋଭିଲେସ୍ଥିତ ଅଷ୍ଟ୍ରେଲିଆନ୍‌ ଇଣ୍ଡିଆନ କମ୍ୟୁନିଟି ସେଣ୍ଟରରେ ଏହି ଗାନ୍ଧୀ ପ୍ରତିମୂର୍ତ୍ତି ଥିଲା।

51 shares

😢

Sambad

Feb 3, 2026, 03:10 PM

ଆଗାମୀ ଆଇପିଏଲ ସିଜନରେ ପିଠି ସମସ୍ୟାରୁ ସୁସ୍ଥ ହେବାକୁ ଚାହୁଁଛନ୍ତି ପ୍ୟାଟ୍ କମିନ୍ସ

ମେଲବର୍ଣ୍ଣ: ଅଷ୍ଟ୍ରେଲୀୟ ଦ୍ରୁତ ବୋଲର୍‌ ତଥା ସନରାଇଜର୍ସ ହାଇଦ୍ରାବାଦର ଅଧିନାୟକ ପ୍ୟାଟ୍ କମିନ୍ସ ଆଇପିଏଲ୍‌ର ଆଗାମୀ ସଂସ୍କରଣ ଆରମ୍ଭ ହେବା ପୂର୍ବରୁ ସୁସ୍ଥ ହେବା ନେଇ ଆଶା ପ୍ରକାଶ କରିଛନ୍ତି। ସେ କହିଛନ୍ତି ''ପିଠିର ସୁସ୍ଥତା'' ଉପରେ ସବୁକିଛି ନିର୍ଭର କରେ। ପିଠିରେ ସମସ୍ୟା କାରଣରୁ କମିନ୍ସଙ୍କୁ ଅଷ୍ଟ୍ରେଲିଆର ଟ୍ବେଣ୍ଟି-୨୦ ବିଶ୍ବକପ୍ ଦଳରେ ସାମିଲ୍ କରାଯାଇନାହିଁ। ସେ ଆସେସ୍‌ ଶୃଙ୍ଖଳାରେ ଇଂଲଣ୍ଡ ବିପକ୍ଷରେ ଖେଳିଥିଲେ। କିନ୍ତୁ ସେବେଠାରୁ ସେ ପଡ଼ିଆରୁ ଦୂରେଇ ଅଛନ୍ତି। ସେ କହିଛନ୍ତି, "ମୁଁ ଏବେ ଭଲ ଅନୁଭର କରୁଛି। ଆଗାମୀ କିଛି ସପ୍ତାହ ମଧ୍ୟରେ ଆଉ ଥରେ ପିଠିର ସ୍କାନ୍ ହେବ, ଯଦି ଠିକ୍ ଥାଏ ତେବେ ସେ ଧୀରେ ଧୀରେ ଅଭ୍ୟାସ ଆରମ୍ଭ କରିବି। ଟ୍ବେଣ୍ଟି-୨୦ ଖେଳିବା ଅପେକ୍ଷାକୃତ ସହଜ, ଏଣୁ ଟ୍ବେଣ୍ଟି-୨୦ ବିଶ୍ବକପ୍ ଖେଳିବାର ନିକଟତର ହୋଇଯାଇଥିଲି, କିନ୍ତୁ ଦୁର୍ଭାଗ୍ୟ! ଆଡିଲେଡ୍ ଟେଷ୍ଟ୍ ପରେ କୁହାଯାଇଥିଲା ଯେ ଚାରି ସପ୍ତାହରେ ପିଠି ଯନ୍ତ୍ରଣାର ଉପସମ ହେବ। କିନ୍ତୁ ପରେ ଆଉ ଥରେ ସ୍କାନ୍‌ କରାଯିବା ପରେ ଆଉ ଦୁଇ ସପ୍ତାହ ବିଶ୍ରାମ ପାଇଁ ପରାମର୍ଶ ଦିଆଯାଇଥିଲା।"

20 shares

😢

Samaja

Feb 3, 2026, 03:07 PM

ଚମକପ୍ରଦ ଗଣଦୁଷ୍କର୍ମ ଘଟଣା ବଲାଙ୍ଗିର ଜିଲ୍ଲାର ସ୍କୁଲ୍କୁ ଧ୍ୱଂସ କରିଦେଇଛି

ବଲାଙ୍ଗିର : ବଲାଙ୍ଗିର ଜିଲାରୁ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି । ତୁରେକେଲା ଥାନା ଅଞ୍ଚଳର ଏକ ସ୍କୁଲରେ ଜଣେ ନବମ ଶ୍ରେଣୀର ଛାତ୍ରୀଙ୍କୁ ଗଣବଳାତ୍କାର କରାଯାଇଥିବା ଅଭିଯୋଗ ହୋଇଛି । ଏହି ମାମଲାରେ ପୁଲିସ ୫ଜଣ ନାବାଳକ ସହପାଠୀଙ୍କୁ ଅଟକ ରଖିଛି । ଅଭିଯୋଗ ଅନୁଯାୟୀ, ସ୍କୁଲ ସରିବା ପରେ ପୀଡ଼ିତାଙ୍କୁ ତାଙ୍କର ସହପାଠୀମାନେ ଗଣବଳାତ୍କାର କରିଥିବା ଅଭିଯୋଗ ହୋଇଛି । ଏହି କାଣ୍ଡର ଭିଡିଓ ସାମାଜିକ ଗଣମଧ୍ୟମରେ ଭାଇରଲ ହେବା ପରେ ଘଟଣାଟି ଲୋକଲୋଚନକୁ ଆସିଥିଲା । ପୀଡ଼ିତାଙ୍କ ସମ୍ପର୍କୀୟମାନେ ବଲାଙ୍ଗିର ଏସପିଙ୍କ ଦ୍ୱାରସ୍ଥ ହେବା ପରେ ପୁଲିସ ୫ ଜଣ ନାବାଳକଙ୍କୁ ଅଟକ ରଖି ପଚରାଉଚରା ଜାରି ରଖିଛି । ଭିଡିଓ ଭାଇରାଲ ହେବା ଫଳରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ପୁଲିସ ଘଟଣାର ଅଧିକ ତଦନ୍ତ ଜାରି ରଖିଛି ।

28 shares

😢

Sambad

Feb 3, 2026, 02:37 PM

ଯୁବକମାନଙ୍କୁ ଘରକୁ ଫେରାଇ ଆଣିବା ପାଇଁ ଅଭିଭାବକମାନେ ସରକାରଙ୍କ ସହାୟତା ଲୋଡିଛନ୍ତି

ରାୟଗଡ଼ା/ବାଲିକୁଦା (ଶିବ ପ୍ରସାଦ ଦୋରା):ସର୍ତ୍ତମୂଳକ ଭାବ‌େ ହିଂସା ଛାଡ଼ି ମୁଖ୍ୟସ୍ରୋତକୁ ଫେରିବାକୁ ମାଓନେତା ନିଖିଲ ଓ ତାଙ୍କ ପତ୍ନୀ ଇନ୍ଦୁ ଚିଠି ଜାରି କରି ପ୍ରକାଶ କରିଥିବା ବେଳେଜଗତସିଂହପୁରଜିଲ୍ଲାବାଲିକୁଦା ଥାନା ତେନ୍ତୁଲିବେଲାରୀ ଗ୍ରାମରେ ବାସ କରୁଥିବା ନିଖିଲଙ୍କ ମା’ ସରସ୍ବତୀ ରାଉତ ଓ ବାପା ନରହରି ରାଉତ ସେମାନଙ୍କୁ ମୁଖ୍ୟସ୍ରୋତକୁ ଫେରାଇ ଆଣିବା ପାଇଁ ସରକାରଙ୍କୁ ଆକୁଳ ନିବେଦନ କରିଥିବା ଜଣାପଡିଛି। ଆଜି ‘ସମ୍ବାଦ’ର ପ୍ରତିନିଧିଙ୍କୁ ନିଖିଲଙ୍କ ମା’ କୋହ ଭରା ସ୍ବରରେ କହିଛନ୍ତି ଯେ ତାଙ୍କ ବଡପୁଅ ୧୬/୧୭ ବର୍ଷ ତଳେ କାହାକୁ କିଛି ନକହି କୁଆଡ଼େ ଚାଲିଯାଇଥିଲେ। ଲୋକ ସେ ମାଓବାଦୀ ହୋଇଯାଇଥିବା କହୁଥିବା ବେଳେ ସେମାନଙ୍କ ପାଖରେ କିନ୍ତୁ କ‌ୌଣସି ଖବର ନାହି। ଆପଣ କ’ଣ ପୁଅ ଫେରୁ ବୋଲି ଚାହୁଁଛନ୍ତି କି ବୋଲି ପଚାରିବାରୁ ସେ କହିଥିଲେ, ପୁଅ ଫେରୁବୋଲି କିଏ ବା ନ ଚାହିଁବ? ଆମେ ଏହି ଭଙ୍ଗା ଘରେ ରହି ‌ଖାଉଛୁ। ଆମ ସହ କୌଣସି ଯୋଗାଯୋଗ ନାହିଁ କିମ୍ବା କାହାକୁ ପଚାରିଲେ କିଏ କିଛି କହି ପାରୁନାହାନ୍ତି। ପୁଅ ଆମକୁ କୁଆଡେ ଯାଇଛି କିଛି କହିନାହିଁ। ଏହି ବୁଢ଼ା ବୟସରେ ଆମେ ଅନ୍ଧ ହୋଇ ବସିଛୁ। ପିଲାଟାକୁ କେମିତି ଫେରାଇ ଆଣିଲେ ଆମେ ଟିକେ ଶାନ୍ତିରେ ରହିପାରିବୁ ବୋଲି ନିଖିଲଙ୍କ ମାଁ ସରସ୍ବତୀ କହିଛନ୍ତି। ସରକାର ଦୁନିଆ ଲୋକଙ୍କୁ ସାହାଯ୍ୟ କରୁଛନ୍ତି। ମୋ ପୁଅକୁ ଭଲରେ ଭଲରେ ଫେରାଇବା ଆଣିବା ପାଇଁ କୋହାଭରା ସ୍ବରରେ ନିଖିଲଙ୍କ ମାଁ ସରକାରଙ୍କ ଠାରେ ନିବେଦନ କରିଛନ୍ତି। ଆମ ପାଖରେ ଘର ଦ୍ବାର ନାହିଁ। ଆମେ କରିପାରୁନୁ। ଆମେ ଖଟି ପାରୁନୁ। ସାନ ପୁଅର ବାହାଘର ମଧ୍ୟ ହୋଇପାରୁନି। ଏଣୁ ସରକାର ମୋ ପୁଅକୁ ଫେରାଇଆଣିବା ପାଇଁ ସାହାଯ୍ୟ କରନ୍ତୁ ବୋଲି ନିଖିଲଙ୍କ ମା’ ଶ୍ରୀମତୀ ସରସ୍ବତୀ କୋହଭରା ସ୍ବରରେ କହିଛନ୍ତି। ନିଖିଲଙ୍କ ବାପା ନରହରି ରାଉତ ମଧ୍ୟ ଲୁହ ଗଡାଇ ପୁଅକୁ ଫେରାଇ ଆଣିବାକୁ ନିବେଦନ କରିଛନ୍ତି। ନିଖିଲଙ୍କ ଭାଇ ତ୍ରିଲୋଚନ ରାଉତ ମଧ୍ୟ ନିଜ ବଡ ଭାଇକୁ ଭଲରେ ଫେରାଇ ଆଣିବା ପାଇଁ ନିବେଦନ କରିଛନ୍ତି। #ନକ୍ସଲ_ନେତା_ନିଖିଲକୁ_ଫେରାଇ_ଆଣିବାକୁ_ନିବେଦନ-ନକ୍ସଲ ନେତା ନିଖିଲକୁ ଫେରାଇ ଆଣିବାକୁ ନିବେଦନ କଲେ ମା-ବାପା-ସରକାରଙ୍କୁ ସାହାଯ୍ୟ ମାଗିଲେ ନକ୍ସଲ ନିଖିଲଙ୍କ ମା’-ବାପା-ଗଣମାଧ୍ୟମକୁ ଦେଲେ ପ୍ରତିକ୍ରିୟା#Sambad#Maoists#Rayagada#Odishapic.twitter.com/x2qK9b5ogo ସୂଚନାଯୋଗ୍ୟ, ଗତକାଲି ଗଣମାଧ୍ୟମ ନିକଟକୁ ନିଖିଲ ଓଡ଼ିଶା-ଛତିଶଗଡ଼ ପୁଲିସର ମୋଷ୍ଟ୍ ୱାଣ୍ଟେଡ୍ ଦୁଇ ଟପ୍ କ୍ୟାଡର୍ ଆତ୍ମସମର୍ପଣ କରିବା ପାଇଁ ଓଡ଼ିଶା ସରକାରଙ୍କ ନିକଟରେ ରଖିଛନ୍ତି ୪ଟି ସର୍ତ୍ତ। ଏହା ପୂରଣ କରିବା ଦିଗରେ ସରକାର ପଦକ୍ଷେପ ନେଲେ ଦୁଇ ଦଶନ୍ଧିର ମାଓ ଜୀବନରେ ପୂର୍ଣ୍ଣଚ୍ଛେଦ ପକାଇବାକୁ ହାତଲେଖା ଚିଠି ଜାରି କରିଛନ୍ତି ବଂଶଧାରା- ଘୁମୁସର-ନାଗାବଳୀ ମାଓ ଡିଭିଜନ୍‌ର ମୁଖ୍ୟ ତଥା ସିପିଆଇ ମାଓବାଦୀ ଓଡ଼ିଶା ରାଜ୍ୟ କମିଟି ସଦସ୍ୟ ନିଖିଲ ଓରଫ ନିରଞ୍ଜନ ରାଉତ ଓ ତାଙ୍କ ପତ୍ନୀ ରଶ୍ମିତା ଲେଙ୍କା ଓରଫ ଅଙ୍କିତା ଓରଫ ଇନ୍ଦୁ। ଗଣମାଧ୍ୟମ ଜରିଆରେ ସରକାରଙ୍କ ଉଦ୍ଦେଶ୍ୟରେ ନିଖିଲ ଦେଇଥିବା ଚିଠିରେ ଲେଖିଛନ୍ତି, ବିଗତ ସାଢ଼େ ତିନି ଦଶକ ଧରି ବିଶେଷ କରି ଏଲ୍‌ପିଜି ନୀତି ଲାଗୁ ହେବା ପରେ ଆମ ପାର୍ଟି ନେତୃତ୍ବରେ ଚାଲିଥିବା ସଂଘର୍ଷ ଯୋଗୁଁ ଦେଶରେ ରାଜନୈତିକ, ଆର୍ଥିକ, ସାମାଜିକ, ସାଂସ୍କୃତିକ ଓ ଭୌଗୋଳିକ ସ୍ଥିତିରେ ବଡ଼ ଧରଣର ପରିବର୍ତ୍ତନ ଆସିଛି। ଆତ୍ମସମର୍ପଣ ପାଇଁ ନିଖିଲ ରଖିଥିବା ୪ଟି ପ୍ରମୁଖ ଦାବି ମଧ୍ୟରେ ଗଣତାନ୍ତ୍ରିକ ଓ ଆଇନଗତ ସୀମା ମଧ୍ୟରେ ଦେଶର ଶୋଷିତ ଶ୍ରେଣୀ ପାଇଁ ଚାଲିଥିବା ଆନ୍ଦୋଳନକୁ ପ୍ରତିବନ୍ଧକ ନ ଲଗାଇବାକୁ ସୁଯୋଗ, ଆତ୍ମସମର୍ପଣ ପରେ କୌଣସି ପ୍ରକାର ମାଓବାଦୀ ବିରୋଧୀ ସଶସ୍ତ୍ର ଅଭିଯାନ ଓ ଜନ ବିରୋଧୀ କାର୍ଯ୍ୟରେ ନିୟୋଜିତ ନ କରିବା, ସିପିଆଇ ମାଓ ସଂଗଠନ ଛାଡ଼ି ଆତ୍ମସମର୍ପଣ କରିଥିବା ଆଜାଦ, ସବ୍ୟସାଚୀ ପଣ୍ଡାଙ୍କୁ ବହୁ ବର୍ଷ ହେଲା ଜେଲ୍‌ରେ ବନ୍ଦୀ ରଖିଥିବାରୁ ପ୍ରତିଶ୍ରୁତି ମୁତାବକ ଆତ୍ମସମର୍ପଣ ନୀତି କାର୍ଯ୍ୟକାରୀ, ଗଣତାନ୍ତ୍ରିକ ଆନ୍ଦୋଳନକୁ ଦମନ ନ କରି ଜନମତକୁ ସମ୍ମାନ ଦେବା ପାଇଁ ନିଖିଲ ଉଲ୍ଲେଖ କରିଛନ୍ତି। ଆମ ଆତ୍ମସମର୍ପଣ ନିଷ୍ପତ୍ତ ପାଇଁ ସଶସ୍ତ୍ର ବିପ୍ଳବୀ, ଶୁଭଚିନ୍ତକ, ସମର୍ଥକ, ସହକର୍ମୀ ଓ ଉପୀଡ଼ିତ ଲୋକଙ୍କ ପାଖରେ ନିଃସର୍ଭ କ୍ଷମା ପ୍ରାର୍ଥନା କରୁଛୁ। ସଶସ୍ତ୍ର ସଂଘର୍ଷ ନୁହେଁ, ଜନବାଦୀ ରାସ୍ତାରେ ଆନ୍ଦୋଳନ ଚଳାଇବା ସମୟ ଉପ‌ଯୋଗୀ ହେବ ବୋଲି ନିଖିଲ ଉଲ୍ଲେଖ କରିଛନ୍ତି। ନିଖିଲଙ୍କ ସହ ପତ୍ନୀ ଓ ଅନ୍ୟ କିଛି ସହଯୋଗୀ ଆତ୍ମସର୍ମପଣ କରିବାର ସମ୍ଭାବନା ଥିବାରୁ ଏହି ସୁଯୋଗ ଓଡ଼ିଶା ପୁଲିସ ପାଇଁ ମାଓ ଦମନରେ ସହାୟକ ହେବ ବୋଲି ବିଚାର କରାଯାଉଛି।

19 shares

😐

Samaja

Feb 3, 2026, 02:35 PM

ପ୍ରଥମ ଥର ପାଇଁ ବାଂଲାଦେଶୀ ଅନୁପ୍ରବେଶକାରୀଙ୍କୁ ଦୋଷୀ ସାବ୍ୟସ୍ତ କଲେ ଓଡ଼ିଶା କୋର୍ଟ

ସମାଜ ଲାଇଭ ଡେସ୍କ :ଓଡ଼ିଶାରେ ପ୍ରଥମ ଥର ପାଇଁ ୧୦ ଜଣ ବାଂଲାଦେଶୀ ଅନୁପ୍ରବେଶକାରୀଙ୍କ ବିରୋଧରେ ସଜ୍ଜା ଶୁଣାଇଛନ୍ତି ଅଦାଲତ।୬ଜଣ ସାକ୍ଷୀ ଏବଂ ଦସ୍ତାବିଜ ଆଧାରରେ କାରାଦଣ୍ଡାଦେଶ ଶୁଣାଇଲେ ଅଦାଲତ । ମାର୍ଚ୍ଚ ୮ ତାରିଖ ୨୦୨୫ ତାରିଖରେ ଭୁବନେଶ୍ୱର ରେଳ ଷ୍ଟେସନ ରେ ଓଡିଶାକୁ ଅନୁପ୍ରବେଶ ନେଇ ଗିରଫ କରିଥିଲା କ୍ରାଇମବ୍ରାଞ୍ଚ ଏସଟିଏଫ। ଏହାସହ ୧୦ ହଜାର ଟଙ୍କା ଜୋରିମାନା ଏବଂ ଜୋରିମାନା ଅନାଦେୟ ୩ମାସ ଅଧିକ ସଶ୍ରମ କାରାଦଣ୍ଡା ଦେଶ । ସେମାନଙ୍କ ନିକଟରୁ ବାଂଲାଦେଶୀ ଟଙ୍କା ଏବଂ ଭାରତୀୟ ଟଙ୍କା ଏବଂ ମୋବାଇଲ ଜବତ କରିଥିଲା ଏସଟିଏଫ। ଗିରଫ ଅଭିଯୁକ୍ତ ମାନଙ୍କୁ ଆଉ ବାଂଲାଦେଶୀ ନ ଛାଡିବାକୁ ବାଂଲାଦେଶୀ ହାଇ କମିସନ ଭୁବନେଶ୍ୱର ଅଦାଲତ ଏବଂ କ୍ରାଇମବ୍ରାଞ୍ଚ କୁ ଲିଖିତ ଆକାର ରେ ଜଣାଥିଲେ।

51 shares

😢

Sambad

Feb 3, 2026, 02:35 PM

ଓଡ଼ିଶାର ପ୍ରୀତିଶା ଗୁପ୍ତା 14 ବର୍ଷ ବୟସରେ ସର୍ବକନିଷ୍ଠ ମହିଳା ଆନ୍ତର୍ଜାତୀୟ ମାଷ୍ଟର ହୋଇଛନ୍ତି।

ଭୁବନେଶ୍ବର: ଓଡ଼ିଶାର ଯୁବ ଚେସ୍‌ ପ୍ରତିଭା ପ୍ରୀତିଶା ଗୁପ୍ତା ମାତ୍ର ୧୪ ବର୍ଷ ବୟସରେ ସମସ୍ତ ଆବଶ୍ୟକ ନର୍ମ ପୂରଣ କରି ପ୍ରତିଷ୍ଠିତ ମହିଳା ଇଣ୍ଟରନ୍ୟାସନାଲ୍ ମାଷ୍ଟର୍‌ (ଡବ୍ଲ୍ୟୁଆଇଏମ୍‌) ଟାଇଟଲ୍‌ ହାସଲ କରିଛନ୍ତି। ଏହି ଐତିହାସିକ ସଫଳତା ପାଇବାରେ ସେ ଓଡ଼ିଶାର ଚତୁର୍ଥ ମହିଳା ଆଇଏମ୍‌ ହୋଇଛନ୍ତି। ପ୍ରୀତିଶା ତାଙ୍କର ପ୍ରଥମ ଡବ୍ଲ୍ୟୁଆଇଏମ୍‌ ନର୍ମ ଜୁଲାଇ ୨୦୨୫ରେ ଟ୍ରଫି ଡୋଲ୍ ପାସିନୋ ଗ୍ରାଣ୍ଡ ଓପନ୍ ପ୍ରତିଯୋଗିତାରେ ହାସଲ କରିଥିଲେ। ଦ୍ୱିତୀୟ ନର୍ମ ସର୍ବିୟାର ସେଣ୍ଟାରେ ଆୟୋଜିତ ଗ୍ରାଣ୍ଡମାଷ୍ଟର୍ସ ମିକ୍ସ ୨୨ ଫାଣ୍ଟାଷ୍ଟିକୋ ପ୍ରତିଯୋଗିତାରେ ପାଇଥିଲା ବେଳେ ତୃତୀୟ ତଥା ଶେଷ ନର୍ମ ସେହିଠାରେ ଆୟୋଜିତ ଗ୍ରାଣ୍ଡମାଷ୍ଟର୍ସ ମିକ୍ସ ୧୩ ଫାଣ୍ଟାଷ୍ଟିକୋ ପ୍ରତିଯୋଗିତାରେ ହାସଲ କରିଥିଲେ। ପ୍ରୀତିଶା ନିଜ ବୟସ ଶ୍ରେଣୀରେ ବିଶ୍ୱସ୍ତରରେ ସର୍ବଦା ଶ୍ରେଷ୍ଠ ପ୍ରଦର୍ଶନ କରିଆସୁଛନ୍ତି। ଜାନୁଆରି ମାସର ରେଟିଂ ଅନୁଯାୟୀ ସେ ନିଜ ବୟସ ବର୍ଗରେ ବିଶ୍ୱ ମାନ୍ୟତାରେ ପ୍ରଥମ ସ୍ଥାନ ଅଧିକାର କରିଥିଲେ। ଏଥିସହ ନଭେମ୍ବର ୨୦୨୫ରେ ମାଲେସିଆର କୁଆଲାଲୁମ୍ପୁରରେ ଆୟୋଜିତ କମନ୍‌ୱେଲ୍‌ଥ ଚେସ୍ ପ୍ରତିଯୋଗିତାର ୧୬ ବର୍ଷରୁ କମ୍‌ ବର୍ଗରେ ସେ ସ୍ବର୍ଣ୍ଣ ପଦକ ଜିତିଥିଲେ। ଏହି ସଫଳତା ପାଇଁ ପ୍ରୀତିଶାଙ୍କୁ ଅଲ୍ ଓଡ଼ିଶା ଚେସ୍ ସଂଘ (ଏଓସିଓ) ସମ୍ପାଦକ ଦେବବ୍ରତ ଭଟ୍ଟ ଅଭିନନ୍ଦନ ଜଣାଇଛନ୍ତି।

98 shares

😊

Prameya

Feb 3, 2026, 02:32 PM

ଜ୍ୟୋତିଷ ସମ୍ବନ୍ଧୀୟ ପୂର୍ବାନୁମାନ ମେଷ ରାଶିର ବ୍ୟକ୍ତିମାନେ ଆହ୍ୱାନର ସମ୍ମୁଖୀନ ହୁଅନ୍ତି, ବୃଷ ରାଶିର ବ୍ୟକ୍ତିମାନେ ଧନ ଲାଭ ଦେଖନ୍ତି

89 shares

😢