ଏସୀୟ ଲନବଲ ଚାମ୍ପିଅନସିପରେ ଭାରତର ପ୍ରତିନିଧିତ୍ୱ କରିବାରେ ଓଡ଼ିଶାର ରାଜେଶ୍ୱରୀ ସେଠ ପ୍ରଥମ ମହିଳା ଭାବରେ ଇତିହାସ ସୃଷ୍ଟି କରିଛନ୍ତି।

ବଲାଙ୍ଗିର,୧୯/୦୩: ଆସନ୍ତା ଏପ୍ରିଲ ୫ତାରିଖରୁ ଦିଲ୍ଲୀଠାରେ ୧୭ତମ ଏସିଆନ ଲନବଲ୍ ଚାମ୍ପିଅନସିପ ହେବାକୁ ଯାଉଛି । ଏଥିରେ ଏସିଆର ପ୍ରାୟ ୧୩ଟି ଦେଶର କ୍ରୀଡ଼ାବିତ ଭାଗ ନେବାକୁ ଯାଉଛନ୍ତି । ତେବେ, ଭାରତୀୟ ଦଳରେ ବଲାଙ୍ଗିରର ରାଜେଶ୍ୱରୀ ସେଠ୍ ସ୍ଥାନ ପାଇଛନ୍ତି । ଲନବଲ କ୍ରୀଡ଼ାରେ ରାଜେଶ୍ୱରୀ ଓଡ଼ିଶାର ପ୍ରଥମ ଥର ମହିଳା ଭାବରେ ଜାତୀୟ ଦଳରେ ରହି ଏସିଆନ କ୍ରୀଡ଼ା ଖେଳିବାକୁ ସୁଯୋଗ ପାଇଛନ୍ତି । ଏସିଏନ ଚାମ୍ପିଅନସିପରେ ଭାଗ ନେବାକୁ ଯୋଗ୍ୟ ବିବେଚିତ ଖେଳାଳିଙ୍କ ତାଲିକା ଚୂଡ଼ାନ୍ତ ହେବା ପରେ ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ତାଙ୍କୁ ଶୁଭେଚ୍ଛା ଜଣାଯାଇଛି । ଅପରପକ୍ଷେ, ରାଜେଶ୍ୱରୀଙ୍କ ସଫଳତାକୁ ନେଇ ରାଜ୍ୟ ଲନବଲ ସଂଘ ଏବଂ ତାଙ୍କ ପରିବାରରେ ମଧ୍ୟ ଖୁସିର ମାହୋଲ ଦେଖାଦେଇଛି । ସୂଚନାଯୋଗ୍ୟ ଯେ, ସ୍ଥାନୀୟ ୧୭ତମ ଏସିଆନ ଲନ୍ବଲ ଚାମ୍ପିଅନସିପ୍ ପ୍ରତିଭା ଦେଖାଇବେ ରାଜେଶ୍ୱରୀ ରାଧାରାଣୀ ପଡ଼ା ବାସିନ୍ଦା ଯଦୁମଣି ସେଠ୍ ଏବଂ ମନୋରମା ସେଠ୍ଙ୍କ ଝିଅ ରାଜେଶ୍ୱରୀ ୨୦୨୩ରେ ଲନବଲ୍ କ୍ରୀଡ଼ାରେ ସାମିଲ ହେଲେ । ଜଣେ ବାନ୍ଧବୀଙ୍କ ସହ ଖେଳ ଦେଖୁଦେଖୁ ସେ ଏହି କ୍ରୀଡ଼ା ପ୍ରତି ଆଗ୍ରହୀ ହୋଇଥିଲେ । ପ୍ରଥମେ ସାଧାରଣ ଖେଳ, ପରେ ବେଷୟିକ ଟ୍ରେନିଂ ଏବଂ ଶେଷରେ ଏକାଧିକ ରାଜ୍ୟ, ଜାତୀୟ କ୍ରୀଡ଼ାରେ ପାରଦର୍ଶିତା ଦେଖାଇ ଏବେ ଏସିଆନ ଖେଳିବାକୁ ନିଜକୁ ପ୍ରସ୍ତୁତ କରୁଛନ୍ତି । ଗତ ୨୦୨୫ ମସିହାରେ ଉତ୍ତରାଖଣ୍ଡଠାରେ ଅନୁଷ୍ଠିତ ୩୮ତମ ଜାତୀୟ କ୍ରୀଡ଼ାରେ ସେ ରୌପ୍ୟ ପଦକ ପାଇଥିଲେ । ହେଲେ ରୌପ୍ୟ ପଦକ ପାଇଥିଲେ ହେଁ ସେ ତଥା ତାଙ୍କର ସହଯୋଗୀ ଅଣ୍ଡର-୨୫ ବର୍ଗରେ ଥିଲେ । ତେଣୁ ତାଙ୍କୁ ଏପ୍ରିଲରେ ହେବାକୁ ଥିବା ଏସିଏନ ଚାମ୍ପିଅନସିପ ଚୟନ ଶିବିରରେ ସାମିଲ ହେବାକୁ ଅନୁମତି ମିଳିଗଳା । ସୌଭାଗ୍ୟକୁ ଗତ ୧୨ତାରିଖରୁ ୧୫ତାରିଖ ପର୍ଯ୍ୟନ୍ତ ଦିଲ୍ଲୀଠାରେ ହୋଇଥିବା ଚୟନ ଶିବିରରେ ମଧ୍ୟ ଦୁହେଁ ଭାଗ ନେଲେ । ହେଲେ ରାଜେଶ୍ୱରୀ ଭଲ ପଏଣ୍ଟ ପାଇ ଯୋଗ୍ୟ ବିବେଚିତ ହେବା ସହ ଭାରତ ଟିମରେ ଖେଳିବାକୁ ଅନୁମତି ପାଇଛନ୍ତି । ତାଙ୍କୁ ଶୀଘ୍ର ଚାମ୍ପିଅନସିପର ପୂର୍ବ ପ୍ରଶିକ୍ଷଣ ଶିବିରରେ ଯୋଗଦେବାକୁ ନିର୍ଦ୍ଦେଶ ଦିଆଯାଇଛି । ପ୍ରକାଶ ଯେ, ରାଜେଶ୍ୱରୀ ପୂର୍ବରୁ ୨୦୨୩ରେ ପ୍ରଥମ ଅଲ ଓଡ଼ିଶା ଆନ୍ତଜିଲ୍ଲା ଲନବଲ ଚାମ୍ପିଅନସିପର ଟ୍ରିପଲ ମହିଳା ବର୍ଗରେ ଭାଗ ନେଇ ବ୍ରୋଞ୍ଚ ପଦକ ପାଇଥିଲେ । ସେହିବର୍ଷ ଆନ୍ତର୍ଜାତିକ ମିଲେଟ ମିଶନ ଅବସରରେ ଆୟୋଜିତ ଚାମ୍ପିଅନସିପରେ ପୁଣି ଟ୍ରିପଲ ମହିଳା ବର୍ଗରେ ଭାଗ ନେଇ ରୌପ୍ୟ ପଦକ ପାଇଥିଲେ । ପୁଣି ଗୌଆହାଟୀଠାରେ ହୋଇଥିବା ୮ମ ସିନିୟର ଏବଂ ଅଣ୍ଡର ୨୬ ଜାତୀୟ ଲନବଲ ଚାମ୍ପିଅନସିପରେ ଭାଗ ନେଇ ଦୁଇଟି ବର୍ଗରେ ବ୍ରୋଞ୍ଜ ପଦକ ପାଇଥିଲେ । ଏହାବାଦ୍ ସେହିବର୍ଷ ଗୋଆଠାରେ ଅନୁଷ୍ଠିତ ୩୭ତମ ଜାତୀୟ କ୍ରୀଡ଼ାରେ ବ୍ରୋଞ୍ଜ ଏବଂ ୨୦୨୪ରେ ଦ୍ୱିତୀୟ ଅଲ ଓଡ଼ିଶା ଆନ୍ତ ଜିଲ୍ଲା ଲନବଲ ଚାମ୍ପିଅନସିପିର ଦୁଇଟି ବର୍ଗରେ ଭାଗ ନେଇ ଦୁଇଟି ସ୍ୱର୍ଣ୍ଣ ହାସଲ କରିଥିଲେ । ଏହାବାଦ୍ ୨୦୨୪ରେ ଦିଲ୍ଲୀଠାରେ ଅନୁଷ୍ଠିତ ଅଣ୍ଡର-୨୫ ଜାତୀୟ ଲନବଲ ଚାମ୍ପିଅନସିପ ବ୍ରୋଞ୍ଜ ପଦକ ହାସଲ କରିଥିଲେ। ଅଧିକ ପଢ଼ନ୍ତୁ :-ଜବରଦଖଲ କୌଣସି ଦୃଷ୍ଟିରୁ ଗ୍ରହଣୀୟ ନୁହେଁ : ପିଟିସନ୍ ଖାରଜ; ରାସ୍ତା ସଂପ୍ରସାରଣ ପାଇଁ ଅନୁମତି