ଓଡ଼ିଶାରେ ନୂଆ ନିଯୁକ୍ତି ଘୋଷଣା କଲା ବିଜେଡ଼ି

ବଞ୍ଚୋ,୫।୫(ପ୍ରଦୋଷ କୁମାର ବିଶ୍ୱାଳ): ବିଜୁ ଜନତା ଦଳ (ବିଜେଡି) ପକ୍ଷରୁ ଅଫିସ ଆର୍ଡର ନଂ ୩୬, ତାରିଖ ୦୫/୦୫/୨୦୨୫ ଅନୁଯାୟୀ ରାଜ୍ୟର ବିଭିନ୍ନ ପଦବୀ ପାଇଁ ନୂତନ ନିଯୁକ୍ତି ଘୋଷଣା କରାଯାଇଛି। ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ଆନନ୍ଦପୁର ନିର୍ବାଚନମଣ୍ଡଳୀ ପାଇଁ ରତିକାନ୍ତ ରାଉତଙ୍କୁ ସଚିବ ଭାବେ ନିଯୁକ୍ତ କରାଯାଇଛି।ବର୍ତ୍ତମାନ ରାଉତ ହାଟଡିହି ବ୍ଲକର ଉପାଧ୍ୟକ୍ଷ (ଭାଇସ-ଚେୟାରମ୍ୟାନ) ଭାବେ କାର୍ଯ୍ୟରତ ଥିବା ସହ ଦୀର୍ଘଦିନ ଧରି ଦଳ ସହିତ ସକ୍ରିୟ ଭାବେ ଜଡିତ ରହି ନିଷ୍ଠାପୂର୍ଣ୍ଣ ସେବା କରୁଛନ୍ତି। ତାଙ୍କର ଅଭିଜ୍ଞତା ଓ ସଂଗଠନ ଦକ୍ଷତାକୁ ଦେଖି ଦଳ ତାଙ୍କୁ ଏହି ଦାୟିତ୍ୱ ଦେଇଛି ବୋଲି କୁହାଯାଉଛି।ରାଉତଙ୍କ ନିଯୁକ୍ତିକୁ ନେଇ ଦଳୀୟ କର୍ମୀ ଓ ସମର୍ଥକମାନଙ୍କ ମଧ୍ୟରେ ଖୁସିର ଲହରି ଦେଖିବାକୁ ମିଳିଛି। ଅବସରରେ ଘସିପୁରା ବିଧାୟକ ବଦ୍ରୀନାରାୟଣ ପାତ୍ର, ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ, ଦେବପ୍ରିୟ ପାତ୍ର, ମାର୍କଣ୍ଡ ଓଝା ସହିତ ଅନ୍ୟାନ୍ୟ ବରିଷ୍ଠ ନେତାମାନେ ରାଉତଙ୍କୁ ଅଭିନନ୍ଦନ ଜଣାଇଥିବା ସହିତ ତାଙ୍କର ସଫଳ କାର୍ଯ୍ୟକାଳ ପାଇଁ ଶୁଭେଚ୍ଛା ଜଣାଇଛନ୍ତି।ଦଳୀୟ ସଂଗଠନକୁ ଅହୁରି ଶକ୍ତିଶାଳୀ କରିବା ସହିତ ଲୋକମାନଙ୍କ ସେବାରେ ସେ ନିଷ୍ଠାର ସହ କାମ କରିବେ ବୋଲି ଆଶା ପ୍ରକାଶ କରିଛନ୍ତି l