କେଓନଝାର ଜିଲ୍ଲାରେ ଡକାୟତି ଘଟଣା ତେଲ୍କୋଇ ଥାନା ଅଞ୍ଚଳରେ ଏକାଧିକ ଘର ଉପରେ ଆକ୍ରମଣ

ତେଲକୋଇ,୩/୨ : କେନ୍ଦୁଝର ଜିଲ୍ଲା ତେଲକୋଇ ଥାନା କାଳିଆ ହତା ଫାଣ୍ଡି ଅଧୀନ ବେଣାମୁଣ୍ଡା ଗ୍ରାମରେ ସୋମବାର ବିଳମ୍ବିତ ରାତିରେ ସିରିଜ୍ ଡକାୟତି ହୋଇଛି । ଦୁଇଟି ପରିବାରରେ ଦୁର୍ବୃତ୍ତମାନେ କଳକନା ବୁଲାଇ ଚମ୍ପପଟ ମାରିଛନ୍ତି । ଖବରପାଇ ତେଲକୋଇ ପୁଲିସ ତଦନ୍ତ ଆରମ୍ଭ କରିବା ସହ ବିଭିନ୍ନ ସ୍ଥାନରେ ବ୍ଲକିଂ ଚେକିଂ ଜାରି ରଖିଛି । ସନ୍ଧାନି କୁକୁର ଓ ସାଇଣ୍ଟଫିକ୍ ଦଳ ଆସିବା ନେଇ ସୂଚନା ମିଳିଛି । ଏହି ଡକାୟତିରେ ପାଖାପାଖି ୧୫ଲକ୍ଷରୁ ଊର୍ଦ୍ଧ୍ବ ଟଙ୍କାର ସୁନା ରୂପା ଅଳଙ୍କାର ଚୋରି ହୋଇଥିବା ଜଣାପଡ଼ିଛି । ବେଣାମୁଣ୍ଡା ଗ୍ରାମ ମାଟିଆ ମୁଣ୍ଡା ସାହିର ରାମଚନ୍ଦ୍ର ମୁଣ୍ଡା ଓ ବେଣାମୁଣ୍ଡା ଗ୍ରାମର ଅକ୍ଷୟ ବେହେରାଙ୍କ ଘରୁ ଏହି ଡକାୟତି ହୋଇଥିବା ଅଭିଯୋଗ ହୋଇଛି । ରାମଚନ୍ଦ୍ର ଓଡ଼ିଶା ପୁଲିସରେ କାର୍ଯ୍ୟ କରୁଥିବାବେଳେ ଅକ୍ଷୟ ଜଣେ ଆଇନଜୀବି । ତେବେ କେନ୍ଦୁଝର ଜିଲ୍ଲାରେ ଏଇ ଦୁଇ ଦିନ ମଧ୍ୟରେ ଖିରେଇ ଟାଙ୍ଗିରୀ, ବାୟା ପଣ୍ଡାଧରରେ ସସସ୍ତ୍ର ଡକାୟତି ହୋଇଥିବାବେଳେ ଆଜି ପୁଣି ତେଲକୋଇ ଥାନା ଅଂଚଳର ଏହି ସିରିଜ୍ ଡକାୟତି ପୁଲିସ ପାଇଁ ମୁଣ୍ଡ ବିନ୍ଧାର କାରଣ ହୋଇଛି ।