ଟି-20 କ୍ରିକେଟ୍ ବିଶ୍ୱକପ୍-2026: ଟୁର୍ଣ୍ଣାମେଣ୍ଟ ଆରମ୍ଭ ହେବା ସହିତ ଭାରତୀୟ ବଂଶୋଦ୍ଭବ ଖେଳାଳିମାନେ ଉଜ୍ଜ୍ୱଳ

ଆମେ ଆମର ପାଠକଙ୍କୁ ପ୍ରତ୍ୟେକ ମୁହୂର୍ତ୍ତରେ ଖବର ସହିତ ଅପଡେଟ୍ କରିବାକୁ ଉଦ୍ୟମ କରୁଛୁ। ଆପଣଙ୍କ ପାଇଁ ସଦ୍ୟତମ ଏବଂ ବ୍ରେକିଂ ନ୍ୟୁଜ୍ ଆଣିବାକୁ ଆମେ ପ୍ରତିବଦ୍ଧ। ପ୍ରାରମ୍ଭିକ ସୂଚନା ମାଧ୍ୟମରେ ଏହି ଖବରକୁ ନିରନ୍ତର କ୍ରମାଗତ ଭାବେ ଅପ୍‌ଡେଟ୍‌ କରୁଛୁ। ସଦ୍ୟତମ ବ୍ରେକିଂ ନ୍ୟୁଜ୍ ଏବଂ ଅପଡେଟ୍ ପାଇଁsambad.inସହିତ ଯୋଡ଼ି ରୁହନ୍ତୁ। ଭୁବନେଶ୍ବର: ସମଗ୍ର ବିଶ୍ବର କ୍ରିକେଟ୍‌ ପ୍ରଶଂସକ ଟି୨୦ କ୍ରିକେଟ୍‌ ମହାକୁମ୍ଭ ବିଶ୍ବକପ୍‌-୨୦୨୬କୁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ‌ମେଗା କ୍ରିକେଟ ଟୁର୍ଣ୍ଣାମେଣ୍ଟ ଆଉ ୩ଦିନ ପରେ ଆରମ୍ଭ ହୋଇଯିବ। ଅର୍ଥାତ ଟି୨୦ ବିଶ୍ବକପ୍‌-୨୦୨୬ ଆସନ୍ତା ୭ ତାରିଖ ଦିନ ଆରମ୍ଭ ହେବ। ପ୍ରଥମ ଦିନ ୩ଟି ମ୍ୟାଚ୍‌ ଖେଳାଯିବ। ଏଥର ଏହି ବିଶ୍ବକପ୍‌ରେ ଭାରତୀୟ ଖେଳାଳିଙ୍କ ଭିଡ଼ ଦେଖିବାକୁ ମିଳିବ। ଟୁର୍ଣ୍ଣାମେଣ୍ଟରେ ଭିନ୍ନଭିନ୍ନ ଟିମରେ ୪୦ ଜଣ ଭାରତୀୟ ବଂଶୋଦ୍ଭବ ଦେଖାଯିବେ। ସବୁଠାରୁ ବଡ଼ କଥା ହେଲା ଭାରତୀୟ ମୂଳ ଏହି ଖେଳାଳି ଯେତେ‌ବେଳେ ଭାରତରେ ନିଜର ଦମ୍ଭ ଦେଖାଇବେ। ବିଦେଶୀ ଟିମ୍‌ କଥା ଯଦି କହିବା, କାନାଡା ଏବଂ ୟୁଏଇରେ ଭାରତୀୟ ଖେଳାଳି ସଂଖ୍ୟା ଅନେକ ଅଛନ୍ତି। ଏହି ଟିମ୍‌ରେ ପାଖାପାଖି ୨୩ ଜଣ ଖେଳାଳି ଭାରତୀୟ ଅଛନ୍ତି। ମୁମ୍ବାଇରେ ଜନ୍ମିତ ଆମେରିକୀୟ ଦ୍ରୁତ ବୋଲର ସୌରଭ ନତ୍ରୱଲକର ଭଳି ଖେଳାଳି ୱାନଙ୍ଖେଡେ ଷ୍ଟାଡିୟମରେ ଭାରତ ବିପକ୍ଷରେ ଖେଳିବା ସ୍ମରଣୀୟ ମୁହୂର୍ତ୍ତ ରହିବ। ଯେଉଁ‌ ଦେଶରେ ସେ ଜନ୍ମ ନେଇଛନ୍ତି, ସେହି ଦେଶ ସହିତ ଖେଳି ପାରୁ ନାହାନ୍ତି। କିନ୍ତୁ ଏବେ ସେ ନିଜ ଦେଶ ଭିତରେ ଖେଳିବେ। ଆଇସିସି ଟି୨୦ ବିଶ୍ବକପ-୨୦୨୬ରେ କାନାଡାର ଟିମରେ ମୋଟ ୧୧ ଜଣ ଭାରତୀୟ ଖେଳାଳି ଅଛନ୍ତି। ସେହିପରି ୟୁଏସ୍‌ଏ ଦଳରେ ୯ ଜଣ ଭାରତୀୟ, ଓମାନର ଦଳରେ ୭ ଜଣ ଭାରତୀୟ ଏବଂ ୟୁଏଇରେ ୭ ଜଣ ଭାରତୀୟମୂଳ ଖେଳାଳି ଅଛନ୍ତି। ସମସ୍ତ ବିଦେଶ ଦଳରେ କଥା ଯଦି କହିବା ୪୦ ଜଣ ଭାରତୀୟ ବଂଶୋଦ୍ଭବ କ୍ରିକେଟର ଏହି ବିଶ୍ବକପରେ ଭିନ୍ନଭିନ୍ନ ଟିମ୍‌ରେ ଦେଖାଯିବେ। ଭୁବନେଶ୍ବର: ରୁପା ଦରରେ ଆଜି ବି ଏକ ବଡ଼ ହ୍ରାସ ଘଟିଛି। ଭୁବନେଶ୍ବର ବଜାରରେ କିଲୋଗ୍ରାମ ପିଛା ରୁପା ଦର ୨୦ ହଜାର ଟଙ୍କା ହ୍ରାସ ପାଇ ୨,୮୦,୦୦୦ ଟଙ୍କା ସ୍ତରକୁ ଖସିଛି। ଗତ ଜାନୁଆରି ୩୦ରୁ ରୁପା ଦର କମୁଛି। ରବିବାର ଦର ଅପରିବର୍ତ୍ତିତ ଥିବାବେଳେ ଅନ୍ୟ ଚାରିଦିନରେ ଏଥିରେ ୧,୪୫,୦୦୦ ଟଙ୍କା ହ୍ରାସ ହୋଇଛି। ଏହା ପୂର୍ବରୁ ଜାନୁଆରି ୨୯ ତାରିଖରେ ରୁପା ଦର ରେକର୍ଡ ୪,୨୫, ୦୦୦ ଟଙ୍କାରେ ପହଞ୍ଚିଥିଲା। ଅନ୍ୟପକ୍ଷରେ ଭୁବନେଶ୍ବର ବଜାରରେ ସୁନା ଦର ୩ ଦିନ ହ୍ରାସ ପାଇବା ପରେ ଆଜି ବୃଦ୍ଧି ଘଟିଛି। ୨୪ କ୍ୟାରେଟ୍‌ ସୁନା ଦର ୧୦ ଗ୍ରାମ ପିଛା ୭୬୦ ଟଙ୍କା ବୃଦ୍ଧି ଘଟିଛି। ଏଥିଯୋଗୁ ଏହାର ଦର ୧୫୩,୯୩୦ ଟଙ୍କାରେ ପହଞ୍ଚିଛି। ସେହିଭଳି ୨୨ କ୍ୟାରେଟ୍‌ ସୁନା ଦର ୭୦୦ ଟଙ୍କା ବୃଦ୍ଧି ଘଟି ୧୪୧,୧୦୦ ଟଙ୍କା ରହିଛି। ବ୍ରହ୍ମପୁର: ତାରାତାରିଣୀ ପୀଠରେ ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନାର ଶୁଭାରମ୍ଭ କରିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଏହି କାର୍ଯ୍ୟକ୍ରମରେ ତାଙ୍କ ସହ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, ମନ୍ତ୍ରୀ ବିଭୂତିଭୂଷଣ ଜେନା, ଗୋକୁଳାନନ୍ଦ ମଲ୍ଲିକ ଓ ବିଧାୟକ ସିଦ୍ଧାନ୍ତ ମହାପାତ୍ର ପ୍ରମୁଖ ମଧ୍ୟ ଉପସ୍ଥିତ ଅଛନ୍ତି। କୋରାପୁଟ: ଘରେ କେହି ନ ଥିବାର ସୁଯୋଗ ନେଇ ତାଲା ଭାଙ୍ଗି ବନ୍ଦ ଘରୁ ଟଙ୍କା ଓ ସୁନା ଲୁଟ୍। ଏପରି ଘଟଣା ଦେଖିବାକୁ ମିଳିଛି କୋରାପୁଟ ସଦର ଥାନା ପୋଡ଼ଗଡ଼ ଗାଁରେ। ମିଳିଥିବା ସୂଚନା ଅନୁଯାୟୀ ପୋଡ଼ଗଡ଼ ଗାଁର ଟିକିନା ପଣ୍ଡା ଓ ତାଙ୍କ ପରିବାର ଗତ ଶନିବାର ଦିନ ଆନ୍ଧ୍ର ପାର୍ବତୀପୁରକୁ ଯାଇଥିଲେ। ଆଜି ଘରକୁ ଫେରିବା ବେଳେ ଗ୍ରିଲ ଓ ଘର ତାଲା ଭାଙ୍ଗିଥିବା ଦେଖିବାକୁ ପାଇଥିଲେ। ଘର ଭିତରେ ଆଲମୀରା ତାଡ଼ି ପ୍ରାୟ ୩ ଭରି ସୁନା ଓ ୧ ଲକ୍ଷ ୨୦ ହଜାର ଟଙ୍କା ଲୁଟି ନେଲେ ଦୁର୍ବୃତ୍ତ। ଏ ନେଇ ପରିବାର ପକ୍ଷରୁ ସଦର ଥାନାରେ ଏତଲା ଦିଆଯାଇଛି। କୋରେଇ: କୋରେଇ ଥାନା ୨୦ନଂ ଜାତୀୟ ରାଜପଥ ତଳଗଡ଼ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଥିବା ଡ଼ାଇଭର୍ସନ ନିକଟରେ ବାଇକ୍ ଧକ୍କାରେ ସାଇକେଲ ଚାଳକଙ୍କର ମୃତ୍ୟୁ |ସାଇକେଲ ଚାଳକ ଏହି ଥାନା ଅନ୍ତର୍ଗତ ନଗୁଆଁ ଗ୍ରାମର ୭୦ବର୍ଷୀୟ ଭୁବନାନନ୍ଦ ନାୟକ। ମାଲକାନଗିରି: ବିଦ୍ୟୁତ୍ ସଂଯୋଗ ପାଇଁ ୨୦ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡ଼ିଲେ ଟିପିଏସଓଡିଏଲ୍ କନିଷ୍ଠ ଯନ୍ତ୍ରୀ ପ୍ରଦେଶ ପ୍ରସାଦ ନାୟକ। ବ୍ରହ୍ମପୁର: ତାରାତାରିଣୀ ପୀଠରେ ପହଞ୍ଚିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। କନ୍ୟା ବିବାହ ଯୋଜନାର କରିବେ ଶୁଭାରମ୍ଭ। ତାଙ୍କ ସହ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା, ମନ୍ତ୍ରୀ ବିଭୂତିଭୂଷଣ ଜେନା ଓ ଗୋକୁଳାନନ୍ଦ ମଲ୍ଲିକ ମଧ୍ୟ ଅଛନ୍ତି। ବାଲେଶ୍ବର: ବାଲେଶ୍ବରର ଫକୀରମୋହନ ବିଶ୍ବବିଦ୍ୟାଳୟ ପରିସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ଫକୀରମୋହନ ବିଶ୍ବବିଦ୍ୟାଳୟର ସମାବର୍ତ୍ତନ ଉତ୍ସବରେ ଯୋଗଦେଲେ। ଡେରାଡୁନ: ହିମାଚଳ ପ୍ରଦେଶର ଚୌପାଲ-ନେରୱାରୁ ପାଓଣ୍ଟା ଯାଉଥିବା ଏକ ଏଚ୍‌ଆରଟିସି ବସ୍ ନିୟନ୍ତ୍ରଣ ହରାଇ କ୍ୱାନୁ ନିକଟରେ ଏକ ଘାଟିକୁ ଖସିପଡ଼ିଲା। ଘଟଣାସ୍ଥଳେ ତିନି ଜଣଙ୍କର ମୃତ୍ୟୁ ଘଟିଛି ​​ଏବଂ ୧୫ରୁ ଅଧିକ ଆହତ ହୋଇଥିଲେ। ବସ୍ ସକାଳ ୬ଟା ୩୦ରେ ଚୌପାଲ ଡିପୋରୁ ନେହୱାରେ ପହଞ୍ଚିଥିଲା ​​ଏବଂ ତା’ପରେ ମିନାସ-କ୍ୱାନୁ-ହରିପୁର ରୁଟ୍ ଦେଇ ପାଓଣ୍ଟା ଅଭିମୁଖେ ଯାତ୍ରା କରିଥିଲା। ଏଥିରେ ୩୦ରୁ ଅଧିକ ଲୋକ ଯାତ୍ରା କରୁଥିବା ଜଣାପଡ଼ିଛି। ଘଟଣାଟି ସକାଳ ୧୦ଟା ସମୟରେ ଘଟିଥିଲା। ମିନାସ-କ୍ୱାନୁ-ହରିପୁର ରାସ୍ତାରେ ସୁଦୋଇ ଖାଡ ନିକଟରେ ଏକ ଟ୍ରକକୁ ରାସ୍ତା ଦେବାକୁ ଚେଷ୍ଟା କରିବା ସମୟରେ ଯାତ୍ରୀଭରା ଏଚ୍‌ଆରଟିସି ବସ୍‌ଟି ରାସ୍ତା ଭାଙ୍ଗିଯିବାରୁ ଅନେକ ଥର ଓଲଟି ପଡ଼ିଥିଲା। ସ୍ଥାନୀୟ ଲୋକମାନେ ବର୍ତ୍ତମାନ ରିଲିଫ୍ ଏବଂ ଉଦ୍ଧାର କାର୍ଯ୍ୟ ପାଇଁ ଘଟଣାସ୍ଥଳରେ ଅଛନ୍ତି। ଘଟଣା ସମ୍ପର୍କରେ ସୂଚନା ପାଇବା ପରେ ପୁଲିସ ଏବଂ ଏସ୍‌ଡିଆରଏଫ୍‌ ଦଳ ଘଟଣାସ୍ଥଳକୁ ଯାଇଥିଲେ। ରାୟଗଡା:ରାୟଗଡା ଜିଲ୍ଲା ଆମ୍ବଦଳIଥାନା ସରଧାପୁର ପଂଚାୟତ ଶୁଣ୍ଢୀପଦର ଗ୍ରାମର ଜଣେ ବୃଦ୍ଧଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛିIବୃଦ୍ଧଙ୍କ ମୁଣ୍ଡକୁ ଛେଚି ଦେଇ ହତ୍ୟା କରାଯାଇଥିବା ଜଣାପଡ଼ିଛିIମୃତକ ହେଲେ ଚିଚି ରାମ ବାଗ(୮୧) I ସମ୍ବଲପୁର: ତଲାବିରା କୋଇଲା ଖଣି ଦୁର୍ନୀତି ମାମଲା। ଖିଣ୍ଡାରେ ଦିଲ୍ଲୀ ସିବିଆଇର ଦୁଇ ଜଣିଆ ଟିମ୍। ଖିଣ୍ଡା ଗ୍ରାମପଞ୍ଚାୟତ କାର୍ଯ୍ୟାଳୟରେ ଚାଲିଛି ପଚରାଉଚରା। ୧୯ ଜଣ ଗ୍ରାମବାସୀଙ୍କୁ ପଚାରଉଚରା କରିବ ସିବିଆଇ। ଖିଣ୍ଡା ସରପଞ୍ଚ ମଧ୍ୟ ଉପସ୍ଥିତ। ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଆତ୍ମବିଶ୍ୱାସ ହେଉଛି ଏପରି ଶକ୍ତି ଯାହା ସବୁକିଛି ସମ୍ଭବ କରିଥାଏ। ଏହା ଏକ ବିକଶିତ ଭାରତର ସ୍ୱପ୍ନକୁ ସାକାର କରିବାରେ ସାହାଯ୍ୟ କରିବ। ପ୍ରଧାନମନ୍ତ୍ରୀ ମୋଦୀ ମଙ୍ଗଳବାର ସାମାଜିକ ଗଣମାଧ୍ୟମ ‘ଏକ୍ସ’ ପୋଷ୍ଟରେ ଏହା ଲେଖିଛନ୍ତି। ଆମେରିକା ଏବଂ ଭାରତ ମଧ୍ୟରେ ଏକ ବାଣିଜ୍ୟ ଚୁକ୍ତି ହେବାର କିଛି ଘଣ୍ଟା ପରେ ପ୍ରଧାନମନ୍ତ୍ରୀ ମୋଦିଙ୍କ ପୋଷ୍ଟ ଆସିଛି। ଏହି ଚୁକ୍ତି ଅନୁଯାୟୀ, ଆମେରିକା ଭାରତୀୟ ସାମଗ୍ରୀ ଉପରେ ପାରସ୍ପରିକ ଶୁଳ୍କକୁ ବର୍ତ୍ତମାନର ୨୫ ପ୍ରତିଶତରୁ ୧୮ ପ୍ରତିଶତକୁ ହ୍ରାସ କରିବ। ନୂଆଦିଲ୍ଲୀ: ତିନି ଦିନର ହ୍ରାସ ପରେ ଆଜି ସୁନା ଏବଂ ରୂପା ମୂଲ୍ୟ ବୃଦ୍ଧି ପାଇଛି। ଏମ୍‌ସିଏକ୍ସରେ ପ୍ରାରମ୍ଭିକ କାରବାରରେ ରୂପା ମୂଲ୍ୟ ୨୧,୦୦୦ରୁ ଅଧିକ ବୃଦ୍ଧି ପାଇଛି, ଯେତେବେଳେ ସୁନା ପ୍ରାୟ ୫,୦୦୦ ବୃଦ୍ଧି ପାଇଛି। ସକାଳ ୯ଟା ୩୦ରେ ମାର୍ଚ୍ଚ ଡେଲିଭରି ରୂପା ପ୍ରତି କିଲୋଗ୍ରାମ ୨,୫୩,୯୯୯ରେ କାରବାର ହେଉଥିଲା, ଯାହା ୧୭,୭୩୮ ବୃଦ୍ଧି ପାଇଥିଲା। ସେହିପରି ଏପ୍ରିଲ ଡେଲିଭରି ସୁନା ପ୍ରତି ୧୦ ଗ୍ରାମ ୧,୪୮,୫୮୬ରେ କାରବାର ହେଉଥିଲା, ଯାହା ୪,୫୯୫ ବୃଦ୍ଧି ପାଇଥିଲା। ପୂର୍ବରୁ ରୂପା ମୂଲ୍ୟ ତିନି ଦିନ ମଧ୍ୟରେ ୧ ଲକ୍ଷ ୭୫ ହଜାର ହ୍ରାସ ପାଇଥିଲା। ବାଲିଗୁଡ଼ା/ତୁମୁଡ଼ିବନ୍ଧ: ବହୁ ଚର୍ଚ୍ଚିତ କନ୍ଧମାଳ ଜିଲ୍ଲା ବାଲିଗୁଡ଼ା ବନଖଣ୍ଡ ଅଧୀନସ୍ଥ ବେଲଘର ବନାଞ୍ଚଳର ମୁଣ୍ଡୁଟି ଜଙ୍ଗଲରେ ହାତୀ ମୃତ୍ୟୁ ଘଟଣାରେ ପୂର୍ବରୁ ଜଣେ ଶିକାରୀ ସମେତ ୩ ଜଣ ଗିରଫ ହୋଇଥିବା ବେଳେ ଆଜି ବନ ବିଭାଗ ପୁଣି ଝିରିପାଣି ଅଞ୍ଚଳର ଦୁଇ ଶିକାରୀଙ୍କୁ ଘରୁ ଉଠାଇ ଆଣି ଅଟକ ରଖି ପଚରାଉଚରା କରୁଛି । ସେମାନଙ୍କ ନିକଟରୁ ଦେଶୀ ବନ୍ଧୁକ, ଧନୁ ତୀର, ବର୍ଚ୍ଚା ସହ ହରିଣ ଛାଲ ଓ ସମ୍ବର ସିଙ୍ଗ ଜବତ କରିଥିବା ସୂଚନା ମିଳିଛି। କଲମ୍ବୋ: ଶ୍ରୀଲଙ୍କା କ୍ରିକେଟ୍ ବୋର୍ଡ ୨୦୨୬ ଟି-୨୦ ବିଶ୍ୱକପ୍ ପାଇଁ ନିଜର ଦଳ ଘୋଷଣା କରିଛି। ଅଲରାଉଣ୍ଡର ଦାସୁନ୍ ଶାନାକାଙ୍କ ନେତୃତ୍ୱରେ କାମିନ୍ଦୁ ମେଣ୍ଡିସ୍ ଏହି ଦଳରେ ସାମିଲ ହୋଇଛନ୍ତି। କିଛି ସମୟ ଧରି ଫର୍ମରେ ନ ଥିବା ଷ୍ଟାର ଖେଳାଳି ଧନଞ୍ଜୟ ଡି ସିଲଭାଙ୍କୁ ବାଦ୍ ଦିଆଯାଇଛି। ଦଳର ପ୍ରଥମ ମ୍ୟାଚ୍ ଫେବ୍ରୁଆରି ୮ ତାରିଖରେ ଆୟର୍ଲାଣ୍ଡ ବିପକ୍ଷରେ ହେବ। ଶ୍ରୀଲଙ୍କାର ଦଳ: ଦାସୁନ୍ ଶାନାକା (ଅଧିନାୟକ), ପୃଥମ୍ ନିସଙ୍କା, କାମିଲ ମିଶ୍ର, କୁସାଲ ମେଣ୍ଡିସ୍, କାମିଣ୍ଡୁ ମେଣ୍ଡିସ୍, କୁସାଲ ପେରେରା, ଚାରିଥ ଆସାଲଙ୍କା, ଜାନିଥ ଲିୟାନେଜ୍, ପୱନ ରତ୍ନାୟାକେ, ୱାନିଣ୍ଡୁ ହାସାରାଙ୍ଗା, ଡୁନିଥ ୱେଲାଲେଜ, ମହେଶ ଥେକ୍ସାନା, ଦୁଷ୍ମାନଥା ମମିଶା ମମିଶା ଯାଜପୁର: ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ। ତାଙ୍କ ସହ ଉପସ୍ଥିତ ଅଛନ୍ତି ରାଜ୍ୟପାଳ। ସଙ୍ଗୀରେଡ୍ଡୀ: ଅଲ୍ ଇଣ୍ଡିଆ ମଜଲିସ୍-ଏ-ଇତ୍ତେହାଦୁଲ୍ ମୁସଲିମିନ୍ ସଭାପତି ଅସଦୁଦ୍ଦିନ୍ ଓୱେସି ସଙ୍ଗିରେଡ୍ଡି ଜିଲ୍ଲାରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରି କହିଛନ୍ତି, ଲୋକମାନେ ତାଙ୍କୁ ପାକିସ୍ତାନ ସୃଷ୍ଟି କରିଥିବା ବ୍ୟକ୍ତି (ଜିନ୍ନା) ସହିତ ଯୋଡ଼ନ୍ତି। କିନ୍ତୁ ଏହା ସତ୍ୟ ନୁହେଁ। ସେ କହିଛନ୍ତି ମୁଁ ଭାରତକୁ ବିଭାଜିତ କରି ପାକିସ୍ତାନ ଯାଇଥିବା ବ୍ୟକ୍ତି ନୁହେଁ। ମୁଁ ଏହି ଦେଶକୁ ଭଲ ପାଏ ଏବଂ ସବୁବେଳେ ଭଲ ପାଇବି। ସେ ସ୍ପଷ୍ଟ କରିଛନ୍ତି ଯେ ତାଙ୍କର ଲଢ଼େଇ ଦେଶ ବିରୁଦ୍ଧରେ ନୁହେଁ। ବରଂ ସେହି ଶକ୍ତି ବିରୁଦ୍ଧରେ ଯେଉଁମାନେ ମୁସଲମାନ ଏବଂ ଦଳିତମାନଙ୍କୁ ସେମାନଙ୍କ ଅଧିକାରରୁ ବଞ୍ଚିତ କରନ୍ତି। ଖୁଣ୍ଟୁଣୀ: ଖୁଣ୍ଟୁଣୀ ଥାନା ଗଉଡ଼ଝରି ଜଙ୍ଗଲରୁ ଗୋଚାଲାଣ ବେଳେ ୨୦ ଗୋରୁ ଉଦ୍ଧାର। ତେବେ ଘଟଣାସ୍ଥଳରୁ ୫ ମାଫିଆ ଚମ୍ପଟ ମାରିଥିଲେ। ଗୋଟିଏ ଗୋରୁ ବୋଝେଇ ପିକଅପ୍ ଓ ସ୍କର୍ପିଓ ଜବତ କରି ତଦନ୍ତ ଚଳାଇଛି ପୁଲିସ୍। ବେତୁଲ: ମଧ୍ୟପ୍ରଦେଶର ଛିନ୍ଦୱାଡା ଜିଲ୍ଲାର ପରସିଆରେ ଗତ ବର୍ଷ ଘଟିଥିବା କୋଲଡ୍ରିଫ୍ କଫ୍ ସିରପ୍ ଦୁର୍ନୀତି ସହିତ ଜଡିତ ଆଉ ଏକ ଦୁଃଖଦ ଖବର ସାମ୍ନାକୁ ଆସିଛି। ଏହି ମାମଲାରେ ଗୁରୁତର ଅସୁସ୍ଥ ଥିବା ବେତୁଲ ଜିଲ୍ଲାର ଜଣେ ଚାରି ବର୍ଷର ବାଳକର ଚିକିତ୍ସା ସମୟରେ ମୃତ୍ୟୁ ଘଟିଛି। ଶିଶୁଟି ନାଗପୁରର ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନରେ ଚିକିତ୍ସାଧୀନ ଥିଲା, ଯେଉଁଠାରେ ସେ ରବିବାର ରାତିରେ ଶେଷ ନିଶ୍ୱାସ ତ୍ୟାଗ କରିଥିଲା। ରିପୋର୍ଟ ଅନୁଯାୟୀ ବେତୁଲ ଜିଲ୍ଲାର ଆମଲା ତହସିଲର ଟିକାବରୀ ଗ୍ରାମର ବାସିନ୍ଦା ଗୋକୁଳ ଯାଦବଙ୍କ ପୁଅ ହର୍ଷ ଚାରି ମାସରୁ ଅଧିକ ସମୟ ଧରି କୋମାରେ ଥିଲେ। ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଏମ୍ସ ନାଗପୁରର ଆଇସିୟୁରେ ଭର୍ତ୍ତି କରାଯାଇଥିଲା। ଡାକ୍ତରଙ୍କ ବାରମ୍ବାର ପ୍ରୟାସ ସତ୍ତ୍ୱେ, ଶିଶୁଟିର ଅବସ୍ଥାରେ କୌଣସି ଉନ୍ନତି ହୋଇନଥିଲା ଏବଂ ଶେଷରେ ରବିବାର ବିଳମ୍ବିତ ରାତିରେ ତାଙ୍କର ମୃତ୍ୟୁ ହୋଇଥିଲା। ମୁମ୍ବାଇ: ମହରାଷ୍ଟ୍ରର ନଭି ମୁମ୍ବାଇରୁ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ଲୋନାୱାଲାର ଟାଇଗର ପଏଣ୍ଟ ଭ୍ୟାଲିରେ ଏକ ଘଟଣା ସମସ୍ତଙ୍କୁ ଚକିତ କରିଛି। ମୁମ୍ବାଇରୁ ଟ୍ରେକିଂ ପାଇଁ ଆସିଥିବା ଜଣେ ୧୯ ବର୍ଷୀୟା ଯୁବତୀଙ୍କର ଡ୍ୟୁକ୍ ନୋଜ୍ ଅଞ୍ଚଳରେ ହଠାତ୍ ମୃତ୍ୟୁ ଘଟିଛି। ଡ୍ରୋନ୍, ଡଗ୍ ସ୍କ୍ୱାଡ୍ ଏବଂ ଶିବଦୁର୍ଗ ଉଦ୍ଧାରକାରୀ ଦଳ ଦ୍ୱାରା କଠିନ ପରିଶ୍ରମ ପରେ ତାଙ୍କ ମୃତଦେହକୁ ୩୯୦ ଫୁଟ ଗଭୀର ଘାଟିରୁ ବାହାର କରାଯାଇଥିଲା। ବିପଦପୂର୍ଣ୍ଣ ଉପତ୍ୟକା, ଅନ୍ଧାର ଏବଂ ସମୟ ସୀମା ସତ୍ତ୍ୱେ ଏହି ସନ୍ଧାନ ଏବଂ ଉଦ୍ଧାର କାର୍ଯ୍ୟ କରାଯାଇଥିଲା। ମୁମ୍ବାଇର ୧୯ ବର୍ଷୀୟା ଶ୍ରେୟା ପତି ଜାନୁଆରି ୩୧ରେ ଟ୍ରେକିଂ ପାଇଁ ଲୋନାୱାଲା ଆସିଥିଲେ। ସେ ଡ୍ୟୁକ୍ ନୋଜ୍ ଅଞ୍ଚଳକୁ ଯାଇଥିଲେ। କିନ୍ତୁ ସନ୍ଧ୍ୟା ପର୍ଯ୍ୟନ୍ତ ଘରକୁ ଫେରି ନଥିଲେ। ସମ୍ପର୍କୀୟମାନେ ତାଙ୍କୁ ସେହି ରାତିରେ ଲୋନାୱାଲାରେ ଖୋଜାଖୋଜି କରିଥିଲେ ଏବଂ ପଚାରାଉଚରା କରିଥିଲେ। ତା'ପରେ ସେମାନେ ଜାଣିପାରିଲେ ଯେ ସେ ସେହି ଅଞ୍ଚଳକୁ ଆସିଥିଲେ ଏବଂ ଚାଲିଯାଇଥିଲେ। ଭୁବନେଶ୍ବର: ରାଜଧାନୀରୁ ଯାଜପୁର ଅଭିମୁଖେ ବାହାରିଲେ ରାଜଧାନୀରୁ ଯାଜପୁର ଅଭିମୁଖେ ବାହାରିଲେ ରାଷ୍ଟ୍ରପତି ଲୋକଭବନରୁ ବାହାରି ବିମାନବନ୍ଦରକୁ ଯାଉଛନ୍ତି। ସେଠାରୁ ସେ ସ୍ବତନ୍ତ୍ର ବିମାନ ଯୋଗେ ଯାଜପୁରକୁ ଯିବେ। ମା’ ବିରଜାଙ୍କ ଦର୍ଶନ ସହ ପିଣ୍ଡଦାନ କରିବେ ରାଷ୍ଟ୍ରପତି। ପ୍ରୟାଗରାଜ: ଉତ୍ତର ପ୍ରଦେଶର ଆହ୍ଲାବାଦ ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ସ୍ପଷ୍ଟ କରିଛନ୍ତି ଯେ କୌଣସି ବ୍ୟକ୍ତି କିମ୍ବା ସମ୍ପ୍ରଦାୟକୁ ସେମାନଙ୍କର ବ୍ୟକ୍ତିଗତ ପରିସରରେ ଧାର୍ମିକ ପ୍ରାର୍ଥନା ସମାବେଶ କରିବା ପାଇଁ ରାଜ୍ୟ ସରକାର କିମ୍ବା ପ୍ରଶାସନଠାରୁ ପୂର୍ବ ଅନୁମତି ନେବା ଆବଶ୍ୟକ ନାହିଁ। କୋର୍ଟ କହିଛନ୍ତି ଯେ ଏହି ଅଧିକାର ଭାରତୀୟ ସମ୍ବିଧାନର ଧାରା ୨୫ ଅନୁଯାୟୀ ସୁନିଶ୍ଚିତ ମୌଳିକ ଅଧିକାରର ଏକ ଅଂଶ। ଏହାକୁ ସାଧାରଣ ପରିସ୍ଥିତିରେ ସୀମିତ କରାଯାଇପାରିବ ନାହିଁ। ଉଚ୍ଚ ନ୍ୟାୟାଳୟ ତାଙ୍କ ନିଷ୍ପତ୍ତିରେ ଧାରା ୨୫କୁ ଉଲ୍ଲେଖ କରି କହିଛନ୍ତି ଯେ ପ୍ରତ୍ୟେକ ନାଗରିକଙ୍କର ନିଜ ଧର୍ମ ପ୍ରକାଶ କରିବା, ଅଭ୍ୟାସ କରିବା ଏବଂ ପ୍ରଚାର କରିବାର ସ୍ୱାଧୀନତା ଅଛି। ଯେତେବେଳେ ଏକ ଧାର୍ମିକ କାର୍ଯ୍ୟକଳାପ ସମ୍ପୂର୍ଣ୍ଣ ଭାବରେ ବ୍ୟକ୍ତିଗତ ସମ୍ପତ୍ତି ମଧ୍ୟରେ ଏବଂ ଶାନ୍ତିପୂର୍ଣ୍ଣ ଭାବରେ ପରିଚାଳିତ ହୁଏ, ସେତେବେଳେ ଆଇନର ପରିସର ମଧ୍ୟରେ ଅନୁମତି ନେବାକୁ ବାଧ୍ୟ କରିବା ଉପଯୁକ୍ତ ନୁହେଁ। ଏପରି କ୍ଷେତ୍ରରେ ପ୍ରଶାସନିକ ହସ୍ତକ୍ଷେପ ସମ୍ବିଧାନର ଆତ୍ମାର ବିପରୀତ ହେବ। ପାଟନା: ଆଜି ବିହାରର ବଜେଟ୍ ଗୃହରେ ଉପସ୍ଥାପିତ ହେବ। ଏହା ରାଜ୍ୟର ଆର୍ଥିକ ଭବିଷ୍ୟତ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ। ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନେତୃତ୍ୱରେ ନୂତନ ଏନ୍‌ଡିଏ ସରକାରଙ୍କ ଏହା ପ୍ରଥମ ପୂର୍ଣ୍ଣାଙ୍ଗ ବଜେଟ୍ ଏବଂ ଅର୍ଥମନ୍ତ୍ରୀ ବିଜେନ୍ଦ୍ର ପ୍ରସାଦ ଯାଦବ ଏହାକୁ ଗୃହ ସମ୍ମୁଖରେ ଉପସ୍ଥାପନ କରିବେ। ଗତ ଦୁଇ ଦଶନ୍ଧି ମଧ୍ୟରେ ବିହାରର ବଜେଟ୍ ୨୬,୦୦୦ କୋଟି ଟଙ୍କା(୨୦୦୫-୦୬)ରୁ ବୃଦ୍ଧି ପାଇ ୩.୧୭ ଲକ୍ଷ କୋଟି ଟଙ୍କା (୨୦୨୫-୨୬) ହୋଇଛି। ଆଶା କରାଯାଉଛି ଯେ ଏଥର ବିହାରର ବଜେଟ୍ ୧୦.୫ ଲକ୍ଷ କୋଟି ଟଙ୍କା ଅତିକ୍ରମ କରିବ। ନିର୍ବାଚନୀ ପ୍ରତିଶ୍ରୁତି ଏବଂ ରାଜ୍ୟରୁ ବଢ଼ୁଥିବା ଆଶା ମଧ୍ୟରେ, ଚଳିତ ବର୍ଷର ବଜେଟ୍ କେବଳ ବିକାଶର ଗତି ନିର୍ଣ୍ଣୟ କରିବ ନାହିଁ ବରଂ ନିଯୁକ୍ତି ଏବଂ ପେନସନ ଭଳି ଗୁରୁତ୍ୱପୂର୍ଣ୍ଣ ଖର୍ଚ୍ଚକୁ ସରକାର କିପରି ପରିଚାଳନା କରନ୍ତି ତାହା ମଧ୍ୟ ପ୍ରଦର୍ଶନ କରିବ। ନୂଆଦିଲ୍ଲୀ: ସମଗ୍ର ଉତ୍ତର ଭାରତ ବର୍ତ୍ତମାନ ଘନ କୁହୁଡ଼ି ଆଚ୍ଛାଦନରେ ଘୋଡ଼ାଇ ରହିଛି। ରାଜଧାନୀ ନୂଆଦିଲ୍ଲୀ‌ ମଧ୍ୟ ଆଜି ସକାଳେ ସମାନ ଅନୁଭୂତି ଅନୁଭବ କରିଛି। ଭାରତ ପାଣିପାଗ ବିଭାଗ ପ୍ରାୟ ସମସ୍ତ ଦିଲ୍ଲୀ-ଏନସିଆର ପାଇଁ ଘନ କୁହୁଡ଼ି ସତର୍କତା ଜାରି କରିଛି। ଆଜି ସକାଳେ ରାଜଧାନୀ ଏବଂ ଆଖପାଖ ଅଞ୍ଚଳରେ ଦୃଶ୍ୟମାନତା ବହୁତ କମ୍ ରେକର୍ଡ କରାଯାଇଛି। ସର୍ବନିମ୍ନ ତାପମାତ୍ରା ୭ ଡିଗ୍ରି ସେଲସିୟସ୍ ରହିବ ବୋଲି ଆଶା କରାଯାଉଛି, ଯେତେବେଳେ AQI ୨୭୩ ରେ ରହିଛି। ଗତ ୨୪ ଘଣ୍ଟା ମଧ୍ୟରେ ଦିଲ୍ଲୀ-ଏନସିଆରରେ ଘନ କୁହୁଡ଼ି ଘୋଡ଼ାଇ ରହିଥିଲା। ସୋମବାର ଦିନସାରା ସୂର୍ଯ୍ୟକିରଣ ନଥିଲା ଏବଂ ଘଣ୍ଟା ପ୍ରତି ପ୍ରାୟ ୧୩ କିଲୋମିଟର ବେଗରେ ଥଣ୍ଡା ପବନ ବହିଥିଲା। ପାଣିପାଗ ବିଭାଗ ଅନୁଯାୟୀ, କୁହୁଡ଼ିର ପ୍ରଭାବ ଶୀଘ୍ର କମିବାର ଆଶା ନାହିଁ। ଆଜି ସକାଳେ ମଧ୍ୟ ଘନ କୁହୁଡ଼ି ଦିଲ୍ଲୀ, ନୋଏଡା, ଗାଜିଆବାଦ, ଗୁରୁଗ୍ରାମ ଏବଂ ଫରିଦାବାଦକୁ ଘୋଡ଼ାଇ ଦେବ ବୋଲି ଆଶା କରାଯାଉଛି। ପୁରୀ: ପୁରୀ ସମୁଦ୍ରକୂଳରେ ମରି ପଡ଼ିଛନ୍ତି ବଡ କଇଁଛ। ଅଣ୍ଡା ଦାନ ପାଇଁ ଆସିଥିବା ଅଲିଭ୍‌ରିଡ୍‌ଲେ କଇଁଛମାନେ ଟ୍ରଲରେ ମାଡରେ ଆହତ ହୋଇ ମୃତ୍ୟୁବରଣ କରିବା ପରେ ସମୁଦ୍ର କୁଳରେ ଲାଗି ପଡିଛନ୍ତି। ଭୁବନେଶ୍ବର: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ଲୋକଭବନରୁ ବାହାରି ବିମାନ ଯୋଗେ ଯାଜପୁର ନୂଆ ପ୍ରଶାସନିକ ଭବନ ଗ୍ରାଉଣ୍ଡ ହେପ୍ୟାଡ୍‌ରେ ଅବତରଣ କରିବେ। ସେଠାରୁ ମା’ ବିରଜାଙ୍କ ଦର୍ଶନ ପାଇଁ ବାହାରିବେ। ପ୍ରାୟ ଦେଢ଼ ଘଣ୍ଟା ଧରି ମନ୍ଦିରରେ ପୂଜାର୍ଚ୍ଚନା ପରେ ବାଲେଶ୍ବରସ୍ଥିତ ଫକୀରମୋହନ ବିଶ୍ବବିଦ୍ୟାଳୟ ସମାବର୍ତ୍ତନ ଉତ୍ସବରେ ଯୋଗଦେବେ। ଉତ୍ସବରେ ଦୀକ୍ଷାନ୍ତ ଭା‌ଷଣ ଦେବା ପରେ ଅପରାହ୍ଣ ପ୍ରାୟ ୩ଟା ୫୦ରେ ପୁରୀ ଅଭିମୁଖେ ବାହାରିବେ। ସନ୍ଧ୍ୟାରେ ପୁରୀରେ ପହଞ୍ଚିବା ପରେ ସିଧାସଳଖ ପୁରୀ ଲୋକଭବନ ଯାଇ ସେଠାରେ ରାତ୍ରିଯାପନ କରିବାର କାର୍ଯ୍ୟକ୍ରମ ରହିଛି।