ଟି-20 ବିଶ୍ୱକପ୍ରେ ଭାରତ ବିପକ୍ଷ ମ୍ୟାଚ୍କୁ ବୟକଟ୍ କଲା ପାକିସ୍ତାନ କ୍ରିକେଟ୍ ବୋର୍ଡ

Odisha Bhaskar•Feb 2, 2026, 05:15 AM

ନୂଆଦିଲ୍ଲୀ:T20 ବିଶ୍ୱକପ୍ 2026 ଆରମ୍ଭ ହେବାର ମାତ୍ର ଛଅ ଦିନ ପୂର୍ବରୁ, ପାକିସ୍ତାନ କ୍ରିକେଟ୍ ବୋର୍ଡ ଏକ ନୂତନ ବିବାଦ ସୃଷ୍ଟି କରିଛି। ପ୍ରାୟ ଗୋଟିଏ ସପ୍ତାହ ଧରି ବିଶ୍ୱକପ୍ ରେ ଅଂଶଗ୍ରହଣ କରିବାର ନିଷ୍ପତ୍ତିରେ ଅଟଳ ଥିବା PCB ଭାରତ ବିପକ୍ଷ ମ୍ୟାଚ୍ ବହିଷ୍କାର ଘୋଷଣା କରିଛି। ପାକିସ୍ତାନ ସରକାରଙ୍କ ଏକ ନିର୍ଦ୍ଦେଶକୁ ଉଦ୍ଧୃତ କରି, ବୋର୍ଡ ଘୋଷଣା କରିଛି ଯେ ଏହା ବିଶ୍ୱକପରେ ଅଂଶଗ୍ରହଣ କରିବ, କିନ୍ତୁ ଫେବୃଆରୀ 15 ରେ ଭାରତ ବିପକ୍ଷ ମ୍ୟାଚ୍ ଖେଳିବ ନାହିଁ। ଏହି ନିଷ୍ପତ୍ତି ଟୁର୍ଣ୍ଣାମେଣ୍ଟ ଯୋଜନାକୁ ବାଧା ଦେଇଛି, ଏବଂ ଅନ୍ତର୍ଜାତୀୟ କ୍ରିକେଟ୍ ପରିଷଦ (ICC) ଏଥିରେ ଅସନ୍ତୁଷ୍ଟ। ICC ଗମ୍ଭୀର ପରିଣାମ ବିଷୟରେ ଚେତାବନୀ ଦେଇଛି ଏବଂ PCB କୁ ତାଙ୍କର ନିଷ୍ପତ୍ତି ପୁନର୍ବିଚାର କରିବାକୁ କହିଛି। PCB ରବିବାର, ଫେବୃଆରୀ 1 ତାରିଖରେ T20 ବିଶ୍ୱକପ୍ ଖେଳିବା ପାଇଁ ନିଷ୍ପତ୍ତି ନେବା ସହ ଭାରତ ବିପକ୍ଷ ମ୍ୟାଚ୍ ବର୍ଜନ କରିବାର ଘୋଷଣା କରିଥିଲା। PCBର ଏହି ପଦକ୍ଷେପ ବିଷୟରେ ଗତ କିଛି ଦିନ ଧରି କଳ୍ପନାଜଳ୍ପନା ପ୍ରକାଶ ପାଉଥିଲା। ଯଦିଓ ICC ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହିଁ । ସରକାରୀ ଘୋଷଣା ପରେ, ଅନ୍ତର୍ଜାତୀୟ ପରିଷଦ ଏକ ବିସ୍ତୃତ ବିବୃତ୍ତି ଜାରି କରି PCBକୁ ଏହାର ନିଷ୍ପତ୍ତି ପୁନର୍ବିଚାର କରିବାକୁ ଅନୁରୋଧ କରିଛି, ଯେଉଁଥିରେ କୁହାଯାଇଛି ଯେ ଏହାର ଗମ୍ଭୀର ପରିଣାମ ହେବ, ଯାହା ସମଗ୍ର ଖେଳ, ପାକିସ୍ତାନୀ ବୋର୍ଡ ଏବଂ ଏହାର ପ୍ରଶଂସକମାନଙ୍କୁ ପ୍ରଭାବିତ କରିବ। ICC ରପାକିସ୍ତାନ ବୋର୍ଡକୁବଡ଼ ଚେତାବନୀ ନକଆଉଟ୍ ମ୍ୟାଚ ପାକିସ୍ତାନ ନ ଖେଳିଲେ ଏହି ଦଳକୁ… “ଆମେ ଖେଳିବାକୁ ମନା କରିନାହୁଁ, ଏହା… ରବିବାର ରାତିରେ ICC ପକ୍ଷରୁ ଜାରି ବିସ୍ତୃତ ବିବୃତିରେ କୁହାଯାଇଛି ଯେ, “ଚୟନମୂଳକ ଭାଗିଦାରୀ କ୍ରିକେଟ ଖେଳର ଅଖଣ୍ଡତାକୁ କ୍ଷତି ପହଞ୍ଚାଏ।” ICC ସ୍ପଷ୍ଟ କରିଛି ଯେ, ଯଦିଓ ଜାତୀୟ ନୀତିରେ ସରକାରଙ୍କ ଭୂମିକା ରହିଥାଏ, କିନ୍ତୁ ଏଭଳି ନିଷ୍ପତ୍ତି ସାରା ବିଶ୍ୱ କ୍ରିକେଟ ପାଇଁ ଗଭୀର ପରିଣାମ ଆଣିପାରେ। ICC PCBକୁ ନିଜ ନିଷ୍ପତ୍ତି ଉପରେ ପୁନଃବିଚାର କରିବାକୁ ଆହ୍ୱାନ କରିଛି। ଆଇସିସି ପିସିବି ବିରୁଦ୍ଧରେ କ’ଣ କାର୍ଯ୍ୟାନୁଷ୍ଠାନ ନେଇପାରିବ? ବର୍ତ୍ତମାନ ପ୍ରଶ୍ନ ହେଉଛି ଏହି ମାମଲାରେ ଆଇସିସି ପିସିବି ବିରୁଦ୍ଧରେ କ’ଣ କାର୍ଯ୍ୟାନୁଷ୍ଠାନ ନେଇପାରିବ? ସମ୍ବାଦ ସଂସ୍ଥା ପିଟିଆଇ ଏକ ଆଇସିସି ବୋର୍ଡ ସୂତ୍ରକୁ ଉଦ୍ଧୃତ କରି କହିଛି ଯେ, PCB ଏହି ନିଷ୍ପତ୍ତି ମାଧ୍ୟମରେ ICC-BCCI ଓ PCB ମଧ୍ୟରେ ହୋଇଥିବା ନ୍ୟୁଟ୍ରାଲ୍ ଭେନ୍ୟୁ ଚୁକ୍ତିକୁ ଉଲ୍ଲଂଘନ କରିଛି। ଏହି କାରଣରୁ PCB ଉପରେ 5 ପ୍ରକାରର କାର୍ଯ୍ୟାନୁଷ୍ଠାନ ହୋଇପାରେ 1- ପାକିସ୍ତାନକୁ ସମ୍ପୂର୍ଣ୍ଣ T20 ୱର୍ଲ୍ଡ କପ୍‌ରୁ ବାହାର କରାଯାଇପାରେ 2- ICC ଦ୍ୱାରା ପାକିସ୍ତାନକୁ ମିଳୁଥିବା ବାର୍ଷିକ ରେଭେନ୍ୟୁ ବା ରାଜସ୍ବ (ପ୍ରାୟ 350 କୋଟି ଟଙ୍କା) ଅଟକାଯାଇପାରେ 3- ଭାରତ–ପାକିସ୍ତାନ ମ୍ୟାଚ୍ ରଦ୍ଦ ହେବାରୁ ବ୍ରଡକାଷ୍ଟର୍ Jio-Hotstarକୁ ହୋଇଥିବା କ୍ଷତି (ପ୍ରାୟ 200 କୋଟି) PCBକୁ ଦେବାକୁ ପଡ଼ିପାରେ 4- ଅନ୍ୟ ଦେଶମାନେ ପାକିସ୍ତାନ ସହ ବାଇଲେଟରାଲ୍ ସିରିଜ ବହିଷ୍କାର କରିପାରନ୍ତି, କିମ୍ବା ସେହି ସିରିଜ ICC ର୍ୟାଙ୍କିଂ ଓ WTC ପଏଣ୍ଟ୍‌ରୁ ବାହାରେ ରହିବ । 5- ପାକିସ୍ତାନ ସୁପର୍ ଲିଗ୍ (PSL)ରେ ବିଦେଶୀ ଖେଳାଳିଙ୍କ ଭାଗିଦାରୀ ଉପରେ ରୋକ୍ ଲାଗିପାରେ

Disclaimer: This content has not been generated, created or edited by Achira News.
Publisher: Odisha Bhaskar

Want to join the conversation?

Download our mobile app to comment, share your thoughts, and interact with other readers.