ନୂତନ ପଦାଧିକାରୀ ଓ ଜିଲ୍ଲା ସଭାପତିଙ୍କ ନାମ ଘୋଷଣା କଲା ବିଜେଡ଼ି

ଭୁବନେଶ୍ବର, ୫।୫ : ବିଜୁ ଜନତା ଦଳର ନୂତନ କାର୍ଯ୍ୟକର୍ତ୍ତା ଓ ଜିଲ୍ଲା ସଭାପତିଙ୍କ ନାମ ଘୋଷଣା କରାଯାଇଛି। ୮ଟି ଜିଲ୍ଲାର ସଭାପତି ଓ କାର୍ଯ୍ୟକାରୀ ସଭାପତିଙ୍କ ନାମ ଘୋଷଣା କରାଯାଇଛି। ବିଜେଡି ସଭାପତି ନବୀନ ପଟ୍ଟନାୟକ ଏହି ନାମ ଘୋଷଣା କରିଛନ୍ତି। ଖୋର୍ଦ୍ଧା ଜିଲ୍ଲା ସଭାପତି ଭାବେ ରାଜେନ୍ଦ୍ର କୁମାର ସାହୁ, ବାଲେଶ୍ବର ଜିଲ୍ଲା ସଭାପତି ଭାବେ ଜ୍ୟୋତି ପ୍ରକାଶ ପାଣିଗ୍ରାହୀଙ୍କୁ ମନୋନୀତ କରାଯାଇଛି। ସେହିପରି ଖୋର୍ଦ୍ଧା ଜିଲ୍ଲା କାର୍ଯ୍ୟକାରୀ ସଭାପତି ଭାବେ ମନ୍ମଥ ରାଉତରାୟ, ବାଲେଶ୍ବର ଜିଲ୍ଲା କାର୍ଯ୍ୟକାରୀ ସଭାପତି ଗୌତମ ବୁଦ୍ଧ ଦାସ, ଅନୁଗୁଳ ଜିଲ୍ଲା କାର୍ଯ୍ୟକାରୀ ସଭାପତି ନଳିନୀ କାନ୍ତ ପ୍ରଧାନ, ବୌଦ୍ଧ କାର୍ଯ୍ୟକାରୀ ସଭାପତି ମହିଧର ରଣା, ଢେଙ୍କାନାଳ ଜିଲ୍ଲା କାର୍ଯ୍ୟକାରୀ ସଭାପତି ନରୋତ୍ତମ ସାହୁ, କେନ୍ଦୁଝର ଜିଲ୍ଲା କାର୍ଯ୍ୟକାରୀ ସଭାପତି ପ୍ରମୋଦ ପଟ୍ଟନାୟକଙ୍କୁ ନିଯୁକ୍ତ କରାଯାଇଛି। ସେହିଭଳି ଦଳର କାର୍ଯ୍ୟକର୍ତ୍ତାଙ୍କ ନାମ ମଧ୍ୟ ଘୋଷଣା କରାଯାଇଛି। ଉପସଭାପତି ଭାବେ ବାଲେଶ୍ବରର ରଘୁନାଥ ମହାନ୍ତିଙ୍କୁ ନିଯୁକ୍ତି ଦିଆଯାଇଛି। ସେହିଭଳି ଜଗତସିଂହପୁରର ରଘୁନନ୍ଦନ ଦାସ, ବାଲେଶ୍ବରର ଜୀବନପ୍ରଦୀପ ଦାସ, ବାରିପଦାର ସାନନ୍ଦ ମାରାଣ୍ଡି, କଟକ ସଦରର ଚନ୍ଦ୍ର ସାରଥୀ ବେହେରା, ସତ୍ୟବାଦୀର ରମା ରଞ୍ଜନ ବଳିଆରସିଂହଙ୍କୁ ବରିଷ୍ଠ ସାଧାରଣ ସମ୍ପାଦକ ଭାବେ ନିଯୁକ୍ତି ଦିଆଯାଇଛି। ସାଧାରଣ ସମ୍ପାଦକ ଭାବେ ରେଙ୍ଗାଲୀର ସୁଦର୍ଶନ ହରିପାଲ, ବେଗୁନିଆର ପ୍ରଦୀପ କୁମାର ସାହୁ, ଯାଜପୁରର ସୁଜାତା ସାହୁ, ନର୍ଲାର ମନୋରମା ମହାନ୍ତି, ସୋରର ମାଧବ ଧଡ଼ା, ଗଜପତିର ରୁପେଶ କୁମାର ପାଣିଗ୍ରାହୀ, ପୁରୀର ସୁନୀଲ ମହାନ୍ତି, ବରୀର ବିଶ୍ବ ରଞ୍ଜନ ମଲ୍ଲିକ, ଆନନ୍ଦପୁରର ଅଭିମନ୍ୟୁ ସେଠୀ, ବୀରମିତ୍ରପୁରର ରୋହିତ ଯୋସେଫ୍ ତିର୍କି, ପିପିଲିର ରୁଦ୍ର ପ୍ରତାପ ମହାରଥୀ, କେନ୍ଦ୍ରାପଡାର ପ୍ରମୋଦ ସାମଲ, ମୟୂରଭଞ୍ଜର କାଶୀନାଥ ହେମ୍ବ୍ରମ୍, ବାସୁଦେବପୁରର ବିଷ୍ଣୁବ୍ରତ ରାଉତରାୟ, ଢେଙ୍କାନାଳର ଅବିନାଶ ସାମଲ, କୋରାପୁଟର ଇଶ୍ବର ପାଣିଗ୍ରାହୀ, କଳାହାଣ୍ଡିର ଗୋବର୍ଦ୍ଧନ ଦାସ, କଟକ ଏମଡି ମହମ୍ମଦ ଡବ୍ଲୁ ସକିଲ, ଭୁବନେଶ୍ବର ସୁବାସ ଚନ୍ଦ୍ର ପାତ୍ର, ରାୟଗଡାର ଜଗଦୀଶ ପାତ୍ର, ଜଗତସିଂହପୁରର ସୁରେନ୍ଦ୍ର ମହାପାତ୍ର, ଗଜପତିର ଜଗବନ୍ଧୁ ଦାସ, କଟକର ଶିଶିର ପରିଜା, କଟକର ପ୍ରଶାନ୍ତ ନାୟକ, ଭୁବନେଶ୍ବରର ଅମୀୟ ଦାସ, ଦିଗପହଣ୍ଡିର ବିପ୍ଲବ ପାତ୍ରଙ୍କୁ ନିଯୁକ୍ତି ଦିଆଯାଇଛି। ସେହିପରି ୪୪ଜଣଙ୍କୁ ସମ୍ପାଦକ ଓ ୧୧ ଜଣଙ୍କୁ ଯୁଗ୍ମ ସମ୍ମାଦକ ଭାବେ ନିଯୁକ୍ତି ଦିଆଯାଇଛି। ସେହିପରି ବିଜୁ ଯୁବ ଜନତା ଦଳର ଜିଲ୍ଲା ସଭାପତି ନିଯୁକ୍ତ ହୋଇଛନ୍ତି। କଟକ ଜିଲ୍ଲା ପାଇଁ ସ୍ମୃତି ରଞ୍ଜନ ନାୟକ , ଅନୁଗୁଳ ଜିଲ୍ଲା ପାଇଁ ଅର୍ଣ୍ଣବ ସିଂ, ମୟୁରଭଞ୍ଜ-୨ ଅଭିଶେକ ସାହୁ, ରାଉରକେଲା ପାଇଁ ପଙ୍କଜ କୁମାର ଜଇସ୍ବାଲ, ନୂଆପଡା ପାଇଁ ମନୋଜ ଦୀପ ନିଯୁକ୍ତ ହୋଇଛନ୍ତି।