ପ୍ରଧାନମନ୍ତ୍ରୀ ମୋଦି ଭୟଭୀତ ଏବଂ ଚାପରେ ଅଛନ୍ତି ବୋଲି ରାହୁଲ ଗାନ୍ଧୀ ଅଭିଯୋଗ କରିଛନ୍ତି।

ନୂଆଦିଲ୍ଲୀ: ସଂସଦ ବାହାରେ ଆସି ଗଣମାଧ୍ୟମରେ ପ୍ରତିକ୍ରିୟା ଦେଇ ବିରୋଧୀ ଦଳ ନେତା ରାହୁଲ ଗାନ୍ଧୀ କହିଛନ୍ତି ପ୍ରଥମ କଥା ହେଲା ମୋତେ କହିବାକୁ ଅନୁମତି ଦିଆଯାଇ ନାହିଁ, “ମୋଦୀ ଭୟଭୀତ । ତାଙ୍କ ଉପରେ ପ୍ରବଳ ଚାପ ଅଛି । ସରକାର ଭୟଭୀତ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରବଳ ଚାପରେ ରହିଛନ୍ତି । ଏହା ଏକ ପାଶ୍ୱର୍ଦର୍ଶନ, ସେ ଏହା ଜାଣନ୍ତି, ମୁଁ ମଧ୍ୟ ଜାଣେ’’ । ରାହୁଲ କହିଛନ୍ତି ଯେ ଦୀର୍ଘ ଦିନ ହେବ ଅଟକି ଥିବା ଟ୍ରେଡ ଡିଲ୍‌ ଏବେ କେମିତି ହୋଇଗଲା । କିଛି ନା କିଛି କାରଣ ପାଇଁ ପ୍ରଧାନମନ୍ତ୍ରୀଙ୍କ ସହ ବୁଝାମଣା କରାଯାଇଛି । ମୋଦୀ ଏକ ବାଣିଜ୍ୟ ଚୁକ୍ତିରେ ଆପଣଙ୍କ କଠିନ ପରିଶ୍ରମକୁ ବିକ୍ରି କରି ଦେଇଛନ୍ତି । ସେ ଏପରି କରିଛନ୍ତି, ସେଥିପାଇଁ ମୋତେ ସେଠାରେ କହିବାକୁ ଦିଆଯାଉନାହିଁ । ଯେଉଁମାନେ ପ୍ରଧାନମନ୍ତ୍ରୀଙ୍କର ଭାବମୂର୍ତ୍ତି ନିର୍ମାଣ କରିଥିଲେ ସେମାନେ ଏବେ ଏହାକୁ ନଷ୍ଟ କରୁଛନ୍ତି । ଆଦାନିଙ୍କ ଉପରେ ଆମେରିକାରେ ଏକ ମାମଲା ରହିଛି । ତାହାକୁ ଟାର୍ଗେଟ ନକରି ଆମେରିକା ମୋଦୀଙ୍କୁ ଟାର୍ଗେଟ କରୁଛି । କାରଣ ଆଦାନି ହେଉଛନ୍ତି ବିଜେପିର ଆର୍ଥିକ ଶକ୍ତି ।