ପ୍ରେମ ଏବଂ ହୃଦୟ ବିଦାରକ ଅଭିନେତ୍ରୀ ନୀଲମ କୋଠାରୀଙ୍କ ପାଇଁ ବଲିଉଡ ସୁପରଷ୍ଟାରଙ୍କ ଅପ୍ରତ୍ୟାଶିତ ପ୍ରେମ

ନୂଆଦିଲ୍ଲୀ ୧୮/୦୩:୯୦ ଦଶକରେ, ଜଣେ ସୁନ୍ଦରୀ ଅଭିନେତ୍ରୀଙ୍କ ପାଇଁ ଦିୱାନା ଥିଲେ ଦୁଇ ଜଣ ବଡ଼ ସୁପରଷ୍ଟାର । ଅଭିନେତ୍ରୀଙ୍କ ପ୍ରେମରେ ପାଗଳ ଥିଲେ। ବିବାହ କରିବାକୁ ବି ଚାହୁଁଥିଲେ। ହେଲେ ରୋକ୍ ଠୋକ୍ ମନା କରି ଦେଇଥିଲେ ଦୁଇ ଅଭିନେତାଙ୍କ ପରିବାର । ଆଉ କହିଥିଲେ – ‘ଏହି ଝିଅ ଆମ ଘରର ବୋହୂ ହୋଇ ପାରିବ ନାହିଁ’। ଆମେ କହୁଥିବା କାହାଣୀ ହେଉଛି ଗୋବିନ୍ଦା, ବବି ଦେଓଲ ଆଉ ନୀଲମ କୋଠାରୀଙ୍କର। ଫିଲ୍ମରେ ଏକାଠି କାମ କରିବା ସମୟରେ, ଗୋବିନ୍ଦା ଏବଂ ନୀଲମ କୋଠାରୀ ଏତେ ନିକଟତର ହୋଇଥିଲେ ଯେ ସେମାନଙ୍କ ବିବାହର କଥା ପ୍ରଚାରିତ ହେବା ଆରମ୍ଭ ହୋଇଥିଲା। କିନ୍ତୁ ଯେତେବେଳେ କଥାଟି ପରିବାର ପାଖରେ ପହଞ୍ଚିଲା, ଗୋବିନ୍ଦାଙ୍କ ମାଆ ଏହି ସମ୍ପର୍କକୁ ଦୃଢ଼ ବିରୋଧ କଲେ। ସେ ସ୍ପଷ୍ଟ କରିଦେଲେ ଯେ ଅଭିନେତ୍ରୀ ସେମାନଙ୍କ ପରିବାରର ବୋହୂ ହୋଇପାରିବେ ନାହିଁ। ଏବଂ ଏହି ପ୍ରେମ କାହାଣୀର ଅନ୍ତ ସେହିଠାରେ ହୋଇଥିଲା। ତଥାପି, ନୀଲମଙ୍କ କାହାଣୀ ଏଇଠି ସରିନଥିଲା। ଏହା ପରେ ତାଙ୍କୁ ବବି ଦେଓଲଙ୍କ ସହ ମଧ୍ୟ ଯୋଡା ଯାଇଥିଲା। ସେମାନଙ୍କ କଥିତ ସମ୍ପର୍କର ଖବର ବଲିଉଡରେ ନିଆଁ ପରି ବ୍ୟାପିଯାଇଥିଲା। କିନ୍ତୁ ଭାଗ୍ୟ ମଧ୍ୟ ଏହି ସମ୍ପର୍କକୁ ସମର୍ଥନ କରିନଥିଲା, କାରଣ ଧର୍ମେନ୍ଦ୍ର ଏହାକୁ ଦୃଢ଼ ବିରୋଧ କରିଥିବା କୁହାଯାଉଥିଲା। ଆହିରି ପଢ଼ନ୍ତୁ...‘କିଙ୍ଗ୍’ ପରେ ରୋମାଣ୍ଟିକ୍ ଅନ୍ଦାଜରେ ଫେରିବେ ଶାହାରୁଖ, ବିଗ୍ ବଜେଟ୍‌ର କ୍ଲାସିକ୍ ଷ୍ଟୋରୀ ଉପରେ ନଜର ଦୁଇ ସୁପରଷ୍ଟାରଙ୍କ ସହ ଜଡିତ ହେବା ସତ୍ତ୍ୱେ, ନୀଲମ କୌଣସି ଷ୍ଟାର ପରିବାରର ବୋହୂ ହୋଇପାରିଲେ ନାହିଁ। ପରେ, ସେ ବ୍ୟବସାୟୀ ରିଷି ସେଠିଆଙ୍କୁ ବିବାହ କରିଥିଲେ, କିନ୍ତୁ ସେହି ସମ୍ପର୍କ ଅଧିକ ଦିନ ତିଷ୍ଠି ପାରିଲା ନାହିଁ। ତା’ପରେ ୨୦୧୧ ମସିହାରେ, ନୀଲମ କୋଠାରୀ ଲୋକପ୍ରିୟ ଟିଭି ଅଭିନେତା ସମୀର ସୋନିଙ୍କୁ ବିବାହ କରିଥିଲେ ଏବଂ ତାଙ୍କ ଜୀବନରେ ଏକ ନୂତନ ଅଧ୍ୟାୟ ଆରମ୍ଭ କରିଥିଲେ। ଆଜି, ଏହି ଦମ୍ପତି ଖୁସିରେ ଏକାଠି ରହୁଛନ୍ତି।