ବିଜୟଙ୍କ ଟିଭିକେ ତାମିଲନାଡ଼ୁରେ ବିରୋଧୀଙ୍କୁ ହଟାଇ ଅଣ-ଦ୍ରାବିଡ଼ ସରକାର ଗଠନ କଲା

ଚେନ୍ନା,୦୫/୦୫;ଭାରତର ରାଜନୈତିକ ଇତିହାସରେ ୨୦୨୬ ମେ ୪ ତାରିଖ ଏକ ଐତିହାସିକ ଦିନ ହୋଇ ରହିବ । ପଶ୍ଚିମବଙ୍ଗରେ ମମତା ବାନାର୍ଜୀଙ୍କ ୧୫ ବର୍ଷର ଟିଏମ୍ସି ଦୁର୍ଗର ପତନ ଘଟାଇ ବିଜେପି ରାଜ୍ୟରେ ପ୍ରଥମଥର ପାଇଁ କ୍ଷମତା ଦଖଲ କରିବାର ସ୍ୱପ୍ନ ପୂରଣ କରିଛି । ତାମିଲନାଡୁରେ ସୁପରଷ୍ଟାର ବିଜୟଙ୍କ ଟିଭିକେ ସୁନାମୀରେ ଦ୍ରାବିଡ ଦଳ ଭାସିଯାଇଛନ୍ତି । ଦୀର୍ଘ ୬ ଦଶନ୍ଧୀରେ ପ୍ରଥମ ଥର ପାଇଁ ରାଜ୍ୟରେ ଅଣଦ୍ରାବିଡ ସରକାର ଗଠନ ହେବାକୁ ଯାଉଛି । ତାମିଲ ସୁପର୍ଷ୍ଟାର୍ ବିଜୟଙ୍କ ଝଡ଼ରେ ଉଡ଼ିଗଲେ ଷ୍ଟାଲିନ । ଅଭିନେତାରୁ ରାଜନେତା ପାଲଟିଥିବା ଥାଲାପତି ବିଜୟ ତାମିଲନାଡୁରେ ରାଜ କରିବେ । ଚର୍ଚ୍ଚା ହେଉଛି କି ତାଙ୍କ ଲକି ସାବ୍ୟସ୍ତ ହେଲେ ଅଭିନେତ୍ରୀ ତ୍ରିଶା କ୍ରିଷ୍ଣନ୍ । ଟିଭିକେର ଏହି ସଫଳତା ପଛରେ ବିଜୟଙ୍କ ଗାର୍ଲଫ୍ରେଣ୍ଡ ବୋଲି କୁହାଯାଉଥିବା ତ୍ରିଶା କ୍ରିଷ୍ଣନ୍‌ଙ୍କୁ ଗୁରୁତ୍ୱପୂର୍ଣ୍ଣ ମନେ କରାଯାଉଛି । ତେବେ କଣ ତ୍ରିଶା କଣ ସକ୍ରିୟ ରାଜନୀତିରେ ଏଣ୍ଟ୍ରୀ କରିବେ କି ତାହା ଉପରେ ଏବେ ସମସ୍ତଙ୍କ ନଜର ଏହା ବି ପଢନ୍ତୁ...Auto Driver Vijay Dhamu: ରୟାପୁରମ୍ର ‘ଜନନାୟକ’ ସାଜିଲେ ଅଟୋ ଚାଳକ, ଥାଲାପତିଙ୍କ ଗୋଟିଏ ଆଲିଙ୍ଗନ ବଦଳାଇ ଦେଲା ଭାଗ୍ୟ ! ବିଜୟଙ୍କ ‘ଲେଡି ଲକ୍’ତ୍ରିଶା -ଥଲାପତି ବିଜୟ ତାମିଲନାଡୁ ରାଜନୀତିରେ ହିରୋ ଭଳି ଏଣ୍ଟ୍ରି କରିଛନ୍ତି । ତାଙ୍କ ଦଳ ଟିଭିକେ ଡିଏମ୍କେ ଏବଂ ଏଆଇଏଡିଏମ୍କେକୁ ଧରାଶାୟୀ କରିଦେଇଛି । ଟିଭିକେର ଏହି ସଫଳତା ପଛରେ ବିଜୟଙ୍କ ଗାର୍ଲଫ୍ରେଣ୍ଡ ବୋଲି କୁହାଯାଉଥିବା ତ୍ରିଶା କ୍ରିଷ୍ଣନ୍ଙ୍କୁ ଗୁରୁତ୍ୱପୂର୍ଣ୍ଣ ମନେ କରାଯାଉଛି । ଏପରିକି କିଛି ତାଙ୍କୁ ବିଜୟଙ୍କ ‘ଲେଡି ଲକ୍’ ଭାବେ ସମ୍ବୋଧନ କରୁଛନ୍ତି । ଆଜି ତ୍ରିଶାଙ୍କର ଜନ୍ମଦିନ ଥିବାବେଳେ ନିର୍ବାଚନ ଫଳାଫଳ ସାମ୍ନାକୁ ଆସିବା ପୂର୍ବରୁ ସେ ତିରୁମାଳା ମନ୍ଦିର ଯାଇଥିଲେ । ଦର୍ଶନ ଏବଂ ପୂଜାର୍ଚ୍ଚନା ସାରି ବିଜୟଙ୍କ ଘରେ ପହଞ୍ଚି କିଛି ଘଣ୍ଟା ବିତାଇଥିଲେ । ୫୧ ବର୍ଷୀୟ ବିଜୟ ତାମିଲ ଫିଲ୍ମ ଜଗତର ବଡ଼ ଷ୍ଟାର ହୋଇଥିବାବେଳେ ତ୍ରିଶାଙ୍କୁ ‘କ୍ୱିନ୍ ଅଫ୍ ସାଉଥ୍ ଇଣ୍ଡିଆ’ ଭାବେ ସମ୍ବୋଧନ କରାଯାଏ । ଉଭୟ ପ୍ରାୟ ୫ଟି ଫିଲ୍ମରେ ଏକାଠି ନଜର ଆସିଛନ୍ତି । ସେଥିମଧ୍ୟରେ ୨୦୨୩ର ସୁପରହିଟ୍ ଫିଲ୍ମ ‘ଲିଓ’ ସାମିଲ । ସେହି ସମୟରେ ବିଜୟଙ୍କର ପତ୍ନୀ ସଙ୍ଗୀତା ସୋମାଲିଙ୍ଗମ ଛାଡ଼ପତ୍ର ଲାଗି କୋର୍ଟରେ ମାମଲା ଲଢ଼ୁଥିଲେ । ନିଜର ଆବେଦନରେ ସେ ବିଜୟଙ୍କ ବିରୋଧରେ ବିବାହତ୍ତୋର ସଂପର୍କର ଅଭିଯୋଗ ଆଣିଥିଲେ । ଅବଶ୍ୟ ସେ କାହାରି ନାମକୁ ସ୍ପଷ୍ଟ ଭାବେ ନେଇନଥିଲେ । ବିଜୟ ଏବଂ ସଙ୍ଗୀତା ୧୯୯୯ରେ ବିବାହ କରିଥିଲେ । ସେମାନଙ୍କର ୨ ଜଣ ସନ୍ତାନ ଅଛନ୍ତି । ନିକଟରେ ଛାଡ଼ପତ୍ର ସଂପର୍କରେ ଘୋଷଣା ପରେ ବିଜୟ ଗାର୍ଲଫ୍ରେଣ୍ଡ ତ୍ରିଶାଙ୍କ ସହିତ ଏକ ସାର୍ବଜନୀନ କାର୍ଯ୍ୟକ୍ରମରେ ନଜର ଆସିଥିଲେ । ଏହାଦ୍ୱାରା ସେମାନେ ସଂପର୍କକୁ ଅଫିସିଆଲ କରିଥିବା କୁହାଯାଉଛି । ​​​​​​​କହି ରଖୁଛି କି,ତାମିଲନାଡୁ ବିଧାନସଭା ନିର୍ବାଚନରେ ଡେବ୍ୟୁ ସହିତ ଟିଭିକେ ମୁଖ୍ୟ ଥଲାପତି ବିଜୟ ଦୁଇଟି ସିଟ୍‌ରୁ ନିର୍ବାଚନ ଲଢ଼ିଥିଲେ । ସୌଭାଗ୍ୟକୁ ଉଭୟ ଆସନ ପେରାମ୍ବୁର ଏବଂ ତ୍ରିଚି ଇଷ୍ଟରୁ ସେ ଜିତାପଟ ହାସଲ କରିଛନ୍ତି । ପେରାମ୍ବୁର ଆସନରେ ସେ ୨ ଥର ଡିଏମ୍‌କେ ବିଧାୟକ ରହିଥିବା ଆର୍ଡି ଶେଖରଙ୍କୁ ୫୩ ହଜାର ଭୋଟରେ ହରାଇଛନ୍ତି । ସେହିପରି ତ୍ରିଚି ଇଷ୍ଟରେ ସେ ଡିଏମ୍‌କେର ଇନିଗୋ ଇରୁଦୟାରାଜଙ୍କୁ ୨୭,୪୧୬ ଖଣ୍ଡ ଭୋଟରେ ହରାଇଛନ୍ତି । ଉଭୟ ସିଟ୍‌ରେ ୨୨ ରାଉଣ୍ଡ ଗଣନା ହୋଇଥିଲା । ଏହାପରେ ଆଇନ ଅନୁସାରେ ବିଜୟଙ୍କୁ ୧୪ ଦିନ ମଧ୍ୟରେ ଏଥିମଧ୍ୟରୁ ଯେକୌଣସି ଆସନକୁ ଛାଡି଼ବାକୁ ପଡି଼ବ । ସେହି ଆସନରେ ଆସନ୍ତା ୬ ମାସ ମଧ୍ୟରେ ଉପନିର୍ବାଚନ ଅନୁଷ୍ଠିତ ହେବ । ତାମିଲନାଡୁରେ ୨୩୪ ଆସନରୁ ଟିଭିକେ ୧୦୭ ସିଟ୍ ହାତେଇଛି ।