ବୃଦ୍ଧି ପାଉଥିବା ଉତ୍ତେଜନା ମଧ୍ୟରେ ହରମୁଜ ଜଳପ୍ରବାହରେ ଯୁଦ୍ଧ ଜାହାଜ ମୁତୟନ କଲା ଭାରତ

ନୂଆଦିଲ୍ଲୀ: ପଶ୍ଚିମ ଏସିଆରେ ବଢୁଥିବା ଯୁଦ୍ଧ ପରିସ୍ଥିତି ଏବଂ ହର୍ମୁଜ ପ୍ରଣାଳୀ ଦେଇ ଯାତାୟାତରେ ସୃଷ୍ଟି ହୋଇଥିବା ବିପଦକୁ ଦୃଷ୍ଟିରେ ରଖି ଭାରତୀୟନୌସେନାଓମାନ ସାଗର ଏବଂ ଆରବ ସାଗରରେ ନିଜର ଶକ୍ତି ବୃଦ୍ଧି କରିଛି। ବିଶ୍ୱର ଏହି ସବୁଠାରୁ ଗୁରୁତ୍ୱପୂର୍ଣ୍ଣ ଜଳପଥ ପ୍ରାୟତଃ ବନ୍ଦ ହୋଇଯାଇଥିବାରୁ ଭାରତୀୟ ପତାକାଧାରୀ ପ୍ରାୟ ୨୨ଟି ବାଣିଜ୍ୟିକ ଜାହାଜ ଏବଂ ୧,୧୦୦ରୁ ଅଧିକ ନାବିକ ସେଠାରେ ଅଟକି ରହିଛନ୍ତି। ଏହି ଜଟିଳ ସମୟରେ ଭାରତ କୌଣସି ଅନ୍ତର୍ଜାତୀୟ ମେଣ୍ଟରେ ସାମିଲ ନହୋଇ ନିଜର ‘ରଣନୈତିକ ସ୍ୱାଧୀନତା’ ବଜାୟ ରଖିଛି ଏବଂ ଅପରେସନ୍ ସଂକଳ୍ପ ଅଧୀନରେ ଅନେକ ଅତ୍ୟାଧୁନିକ ଯୁଦ୍ଧଜାହାଜ ମୁତୟନ କରିଛି। US Iran war: ଇରାନ ଯୁଦ୍ଧର ଖର୍ଚ୍ଚ ବହନ କରିବା ପାଇଁ ୨୦୦ ବିଲିୟନ ଡଲାର ମାଗିଲା ପେଣ୍ଟାଗନ ଏହି ରଣନୀତିକ ପଦକ୍ଷେପ କେବଳ ଭାରତର ଶକ୍ତିକୁ ପ୍ରଦର୍ଶନ କରୁନାହିଁ, ବରଂ ଦେଶର ଶକ୍ତି ନିରାପତ୍ତା ପାଇଁ ଏହା ଏକ ପ୍ରତିରକ୍ଷା ପ୍ରାଚୀର ସଦୃଶ କାର୍ଯ୍ୟ କରୁଛି। ନୌସେନାର ଏହି ମୁତୟନରେ ଆଇଏନ୍‌ଏସ୍ ସୁରଟ, ଆଇଏନ୍‌ଏସ୍ ଇମ୍ଫାଲ ଏବଂ ଆଇଏନଏସ୍ ବିଶାଖାପାଟଣା ଭଳି ଗାଇଡେଡ୍-ମିସାଇଲ୍ ଡେଷ୍ଟ୍ରୟର ସାମିଲ ହୋଇଛି। ଏହି ଯୁଦ୍ଧଜାହାଜଗୁଡ଼ିକ ହର୍ମୁଜ ପ୍ରଣାଳୀର ପୂର୍ବ ଭାଗରେ ରହି ଭାରତକୁ ଆସୁଥିବା ଇନ୍ଧନ ଓ ଏଲପିଜି ଟ୍ୟାଙ୍କରଗୁଡ଼ିକୁ ସୁରକ୍ଷିତ ଭାବେ ପହଞ୍ଚାଇବା କାର୍ଯ୍ୟ ସଂପନ୍ନ କରାଯାଉଛି। ନିକଟରେ ଏମଟି ଶିବାଲିକ, ନନ୍ଦା ଦେବୀ ଏବଂ ‘ଜଗ୍‌ ଲାଡକି’ ଭଳି ବଡ଼ ଜାହାଜକୁ ନୌସେନା ସଫଳତାର ସହ ସୁରକ୍ଷିତ ଜଳସୀମାକୁ ପହଞ୍ଚାଇଛି। ଏହା ସହିତ ଭାରତ ସରକାର ଇରାନ ସହ ସିଧାସଳଖ କୂଟନୈତିକ ଆଲୋଚନା ଜାରି ରଖିଛନ୍ତି, ଯାହାଫଳରେ ଭାରତୀୟ ଜାହାଜଗୁଡ଼ିକ ବିନା ବାଧାରେ ଯାତାୟାତ କରିପାରିବେ। Judgement: ଜବାବ ଦେବାକୁ କେଜ୍ରିୱାଲଙ୍କୁ ସମୟ ଦେଲେ ହାଇକୋର୍ଟ, ଏପ୍ରିଲ ୨ରେ ହେବ ଶୁଣାଣି ବର୍ତ୍ତମାନର ସ୍ଥିତି ଅତ୍ୟନ୍ତ ସମ୍ବେଦନଶୀଳ, କାରଣ ଭାରତ ଆବଶ୍ୟକ କରୁଥିବା ଅଶୋଧିତ ତୈଳର ୮୦% ରୁ ଅଧିକ ଆମଦାନୀ କରିଥାଏ। ଏହି ଜଳପଥରେ ସାମାନ୍ୟ ବାଧା ଭାରତର ଅର୍ଥନୀତି ଉପରେ ବଡ଼ ପ୍ରଭାବ ପକାଇପାରେ। ଡିଜି ସିପିଂ ସମସ୍ତ ନାବିକଙ୍କ ସୁରକ୍ଷା ଉପରେ ନଜର ରଖିଥିବାବେଳେ,ନୌସେନାର ଏହି ସୁରକ୍ଷା କବଚ ସମୁଦ୍ରରେ ଭାରତର ସ୍ୱାର୍ଥ ରକ୍ଷା କରିବାରେ ପ୍ରମୁଖ ଭୂମିକା ଗ୍ରହଣ କରୁଛି।