ଭଗବାନ ପ୍ରମୋଦଙ୍କ ଉଦ୍ୟାନ ପରିବର୍ତ୍ତନ ପ୍ରତିବାଦ ଏବଂ ବ୍ୟାଘାତ ସୃଷ୍ଟି କରିଛି

ପୁରୀ, ୦୫/୦୫: ମହାପ୍ରଭୁଙ୍କ ପ୍ରମୋଦ ଉଦ୍ୟାନକୁ ବିବାହ ମଣ୍ଡପ କରିଦେଲେ । ଯେଉଁଠି ଦିନେ ତୁଳସୀ, ଦୟଣା, ମଲ୍ଲୀ, ମାଳତି ହେଉଥିଲା³ ତାହାକୁ ନଷ୍ଟ କରି ବିବାହ ମଣ୍ଡପ ନିର୍ମାଣ ସହ ଭୋଜିଭାତର ଆସର ଜମୁଛି । ସୋମବାର ଜଗନ୍ନାଥ ବଲ୍ଲଭ ମଠ ସଂଲଗ୍ନ ପ୍ରମୋଦ ଉଦ୍ୟାନ ପରିସରରେ ବିବାହ ମଣ୍ଡପ ସହ ଟେଣ୍ଟ ବାନ୍ଧି କରି ଭୋଜିର ଆୟୋଜନ ହୋଇଥିଲା । ଏହା ଜଣାପଡ଼ିବା ପରେ କିଛି ବୁଦ୍ଧିଜୀବୀ ବିରୋଧ କରିଥିଲେ । ଲୋକଙ୍କ ବିରୋଧକୁ ଦେଖି ବାଧ୍ୟ ହୋଇ ବିବାହ ଓ ଭୋଜି ଆୟୋଜନ ବନ୍ଦ ହୋଇଥିଲା । ଟେଣ୍ଟ ଖୋଲିବାକୁ ଆୟୋଜନକାରୀ ବାଧ୍ୟ ହୋଇଥିଲେ । ୨୦୧୮ରେ ମହାପ୍ରଭୁଙ୍କ ତୁଳସୀ ଉଦ୍ୟାନକୁ ନଷ୍ଟ କରି ହୃଦୟ ଯୋଜନାରେ ପ୍ରଶାସନ ପାର୍କ ଓ ପୁଷ୍କରିଣୀ ଉନ୍ନତୀକରଣ କରିବାକୁ ପଦକ୍ଷେପ ନେଇଥିଲା । ହେଲେ ଅଧାରୁ ପ୍ରକଳ୍ପ ବନ୍ଦ ହୋଇଗଲା । ଫଳରେ ପ୍ରମୋଦ ଉଦ୍ୟାନରେ ତୁଳସୀ, ଦୟଣା, ମଲ୍ଲୀ, ମାଳତିକୁ ମାଟିରେ ମିଶାଇ ପ୍ରଶାସନର ସୁନ୍ଦର ଉଦ୍ୟାନ ନିର୍ମାଣ ଘୋଷଣା ଓ ପଦକ୍ଷେପ ଅଟକିଗଲା । ପରେ ୨୦୨୧ରେ ଅବଢ଼ା ଯୋଜନାରେ ଏହାର ବିକାଶ ନିମନ୍ତେ ପଦକ୍ଷେପ ନିଆଯିବ ବୋଲି ଘୋଷଣା କରାଗଲା । ଅଦ୍ୟାବଧି ତାହା ମଧ୍ୟ ବୁମେରାଂ ପାଲଟିଛି। ଏପର୍ଯ୍ୟନ୍ତ ଜଗନ୍ନାଥ ବଲ୍ଲଭ ମଠର ଏହି ପ୍ରମୋଦ ଉଦ୍ୟାନ ତାହାର ପ୍ରାଚୀନ ଓ ଗରିମା ଫେରି ପାଇଲା ନାହିଁ । ସେପଟେ ବାରମ୍ବାର ଏହି ଉଦ୍ୟାନ ପରିସରରେ ବିଭିନ୍ନ ପ୍ରଭାବଶାଳୀ ଲୋକେ ଭୋଜିଭାତର ଆୟୋଜନ କରୁଛନ୍ତି । ସୋମବାର ମଧ୍ୟ ଏକ ବିବାହ ଉତ୍ସବ ଓ ଭୋଜି ଆୟୋଜନ ନିମନ୍ତେ ଟେଣ୍ଟ ହୋଇଥିଲା । ଏହା ଜାଣିବା ପରେ ଏହାକୁ ବିରୋଧ କରାଯାଇଥିଲା । ଫଳରେ ଟେଣ୍ଟ ଖୋଲିବାକୁ ଭୋଜି ଆୟୋଜନକାରୀ ବାଧ୍ୟ ହୋଇଥିଲେ । ଭୋଜି ଆୟୋଜନ ବାବଦରେ ଜଗନ୍ନାଥ ବଲ୍ଲଭ ମଠ ଇନ୍ସପେକ୍ଟରଙ୍କୁ ପଚାରିବାରେ ଜଣେ କର୍ମଚାରୀ କରୁଛନ୍ତି ବୋଲି କହିଥିଲେ। ଏଥିନିମନ୍ତେ ଅନୁମତି ପ୍ରଶାସନ ଦେଇଛି କି ବୋଲି ପଚାରିବା ପରେ ବିରୋଧକୁ ଦୃଷ୍ଟିରେ ରଖି ଟେଣ୍ଟ ଖୋଲିବାକୁ ବାଧ୍ୟ ହୋଇଥିଲେ । ଯେଉଁଠି ମହାପ୍ରଭୁଙ୍କ ପ୍ରମୋଦ ଉଦ୍ୟାନରେ ବିଭିନ୍ନ ନୀତି ଓ ଲୀଳା ସମ୍ପାଦିତ ହେଉଛି, ତାହାକୁ ସୁରକ୍ଷିତ କରାନଯାଇ ଆମିଷ ଭୋଜିଭାତର ଆୟୋଜନ କରାଯିବା ପରିତାପର ବିଷୟ । ଏଠାରେ ପ୍ରଶାସନ ଦେବଦେବୀ ଓ ମହାପ୍ରଭୁଙ୍କ ବିଭିନ୍ନ ପ୍ରତିମୂର୍ତ୍ତି ଲଗାଇ ଏହାର ଯତ୍ନ ଏବଂ ସୁରକ୍ଷା ଦାୟିତ୍ୱ ଦେଉନି। ଏସବୁ ଦାୟିତ୍ୱହୀନତା ଅକ୍ଷମଣୀୟ ବୋଲି ଆମ୍ ଆଦ୍ମୀ ପାର୍ଟି ପୁରୀ ଜିଲ୍ଲା ସଭାପତି ସଞ୍ଜୀବ ମହାନ୍ତି କହିଛନ୍ତି । ଅଧିକ ପଢ଼ନ୍ତୁ :-ରଥଖଳା ହାଲ୍‌ଚାଲ୍: ଭଉଁରୀ ଯାତ୍ରାରେ ଚକ ଅଖ ସଂଯୋଗ ଟାଗେର୍ଟ, ନାହାକା ଅଖ ତିଆରିରେ ବ୍ୟସ୍ତ ବିଶ୍ୱକର୍ମା ସୂଚନା ଥାଉକି, ଜଗନ୍ନାଥ ବଲ୍ଲଭ ମଠ ପରିଚାଳନା ଦେବୋତ୍ତର ବିଭାଗ ଦ୍ୱାରା ହେଉଛି । ନିକଟରେ ଏହାର ମଧ୍ୟବର୍ତ୍ତୀ କାଳିନ ପରିଚାଳନା ବୋର୍ଡ ମଧ୍ୟ ଗଠନ ହୋଇଛି । ପ୍ରମୋଦ ଉଦ୍ୟାନ ସମ୍ପତ୍ତି ଉପରେ ଶ୍ରୀଜଗନ୍ନାଥ ମନ୍ଦିର ପ୍ରଶାସନ କବ୍ଜା ରହିଛି । ଅଥଚ ଏଠାରେ ଥିବା ବେଣ୍ଟ ପୋଖରୀ, ଉଦ୍ୟାନ ଓ ଅନ୍ୟ ପୁଷ୍କରିଣୀଗୁଡ଼ିକର ଯତ୍ନ ନେଉନି । ପ୍ରମୋଦ ଉଦ୍ୟାନ ରକ୍ଷଣାବେକ୍ଷଣ ଦାୟିତ୍ୱ ପ୍ରତି ପ୍ରଶାସନ ଗୁରୁତ୍ୱ ଦେଉନଥିବାରୁ ଏହା ଅବହେଳିତ ଓ ବିପର୍ଯ୍ୟସ୍ତ ଅବସ୍ଥାରେ ପଡ଼ିଛି ।