ଭୋଙ୍ଗରି ଯାତ୍ରା ପାଇଁ ଶ୍ରୀ କ୍ଷେତ୍ର ଖାଲାଙ୍କ ଚାରୋଇଟ୍ ପ୍ରସ୍ତୁତି ଚାଲିଛି

ପୁରୀ,୦୫/୦୫: ଶ୍ରୀକ୍ଷେତ୍ରରେ ରଥ ଖଳା ଚଳଚଞ୍ଚଳ । ଭଉଁରୀ ଯାତ୍ରାରେ ଚକ ଅଖ ସଂଯୋଗ ହେବ । ସୋମବାର ଅଖ କାର୍ଯ୍ୟ ଆରମ୍ଭ ହୋଇଛି । ଅପରାହ୍ଣରେ ରଥ ଅଖ କାମ ଅନୁକୂଳ ହୋଇଛି । ମହାପ୍ରଭୁଙ୍କ ମାଳ ମାହାର୍ଦ୍ଦ ସମର୍ପଣ କରି ତିନି ରଥର ମୁଖ୍ୟ ବିଶ୍ୱକର୍ମା ନାହାକା ଅଖ ତିଆରି ଆରମ୍ଭ କରିଛନ୍ତି । ଅଖର ଦୁଇ ପାଶ୍ୱର୍ରେ ବାରିସି ଚଳାଇ ଗୋଲେଇ କରୁଛନ୍ତି । ପ୍ରତି ରଥର ନାହାକା ଅଖ କାମ ଚାଲିଛି । ଧଉରା କାଠରେ ତିଆରି ହେଉଛି ଅଖ । ରଥ ଖଳାରେ ଚାଲିଛି ଚକ ନିର୍ମାଣ । ସନ୍ଧ୍ୟା ସୁଦ୍ଧା ତିନି ରଥର ୧୭ଟି ଚକର ସିଙ୍ଗଡ଼ା ପ୍ରସ୍ତୁତି ଶେଷ ହୋଇଥିବା କହିଛନ୍ତି ଭୋଇ ସର୍ଦ୍ଦାର ରବି ଭୋଇ । ଖଳାରେ ନାହାକା ଚକରେ ପଇତା ପିନ୍ଧାଯାଉଛି । ପହିର ମଝି ଅଂଶରେ ଅଢେଇ ଇଞ୍ଚର ଏକ ବିଟ ଭଳି ଚକ୍ରାକାର ବଳୟ ହେଉଛି ‘ପଇତା’ । ବାରିସିରେ ହାଣି ନିପୁଣ ବିଶ୍ୱକର୍ମାମାନେ ଏହାକୁ ତିଆରିଛନ୍ତି । ପଇତା ଚକର ସୌନ୍ଦର୍ଯ୍ୟ ବୃଦ୍ଧି କରେ । ରଥତ୍ରୟର ନାହାକା ଚକ, ପଡ଼ିନାହାକା ଚକ ଶେଷ ହେଉଛି । ସିଙ୍ଗଡ଼ା ବାଡ଼ିଆ ଶେଷ ହୋଇ ସେଥିରେ ପନ୍ଦାରି ବଳା ବସି ଠେକ ତୁଲିଆ କାର୍ଯ୍ୟ ଚାଲିଛି । ବିଲେଇ ବାଡ଼ିଆ ପଦ୍ଧତିରେ ତିନି ରଥର ସମାନ୍ତରାଳ ଭାବେ ଚକ କାର୍ଯ୍ୟ ଶେଷ ହେଉଛି । ତିନି ରଥର ରୂପକାର ସେବକମାନେ ୫ଟି ଲେଖାଁଏ ଗୁଜରେ ନୃସିଂହ ରୂପ ଖୋଦେଇ କରୁଛନ୍ତି। ଆହୁରି ପଢ଼ନ୍ତୁ :-Rath Yatra 2026: ଆସନ୍ତା ୮ରେ ରଥଯାତ୍ରା ପ୍ରଥମ ସମନ୍ୱୟ ବୈଠକ, ବିଭିନ୍ନ ବିଭାଗ ମଧ୍ୟରେ ହେବ ଆଲୋଚନା ତାଳଧ୍ୱଜ ରଥର ସିଂହାସନ ଅପସରା ଓ ପରିଛା କାର୍ଯ୍ୟ ଆରମ୍ଭ ହୋଇଛି । ରଥର ସାଲଗୁଜ, ତୀଖଗୁଜ, ଜଳଯନ୍ତ୍ର ଚଉପଟ ଚାଲିଛି । ବିଶ୍ୱକର୍ମାମାନେ ଧଉରା କାଠ ଚଉପଟ କରି ଯୋଗାଉଛନ୍ତି । ରୂପକାର ସେଥିରେ ସିଂହବିରାଳ ମୂର୍ତ୍ତି ତିଆରିରେ ବ୍ୟସ୍ତ । ଚକ ପାଇଁ ଆବଶ୍ୟକ ଅର କଣ୍ଟା, ପନ୍ଦାରି ଓ ବଳା ଯୋଗାଚାଲିଛି । ଏସବୁକୁ ଶାଳରେ ତିଆର ବିଶ୍ୱକର୍ମାଙ୍କୁ ଯୋଗାଉଛନ୍ତି କମାର ସେବକ । ସିଙ୍ଗଡ଼ା ବାଡ଼ିଆ ପଦ୍ଧତିରେ ତୁମ୍ବ ସହ ଅର ଯୋଡ଼ି ରଥଖଳାକୁ ବୋହି ନେଉଛନ୍ତି ଭୋଇ ସେବକ । ଆଜି ୮ଟି ସିଙ୍ଗଡ଼ା ବାଡ଼ିଆ ଯାଇଛି । ରଥଖଳାରେ ବିଲେଇ ବାଡ଼ିଆ ପଦ୍ଧତିରେ ଚକ ପ୍ରସ୍ତୁତ ହେଉଛି । କମାର ଶାଳରେ ଓଝା ସେବକମାନେ ରଥର ଉଛୁଳା ଚକ ପାଇଁ ପନ୍ଦାରି ଏବଂ ବଳା ନିର୍ମାଣ କରୁଛନ୍ତି।