ଭାରତ ରାୟଗଡ଼ାରେ ନୂତନ ରେଳ ଡିଭିଜନ ପ୍ରତିଷ୍ଠା କଲା, ଆଞ୍ଚଳିକ ସଂଯୋଗକୁ ପ୍ରୋତ୍ସାହନ ଦେଲା

ଭୁବନେଶ୍ଵର, ୦୫/୦୫ : ରାୟଗଡ଼ାରେ ନୂଆ ରେଳ ଡିଭିଜନ । ଜୁନ ୧ରୁ କାର୍ଯ୍ୟକାରୀ ହେବ ରାୟଗଡା ଡିଭିଜନ । ଏନେଇ କେନ୍ଦ୍ର ସରକାରଙ୍କ ପକ୍ଷରୁ ଗେଜେଟ୍ ନୋଟିଫିକେସନ ଜାରି ହୋଇଛି । ଏହା ଓଡ଼ିଶାର ରେଳ ସଂଯୋଗ, ପରିବହନ ସୁବିଧା ଓ ଆର୍ଥିକ ଉନ୍ନତିକୁ ବୃଦ୍ଧି କରିବ। ଏହା ଛଡ଼ା, ଦକ୍ଷିଣ ତଟ ରେଳୱେ ମଧ୍ୟ ନୂତନ ଭାବେ ଆରମ୍ଭ ହେବ । ପୂର୍ବ ତଟ ରେଳବାଇ ଓ ଦକ୍ଷିଣ କେନ୍ଦ୍ର ରେଳ ତଟରୁ କିଛି ଅଂଚଳକୁ ନେଇ ଦକ୍ଷିଣ ତଟ ରେଳ କରାଯାଇଛି। ଏହି ନୂତନ ତଟ କାର୍ଯ୍ୟଳୟ ବିଶାଖାପାଟଣାରେ କରାଯାଇଛି । ଏହା ମଧ୍ୟ ଜୁନ ୧ରୁ କାର୍ଯ୍ୟକାରୀ ହେବା ନେଇ ଗେଜେଟ୍ ନୋଟିଫିକେସନ ଜାରି ହୋଇଛି। ୱାଲଟିଅର୍ ଡିଭିଜନକୁ ଦୁଇ ଭାଗ କରାଯାଇଛି । ଗୋଟିଏ ଭାଗ ରାୟଗଡ଼ା ଡିଭିଜନ ଯହା ପୂର୍ବ ତଟ ରେଳ ଅଧୀନରେ ରହିବ। ଆନ୍ୟ ଭାଗ ଦକ୍ଷିଣ ତଟ ବିଶାଖାପାଟଣା ଅଧୀନରେ ରହିଛି। ଏହି ଖବରଟିକୁ ପଢନ୍ତୁ-ଶ୍ରୀମେଟାଲିକ କାରଖାନାରେ ମେଣ୍ଟେନାନ୍ସ ବେଳେ ଦୁର୍ଘଟଣା, ୩ ଶ୍ରମିକ ମୃତ